Tiếng Khmer 11/01/2021

ព័ត៍មាននៅក្នុងប្រទេស

១.រឹតបណ្តឹងការធ្វើចត្តាឡឺស័កប្រមូលផ្តុំ , ដាច់ខាតមិនបណ្តោយឲ្យជំងឺរីករាលទៅសហគមន៍

លោកនាយករដ្ឋមន្ត្រីទើបបានចុះហត្ថលេខាលើសារាចរណ៍ណែនាំលេខ 01/CT-TTg ស្តីអំពីការបង្កើនការការពារ ទប់ស្កាត់នឹងជំងឺរាតត្បាតកូវិដ-១៩។ យោងតាមនោះ លោកនាយករដ្ឋមន្ត្រីបានតម្រូវ៖ ក្រសួងការពារជាតិត្រូវដឹកនាំ និងសហការជាមួយក្រសួងនគរបាល,  គណៈកម្មាធិការប្រជាជនបណ្តាខេត្តជាប់ព្រំដែន សម្រាប់ណែនាំការបង្កើនការគ្រប់គ្រងតំបន់ព្រំដែន, រាំងខ្ទប់ការចូលប្រទេសដោយខុសច្បាប់ ពិសេសគឺនៅតាមបណ្តាផ្លូវលំ , ផ្លូវបើក ឬផ្លូវសមុទ្រ....បន្តគ្រប់គ្របឲ្យបានតឹងរឹងអ្នកចូលប្រទេស, ធានាការធ្វើចត្តាឡឺស័កឲ្យបានគម្រប់ ១៤ ថ្ងៃ និងគម្រប់រយៈពេលតាមដានសុខាភិបាលដោយប្រមូលផ្តុំតាមការកំណត់; ដាច់ខាតមិនត្រូវបណ្តោយឲ្យជំងឺឆ្លងរាលដាលក្នុងតំបន់ធ្វើចត្តាឡឺស័ក និងឆ្លងចូលសហគមន៍......។

២.មន្ទីរពេទ្យ Chợ Rẫy បានទទួលវិញ្ញាបនប័ត្រធ្វើតេស្តស្តង់ដាអន្តរជាតិ Westgard VP ទីបី

មន្ទីរពេទ្យ Chợ Rẫy ទើបបានទទួលបានវិញ្ញាបនប័ត្រទី ៣ ត្រឹមត្រូវតាមស្តង់ដារ Six Sigma ពី Westgard VP  សម្រាប់ប្រព័ន្ធធ្វើតេស្ត។ បានដឹងថា នេះជាលើកដំបូង ដែលប្រទេសវៀតណាម ដែលប្រព័ន្ធធ្វើតេស្តឈាម និងប្រព័ន្ធស៊ាំរបស់មន្ទីរពេទ្យបានទទួលវិញ្ញាបនប័ត្រនេះ។

បានដឹងថា វិញ្ញាបនប័ត្រ Westgard VP Six Sigma គឺជាវិញ្ញាបនប័ត្រមួយ ក្នុងចំណោមបណ្តាវិញ្ញាបនប័ត្រអន្តរជាតិ មានកិត្តិយានុភាពអំពីគុណភាពធ្វើតេស្ត។ បណ្តាបន្ទប់ពិសោធន៍ដែលត្រឹមត្រូវតាមស្តង់ដា Westgard VP នឹងបានបញ្ជាក់នូវភាពខុសប្លែករបស់ខ្លួន មកពីបានគោរពយ៉ាងតឹងរឹងនូវបណ្តាទម្រង់ការ ដែលត្រូវបានវាយតម្លៃដូចជាបន្ទប់ពិសោធន៍ត្រឹមត្រូវតាមស្តង់ដារអន្តរជាតិ។

3.ទីក្រុងហូជីមិញគ្រោងនឹងវិនិយោគទឹកប្រាក់ចំនួន ៣,៣០០ ពាន់លានដុងលើផ្លូវគមនាគមន៍ក្នុងឆ្នាំ ២០២១

លោក Luong Minh Phuc ប្រធានគណៈគ្រប់គ្រងគម្រោងសាងសង់បណ្តាសំណង់ចរាចណ៍នៅទីក្រុងហូជីមិញបានឱ្យដឹងថា ក្នុងឆ្នាំ ២០២១ ទីក្រុងហូជីមិញគ្រោងនឹងចាប់ផ្តើមដំណើការ ១៧ កញ្ចប់ម៉ៅការ និងដាក់ឱ្យប្រើប្រាស់ចំនួន ៤៥ សំណង់, ដកប្រាក់បាន ជាង ៩៥% នៃដើមទុនដែលបានប្រគល់សរុបក្នុងឆ្នាំ ២០២១ ប៉ាន់ស្មានចំនួន ៣ ពាន់លានដុង

៤.ចាប់បានករណីដឹកជញ្ជូនទំនិញរត់ពន្ធជិត ៩ តោន

កងទ័ពការពារព្រំដែនខេត្ត Quang Ninh បាន ឲ្យដឹងថា ក្រុមការងារពិសេសការពាររទប់ស្កាត់គ្រឿងញៀន និងបទឧក្រិដ្ឋ -នៃបញ្ជាការដ្ឋានការពារព្រំដែនខេត្ត Quang Ninh បានសហការជាមួយប៉ុស្តិ៍ការពារព្រំដែន Hải Hòa ចាប់បាន ៣ ករណី និងជនល្មើល  ២ នាក់ បានដឹកទំនិញជិត ៩ តោន គឺគ្រឿង អាហារគ្មានដើមប្រភពខុសច្បាប់ឆ្លងដែន។ ហើយបច្ចុប្បន្នប៉ុស្តិ៍នគរបាលការពារព្រំដែន Hải Hòa កំពុងចាត់ការតាមការកំណត់របស់ច្បាប់។

ព័ត៍មានអន្តរជាតិ

៥.ប្រទេសហូឡង់និងបែលហ្ស៊ិកដំណើការកម្មវិធីចាក់វ៉ាក់សាំង Covid-19

ប្រទេសហូល្លង់បានចាប់ផ្តើមកម្មវិធីចាក់វ៉ាក់សាំងការពារជំងឺ Covid-19 ដោយគោលដៅអាទិភាព  គឺបុគ្គលិកនៃមណ្ឌលថែទាំមនុស្សចាស់ និងអ្នកនៅជួរមុខប្រឆាំងនឹងជំងឺនឹងបានចាក់វ៉ាក់សាំងមុនគេ។ ក្នុងរយៈពេលជិតពីរសប្តាហ៍កន្លងមក ប្រទេសសមាជិកនៃសហភាពអឺរ៉ុបភាគច្រើន បានអនុវត្តកម្មវិធីចាក់វ៉ាក់សាំងការពារជំងឺ សម្រាប់ទប់ទល់នឹងការរីករាលដាលនៃជំងឺកូវីដ-១៩។

ប្រទេសបែលហ្ស៊ិកក៏បានដំណើការកម្មវិធីចាក់វ៉ាក់សាំងការពារជំងឺ កូវីដ-១៩ក្នុងទំហំធំ ដែលជាដំណាក់កាលដំបូង នៃកម្មវិធីនេះ, មណ្ឌលថែទាំមនុស្សចាស់ចំនួន ១៥៤ កន្លែងនៅក្នុងតំបន់ចំនួន ៣ នៃប្រទេសបែលហ្ស៊ិកនឹងត្រូវបានចាក់វ៉ាក់សាំងការពារជំងឺមុនគេ។

៦.ប្រទេសថៃគ្រោងនឹងសាងសង់មន្ទីរពេទ្យបណ្តោះអាសន្នមួយសម្រាប់ព្យាបាល Covid-19

រដ្ឋាភិបាលនៃប្រទេសថៃកំពុងពិចារណាលើទីតាំងមួយចំនួន ដើម្បីសាងសង់មន្ទីរពេទ្យនៅតាមបណ្តាខេត្តមួយចំនួន សម្រាប់ត្រៀមទប់ទល់នឹងការដែលអាចមានអ្នកជំងឺ Covid-19 ច្រើនបន្ថែមទៀត ក្នុងការផ្ទុះជំងឺដែលកំពុងកើតមានឡើង។

៧.ប្រទេសជប៉ុនឧបត្ថម្ភកម្មករនៃផ្នែកថែទាំសុខភាពអ្នកជំងឺ

ចាប់ពីខែមេសាឆ្នាំ ២០២១ តទៅ ទីក្រុងតូក្យូនៃប្រទេសជប៉ុន នឹងអនុវត្តនូវគោលនយោបាយឧបត្ថម្ភដល់ពលករ ដែលបានផ្លាស់ប្តូររបរទៅរកផ្នែកថែទាំសុខភាពអ្នកជំងឺ, ធ្វើការនៅក្នុងបណ្តាមូលដ្ឋានសុខុមាលភាពសង្គម ដោយស្ថិតក្នុងស្ថានភាពដែលជំងឺ Covid-19 កំពុងរីករាលដាល បានបណ្តលឲ្យកម្លាំងនេះត្រូវខ្វះខាតយ៉ាងខ្លាំង។

 

 

 

 

 

 

SIẾT AN TOÀN THỰC PHẨM DỊP CẬN TẾT

ត្រួតពិនិ្យឲ្យតឹងរឹងគ្រឿងឧបភោគបរិភោគនារយៈពេលជិតចូលឆ្នាំថ្មី

នៅតែជាងមួយខែទៀតទេត គឺចូលឆ្នាំថ្មីប្រពៃណីជាតិហើយ, ហើយបញ្ហាអនាម័យ និងសុវត្ថិភាពគ្រឿងឧបភោគបរិភោគ បានក្លាយជាបញ្ហាក្តៅគគុកតែម្តង គឺនៅពេលដែលតម្រូវការទំនិញនិងអាហារកើនឡើងខ្ពស់។ យោងតាមគណគ្រប់គ្រងសុវត្ថិភាពចំណីអាហាររបស់ទីក្រុងហូជីមិញ, គឺចាប់ពីពេលនេះ រហូតដល់ថ្ងៃជិតចូលឆ្នាំថ្មី កិច្ចការគ្រប់គ្រងសុវត្ថិភាពចំណីអាហារត្រូវតែបានពង្រឹងនិងរឹតបណ្តឹងជាងមុន។

នៅតាមផ្សារប្រពៃណីជាច្រើន អាហារដែលមានដើមប្រភព បានមានវត្តមានច្រើន និងបានលក់ក្នុងតម្លៃថោកគួរសម។ ប្រការនេះ បានលិចឡើងនូវហានិភ័យចំណីអាហារគ្មានសុវត្ថិភាពនាឱកាសបុណ្យចូលឆ្នាំថ្មីប្រពៃណីជាតិខាងមុខ។ យោងតាមលោកស្រី Phạm Khánh Phong Lan ជាប្រធានគណៈគ្រប់គ្រងសុវត្ថិភាពចំណីអាហារទីក្រុងហូជីមិញបានឱ្យដឹងថា ពីពេលនេះ ដល់ចុងខែមីនាឆ្នាំ ២០២១ នឹងបង្កើតបណ្តាក្រុមអធិការកិច្ចជំនាញ និងអន្តរផ្នែកថ្នាក់ទីក្រុង, ផ្តោតលើការត្រួតពិនិត្យបណ្តាសហគ្រាសផលិតកម្ម, កែច្នៃ, ធ្វើអាជីវកម្ម, សហគ្រាសនាំចូលអាហារ, ផ្សារលក់ដុំ, ផ្សារធំទំនើប, មជ្ឈមណ្ឌលពាណិជ្ជកម្ម និងកន្លែងលក់ចំណីអាហារ....។

ទន្ទឹមនឹងនោះ បណ្តាខណ្ឌស្រុកក្នុងភូមិសាស្ត្រទីក្រុងហូជីមិញ ក៏បានបង្កើតក្រុមអធិការកិច្ចអន្តរផ្នែកថ្នាក - ស្រុក ដោយផ្តោតលើការត្រួតពិនិត្យបណ្តាសិប្បកម្មផលិត, កែច្នៃអាហារ, ពាណិជ្ជកម្ម និងគ្រឹះស្ថានលក់ចំណីអាហារទំហំធំ ដែលជាអាជីវកម្មបែបគ្រួសារ។ សហការជាមួយបណ្តាក្រុមអធិការកិច្ចរបស់ទីក្រុង ដើម្បីពិនិត្យ និងដោះស្រាយការអនុវត្តបណ្តាបទកំណត់ខាងសុវត្ថិភាពចំណីអាហារនៅតាមផលិតកម្មកែច្នៃ ....ជាដើម។

សព្វថ្ងៃនេះ ប្រជាជនមានទម្លាប់ទិញអាហារតាមរយៈគេហទំព័រព័ត៌មានអេឡិចត្រូនិក, តាមបណ្តាញសង្គម ឬកំម៉ង់ online ។ ទិញអាហារបែបនេះ បានរួមចំណែក្នុងការការពារការរីករាលដាលនៃជំងឺ Covid-19 ប្រកបដោយប្រសិទ្ធភាព មកពីបានបន្ថយការប៉ះពាល់ផ្ទាល់, សន្សំបានសោហ៊ុយជាច្រើន ព្រមទាំងត្រូវបានប្រជាជនមួយចំនួនធំគាំទ្រ។ ក៌ប៉ុន្តែ ការ គ្រប់គ្រងគុណភាពផលិតផល នៅពេលទិញលក់បែបនេះ គឺជាបញ្ហាប្រឈមដ៏ធំមួយសម្រាប់បណ្តាស្ថាប័នមានសមត្ថកិច្ច, ពិសេស នៅពេលដែលផ្លូវច្បាប់មិនទាន់គ្រប់គ្រាន់។ សព្វថ្ងៃនេះ ហាងលក់ online ភាគច្រើន គ្មានវិញ្ញាបនបត្រសុវត្ថិភាពម្ហូបអាហារទេ។ ប្រការនេះមានន័យថា ពួកគាត់កំពុងល្មើសច្បាប់ ស្តីពីអាជីវកម្ម (គឺការលក់អាហារត្រូវតែមានមានលក្ខណៈគ្រប់គ្រាន់ខាងសុវត្ថិភាពអាហារ និងបំពេញកាតព្វកិច្ចបង់ពន្ធជូនរដ្ឋ)។

ប្រឈមនឹងបញ្ហាថា “ពិតនិងមិនពិតបានលាយឡំចូលគ្នា”នេះ គឺអាហារលក់ online និងដើម្បីធានាសុវត្ថិភាពចំណីអាហារ ក្នុងឱកាសបុណ្យចូលឆ្នាំថ្មីនោះ អតិថិជនគួរតែទិញ និងប្រើប្រាស់អាហារណាដែលមានប្រភពដើមច្បាស់លាស់, ត្រូវពិនិត្យឲ្យបានច្បាស់ស្លាកយីហោ, រក្សាអាហារឲ្យបានល្អ,  មិនប្រើអាហារផ្អូមជូរ ដុះផ្សិត, ដាច់ខាតមិនត្រូវប្រើល័ក្ខ, និងសារធាតុគីមីគ្មានឈ្មោះក្នុងបញ្ជីអនុញ្ញាត សម្រាប់ផលិត និងកែច្នៃចំណីអាហារឡើយ។

ក្រៅពីនេះ ដើម្បីការពារការរីករាលដាលនៃជំងឺ Covid-19 គណៈគ្រប់គ្រងសុវត្ថិភាពចំណីអាហារទីក្រុង បានផ្តល់អនុសាសន៍ដល់បន្ទប់បាយជាក្រុម ត្រូវរៀបចំអាហារតាមវេន, មិនត្រូវបរិភោគដោយមនុស្សច្រើន, ភោជនីយដ្ឋានក៏មិនត្រូវបម្រើមនុស្សបរិភោគអាហារក្នុងចំនួនច្រើនខ្លាំងពេកឡើយ, អ្នករត់តុ និងចុងភៅ បើសិនឃើញក្អក ឬគ្រុនក្តៅគួរតែសម្រាកនិងធ្វើតេស្តភ្លាម... ដើម្បីរួមចំណែកក្នុងការការពារមិនបណ្តោយឲ្យជំងឺរីករាលដាល់ឡើយ៕

 

 

 

 

VOH

Bình luận

Cùng chuyên mục

Đọc Báo