ព័ត៌មានក្នុងប្រទេស

1. នឹងប្រកាសផែនការឈប់សម្រាកអំណរឆ្នាំថ្មី និងលុយរង្វាន់នាពេលឆាប់ៗនេះ

សហព័ន្ធពលកម្មវៀតណាមបានជូនដំណឹងថា ក្នុងឱកាសអបអរសារទខួបលើកទី ៩០ឆ្នាំ ថ្ងៃបង្កើតបក្សកុម្មុយនិស្តវៀតណាម (ទី ២ ខែកុម្ភៈ ឆ្នាំ១៩៣០- ទី ៣ ខែកុម្ភៈឆ្នាំ ២០២០) និងអបអរសាទមហាសន្និបាតបក្សគ្រប់លំដាប់ថ្នាក់នោះ, ក្រុមប្រធានអគ្គសហព័ន្ធពលកម្មវៀតណាម នឹងរៀបចំព្រឹត្តិការណ៍ និងសកម្មភាពសំខាន់ៗចំនួន ២ ដើម្បីអបអរសាទររួមមាន៖ កម្មវិធីផ្លាស់ប្តូរសិល្បៈពិសេសក្រោមប្រធានបទ“ វណ្ណៈកម្មករវៀតណាមក្រោមទង់បក្សដ៏រុងរឿង”; “ លើកសរសើរសមាជិកចំនួន ៩០ រូបក្នុងនាមជាប្រធានសហជីពមូលដ្ឋានឆ្នើមនៅក្នុងសហគ្រាសឯកជន” និងសិក្ខាសាលាវិទ្យាសាស្ត្រ” តួនាទីរបស់សហជីពក្នុងការអភិវឌ្ឍបក្ខជន ជាកម្មករនៅក្នុង អាជីវកម្មដ្ឋានមិនមែនរដ្ឋ”។

២- មន្ទីរពេទ្យ Gia An 115  បានកំណត់ត្រាឯតទគកម្មប្រទេសវៀតណាមក្នុងការធ្វើរោគវិនិច្ឆ័យនិងព្យាបាលជំងឺដាច់សរសៃឈាមខួរក្បាល

មន្ទីរពេទ្យ Gia An 115  បានជូនដំណឹងថា អង្គភាពនេះ ទើបបានកត់ត្រានូវឯតគកម្មវៀតណាម ដែលជាអង្គភាពដំបូងនៅប្រទេសវៀតណាម បានផ្គំតំឡើង និងអនុវត្តប្រូក្រាមបញ្ញាសិប្បនិម្មិត Rapid ក្នុងការធ្វើរោគវិនិច្ឆ័យ និងព្យាបាលជំងឺដាច់សរសៃឈាមខួរក្បាល។ វាបានដឹងថាប្រូក្រាមនេះ ត្រូវបាវនអនុវត្តលើទូទាំងពិភពលោកហើយ ដែលមានមន្ទីរពេទ្យចំនួន ១២០០ ត្រូវបានតំឡើង នៅក្នុង ៤០ ប្រទេស ហើយបាននាំមកនូវប្រសិទ្ធិភាពក្នុងការព្យាបាលជំងឺជូនអ្នកជំងឺដាច់សរសៃឈាមខួរក្បាលប្រហែលជា ២៥០.០០០ នាក់។

3. និស្សិតធ្វើការបន្ថែមក្នុងថ្ងៃឈប់សម្រាកអំណរឆ្នាំថ្មី

ដើម្បីឆ្លើយតបនឹងតម្រូវការរបស់និស្សិត ក្នុងការស្វែងរកការងារបន្ថែម, ឆ្នាំនេះមជ្ឈមណ្ឌលទ្រទ្រង់និស្សិតទីក្រុងហូជីមិញ បានទាក់ទង និងបំផុសអង្គភាព និងអាជីវកម្មដ្ឋានបានចំនួន ៣០០ ដើម្បីជ្រើសរើសនិស្សិតចូលធ្វើការ;  ណែនាំការងារចំនួន ៣០០០​ ដល់សិស្សដែលត្រូវការ។ រដូវធ្វើការចាប់ផ្តើមពី 20-12-2019 ដល់ 1-2-2020។ មានការងារជាច្រើនដូចជា អ្នកគិតលុយ, លក់ទំនិញនៅផ្សារទំនើប, អ្នកបម្រើ, ជំនួយការផ្ទះបាយ, អ្នកយាមរថយន្ត, អ្នកចាំផ្ទះ ... ហើយប្រាក់ចំណូលជាមធ្យមគឺ ១៩,០០០ - ៥ ម៉ឺនដុង / ម៉ោង ឬ ១៤០,០០០ - ៤០០,០០០ ដុង / ថ្ងៃអាស្រ័យលើពេលវេលា,  និងចំនួនការងារ… ។

៤.កំចាត់បានបណ្តាញល្បែងស៊ីសងតាមអ៊ិនធរណេតមានលុយស៊ីសងរាប់រយលានដុង

យោងព័ត៌មានពីស្នងការដ្ឋាននគរបាលខេត្ត Hà Tĩnh  បានអោយដឹងថា ស្នងការនគបាលស៊ើបអង្គេតខេត្ត  បានសហការជាមួយអង្គភាពជំនាញ នៃក្រសួងនគរបាល និង នគរបាលនៃខេត្តក្រុងមួយចំនួន បានកំចាត់ដោយជោគជ័យ នូវបណ្តាញល្បែងស៊ីសងមួយ  បានរៀបចំក្នុងទ្រង់ទ្រាយធំ ដោយរូបភាពភ្នាល់តាមអ៊ីនធ័រណេត និងរឹបអូសវត្ថុតាងជាច្រើនទាក់ទងនឹងករណីនេះ ជាមួយនឹងទឹកប្រាក់លេងល្បែងជិត ៣០០ ពាន់លានដុង។

5. ដុតផាវច្នៃដោយខ្លួនឯង នុស្សម្នាក់រងរបួសធ្ងន់ ដោយរាងកាយត្រូវខ្ទិចច្រើនផ្នែក

មន្ទីរពេទ្យមិត្តភាព Việt Đức  បានឲ្យដឹងថា ក្រុមគ្រូពេទ្យរបស់មន្ទីរពេទ្យនេះ ទើបបានទទួលសង្គ្រោះបន្ទាន់ករណីមួយ មកពីផ្ទុះផាវ ដែលមានរបួសធ្ងន់ច្រើនកន្លែង។ ហើយ បន្ទាប់ពីការវះកាត់ ស្ថានភាពរបស់អ្នកជំងឺស្រួលវិញហើយ។ តាមការគ្រោងទុក ពី 1-2 ថ្ងៃទៀត អ្នកជំងឺនេះនឹងបានបញ្ជូនទៅព្យាបាលនៅមន្ទីរពេទ្យផ្សេងទៀត។

៦. បង្កើនការត្រួតពិនិត្យសុវត្ថិភាពចំណីអាហារនៅផ្សារលក់ដុំកសិផល Thủ Đức

គណៈគ្រប់គ្រងសុវត្ថិភាពចំណីអាហារទីក្រុងហូជីមិញ ដឹកនាំក្រុមត្រួតពិនិត្យអន្តរក្រសួង បានចុះស្រាវជ្រាវ អំពីកិច្ចការធានាសុវត្ថិភាពចំណីអាហារ សម្រាប់អំណរបុណ្យចូលឆ្នាំថ្មី ២០២០ នៅផ្សារកសិផល Thủ Đức  (ខណ្ឌ Thủ Đức  ទីក្រុងហូជីមិញ) ។ បានដឹងថា ផ្សារបោះដុំកសិផល Thủ Đức  ជារៀងរាល់ថ្ងៃ មានទំនិញប្រមាណពី ៣.០០០ ទៅ ៣៥០០ តោនត្រូវបានលក់ក្នុងផ្សារ ហើយប៉ុន្មានថ្ងៃជិតចូលឆ្នាំថ្មី ទំនិញបានឡើងដល់ ពី៦០០០ ទៅ ៦.៥០០ តោន។

ព័ត៌មានអន្តរជាតិ

៧.ភ្លើងឆេះព្រៃអូស្រ្តាលី៖ ចាប់ ១៨៣ នាក់ត្រូវចោទថាបានបង្កអគ្គិភ័យដោយចេតនា

ចាប់ពីដើមខែវិច្ឆិកាឆ្នាំ ១៩១៩ ដែលជាដើមរដូវភ្លើងឆេះព្រៃនោះ ប៉ូលីសអូស្រ្តាលីបានចាប់មនុស្សចំនួន ១៨៣ នាក់ ពីបទបង្ករអគ្គិភ័យដោយចេតនា នៅរដ្ឋ Queensland, New South Wales, Victoria។ បានដឹងថា ភ្លើងឆេះព្រៃ បានសម្លាប់មនុស្សយ៉ាងតិច ២៥ នាក់, ផ្ទះរាប់ពាន់ខ្នងត្រូវបំផ្លាញ និងព្រៃឈើជាង ៨ លានហិកតាត្រូវឆេះខ្ទិច (ស្មើនឹងតំបន់អូទ្រីស) ។

៨.យន្តហោះដឹកអ្នកដំណើរអ៊ុយក្រែនបានធ្លាក់នៅអ៊ីរ៉ង់៖ អ្នកដំណើរនិងនាវិកទាំងអស់ ១៧០ នាក់បានស្លាប់

យោងតាមទូរទស្សន៍រដ្ឋអ៊ីរ៉ង់បានដឹងថា អ្នកដំណើរនិងនាវិកទាំងអស់នៅលើយន្ដហោះប៊ូអ៊ីង 737-800 បានធ្លាក់នៅជិតទីក្រុង Tehran ត្រូវសម្លាប់បាត់បង់ជីវិតទាំងអស់។ យោងដំណឹងថ្មីបំផុតបានដឹងថា មានមនុស្ស ១៨០ នាក់លើយន្តហោះ។

៩.នាយករដ្ឋមន្ត្រីថៃសុំឱ្យប្រជាជនងូតទឹកឱ្យតិច ខណៈគ្រោះរាំង​ស្ងួតកាន់តែអាក្រក់

នាយករដ្ឋមន្រ្តីថៃ​ លោកប្រាយុទ្ធ ចាន់អូចា បានជំរុញឱ្យប្រជាជនបិទទឹកម៉ាស៊ីននិងងូតទឹកឱ្យតិចដើម្បីទប់ទល់នឹងគ្រោះរាំងស្ងួតដែលកំពុងប៉ះពាល់នៅខេត្តភាគខាងជើងនិងភាគកណ្តាលនៃប្រទេសថៃ។

TĂNG CƯỜNG GIÁM SÁT DỊCH BỆNH TẠI CỬA KHẨU

បង្កើនការតាមដាន និងត្រួតមើលជំងឺរាតត្បាតនៅមាត់ច្រកចេញចូល

នាយកដ្ឋានបង្ការរោគ (នៃក្រសួងសុខាភិបាល) បាននិយាយថា ខ្លួនកំពុងសហការជាមួយអង្គការសុខភាពពិភពលោក ក្នុងការទទួលព័ត៌មាន និងតាមដានយ៉ាងដិតដល់ នូវស្ថានភាពនៃការរាតត្បាតរបស់ជំងឺរលាកសួតធ្ងន់ធ្ងរនៅប្រទេសចិន និងបានស្នើឱ្យមានវិធានការបង្ការជំងឺសមស្រប។

យោងតាមក្រសួងសុខាភិបាល គឺប្រទេសចិននៅបន្តកត់ត្រាបន្ថែមករណីកើតជំងឺរលាកសួតធ្ងន់ធ្ងរ ដែលមិនទាន់ដឹងមូលហេតុនៅក្នុងទីក្រុង Wuhan (ខេត្ត Hubei) ។ គិតដល់ថ្ងៃទី ៥ ខែមករា, បានកត់សម្គាល់បន្ថែម  ៤៤ ករណីកើតជំងឺ ក្នុងនោះ មាន ១១ ករណីស្ថិតក្នុងស្ថានភាពធ្ងន់ធ្ងរ,  ២ករណីបានជាសះស្បើយទាំងស្រុង, ហើយករណីនៅសល់ គឺមានសុខភាពល្អឡើងវិញ​ ពុំទាន់មានករណីណាត្រូវស្លាប់នោះឡើយ។

ក្នុងស្ថានភាពដែលជំងឺរលាកសួតធ្ងន់ធ្ងរមិនដឹងមូលហេតុ កំពុងរាតត្បាតនៅក្នុងប្រទេសចិននោះ, គឺនៅថ្ងៃទី ៥ ខែមករា ប្រទេសសិង្ហបុរីបានប្រកាស ប្រទេសថាខ្លួនបានកត់សម្គាល់ករណីកើតជំងឺរលាកសួតធ្ងន់ធ្ងរដែលប្រវត្តិ បានធ្វើដំណើរវិលត្រឡប់ពីទីក្រុង Wuhan ។ ក៏ប៉ុន្តែលទ្ធផលធ្វើតេស្តគឺវិជ្ជមាននឹងវីរុស RSV -​ដែលវីរុសមួយប្រភេទ បណ្តាលអោយកើតជំងឺរលាកសួតទូទៅ។

ក្រសួងសុខាភិបាលនៃប្រទេសចិន បានធ្វើការបអង្កេត និងអនុវត្តវិធានការណ៍យ៉ាងតឹងរឹង ដើម្បីគ្រប់គ្រងស្ថានការណ៍នៃការរាតត្បាត។ យោងបណ្តាលទ្ធផលនៃការស៊ើបអង្កេតបានបង្ហាញថា គ្មានភស្ដុតាងណាច្បាស់លាស់ បញ្ជាក់ពីការឆ្លងពីមនុស្សទៅមនុស្សនោះទេ, ភ្នាក់ងារបង្កជំងឺ មិនមែនជាប្រភេទវីរ៉ូសបង្ករជំងឺរលាកផ្លូវដកដង្ហើមធម្មតាទេ។ ហើយក្រសួងសុខាភិបាលនៃប្រទេសចិន បានបន្តធ្វើតេស្ត សម្រាប់កំណត់នូវមូលហេតុបង្ករជំងឺ។

ក្រសួងសុខាភិបាលបានបង្គាប់ការដល់មន្ទីរសុខាភិបាលគ្រប់ខេត្ត - ក្រុង ត្រូវបង្កើនការឃ្លាំមើលស្ថានភាពជំងឺ នៅតាមច្រកព្រំដែន ត្រូវយកចិត្តទុកដាក់ក្នុងការតាមដានដោយម៉ាស៊ីនវាស់កម្តៅមនុស្សពីចម្ងាយ  និងតាមស្ថានភាពសុខភាពរបស់អ្នកដំណើរចូលប្រទេស ដែលមានប្រវត្តិត្រឡង់ពីទីក្រុង Wuha; ម្ចាស់ការផ្ទៀងផ្ទាត់ឧបករណ៍,​សំភារៈ, សារធាតុគីមី និងត្រូវចាត់កម្លាំងត្រៀមខ្លួនជាស្រេច សម្រាប់អនុវត្តបណ្តាវិធានការការពារ ទប់ស្កាត់នៃស្ថានភាពជំងឺ៕