នាំពលរដ្ឋវៀតណាមជាង ២៤០ នាក់ពីសឹង្ហបុរីមកប្រទេសដើម្បីគេចជំងឺរាតត្បាត-Tiếng Khmer 11/12/2020

ព័ត៍មាននៅក្នុងប្រទេស

១.ធានាសុវត្ថិភាពចរាចរណ៍និងការពារទប់ស្កាត់ជំងឺកូវីដ-៩ ក្នុងឆ្នាំថ្មី ២០២១

ថ្មីៗនេះ លោកនាយករដ្ឋមន្រ្តីបានចេញសារទូរលេខលេខ 1711/CĐ-TTg ស្តីអំពីការធានាសន្តិសុខ សណ្តាប់ធ្នាប់ និងសុវត្ថិភាពផ្សារភ្ជាប់នឹងការការពារ ទប់ស្កាត់ការរីករាលដាលនៃជំងឺកូវីដ-១៩ ក្នុងឱកាសបុណ្យចូលឆ្នាំថ្មីសកល និងបុណ្យចូលឆ្នាំថ្មីប្រពៃណីជាតិ ២០២១ ។

សារទូរលេខបានបញ្ជាក់ថា ឆ្នាំ ២០២០ ដោយមានការខិតខំប្រឹងប្រែងរបស់ប្រព័ន្ធនយោបាយទាំងមូល ក្នុងការប្តេជ្ញាចិត្តអនុវត្តឲ្យបានជោគជ័យនូវគោលដៅអមគឺ បន្តការពារ ទប់ស្កាត់នឹងការរីករាលដាលនៃជំងឺ COVID-១៩ និងអភិវឌ្ឍន៍សេដ្ឋកិច្ច-សង្គមកិច្ច,សកម្មភាពសេដ្ឋកិច្ច សង្គមកិច្ច និងគមនាគមន៍ក្នុងស្រុកកំពុងស្តារឡើងវិញជាបណ្តើរ ៗ ហើយ ព្យាករណ៍ថានិន្នាការនឹងមានកំណើនខ្លាំង, ពិសេសគឺក្នុងឱកាសបុណ្យចូលឆ្នាំថ្មីសកល និង បុណ្យចូលឆ្នាំថ្មីប្រពៃណីជាតិ ២០២១ ខាងមុខ។

២.នាំពលរដ្ឋវៀតណាមជាង ២៤០ នាក់ពីសឹង្ហបុរីមកប្រទេសដើម្បីគេចជំងឺរាតត្បាត

បណ្តាស្ថាប័នមានសមត្ថកិច្ចវៀតណាម, ស្ថានទូតវៀតណាមប្រចាំនៅសិង្ហបុរី និងប៉ាស៊ីហ្វិកអ៊ែរឡាញ បានសហការជាមួយអាជ្ញាធរនៃប្រទេសសឹង្ហបុរី បានអនុវត្តជើងហោះហើរចំនួន ២ ដើម្បីនាំពលរដ្ឋវៀតណាមជាង ២៤០ នាក់មកពីប្រទេសសឹង្ហបុរីត្រឡប់មកប្រទេសវិញដែលក្នុងចំណោមនោះ មានកុមារអាយុក្រោម 18 ឆ្នាំ, អ្នកមានជំងឺប្រចាំកាយ, និស្សិត និងករណីលំបាកពិសេសផ្សេងទៀត។

៣.ដល់ឆ្នាំ ២០២២ វ៉ាក់សាំងការពារជំងឺកូវីដ- ១៩របស់វៀតណាមទើបបានលក់លើទូលំទូលាយ

យោងដំណឹងដែលបានផ្តល់នៅក្នុងកិច្ចប្រជុំរបស់គណៈកម្មាធិការ ការពារទប់ស្កាត់ជំងឺ រាតត្បាត គឺ អង្គភាព NANOGEN បានសហការជាមួយវិជ្ជាស្ថានពេទ្យយោធា នឹងជ្រើសរើសអ្នកស្ម័គ្រចិត្តជាផ្លូវការដើម្បីចូលរួមក្នុងដំណាក់កាលដំបូងនៃការសាកល្បងវ៉ាក់សាំងការពារជំងឺកូវីដ- ១៩ នៅទេសវៀតណាម។ ប្រសិនបើជំហានសាកល្បងបន្ទាប់អនុវត្តបានយ៉ាងរលូននោះ គឺដល់ត្រីមាសទី ២ ឆ្នាំ ២០២២ វៀតណាមទើបអាចផ្គត់ផ្គង់វ៉ាក់សាំង COVID-១៩ បានយ៉ាងទូលំទូលាយ។

៤.ជូនសំបុត្រយន្តហោះ សំបុត្រឡានជាង ៣.០០០ សន្លឹកដល់កម្មករត្រឡប់ទៅស្រុកទទួលឆ្នាំថ្មី

គណៈកម្មាធិការមជ្ឈឹមសម្ព័ន្ធយុវជនកុម្មុយនិស្តហូជីមិញបានឲ្យដឹងថា កម្មវិធី“ នាំយកបុណ្យចូលឆ្នាំថ្មីដល់ផ្ទះ” ឆ្នាំ ២០២១ នឹងជូនសំបុត្រយន្តហោះ, សំបុត្រឡានឥតគិតថ្លៃជាង ៣.០០០ សន្លឹក ជូននិស្សិតនិងកម្មករកម្មករ ត្រឡប់ទៅស្រុកកំណើតវិញទទួលឆ្នាំថ្មីប្រពៃណីជាតិ។

ព័ត៍មានអន្តរជាតិ

៥.ជប៉ុនត្រៀមដំឡើងកម្រិតថ្នាក់នាវាចម្បាំងដោយប្រព័ន្ធរ៉ាដាថ្មីមួយ

យោងតាមកាសែត Asahi បាន ឲ្យដឹងថា, រដ្ឋាភិបាលរបស់លោកនាយករដ្ឋមន្រ្តីជប៉ុន Yoshihide Suga គ្រោងនឹងអនុម័តលើសំណើរបស់ក្រុមប្រឹក្សាសន្តិសុខជាតិ ស្តីអំពីដំឡើងថ្នាក់រ៉ាដា Aegis មុនដំណាច់ឆ្នាំ ២០២០ រីឯព័ត៌មានលម្អិតដូចជាប្រភេទនាវាចម្បាំងត្រូវបានដំឡើងថ្នាក់ និងថវិការ នឹងត្រូវពិភាក្សានៅឆ្នាំក្រោយ។

៦.វ៉ាក់សាំង Covid-19 របស់ប្រទេសចិននឹងបានដល់ប្រទេសឥណ្ឌូនេស៊ីឡូត៍ទំនិញដំបូង

លោកប្រធានាធិបតីនៃប្រទេសឥណ្ឌូនេស៊ី Joko Widodo បានថ្លែងក្នុងកិច្ចប្រជុំតាមប្រព័ន្ធវីដេរអូថា វ៉ាក់សាំង Covid-19 ចំនួន ១,២ លានរង្វាស់ ផលិតដោយក្រុមហ៊ុនចិន Sinovac Biotech បានចូលក្នុងប្រទេសឥណ្ឌូនេស៊ីហើយ។ នេះជាវ៉ាក់សាំងដែលឥណ្ឌូនេស៊ីបានសាកល្បងតាំងពីខែសីហាមក។

៧.ធ្វើភីហ្សាពីពីអាហារដែលបានបោះបង់ចោល

Shuggie's ដែលជាអាជីវកម្មមួយបានចាប់ផ្តើមដំណើការនៅទីក្រុង San Francisco (សហរដ្ឋអាមេរិក) គ្រោងនឹងបង្ហាញនូវភីហ្សាពិសេសមួយ ដែលផលិតចេញពីអាហារដែលមិនសូវត្រូវបានគេប្រើប្រាស់ ឬបោះបង់ចោល។ លោក David Murphy ចុងភៅរបស់ Shuggie បាននិយាយថាគ្រឿងផ្សំដូចជាគ្រឿងក្នុងសត្វ, បន្លែមិនស្រស់, ធញ្ញជាតិនៅសល់នឹងត្រូវបានប្រើប្រាស់ដើម្បីរៀបធ្វើអាហារនេះ។

BẢO ĐẢM AN NINH LƯƠNG THỰC QUỐC GIA

ធានាសន្តិសុខស្បៀងអាហារជាតិ

ថ្មីៗនេះ លោកនាយករដ្ឋមន្ត្រី បានប្រកាសឲ្យប្រើនូវផែនការធ្វើសកម្មភាពអនុវត្តនូវសេចក្តីសង្ខេបលេខ 81-KL/TW ចុះថ្ងៃទី 29-7-2020 របស់ការរិយាល័យនយោបាយ ស្តីអំពីបញ្ហាធានាសន្តិសុខស្បៀងអាហារជាតិ ដល់ឆ្នាំ ២០៣០។

រដ្ឋាភិបាល បានតម្រូវត្រូវអនុវត្តឲ្យបានដាច់ខាត និងលើកកម្ពស់ការយល់ដឹង ស្តីអំពីសន្តិសុខស្បៀងអាហារជាតិក្នុងស្ថានភាពថ្មី, ត្រូវចាត់ទុកការធានាសន្តិសុខស្បៀងអាហារជាតិ គឺជាភារកិច្ចដ៏សំខាន់ពិសេសក្នុងដំណាក់កាលឧស្សាហូបនីយកម្ម និងទំនើបកម្មប្រទេសជាតិ, ធានានូវភាពស្ថិរភាព និងអភិវឌ្ឍន៍ប្រទេសជាតិដោយចិរភាព។ បន្តអនុវត្តឲ្យបានដាច់ខាតនិងទូលំទូលាយក្នុងបក្សទាំងមូល, ប្រជាជនទាំងមូល ស្តីអំពីទីតាំង តួនាទី និងសារសំខាន់នៃការធានាសន្តិសុខស្បៀងអាហារជាតិ។ បង្កើនការដឹកនាំរបស់បក្ស និងការណែនាំរបស់បក្ខភាគ និងរដ្ឋអំណាចគ្រប់លំដាប់ថ្នាក់  ស្តីអំពីកិច្ចការធានាសន្តិសុខស្បៀងអាហារដល់ប្រជាជន និងតំបន់នានាលើទូទាំងប្រទេស។ រៀបចំផលិតកម្មឡើងវិញ, ជំរុញឲ្យបានខ្លាំងនូវយន្តូបនីយកម្ម, អូតូមាទីកម្មផលិតកម្ម, ផ្សារភ្ជាប់នឹងការកែច្នៃ, ប្រើប្រាស់ស្បៀងអាហារ តាមទិសបង្កើនការសហប្រតិបត្តិការ, ចងសម្ព័ន្ធផលិតកម្មដោយប្រមូលផ្តុំ, ទ្រង់ទ្រាយធំ, គ្រប់គ្រងឲ្យបានស្អិតរមួតនូវបណ្តាញតម្លៃកសិផល។ តាមដានឲ្យបានស្អិតរមួតនូវស្ថានភាពផលិតកម្ម អាជីវកម្ម, វាយតម្លៃប្រចាំនូវតម្រូវការខាងស្បៀងអាហារក្នុងទូទាំងប្រទេស និងលើពិភពលោក សម្រាប់ដំណៅទិស និងមានយុទ្ធសាស្ត្រសមស្រប។ បន្តអនុវត្តឲ្យមានប្រសិទ្ធិភាពនូវគម្រោងការពាណិជ្ជសញ្ញាអង្ករវៀតណាម និងយុទ្ធសាស្ត្រអភិវឌ្ឍន៍ទីផ្សារនាំចេញអង្ករ; រៀបចំការផលិតស្រូវអង្ករតាមតំបន់ឯកទេសវប្បកម្ម, អភិវឌ្ឍន៍បណ្តាតំបន់ដាំដុះដំណាំស្រូវសំខាន់ៗ នៅតំបន់នានា ដែលមានប្រៀបខ្លាំងខាងដាំដុះដំណាំប្រមូលផ្តុំ សម្រាប់សាងសង់សំណង់ហេដ្ឋារចនាសម្ព័ន្ធក្នុងពេលតែមួយ។

ក៏យោងតាមផែនការរបស់រដ្ឋាភិបាល នឹងបន្តអភិវឌ្ឍន៍បណ្តាញចរាចរណ៍ស្បៀងអាហារ បង្ករលក្ខណៈងាយស្រួលដល់អតិថិជន ឲ្យមានលទ្ធភាពបានប្រើប្រាស់ផលិតផលគ្រប់គ្រាន់ក្នុងគ្រប់កាលៈទេសៈ។ អភិវឌ្ឍន៍នូវបណ្តាញព័ត៍មានស្តីអំពីសន្តិសុខស្បៀងអាហារ ព្យាករណ៍ស្តីអំពីការផលិត និងលក់ចេញស្បៀងអាហារ សម្រាប់ប្រសិនជាចាំបាច់ នឹងមានដំណោះស្រាយចែកចាយ ឧបត្ថម្ភបានទាន់ពេលវេលា និងត្រឹមត្រូវតាមមនុស្ស។

ហើយបានដឹងថា លោកនាយករដ្ឋមន្ត្រី ទើបបានចុះហេត្ថលេខា លើសេចក្តីសម្រេច បញ្ចេញអង្ករជិត ៣.៦០០ តោន ពីប្រភពអង្ករស្តុកទុកជាតិ ដល់ ២ ខេត្ត គឺខេត្ត Quảng Bình និងខេត្ត Quảng Ngãi សម្រាប់ជំនួយដល់ប្រជាជនដែលត្រូវរងផលអាក្រក់មកពីគ្រោះមហន្តរាយធម្មជាតិ។ ហើយលោកនាយករដ្ឋមន្ត្រី ក៏បានសម្រេចចិត្តបញ្ចេញនិងផ្តល់ដោយមិនយកលុយដល់ក្រសួងនគរបាលនូវរថយន្តពិសេសចំនួន ៤គ្រៀង, ឡានពេទ្យបណ្តោះអាសន្នចំនួន ៨គ្រឿង និងរថយន្តភ័ស្តុភាសម្រាប់បម្រើការប្រយុទ្ធចំនួន ១០គ្រឿង និងអំពូលភ្លើងចល័តចំនួន ៣៤ សម្រាប់បម្រើកិច្ចការជួយសង្គ្រោះបន្ទាន់ និងតាមបណ្តាខេត្តភាគកណ្តាល៕

 

 

 

 

VOH

Bình luận

Cùng chuyên mục

Đọc Báo