វៀតណាមបាននាំចេញគ្រឿងសមុទ្រ កើនជិត ៤៤%- Tiếng Khmer 10/05/2022

ព័ត៍មាននៅក្នុងប្រទេស

១.លោកនាយករដ្ឋមន្ត្រី Phạm Minh Chính បានបំពេញទស្សនកិច្ច និងបំពេញការងារនៅសហរដ្ឋអាមេរិក

កាលពីយប់ថ្ងៃទី ១០ ឧសភា, យន្តហោះពិសេសដឹកលោកនាយករដ្ឋមន្ត្រី Phạm Minh Chính និងគណៈប្រតិភូជាន់ខ្ពស់ នៃសាធារណរដ្ឋសង្គមនិយមវៀតណាមបានចាកចេញពីទីក្រុងហាណូយ ចូលរួមក្នុងកិច្ចប្រជុំកំពូលពិសេស ដើម្បីអបអរសាទរខួបលើកទី ៤៥ នៃទំនាក់ទំនងអាស៊ាន-អាមេរិក ក្នុងរយៈពេលពីរថ្ងៃ គឺថ្ងៃទី ១២ និងទី ១៣ ខែឧសភា នៅទីក្រុង Washington DC សហរដ្ឋអាមេរិក, តាមពាក្យអញ្ជើញរបស់លោកប្រធានាធិបតី Joe Biden ។ ហើយក្នុងឱកាសនេះ លោកនាយករដ្ឋមន្ត្រី នឹងដឹកនាំគណៈប្រតិភូវៀតណាម នឹងបំពេញទស្សនកិច្ច ព្រមទាំងធ្វើការនៅសហរដ្ឋអាមេរិក និងអង្គការសហប្រជាជាតិ ចាប់ពីថ្ងៃទី ១១ ដល់ថ្ងៃទី ១៧ ខែឧសភា។

២.បង្កើនកិច្ចការឃ្លាំមើលជំងឺរលាកថ្លើមខ្លាំងក្លា

ថ្មីៗនេះ ក្រសួងសុខាភិបាល បានតម្រូវដល់អង្គភាពនានា ត្រូវសហការជាមួយបណ្តាអង្គភាព និងស្ថាប័នពាក់ព័ន្ធ ដើម្បីធ្វើការសិក្សា និងស៊ើបអង្កេត ចំពោះជំងឺរលាកថ្លើមមកពីវីរុស សម្រាប់ផ្តល់ព័ត៌មាន, ភស្តុតាង និងផ្តល់ប្រឹក្សាបន្ថែម ដល់ក្រសួងសុខាភិបាល ក្នុងការបង្ការ និងគ្រប់គ្រងជំងឺរលាកថ្លើមមកពីវីរុស។ យោងតាមការស្ថិតិពីអង្គការសុខភាពពិភពលោក គិតមកដល់ពេលនេះ មានជិត ២៣០ ករណីរកើតជំងឺលាកថ្លើមខ្លាំងក្លា ដោយមិនដឹងមូលហេតុ នៅក្នុង ២០ ប្រទេស និងមាន ២ ករណីត្រូវ​ស្លាប់បាត់បង់ជីវិត។

៣.ទីក្រុងហូជីមិញ៖ កុមារកើតជំងឺមាត់ ដៃ ជើងកំពុងកើនឡើង

មជ្ឈមណ្ឌលគ្រប់គ្រងជំងឺទីក្រុងហូជីមិញ (HCDC) បាននិយាយថា ចំនួនករណីឆ្លងជំងឺមាត់ ដៃ ជើង ក្នុងសប្តាហ៍មុន បានកើនឡើងជិតបួនដង ធៀបនឹងមធ្យមភាគនៃរយៈពេលបួនសប្តាហ៍មុន។ ចំនួនអ្នកជំងឺកើនឡើង ទាំងនៅក្រុមអ្នកជំងឺកុមារ បានចូលសម្រាកព្យាបាលនៅមន្ទីរពេទ្យ និងមកពិនិត្យជំងឺ។ ចំនួនករណី កើតជំងឺនេះ បានកើតឡើងនៅគ្រប់ខណ្ឌស្រុក និងទីក្រុង Thủ Đức ពិសេសនៅខណ្ឌ 12, ខណ្ឌ Bình Tân, Gò Vấp, Tân Bình, ស្រុក Hóc Môn និងទីក្រុង Thủ Đức តែម្តង។

៤.វៀតណាមបាននាំចេញគ្រឿងសមុទ្រ កើនជិត ៤៤

សហរដ្ឋអាមេរិក, ជប៉ុន និងប្រទេសចិន គឺជាទីផ្សារនាំចូលគ្រឿងសមុទ្រនាំមុខគេទាំងបីរបស់វៀតណាម។ ក្នុង​នោះ ទីផ្សារ​ដែល​មាន​តម្លៃ​កើនឡើង​ខ្លាំង​បំផុត​គឺ​ប្រទេស​ចិន។ ជាមួយនឹងផលិតផលសមុទ្រសំខាន់ៗដូចជា ត្រីប្រា និងបង្គា សុទ្ធតែមានកម្រិតកើនឡើង គួរឲ្យចាប់អារម្មណ៍នៅក្នុងទីផ្សារនានា មកពីមាន តម្រូវការខ្ពស់ និងថ្លៃចេញដ៏ល្អ។

៥.ពេទ្យយោធាវៀតណាម និងកម្ពុជា រួមគ្នាពិនិត្យ និងព្យាបាលជំងឺដោយឥតគិតថ្លៃជូនប្រជាជនក្រីក្រ

បញ្ជាការដ្ឋានការពារព្រំដែនខេត្ត  Bình Phước បានសហការជាមួយនាយកដ្ឋានពេទ្យយោធា (នៃអគ្គនាយកដ្ឋានភស្តុភារ, កងទ័ពប្រជាជនវៀតណាម និងនាយកដ្ឋានពេទ្យយោធា (នៃកងយោធពលខេមរភូមិន្ទនៃប្រទេសកម្ពុជា) រៀបចំការពិនិត្យ, ព្យាបាល និងផ្តល់ថ្នាំពេទ្យដោយឥតគិតថ្លៃ ព្រមទាំងបានជូនអំណោយដល់ប្រជាជនកម្ពុជា ស្ថិតនៅភូមិនានា ក្នុងឃុំទន្លូង ស្រុកមេមត់ ខេត្តត្បូងឃ្មុំ (កម្ពុជា)។

ព័ត៍មានអន្តរជាតិ

៦.ប្រទេសព័រទុយហ្គាល់ បានចាប់ផ្តើនសាងសង់សួនថាមពលពន្លឺព្រះអាទិត្យនៅខែកក្កដា

ក្នុងខែកក្កដាខាងមុខ ប្រទេសព័រទុយហ្គាល់ នឹងរៀបចំសាងសង់សួនថាមពលពីកម្លាំងពន្លឺព្រះអាទិត្យបណ្តែតលើទឹក ក្នុងទំនប់ Alqueva ភាគខាងត្បូងនៃប្រទេសនេះ។ បានដឹងថា សួនថាមពលពីពន្លឺព្រះអាទិត្យដ៏ធំបំផុតរបស់អឺរ៉ុបនេះ គឺជាផែនការមួយ របស់ប្រទេសព័រទុយហ្គាល់ សម្រាប់កាត់បន្ថយចំណុះលើឥន្ធនៈហ្វូស៊ីលនាំចូល ដែលបានឡើងថ្លៃខ្លាំង ចាប់ពីប្រទេសរុស្ស៊ី បានចាប់ផ្តើមប្រតិបត្តិការយោធាពិសេសនៅអ៊ុយក្រែន។

៧.អ្នកទោស 43 នាក់ត្រូវស្លាប់ ក្នុងកុបកម្មនៅពន្ធនាគាក្នុងប្រទេសអេក្វាឌ័រ

អ្នកទោសយ៉ាងតិច ៤៣ នាក់ ត្រូវស្លាប់ នៅក្នុងកុបកម្មមួយ ក្នុងពន្ធនាគារនៃប្រទេសអេក្វាឌ័រ កាលពីថ្ងៃទី ៩ ឧសភា។ ហើយអ្នកទោសជាង 100 នាក់បានរត់ចេញពីពន្ធនាគានេះ ក្នុងចលាចលនេះ។

៨.ប្រទេសឥណ្ឌូណេស៊ី រកឃើញបន្ថែម ១៥ ករណីទៀតរឆ្លងជំងឺលាកថ្លើមដ៏អាថ៌កំបាំង

រដ្ឋមន្ត្រីក្រសួងសុខាភិបាលនៃប្រទេសឥណ្ឌូណេស៊ី បាននិយាយថា ប្រទេសនេះ បានរកឃើញករណីរលាកថ្លើមខ្លាំងក្លាមិនដឹងមូលហេតុ ចំនួន ១៥ ករណីបន្ថែមទៀត បន្ទាប់ពីបានកត់ត្រាការស្លាប់ ៣ នាក់ដោយសារជំងឺនេះ នៅកុមារ។

៩.​អាមេរិក៖ សមត្ថភាព​ផលិត​អគ្គិសនីមិន​គ្រប់​សម្រាប់​តម្រូវ​ការ​របស់​ប្រជាជន

ពីរដ្ឋកាលីហ្វ័រញ៉ា ដល់រដ្ឋតិចសាស់ និងរដ្ឋ Indiana មន្ត្រីផ្នែកថាមពលនៅសហរដ្ឋអាមេរិក បានចេញព្រមានថា សមត្ថភាពផលិតអគ្គិសនីមិនគ្រប់គ្រាន់ដើម្បីបំពេញតម្រូវការរបស់ប្រជាជន។ ប្រការនេះ អាចនាំមកមានការកាត់ចរន្តអគ្គិសនីបណ្តោះអាសន្ន ក្នុងអំឡុងពេលធាតុអាកាសកំពុងកំដៅខ្លាំង ឬវេលាកំពូលផ្សេងទៀតក្នុងឆ្នាំ។

១០.ប្រទេសប៉ូឡូញបន្តទិញឧស្ម័នរបស់ប្រទេសរុស្ស៊ីពីអាល្លឺម៉ង់

ប្រទេសប៉ូឡូញ បានបន្តទិញឧស្ម័នរបស់ប្រទេសរុស្ស៊ីតាមរយៈប្រទេសអាល្លឺម៉ង់ បន្ទាប់ពីទីក្រុងម៉ូស្គូ បានកាត់ផ្តាច់ការផ្គត់ផ្គង់ឧស្ម័ន ចាប់ពីថ្ងៃទី 28 ខែមេសា (ម៉ោងក្នុងតំបន់) ដោយសារតែប្រទេសប៉ូឡូញមិនព្រមទូទាត់កិច្ចសន្យាជាប្រាក់រូប។

ប្រទេសប៉ូឡូញប្រកាស់ថា ខ្លួនលែងត្រូវការឧស្ម័នពីប្រទេសរុស្ស៊ីទៀតហើយ។ ក៏ប៉ុន្តែ ជាក់ស្តែង ប្រទេសនេះនៅតែបន្តទិញឧស្ម័នរបស់ប្រទេសរុស្ស៊ី បន្ទាប់ពីការផ្គត់ផ្គង់ផ្លូវការបានកាត់ផ្តាច់។ ពេលនេះ ឧស្ម័នពីប្រទេសអាឡឺម៉ង់ត្រូវបានបញ្ជូនត្រឡប់ទៅប៉ូឡូញតាមរយៈបំពង់បង្ហូរឧស្ម័ន Yamal-អឺរ៉ុប ។

 

 

 

 

 

 

 

 

 

 

VOH

Bình luận

Cùng chuyên mục

Đọc Báo