បន្ថយថ្លៃបង់អគ្គិសនីជូនអតិថិនដែលត្រូវរងផលប៉ះពាល់មកពីកូវីដ១៩ -Tiếng Khmer 11/06/2021

XUẤT KHẨU CÁ TRA PHỤC HỒI

ការនាំចេញត្រីប្រាត្រូវបានស្តារឡើងវិញ

យោងតាមសមាគមកែច្នៃនិងនាំចេញគ្រឿងជលផលវៀតណាម (VASEP) បានអោយដឹងថា បន្ទាប់ពីមានវ៉ាក់សាំងប្រឆាំងនឹងការរាត្បាតនៃជំងឺកូវីដ-១៩នោះ គឺទំនាក់ទំនងពាណិជ្ជកម្មរបស់ប្រទេសជាច្រើនបានរីកចម្រើន ដូច្នេះការនាំចូលគ្រឿងជលផលពីប្រទេសវៀតណាមក៏កើនឡើងផងដែរ។

គិតដល់ចុងខែឧសភាឆ្នាំ ២០២១,សរុបតម្លៃនាំចេញត្រីប្រា សម្រេចជាង ៦០០ លានដុល្លារអាមេរិក,គឺកើនជាង ១០% បើប្រៀបធៀបនឹងរយៈពេលដូចគ្នាក្នុងឆ្នាំ ២០២០ ។ បណ្តាប្រទេសដែលនាំចូលត្រីប្រាពីវៀតណាមយ៉ាងខ្លាំងគឺ ប្រទេស ចិន, សហរដ្ឋអាមេរិក ប្រេស៊ីល និងប្រទេសថៃ។ ដូចជាសរុបតម្លៃនាំចេញត្រីប្រា ទៅកាន់ប្រទេសប្រេស៊ីល សម្រេចបានប្រមាណ ២៧ លានដុល្លារ, ថៃ ២៦ លានដុល្លារ, ជាមួយកំណើន ៣៨,៧% និង ៨,៥% បើធៀបនឹងរយៈពេលដូចគ្នាកាលពីឆ្នាំមុន។ ទន្ទឹមនឹងនោះ ទីផ្សារសហរដ្ឋអាមេរិកក៏បានបង្កើនការនាំចូលត្រីប្រា របស់វៀតណាមចាប់ពីដើមឆ្នាំ ២០២១ ផងដែរ។ ក្នុងខែឧសភា តម្លៃនៃការនាំចេញត្រីប្រាទៅអាមេរិកបានកើនឡើងដល់ទៅជាង ១២០ ភាគរយ បើប្រៀបធៀបនឹងរយៈពេលដូចគ្នាកាលពីឆ្នាំមុន គឺសម្រេចបានជាង ៣៥ លានដុល្លារអាមេរិក។ ចាប់ពីចុងឆ្នាំ ២០២០ ចំនួនត្រីប្រានៅស្តុកឃ្លាំងនៅអាមេរិកមិនមានច្រើនទេ។ បរិមានត្រីប្រាក្នុងស្រុករបស់ប្រទេសនេះ ក៏ធ្លាក់ចុះផងដែរ។ ដោយហតុនេះហើយ ចាប់ពីដើមឆ្នាំ សហរដ្ឋអាមេរិកបានបង្កើនការនាំចូលត្រីប្រាក្លាសេមកវិញ ។ សរុបតម្លៃនៃការនាំចេញត្រីប្រាទៅកាន់ទីផ្សារហុងកុង (នៃប្រទេសចិន) នៅចុងខែឧសភានេះ សម្រេចបានប្រមាណ ១៤៦ លានដុល្លារអាមេរិកដែលស្មើនឹងជិត ២៤% នៃតម្លៃនាំចេញត្រីប្រាសរុបរបស់វៀតណាម។ ទីផ្សារនេះបានវិលត្រឡប់មករកទីតាំងឈានមុខគេនៅក្នុងទីផ្សារនាំចូលត្រីប្រាធំជាងគេ របស់សហគ្រាសវៀតណាម។

លោក Trương Tiến Dũng ជាអគ្គនាយកក្រុមហ៊ុនភាគហ៊ុនអាជីវកម្មគ្រឿងជលផល Sài Gòn (APT) បានចែករំលែកថា ការនាំចេញត្រីប្រា-ត្រីបាសា និងផលិតផលត្រីប្រាក្នុងរយៈពេល ៥ ខែដើមឆ្នាំនេះបានកើនឡើង ១០ ភាគរយបើប្រៀបធៀបនឹងរយៈពេលដូចគ្នាក្នុងឆ្នាំ ២០២០ ។ ដើម្បីទទួលបានលទ្ធផលនេះ ក្រុមហ៊ុន ត្រូវម្ចាស់ការពិភាក្សាជាមួយអតិថិជន ដើម្បីផលិតផលិតផលសមស្របសម្រាប់ទីផ្សារ, ជំនួសឱ្យការគ្រាន់តែផ្តល់ជូននូវផលិតផលដែលក្រុមហ៊ុនកំពុងផលិត។ ផ្តើមពីការផ្តល់ប្រឹក្សារបស់អ្នកនាំចូល, ក្រុមហ៊ុនក៏ក្តាប់បាននូវចំណូលថ្មីរបស់អតិថិជនលើពិភពលោក, បង្កើនការផលិតផលិតផលកែច្នៃថ្មីៗដូចជា៖ ត្រីងៀត, ប្រហិតត្រី, នំមានស្នូលធ្វើពីសាច់ត្រី... ផ្តើមពីនេះហើយ ប្រាក់ចំណេញកាន់តែប្រសើរជាងមុន។

ជាមួយនឹងផលិតផលទាំងនេះ អ្នកប្រើប្រាស់អាចប្រើបានភ្លាមៗ ឬដាក់កម្តៅវានៅក្នុងមីក្រូវ៉េវគឺហូបបានហើយ។ មិនត្រឹមតែទីផ្សារនៅអាស៊ីទេ, ត្រីប្រា និងត្រីបាសាងៀតរបស់ក្រុមហ៊ុន ក៏ត្រូវបានបញ្ជាទិញដោយអតិថិជននៅប្រទេសហូឡង់ផងដែរ គឺគ្រាន់តែរង់ចាំអាជ្ញាប័ណ្ណបន្ថែមលើបញ្ជីផលិតផលនាំចេញដូចដែលបានកំណត់ព្រោះនេះជាផលិតផលថ្មី។

លោក Trương Đình Hòe ជាអគ្គលេខាធិការក្រុមហ៊ុន VASEP បានព្យាករណ៍ថាការនាំចេញត្រីប្រានឹងបន្តកើនឡើងល្អក្នុងរយៈពេលខាងមុខនេះ ដោយសារការនាំចូលប្រទេសដែលមាបការគ្រប់គ្រងជំងឺរាតត្បាតបានល្អ។ក៏ប៉ុន្តែ វត្ថុធាតុដើមសម្រាប់រោងចក្រកែច្នៃកំពុងប្រឈមនឹងកង្វះខាត មកពីរដូវកាលចិញ្ចឹមត្រីមានរយៈពេលពី ៧-៨ ខែ, មិនអាចកើនឡើងយ៉ាងឆាប់រហ័សទេ។ បច្ចុប្បន្នផ្នែកត្រីប្រា មានវត្ថុធាតុដើមជាង ៦០ ភាគរយ ត្រូវបានម្ចាស់ក្រុមហ៊ុនម្ចាស់ការចិញ្ចឹម បានជាមានផែនការប៉ាន់ស្មានសម្រាប់ទីផ្សាស្តារឡើងវិញ។

 

VOH

Bình luận

Đọc Báo