ព័ត៌មាននៅក្នុងប្រទេស

១.មិនត្រូវតំឡើងថ្លៃទំនិញមិនសមហេតុផលចំពោះទំនិញ បានកំណត់ដោយរដ្ឋ

រដ្ឋាភិបាលតម្រូវ ដល់ក្រសួង និងផ្នែកពាន់ព័ន្ធ ត្រូវមានដំណោះស្រាយម្ចាស់ការរៀបចំទំនិញច្រើនប្រភេទ នារយៈពេលដើមឆ្នាំ និងចុងឆ្នាំ ដើម្បីទប់ស្កាត់ការតំឡើងថ្លៃមិនសមហេតុផល។ លោកឧបនាយករដ្ឋមន្រ្តីក៏បានតម្រូវថា ត្រូវម្ចាស់ការកសាងខ្លឹមសារនានា សម្រាប់អនុវត្តប្រកបដោយប្រសិទ្ធភាព ចំពោះការគ្រប់គ្រង និងចាត់ចែងតម្លៃ ចំពោះទំនិញមួយចំនួនដូចជា សាច់ជ្រូក, អគ្គិសនី, ប្រេងឥន្ធនៈ, សេវាខាងសុខាភិបាល,​ ថ្នាំព្យាបាលជំងឺ និងសេវាអាកាសចរណ៍ .…ជាដើម។

២- ពិធីជំនួបជួបជុំនរំលឹកខួបលើកទី ៤១  ថ្ងៃយកជ័យជំនះលើពួកប្រល័យពូជសាសន៍ប៉ុលពត

កាលពីថ្ងៃទី ៧ ខែមករា សម្ព័ន្ធបណ្តាអង្គការមិត្តភាពទីក្រុងហូជីមិញ បានសហការជាមួយស្ថានអគ្គកុងស៊ុលកម្ពុជាប្រចាំនៅទីក្រុងហូជីមិញ រៀបចំពិធីជំនួបជួបជុំអបអរសាទរខួបលើកទី ៤១ ឆ្នាំ ថ្ងៃយកជ័យជំនះលើរបបប្រល័យពូជសាសន៍ប៉ុលពត។

ថ្លែងក្នុងពិធីនេះ លោកសុខដារ៉េតអគ្គកុងស៊ុលនៃព្រះរាជាណាចក្រកម្ពុជាប្រចាំទីក្រុងហូជីមិញ បានសម្តែងការដឹងគុណយ៉ាងជ្រាលជ្រៅ ចំពោះបក្ស, រដ្ឋាភិបាល, អតីតអ្នកជំនាញការ និងកងទ័ពស្ម័គ្រចិត្តវៀថតណាម ដែលបានជួយវាយផ្តួលរំលំរបបប្រល័យពូជសាសន៍ប៉ុលពត…  ជួយឲ្យប្រជាជនកម្ពុជារួចផុតទុក្ខវេទនានៃបបបនេះ

៣- ចំណាយប្រាក់រាប់រយលានដុងដើម្បីកាត់ខាតដល់កសិករនៅតំបន់ដីសណ្ដទន្លេគីវឡុង

ថ្មីៗនេះ នៅខេត្តអានអានយ៉ាង, បណ្តុំក្រុម Sao Mai  បានសហការជាមួយផ្នែកពាក់ព័ន្ធនានា ដើម្បីបើកកិច្ចប្រជុំបូបសរុបលទ្ធផលការងារ ចំពោះរូបភាពគំរូ“ សហប្រតិបត្តិការអភិវឌ្ឍវត្ថុធាតុដើមក្នុងតំបន់វត្ថុធាតុដើមកសិកម្ម និងជលផល នារដូវកាលឆ្នាំ ២០១៩” ដែលមានកសិកររាប់រយនាក់ចូលរួមអនុវត្តរូបភាពគំរូនេះ នៅតាមបណ្តាខេត្តក្នុងតំបន់ដីសណ្តទន្លេគីវឡុង។ បានដឹងថា ឆ្នាំ ២០១៩ តម្លៃត្រីប្រាបានធ្លាក់ចុះដោយចៃដន្យ ដោយមានមូលហេតុជាច្រើន ពេលខ្លះតម្លៃធ្លាក់ចុះត្រឹមតែពី ១៧,០០០-១៨,០០០ ដុង / គីឡូក្រាម បណ្តាលឱ្យប្រជាជនចិញ្ចឹមត្រីប្រាជាច្រើនគ្រួសារនៅតំបន់ដីសណ្ដទន្លេគីវឡុង ខាតពី ៣.០០០ ទៅ ៥,០០០ ដុង / គីឡូក្រាម។ ហើយស្ថិតក្នុងស្ថានភាពលំបាករួមដូច្នេះ បណ្តុំក្រុមហ៊ុន Sao Mai បាបរក្សាបានការធ្វើសកម្មភាពប្រកបដោយស្ថេរភាព ដោយាបាបចំណាយថវិកាប្រមាណ ៦០០-៧០០ ពាន់លានដុងដើម្បីជួយកាត់ខាត ដល់កសិករជាច្រើនគ្រួសារ ដែលបានចូលរួមក្នុងការចិញ្ចឹមត្រីជាមួយក្រុមហ៊ុន ដោយបានទិញត្រីតាមតម្លៃក្នុងកិច្ចសន្យាប្រមាណពី ២៥.០០០ ដុង / គីឡូក្រាម ធានាថាអ្នកចិញ្ចឹមមិនរងការខាតបង់ឡើយ។

4. សិល្បករក្នុងស្រុកនិងអន្តរជាតិជាង ១៥០ នាក់ចូលរួមមហោស្រពតន្រ្តីអន្ដរជាតិហាឡុង

ជាមួយប្រធានបទ“ Hạ Long រីកសុះសាយ និងសមាហរណកម្ម” មហោស្រពតន្រ្តីអន្តរជាតិHạ Long 2020 (HALOMUS)  នឹងបានប្រព្រឹត្តទៅក្នុងរយៈពេល ២ ថ្ងៃ គឺពីថ្ងៃទី ១០ និង ១១-១ នៅហៃឡុង ដែលមានសិល្បករក្នុងស្រុកនិងអន្តរជាតិចូលរួមជាង ១៥០ នាក់។

៥- ពិធីបុណ្យវត្ត Hương  ២០២០ នឹងហាមមិនឲ្យលក់សាច់សត្វព្រៃ

នៅក្នុងពិធីបុណ្យវត្ត Hương ឆ្នាំ ២០២០នេះ​ ស្រុក  Mỹ Đức នៃទីក្រុងហាណូយ បានតម្រូវដល់ភោជនីយដ្ឋាន និងហាងនានា ដែលធ្វើសេវាកម្មខាងម្ហូបអាហារទាំងអស់នៅតំបន់មានពិធីបុណ្យ មិនត្រូវព្យួរ ឬលក់សាច់សត្វព្រៃ ព្រមទាំងត្រូវដាក់លេខទូរស័ព្ទជាសាធារណ, ត្រូវ ដាក់តម្លៃជាសាធារណៈ សម្រាប់ភ្ញៀវទេសចរបានដឹង។ ហើយចំពោះ ទូកដឹកអ្នកដំណើរនៅលើស្ទឹង Yến យិននោះ គឺហាមមិនឲ្យមានម៉ាស៊ីនទាំងអស់ មានន័យថា ត្រូវចែវដោយដៃ។

ព័ត៌មានអន្តរជាតិ

៦.ប្រទេសឥណ្ឌូនេស៊ីបានល្បាតតំបន់សមុទ្រ Natuna

ទីភ្នាក់ងារសន្តិសុខដែនសមុទ្រឥណ្ឌូនេស៊ី (MSA) បាននិយាយថាខ្លួន ខ្លួនបានបង្កើនការល្បាតនៅជុំវិញកោះណាតាណូ នៃប្រទេសនេះ, ដែលស្ថិតនៅភាគខាងត្បូងនៃសមុទ្រខាងកើត, បន្ទាប់ពីនាវាឆ្នាំសមុទ្រ និងនាវានេសាទត្រីរបស់ប្រទេសចិន បានបើកចូលក្នុងតំបន់សេដ្ឋកិច្ចផ្តាច់មុខរបស់ប្រទេសឥណ្ឌូនេស៊ី។

៧.ប្រទេសអូស្រ្តាលីបានបង្កើតមូលនិធិចំនួន ២ ពាន់លានដុល្លារអូស្រ្តាលីដើម្បីជំនះនូវផលវិបាកនៃអគ្គីភ័យព្រៃឈើ

រដ្ឋាភិបាលសហរដ្ឋអូស្រ្តាលីបានប្រកាសថា ខ្លួននឹងចំណាយថវិកាយ៉ាងហោចណាស់ចំនួន ២ ពាន់លានដុល្លារអូស្រ្តាលី (១,៣៦ ពាន់លានដុល្លារអាមេរិក) សម្រាប់សកម្មភាពស្តារភ្លើងឆេះព្រៃនៅទូទាំងប្រទេស។ ដូចជា នឹងសហការយ៉ាងស្អិតរមួត ជាមួយ រដ្ឋាអំណាចក្នុងរដ្ឋនានា ក្នុងការសាងសង់ស្ពាន ផ្លូវថ្នល់ និងហេដ្ឋារចនាសម្ព័ន្ធនានាឡើងវិញ ក៏ដូចជាការអនុវត្តនូវវិធានការណ៍ផ្សេងៗទៀត រួមមានការជំនួយខាងសុខភាពដល់ប្រជាជន ដែលត្រូវរងផលប៉ះពាល់ដោយភ្លើងឆេះព្រៃ។

៨. ហុងកុងទប់ទល់នឹងជំងឺរលាកសួតចម្លែក

កាសែត Straits Times បានដកស្រង់ប្រភពដំណឹងពីនាយកដ្ឋានសុខាភិបាល និងអនាម័យអនាម័យហុងកុងថា សរុបទាំងអស់មាន ១៥ ករណីនៅហុងកុងត្រូវបានគេសង្ស័យថាទទួលរងពីជំងឺរលាកសួតចម្លែកហើយ។

ហើយករណីទាំងអស់នេះ សុទ្ធតែធ្លាប់បានទៅទីក្រុង Wuhan ខេត្ត Hubei (ចិន) ដែលជាតំបន់ផ្ទុះឡើងនៃជំងឺរលាកសួតដែលមិនដឹងមូលហេតុ។ ហើយ ពួកគេទាំងអស់សុទ្ធតែមានអការគ្រុនក្តៅ, ឆ្លងមេរោគក្នុងផ្លូវដង្ហើម ឬមានរោគសញ្ញារលាកសួត។

៩. ជាន់គ្នាក្នុងពិធីដង្ហែសពលោកឧត្តមសេនីយអ៊ីរ៉ង់សូឡីម៉ានីមនុស្សស្លាប់រាប់សិបនាក់

ទូរទស្សន៍អ៊ីរ៉ង់នៅថ្ងៃទី ៧-១ បានផ្សាយថា មនុស្សយ៉ាងតិច ៣៥ នាក់ត្រូវបានស្លាប់ និង ៤៨ នាក់ទៀត ត្រូវរងរបួស បន្ទាប់ពីហ្វូងមនុស្សបានបាត់បង់ការគ្រប់គ្រងដោយបានជាន់ឈ្លីលើគ្នា នៅក្នុងពិធីបុណ្យសពរបស់លោកឧត្តមសេនីយ៍អ៊ីរ៉ង់ Qasem Soleimani ដែលទើបតែបានស្លាប់នៅក្នុងការវាយប្រហារតាមអាកាសមួយដោយសហរដ្ឋអាមេរិច។

១០.ប្រទេសអាល្លឺម៉ង់បានផ្ទេរកងទ័ពរបស់ខ្លួនពីអ៊ីរ៉ាក់ទៅហ្សកដានី ក្នុងប្រទេសគុយវ៉ែត

ប្រទេសអាឡឺម៉ង់បានឡើងផែនការផ្ទេរកងទ័ពមួយចំនួនរបស់ខ្លួន ទៅប្រទេសហ្សកដានី និងគុយវែត ដោយស្ថិតក្នុងភាពតានតឹងជុំវិញករណីសហរដ្ឋអាមេរិក បានសម្លាប់ឧត្តមសេនីយ៍អ៊ីរ៉ង់ម្នាក់។

TẾT HẢI ĐẢO 2020: NHIỀU PHẦN QUÀ, VẬT DỤNG, ĐỒ DÙNG TẾT ĐẾN NHÂN DÂN NINH HÒA

អំណោយ និង វត្ថុប្រើប្រាស់ជាច្រើន បាន​នាំមកជូនប្រជាជន និងកងទ័ព

អំណរឆ្នាំថ្មី ២០២០ នៅ NINH HÒA

បញ្ជាការដ្ឋានតំបន់ឆ្មាំឆ្នេរសមុទ្រ លេខ​ ៣ បានសហការជាមួយវិទ្យាស្ថានស្រាវជ្រាវនិងបណ្តុះបណ្តាលពាណិជ្ជករ APEC, ក្រុមហ៊ុនប្រឹក្សាប្រឹក្សាខូអិលធីឌី បានរៀបចំកម្មវិធី "អំណរឆ្នាំថ្មីលើតំបន់កោះ ​​២០២០" ។

អំណោយ និងរបស់ប្រើប្រាស់ប្រចាំថ្ងៃដ៏ច្រើនសន្ធឹក ត្រូវបានប្រគល់ជូនដល់អ្នកនេសាទ នៅឃុំ  Ninh Vân សង្កាត់ Ninh Thủy សិងសង្កាត់ Ninh Hải  (ទីរួមខេត្ត Ninh Hòa នៃខេត្ត Khánh Hòa)។

ជាក់ស្តែង  កម្មវិធីបានផ្តល់អំណោយចំនួន ១២០ចំណែក (មួយចំណែកមានតម្លៃ ១ លានដុង) ដល់អ្នកនេសាទត្រី, ក្រុមគ្រួសារគោលនយោបាយ និងសិស្ស ដែលមានស្ថានភាពគ្រួសារ លំបាក នៅឃុំ Ninh Vân (៧០ចំណែក)សង្កាត់ Ninh Thủy  ៣០ចំណែក សង្កាត់  Ninh Hải ២០ចំណែក ។

ក្រុមការងារ បានអញ្ជើញទៅជូនពរឆ្នាំថ្មី ដល់ថ្នាក់ដឹកនាំ និងរដ្ឋអំណាចឃុំ Ninh Vân សង្កាត់ Ninh Thủy, Ninh Hải។ ហើយសរុបតម្លៃនៃអំណោយទាំងអស់ ស្មើនឹងថវិការជាង ២០០ លានដុង។

ដោយរំភើបចិត្ត ចំពោះអំណោយអំណរឆ្នាំថ្មី ដែលប្រគល់ដោយក្រុមងារងារនោះ លោកTrần Thị Hiền នៅភូមិ  Tây  ឃុំ Ninh Vân បានចែករំលែកថា៖“ សូមអរគុណដល់កងកឆ្មាំឆ្នេរសមុទ្រ ដែលបានយកចិត្តទុកដាក់ចំពោះគ្រួសារខ្ញុំ ក្នុងប៉ុន្មានថ្ងៃអំណរឆ្នាំថ្មី។ យើងខ្ញុំពិតជារីករាយ និងកក់ក្តៅជាងមុននៅរដូវផ្ការីកនេះ។ ”

 

រីឯលោក Cao Xuân Cường ជាអ្នកនេសាទត្រីនៃឃុំ Ninh Vân បាននិយាយដោយរំភើបចិត្តថា គាត់សប្បាយចិត្តខ្លាំងណាស់ នៅពេលបានទទួលអំណោយពីកងឆ្មាំសមុទ្រ នេះគឺជាអំណោយដែលមានអត្ថន័យខ្លាំង ហើយយើងខ្ញុំនឹងបន្តសហការជាមួយកងឆ្មាំសមុទ្រដើម្បីរក្សាភាពសុខក្សេមក្សាននៅតំបន់សមុទ្រ កោះដ៏ពិសិដ្ឋនៃមាតុប្រទេស ។.

ឧត្តមសេនីយ៍ត្រី Đỗ Hồng Đó - ជាប្រធានគណៈកម្មាធិការបក្ស នៃតំបន់សមុទ្រ ៣ បានមានប្រសាសន៍ថា៖ បណ្តាសកម្មភាពនៃកម្មវិធី“អំណរឆ្នាំថ្មីនៅលើកោះ” បា​នបង្ហាញពីមនោសញ្ចេតនា និងការទទួលខុសត្រូវរបស់កំលាំងការពារសមុទ្រវៀតណាមនិយាយរួម និង បញ្ជាការដ្ឋាន លេខ ៣ និយាយដោយឡែក  ចំពោះរដ្ឋអំណាច និងប្រជាជននៅក្នុងមូលដ្ឋាននានា ; សំខាន់គឺបណ្តាឃុំកោះ និងស្រុកនៅមានការលំបាក; រួមចំណែកជាមួយប្រជាជនក្នុងទូទាំងប្រទេស យកចិត្តទុកដាក់ដល់ការទទួលឆ្នាំថ្មី ដល់មុខសញ្ញាគោលនយោបាយ, អ្នកក្រីក្រ,  សិស្សមានស្ថានភាពគ្រួសារក្រកំបាល តែសង្វាតរៀនសូតក្នុងភូមិសាស្ត្រដែលខ្លួនគ្រប់គ្រង បានទទួលឆ្នាំថ្មីដោយសប្បាយរីករាយ។

ហើយតាមរយៈនេះ នឹងបង្កើតចេញនូវទំនាក់ទំនងសមគ្គីភាព, បង្កើនការសហការគ្នា រវាងរដ្ឋអំណាចនៅតំបន់និមួយៗ, លើកកម្ពស់គំនិងទទួលខុសត្រូវរបស់ប្រជាជន ចំពោះ តំបន់សមុទ្រ និងកោះនៃមាតុភូមិ, រួមចំណែកកសាងតំបន់កោះអភិវឌ្ឍន៍សេដ្ឋកិច្ច-សង្គមកិច្ច, ពង្រឹងចំណងសមគ្គីភាពរវាងកងទ័ព​និងប្រជាជន ព្រមទាំងពង្រឹងចិត្តស្រឡាញ់ប្រទេសជាតិ តំបន់កោះ និងសមុទ្រនៃមាតុភូមិ។