ព័ត៍មាននៅក្នុងប្រទេស

១.គណៈកម្មាធិការបក្សទីក្រុងហូជីមិញបានណែនាំ៖ បន្តការប្រុងប្រយ័ត្ននិងបង្ការការរីករាលដាលនៃជំងឺ Cov-១៩ ក្នុងកម្រិតខ្ពស់បំផុត

ថ្មីៗនេះ គណៈកម្មាធិការបក្សទីក្រុងហូជីមិញ បានចេញលិខិតបទដ្ឋានណែនាំ ស្តីអំពីការបង្កើនការការពារ និងត្រួតពិនិត្យការរីករាលដាលនៃជំងឺ Covid-19 នៅទីក្រុងហូជីមិញ។

យោងតាមនោះ គណៈកម្មាធិការអចិន្រ្តៃយ៍នៃគណៈកម្មាធិការបក្ស បានតម្រូវដល់គណៈកម្មាធិការបក្សគ្រប់លំដាប់ថ្នាក់,  រដ្ឋអំណាច, តំបន់នានា, ស្ថាប័ន, អង្គភាព, រណសិរ្សមាតុភូមិនិងអង្គការនយោបាយ-សង្គមគ្រប់លំដាប់ថ្នាក់ ជាពិសេស គឺខណ្ឌស្រុក, ទីក្រុងក្រោមឱវាទ, សង្កាត់, ឃុំ និងទីរួមស្រុក ត្រូវកំណត់នូវកិច្ចការការពារ ការរាតត្បាតនៃជំងឺ Covid-19 គឺជាភារកិច្ចអាទិភាពចំបង រួមជាមួយនឹងការអភិវឌ្ឍន៍សេដ្ឋកិច្ច-សង្គម ចាប់ពីពេលនេះរហូតដល់ក្រោយបុណ្យចូលឆ្នាំថ្មី ប្រពៃណីជាតិ ២០២១ ។

ដោយក្នុងនោះ បន្តលើកកម្ពស់ការទទួលខុសត្រូវ, ម្ចាស់ការកសាងបណ្តាវិធានការ ទប់ទល់នឹងស្ថានភាពនានា, អនុវត្តឲ្យមានប្រសិទ្ធិភាពបណ្តា វិធានការណ៍ការពារ និងទប់ស្កាត់ការរាតត្បាតរបស់ជំងឺប្រកបដោយប្រសិទ្ធភាព....ជាដើម។

២.ជំនួយដល់ក្រុមគ្រួសារជួបការលំបាកពេលលើកផ្លូវ

ខុទ្ទការល័យនៃគណៈកម្មាធិការប្រជាជនទីក្រុងហូជីមិញបានឲ្យដឹងថា ទាក់ទងនឹងការឧបត្ថម្ភជូនដល់បណ្តាក្រុមគ្រួសារជួបការលំបាក មករងផលប៉ះពាល់ដោយគម្រោងជួសជុលផ្លូវថ្នល់ដែលមានលំអៀងខាងកម្ពស់ បើប្រៀបធៀបនឹងស្ថានភាពផ្ទះប្រជាជនមានស្រាប់ ក្នុងទីក្រុងនោះ គណៈកម្មាធិការប្រជាជនទីក្រុង បានប្រគល់ដល់មន្ទីរសំណង់ និងបណ្តាងអង្គភាពពាក់ព័ន្ធ, គណៈកម្មាធិការប្រជាជនបណ្តាខណ្ឌ ស្រុក ត្រូវពង្រឹងការគ្រប់គ្រងក្នុងការផ្តល់អាជ្ញាប័ណ្ណផែនការ និងសាងសង់។

គណៈកម្មាធិការប្រជាជនបណ្តាខណ្ឌស្រុក ត្រូវផ្ទៀងផ្ទាត់ និងរៃអង្គាសថវិការ ដើម្បីជំនួយដល់បណ្តាគ្រួសារគោលនយោបាយ, គ្រួសារមានស្ថានភាពលំបាក, គ្រួសារក្រីក្រ និងគ្រួសារស្ថិតក្នុងបន្ទាត់ក្រីក្រ សម្រាប់បានជួសជុលផ្ទះឡើងវិញ និងឆ្លើយតបនឹងតម្រូវការរស់នៅរបស់ប្រជាជន និងស្ថិរភាពជីវភាពរស់នៅ។

៣.Bà Rịa - Vũng Tàu ៖ សង្គ្រោះបានមនុស្ស ៣៣៩ នាក់ត្រូវធ្លាក់ចូលក្នុងទឹកកួចពេលហែលទឹកសមុទ្រ

មជ្ឍមណ្ឌលគ្រប់គ្រង និងជំនួយទេសចរណ៍ទីក្រុង Vũng Tàu (ខេត្ត Bà Rịa - Vũng Tàu) បានបើកអង្គប្រជុំសង្ខេបស្ថានភាពអនុវត្តភារកិច្ចឆ្នាំ ២០២០ និងដំណៅទិសភារកិច្ចឆ្នាំ ២០២១។

បានដឹងថា នៅឆ្នាំ ២០២០បណ្តាតំបន់ទេសចរណ៍ក្នុងភូមិសាស្ត្រខេត្ត បានទទួល និងបម្រើភ្ញៀវទេសចរជាង ៤,៣ លាននាក់, គឺថយចុះ  ២២% បើប្រៀបធៀបនឹងរយៈពេលដូចគ្នាក្នុងឆ្នាំ ២០១៩ , ក្នុងនោះ ភាគច្រើនគឺភ្ញៀវទេសចរក្នុងស្រុក។ កម្លាំងមានសមត្ថកិច្ចបានជួយសង្គ្រោះមនុស្សចំនួន ៣៣៩ ករណី ដែលត្រូវរធ្លាក់ចូលរន្ធទឹកកួច,  ១២ ករណីត្រូវលង់ទឹកពេលហែលទឹក និងរកឃើញក្មេងវង្វេងផ្លូវ ១៦៣ នាក់នាំទៅផ្ទះខ្លួនដោយសុវត្ថិភាព។

៤.អង្ករវៀតណាម ៦០ តោនដំបូងគេបង្អស់បាននាំចូលអង់គ្លេសដោយយោងតាមសន្ធិសញ្ញា ​​UKVFTA

អង្ករក្រអូបរបស់ប្រទេសវៀតណាមច្រើនតោនដំបូងគេបង្អស់ ត្រូវបាននាំចេញទៅកាន់ចក្រភពអង់គ្លេស ក្រោមសន្ធិសញ្ញាពាណិជ្ជកម្មសេរីអង់គ្លេស - វៀតណាម (UKVFTA) ចាប់ពីថ្ងៃទី ២៦ ខែមករា។បានដឹងថា ប្រទេសអង់គ្លេសកំពុងដាក់ពន្ធលើការនាំចូលអង្ករក្រអូប (ផ្កាម្លិះ) ដោយអត្រា ១៧,៤% ។

ក៏ប៉ុន្តែ, យោងតាមសន្ធិសញ្ញានេះ គឺអង្ករក្រអូបរបស់វៀតណាមមានគុណភាពខ្ពស់ បានលក់ក្នុងទីផ្សារចក្រភពអង់គ្លេសត្រូវបានរួចផុតពីពន្ធនាំចូល បានជួយឱ្យអង្ករវៀតណាមកាន់តែមានប្រៀបខ្លាំងក្នុងការប្រកួតប្រជែងជាមួយអង្ករពីប្រទេសដទៃ ដូចជាថៃ។

ព័ត៍មានអន្តរជាតិ

៥.វ៉ាក់សាំងការពារជំងឺ Covid-19 កំពុងត្រូវបានផលិតដោយពេញសមត្ថភាព, WHO បានអំពាវឱ្យអ្នកទាំងអស់គ្នាខំអត់ធ្មត់រងចាំ

នាយកប្រចាំតំបន់អឺរ៉ុបរបស់អង្គការសុខភាពពិភពលោក (WHO) បាននិយាយថា ក្រុមហ៊ុនផលិតវ៉ាក់សាំង Covid-19 កំពុងធ្វើការមិនឈប់ឈរ ដើម្បីឆ្លើយតបនឹងតម្រូវការព្រមទាំងបានអំពាវនាវដល់បណ្តាប្រទេសគួរតែខំអត់ធ្មត់រងចាំទទួលវ៉ាក់សាំង។

ភាគី WHO ក៏បានបញ្ជាក់ជាថ្មីថា វ៉ាក់សាំងគួរតែត្រូវបានចែករំលែកស្មើៗគ្នា រវាងប្រទេសអ្នកមាននិងប្រទេសក្រីក្រ ដើម្បីជួយបញ្ចប់ការរាតត្បាតជំងឺកូវីដ-១៩ ដោយឆាប់រហ័សហើយវ៉ាក់សាំងនេះ  នឹងជា“ ទំនិញធម្មតា ត្រូវបានលក់ពេញពិភពលោក” តែម្តង។

៦. ការចូលរួមថវិការដល់មូលនិធិសន្តិភាព បានត្រឹមតែ ៤៣៩ លានដុល្លារប៉ុណ្ណោះ

យោងតាមកាសែត The Straits Times បានដកស្រង់សេចក្តីថ្លែងការណ៍របស់អង្គការសហប្រជាជាតិថា គិតមកទល់ពេលនេះប្រទេសចំនួន ៣៩ (បានចុះហត្ថលេខា) បានចូលរួមវិភាគទានតែជាង ៤៣៩ លានដុល្លារប៉ុណ្ណោះដើម្បីជួយធានាដល់សន្តិភាពនៅក្នុងប្រទេសដែលមានជម្លោះ, មានន័យថា គឺទាបជាងគោលដៅចំនួន ១,៥ ពាន់លានដុល្លារ ក្នុងរយៈពេល ៥ឆ្នាំ  គឺពីឆ្នាំ ២០២០-២០២៤ ។

៧.ឥណ្ឌា៖ បានផ្ទុះជំងឺផ្តាសាយបក្សី

នាយកដ្ឋានបសុសត្វ ទឹកដោះគោ និងជលផល ចំណុះក្រសួងកសិកម្ម និងសុខុមាលភាពកសិករនៃប្រទេសឥណ្ឌាបានទទួលស្គាល់ថា ជំងឺផ្តាសាយបក្សីបានផ្ទុះឡើងនៅក្នុងរដ្ឋចំនួន ៩ នៃប្រទេសនេះ ព្រមទាំងបាននឆ្លងក្នុងពពួកបក្សាបក្សីព្រៃក្នុង ១២រដ្ឋក្នុងប្រទេសនេះហើយ។

TẾT SỚM NƠI BIÊN CƯƠNG

ឆ្នាំថ្មីមកឆាប់នៅតំបន់ព្រំដែន

ស្លាកស្នាមដែលបន្សល់ទុកពីការបំផ្លាញរបស់ព្យុះ, ទឹកជំនន់ និងដីស្រុតចុះនៅចុងឆ្នាំ ២០២០ នៅតំបន់ដីស្ថិតនៅភូមិភាគកណ្តាល។ ក៏ប៉ុន្តែ ដោយមានការយកចិត្តទុកដាក់ពីបក្សនិងរដ្ឋនោះ គឺស្មារតី “ជួយគ្នាទៅវិញទៅមក” គឺសង្គមទាំងមូលកំពុងរួមដៃគ្នា ដើម្បីជំនួយដល់ មនុស្សគ្រប់គ្នា ជាពិសេស គឺបណ្តាក្រុមគ្រួសារគោលនយោបាយ, អ្នកក្រីក្រនៅតំបន់ព្រំដែន តំបន់ឆ្នេរសមុទ្រ និងតំបន់កោះ បានទទួលឆ្នាំថ្មីប្រកបដោយភាពកក់ក្តៅនិងរីករាយ។

ថ្មីៗនេះ គណៈកម្មាធិការរណសិរ្សមាតុភូមិស្រុក A Luoi បានសហការជាមួយ ក្រុមប្រឹក្សាភិបាលស្រុក A Luoi (Thua Thien - ខេត្ត Hue) បានរៀបចំការជូនអំណោយចំនួន ១៥០ចំណែក (៣៥០,០០០ ដុង /ចំណែក)  ដល់បណ្តាក្រុមគ្រួសាស្ថិតក្នុងក្រុមគ្រប់គ្រងខ្លួនឯង សន្តិសុខព្រំដែន នៃឃុំ Quảng Nhâm  (ស្រុក A Lưới ) ។

លោកវរសេនីយ៍ទោ Hồ Văn Hà ជាប្រធានប៉ូស្តិ៍ការពារព្រំដែន Nhâm បានមានប្រសាសន៍ថា ក្រៅពីការជូនអំណោយលើកទឹកចិត្ត និងលើកទឹកចិត្តដល់បណ្តាក្រុមគ្រួសារស្ថិតក្នុងក្រុមក្រុមគ្រប់គ្រងដោយខ្លួនឯងនៃសន្តិសុខព្រំដែន,  អង្គភាពនៅបានសហការជាមួយការរិយាល័យទប់ស្កាត់គ្រឿងញៀននិងបទល្មើស  បានមកសួរសុខទុក្ខ និងជូនភួយចំនួន ៥០ ដល់បងប្អូនជនជាតិភាគតិច នៅឃុំ Quảng Nhâm និងស្នោចំនួន ២០០ សន្លឹកដល់មត្តេយ្យសាលា Hồng Thái ។

នៅក្នុងធាតុអាកាសដ៏ត្រជាក់ខ្លាំង លោកស្រី Hồ Thị Nương  (នៅឃុំ Hồng Thái ស្រុក A Lướ បានចែករំលែកថា  ពីរនាក់ប្តីប្រពន្ធគាត់ ចេះតែឈឺជាញឹកញាប់, ក្នុងពេលនោះ ដីធ្លីក៏មិនសូវច្រើន បានជៃការរកស៊ីចិញ្ចឹមជីវិតពិបាកណាស់។ ដោយមានការជំនួយពីកងទ័ពការពារព្រំដែនខេត្ត  Thừa Thiên - Huế បានឧបត្ថម្ភថវិកា ៥០ លានដុងពីកម្មវិធី“ ជម្រកមនោសញ្ចេតនា” សំរាប់ស្ត្រីក្រីក្រនៅតាមតំបន់ព្រំដែន,ប៉ូស្តិ៍ការពារព្រំដែន Nhâm និង រដ្ឋអំណាចឃុំ Hồng Thái បានមកជួយសាងសង់ បានជា គ្រួសារគាត់មានផ្ទះថ្មី, ធំទូលាយ និងរឹងមាំដើម្បីត្រៀមទទួលឆ្នាំថ្មី។

នៅប៉ូស្តិ៍ការពារព្រំដែន Nam Giang  (Quảng Nam ) កម្មាភិបាល និងយុទ្ធ ជនកំពុងមមាញឹករៀបចំពិធីបុណ្យវិចនំ និងដាំនំអន្សំជ្រុង និងកម្មវិធីផ្លាស់ប្តូរវប្បធម៌ប្រពៃណីសម្រាប់បងប្អូនជនជាតិភាគតិចនៅទីនេះ បានទទួលឆ្នាំថ្មីនៅថ្ងៃទី ៣០ ខែមករា។ លោកវរសេនីយ៍ទោ Đỗ Xuân Trinh បាននិយាយថា បន្ទាប់ពីពិធីបុណ្យ អង្គភាពនឹងចាត់មនុស្សឲ្យទៅជូននំអន្សំជ្រុងដល់អ្នកភូមិ និងផ្ញើជូនដល់យុទ្ធជនកំពុងយាមការពារនៅប៉ុស្តិ៍។

នាពេលបច្ចុប្បន្ន កម្មាភិបាល និងយុទ្ធជននៅប៉ូស្តិ៍ការពារព្រំដែន Nam Giang បានទាក់ទងទងជាមួយបណ្តាក្រុមហ៊ុនវៀតណាមនៅប្រទេសឡាវ ដើម្បីស្នើអោយមានការសហការបង្កើនការគ្រប់គ្រងកម្មករ ដើម្បីធានានូវកិច្ចការការពារការរីករាលដាលនៃជំងឺ Covid-19 ដោយប្រសិទ្ធភាព។ លោកវរសេនីយ៍ទោ Đỗ Xuân Trinh បាននិយាយថាអង្គភាពបានរៀបចំអង្ករសម្រូប នំអន្សំជ្រុង, និងសាច់សត្វ ... ក្នុងចំនួនគ្រប់គ្រាន់ សម្រាប់កងទ័ពបានទទួលឆ្នាំថ្មីនៅតំបន់ព្រំដែនដោយកក់ក្តៅ។ មកពីបានបោះជំរុំទីតាំងឆ្ងាយពីប្រជាជន, គ្មាន ផ្សារ និងពិបាកទៅមក បានជាបងប្អូនត្រូវបង្កបង្កើនផលដោយខ្លួនឯង ដើម្បីធានាបាននូវចំណីអាហារនិងស្បៀងអាហារនៅនឹងកន្លែង។