ព៌ត៍មាននៅក្នុងប្រទេស

១.ផ្សព្វផ្សាយលទ្ធផលនៃការបោះបង្គោលព្រំដែនវៀតណាម - កម្ពុជា

ថ្មីៗនេះ នៅទីក្រុងហាណូយ គណៈឃោសនាអប់រំមជ្ឈិម  បានសហការជាមួយ ក្រសួងការបរទេស និងទីភ្នាក់ងារពាក់ព័ន្ធ រៀបចំនូវសន្និសីទឃោសនា៖“ លទ្ធផលនៃការងារបោះបង្គោល ព្រំដែននៅព្រំដែនដីវៀតណាម - កម្ពុជា” តាមរូបភាពអនឡាយ ។

សន្និសីទបានរៀបចំក្នុងគោលបំណង ផ្តល់ព័ត៌មានថ្មីៗ ស្តីពីការអភិវឌ្ឍក្នុងទំនាក់ទំនងនៃប្រទេសទាំងពីរ ។ ឃោសនា និងផ្សព្វផ្សាយយ៉ាងទូលំទូលាយ នូវខ្លឹមសារ, អត្ថន័យនិងសារៈសំខាន់នៃឯកសារគតិយុត្តចំនួន ២ ស្តីអំពីព្រំដែន ដែលបានចុះហត្ថលេខាដោយប្រទេសទាំងពីរ វៀតណាមនិងកម្ពុជា ដែលមានប្រសិទ្ធិភាពចាប់ពីថ្ងៃទី ២២ ខែធ្នូឆ្នាំ ២០២០ ដល់ប្រជាជនគ្រប់វណ្ណៈ នៅក្នុង ១០ ខេត្ត ជាប់ព្រំដែនជាមួយប្រទេសកម្ពុជា។

២.ឥណ្ឌូណេស៊ីមិនអនុវត្តវិធានការប្រឆាំងនឹងការលក់បង្ខូចថ្លៃសង័្កសីត្រជាក់ពី វៀតណាម

នាយកដ្ឋានការពារពាណិជ្ជកម្ម បានទទួលសេចក្តីជូនដំណឹងជាផ្លូវការពីស្ថានទូតឥណ្ឌូនេស៊ីប្រចាំនៅប្រទេសវៀតណាមថា រដ្ឋាភិបាលឥណ្ឌូនេស៊ី បានសម្រេចចិត្តមិនអនុវត្តវិធានការប្រឆាំងនឹងការលក់បង្ខូចថ្លៃ ចំពោះផលិតផលដែកថែបអាលុយមីញ៉ូមស័ង្កសី(ដែលហៅថាសង័្កសីត្រជាក់) មានប្រភព ឬនាំចូលពីប្រទេសវៀតណាមទេ។

៣.ប្រធានមន្ទីរឧស្សាហកម្មនិងពាណិជ្ជកម្មទីក្រុងហូជីមិញ៖“ ទំនិញមានច្រើនណាស់ធានាបាននូវតម្រូវរបស់ប្រជាជន”

ប្រធានមន្ទីរឧស្សាហកម្ម និងពាណិជ្ជកម្មទីក្រុងហូជីមិញបានឲ្យដឹងថា ទំនិញពីខេត្តនិងក្រុងនានា បានដឹកមកទីក្រុងហូជីមិញមានច្រើនណាស់, អាជីវកម្ម និងប្រព័ន្ធចែកចាយទំនិញនៅក្នុងទីក្រុង បានត្រៀមខ្លួនស្តុកទុកទំនិញគ្រប់គ្រាន់ហើយ សម្រាប់បំពេញរាល់តម្រូវការទិញទំនិញរបស់ប្រជាជនទីក្រុង។ ដូច្នេះ ប្រជាជនមិនបាច់នាំគ្នាមកប្រមូលទិញទំនិញក្នុងចំនួនច្រើនទេ។

៤. Cà Mau ៖រាល់ករណីចូលមកខេត្តត្រូវបានធ្វើតេស្តអវិជ្ជមាន

យោងតាមសារាចរណ៍ផ្លូវការ (លេខ3571/UBND-KGVX) ប្រកាសឲ្យប្រើពីគណៈកម្មាធិការប្រជាជនខេត្ត Ca Mau បានដឹងថា ចាប់សូនម៉ោងថ្ងៃទី ៩ ខែកក្កដា រហូតដល់ពេលមានសេចក្តីជូនដំណឹងមួយទៀត, គឺប្រជាពលរដ្ឋគ្រប់រូប ដែលបានមក/ ត្រឡប់មកខេត្ត Ca Mau ត្រូវមានលទ្ធផលធ្វើតេស្តអវិជ្ជនឹងរោគ SARS-CoV-2 ក្នុងរយៈពេលបីថ្ងៃ គិតចាប់ពីថ្ងៃមានលទ្ធផលតេស្ត…

ព័ត៍មានអន្តរជាតិ

៥.ចាក់វ៉ាក់សាំងបញ្ចូលគ្នាការពារ Covid-19 នៅក្នុងប្រទេសមួយចំនួន

ការចាក់វ៉ាក់សាំង Covid-19 ផ្សេងៗគ្នា កំពុងត្រូវបានលើកឡើងដោយប្រទេសមួយចំនួនថា ជាមធ្យោបាយដ៏មានប្រសិទ្ធិភាព ដើម្បីទទួលបាននូវភាពស៊ាំនឹងជំងឺល្អជាង។ក៏ប៉ុន្តែ អង្គការសុខភាពពិភពលោក (WHO) បាននិយាយថា “ បច្ចុប្បន្នមិនទាន់មានទិន្នន័យគ្រប់គ្រាន់ សម្រាប់ណែនាំការចាក់វ៉ាក់សាំងរួមបញ្ចូលគ្នានេះទេ” ។

៦.រុស្ស៊ីបានបញ្ចប់ការសាកល្បងគ្លីនិកទ្រង់ទ្រាយធំនៃវ៉ាក់សាំង Sputnik V

អគ្គនាយករងនៃមូលនិធិវិនិយោគផ្ទាល់រុស្ស៊ី (RDIF) លោក Kirill Dmitriev ក្នុងបទសម្ភាសន៍តាមបណ្តាញទូរទស្សន៍ បាននិយាយថា ប្រទេសរុស្ស៊ីបានបញ្ចប់ការសាកល្បងគ្លីនិកទ្រង់ទ្រាយធំនៃវ៉ាក់សាំង Sputnik V ប្រឆាំងនឹងជំងឺ Covid-19 របស់ប្រទេសរុស្ស៊ីហើយ។ លោក Dmitriev បានបញ្ជាក់ថាបន្ទាប់ពីដំណើរការខាងនេះ រុស្ស៊ីមិនបានកត់សំគាល់នូវផលប៉ះពាល់ថ្មីណាមួយទៀត បណ្តាលមកពីវ៉ាក់សាំងនោះទេ ព្រមទាំង បាននិយាយថា ដំណើរការផលិតវ៉ាក់សាំងរបស់ប្រទេសរុស្ស៊ី គឺមានលក្ខណៈគ្រប់គ្រាន់ហើយ សម្រាប់ឆ្លើយតបនឹងតម្រូវកាក្នុងស្រុក។

៧.ឥណ្ឌា៖ រដ្ឋមន្រ្តី ១២ រូប បានលាលែងពីដំណែង មុនមានការកែប្រែគណៈរដ្ឋមន្រ្តី

ខុទ្ទកាល័យរបស់ប្រធានាធិបតីឥណ្ឌាបានប្រកាសថា រដ្ឋមន្ត្រីចំនួន ១២ រូបរបស់ប្រទេសនេះ បានលាលែងពីតំណែង ក្នុងនោះមានទាំងរដ្ឋមន្រ្តីក្រសួងសុខាភិបាល, បរិស្ថាន និងការអប់រំ។ ដូច្នោះ ការលាលែងពីតំណែងរបស់រដ្ឋមន្ត្រីទាំងនេះ គឺស្ថិតក្នុង ផែនការរបស់លោកនាយករដ្ឋមន្រ្តី Narendra Modi មុនពេលរៀបចំកាបោះឆ្នោតកម្រិតរដ្ឋសំខាន់ៗខាងមុខ។