ព័ត៌មាន

១.បង្កើនការដឹកនាំរបស់បក្សចំពោះកិច្ចការជនពិការ

ថ្មីៗនេះ លោកនាយករដ្ឋមន្រ្តីបានចេញផែនការរៀបអនុវត្តសារាចរណែនាំលេខ 39-CT/TW  ចុះថ្ងៃទី 1/11/2019 របស់គណៈលេខាមជ្ឈិមបក្សនិតិកាលទី ១២ ស្តីអំពីការបង្កើនការដឹកនាំរបស់បក្ស ចំពោះកិច្ចការជនពិការ។

ភារកិច្ច និងដំណោះស្រាយនានា ដែលបានដាក់ចេញក្នុងផែនការ គឺជំរុញកិច្ចការឃោសនា និងផ្សព្វផ្សាយគោលនយោបាយ និងច្បាប់ ស្តីអំពីជនពិការ; លើកកំពស់សុពលភាព និងប្រសិទ្ធភាពនៃការគ្រប់គ្រងរដ្ឋ ក្នុងការអនុវត្តគោលនយោបាយនិងច្បាប់ស្តីអំពីជនពិការ; ជំរុញសង្គមនីយកម្មនៃសកម្មភាពជំនួយជនពិការ; លើកស្ទួយតួនាទីនិងការទទួលខុសត្រូវរបស់រណសិរ្សមាតុភូមិវៀតណាម‚ បណ្តាអង្គការនយោបាយ−សង្គម និងបណ្តាអង្គការសង្គម ចំពោះបណ្តាអង្គការរបស់ជនពិការ; លើកកម្ពស់គុណភាព‚ ប្រសិទ្ធិភាពនៃរាល់សកម្មភាពរបស់បណ្តាអង្គការរបស់ជនពិការ; អនុវត្តកិច្ចការត្រួតពិនិត្យ‚ អធិការកិច្ច‚ តាមដាន និងលើកសរសើរ; ជំរុញសង្គមនីយកម្មនៃកិច្ចការជនពិការ‚ បំផុសបណ្តាអង្គការ‚ បុគ្គល និងសហគមន៍ ឱ្យចូលរួមក្នុងការជួយជនពិការ ...

២.ទីក្រុងហូជីមិញលើកកម្ពស់ប្រសិទ្ធភាពនៃផ្នែករដ្ឋបាលសាធារណៈ

ដើម្បីលើកកម្ពស់ប្រសិទ្ធភាព នៃសកម្មភាពផ្នែករដ្ឋបាលសាធារណៈ‚ បម្រើឱ្យបានល្អជាងទៀត នូវតម្រូវការរបស់ប្រជាជន និង អាជីវកម្មដ្ឋានកាន់តែប្រសើរនោះ គឺទីក្រុងហូជីមិញបានអនុវត្តវិធានការស៊ីចង្វាក់គ្នាជាច្រើន នៅគ្រប់លំដាប់ថ្នាក់ និងគ្រប់វិស័យ។ ទីក្រុងបានចេញផែនការ ស្តីអំពីការត្រួតពិនិត្យ និង សិក្សាអំពីកិច្ចការគ្រប់គ្រងនីតិវិធីរដ្ឋបាលឆ្នាំ ២០២០ និងដំណើការនៅតាមស្ថាប័ន និងអង្គភាព សម្រាប់រកឱ្យឃើញនូវភាពមិនប្រក្រតី និង មិនពេញលេញ ដើម្បីកែតម្រូវឱ្យបានទាន់ពេលវេលា។

៣.ទីក្រុងហូជីមិញ៖ ជំរុញបណ្តាដំណោះស្រាយទូទាត់ប្រាក់មិនប្រើសាច់ប្រាក់

ថ្មីៗនេះ គណៈកម្មាធិការប្រជាជនទីក្រុងហូជីមិញ បានប្រគល់ភារកិច្ចដល់ធនាគារជាតិវៀតណាម - សាខាទីក្រុងហូជីមិញ ធ្វើរបាយការណ៍ស្តីពីការអនុវត្តសារាចរណែនាំរបស់លោកនាយករដ្ឋមន្រ្តី ស្តីអំពីការដំណើរការអនុវត្តសារាចរណែនាំរបស់លោកនាយករដ្ឋមន្ត្រីចុះថ្ងៃទី1/11/2020។

សារាចរនេះបានបញ្ជាក់ច្បាស់ភារកិច្ចរបស់ធនាគារជាតិវៀតណាម គឺត្រូវបំពេញឲ្យចប់សពគ្រប់ នូវបែបបទច្បាប់នានា សម្រាប់ការទូទាត់ មិនចាយសាច់ប្រាក់ និងការទូទាត់អេឡិចត្រូនិក; ប្រកាសឲ្យប្រើយន្តការ និងគោលនយោបាយសមស្រប អំពីថ្លៃសេវា សម្រាប់លើកទឹកចិត្តដល់អង្គការ និង បុគ្គលឱ្យធ្វើការទូទាត់នានា ដោយមិនបង់ជាសាច់ប្រាក់; មុនថ្ងៃទី ១៥ ខែធ្នូឆ្នាំ ២០២០ ត្រូវបញ្ចប់ការសាងសង់ និងអភិវឌ្ឍប្រព័ន្ធដកនិងបំពេញអេឡិចត្រូនិចដោយស្វ័យប្រវត្តិ ដល់បណ្តាការលក់ដូរទូទាត់ទិញទំនិញរាយ (ACH)‚ បានដាក់ឱ្យដំណើរការ និង អនុវត្តសេវានេះជាផ្លូវការ។

៤.ថវិកាជាង ១ ពាន់លានដុងពីការចិញ្ចឹមកូនជ្រូកដីត្រូវបានប្រគល់ដល់អាហារូបករណ៍Nguyễn Đức Cảnh

សម្ព័ន្ធសហព័ន្ធពលកម្មនៃខណ្ឌ Bình Thạnh បានធ្វើការបូកសរុបពិធីប្រលង“ ចិញ្ចឹមកូនជ្រូកដីសុខភាពល្អ” ឆ្នាំ ២០២០ និង ចាប់ផ្តើមបំផុសចលនា“ ចិញ្ចឹមកូនជ្រូកដីសុខភាពល្អ” ឆ្នាំ ២០២១ ។

បានដឹងថា មានកូនជ្រូកដីជាង ២០០ក្បាល ត្រូវបានសហជីពមូលដ្ឋាននានា ចាប់ផ្តើមចិញ្ចឹមពីខែមិថុនាឆ្នាំ ២០១៩ ដល់ខែមិថុនាឆ្នាំ ២០២០  បានបំបែកនៅនឹងកន្លែង។ លទ្ធផល ដែលសមាគមន៍ទទួលបានសរុបជិត ១ ពាន់ ៥​រយលានដុង។  ហើយប្រាក់ដែលទទួលបានទាំងអស់ពីចលនានេះ ត្រូវបានប្រគល់ទៅឱ្យសហជីពមូលដ្ឋាន សម្រាប់មូលនិធិផ្តល់អាហារូបករណ៍ Nguyễn Đức Cảnh ជូនកាតាប‚ សៀវភៅ‚ ប៊ិច‚ ឯកសណ្ឋាន ... ដល់កូនិយោជិក និងកម្មករ ដែលមាស្ថានភាពគ្រួសារក្រលំបាកនៅនឹងអង្គភាព ដើម្បីរៀនឲ្យបានពូកែ។

៥.យុទ្ធនាការចាយវាយបៃតងឆ្នាំ ២០២០៖ បង្កើតនិន្នាការប្រើប្រាស់ថ្មី

កាសែត Sài Gòn Giải Phóng បានសហការជាមួយ សម្ព័ន្ធសហករណ៍ពាណិជ្ជកម្មទីក្រុងហូជីមិញ បានបើកយុទ្ធនាការជាផ្លូវការចាយវាយបៃតងឆ្នាំ ២០២០ ។ អស់រយៈពេលអនុវត្តបាន ១០ ឆ្នាំ  យុទ្ធនាការចាយវាយបៃតង បានទាក់ទាញអ្នកស្មគ្រ័ចិត្តជាង  ១ លាននាក់។ រាល់ព័ត៌មាននៃសកម្មភាពរបស់យុទ្ធនាការ ត្រូវបានប្រជាជនជាង  ៦លាននាក់ចូលរួម។ ពិសេស ចំណូលផលិតផលបៃតងនៅក្នុងប្រព័ន្ធផ្សារធំទំនើប Saigon Co.op  តែងតែរក្សានៅកំណើតពី  40% - 60%  ក្នុងរយៈពេលអនុវត្តយុទ្ធបនាការ។

៦.ជំនួយប្រជាជនដែលរងផលប៉ះពាល់មកពីជំងឺរាតត្បាត‚គ្រោះរាំងស្ងួតនិងដីជ្រាបជាតិប្រៃ

ប៉ុន្មានថ្ងៃថ្មីៗនេះ តំបន់ជាច្រើនក្នុងទូទាំងប្រទេស‚ រណសិរ្សមាតុភូមិគ្រប់លំដាប់ថ្នាក់ព្រមទាំង ស្ថាប័ន‚ អង្គភាព និងសប្បុរសជន បន្តមានសកម្មភាពជាច្រើន ដើម្បីជំនួយដល់ប្រជាជនដែលមានស្ថានភាពក្រលំបាកក្រោយគ្រោះរាំងស្ងួត‚ ដីចាប់ជាតិប្រៃ និងមហាជំងឺ Covid-19 ។ សកម្មភាពទាំងនេះ ត្រូវបានធ្វើឡើងស្របជាមួយនឹងការអនុវត្តកញ្ចប់ជំនួយសុខុមាលភាពសង្គមរបស់រដ្ឋាភិបាល។ ដោយហេតុនេះហើយ ប្រជាជនដែលមានស្ថានភាពលំបាក បានមានបន្ថែមកម្លាំងលើកទឹកចិត្ត សម្រាប់ស្ថេរភាពជីវិតរស់នៅ‚ អភិវឌ្ឍពលកម្ម និងផលិតកម្ម។

៧.ខេត្តឡុងអាន៖ ជូនអំណោយដល់គ្រួសារក្រីក្ររងផលប៉ះពាល់កូវីដ -១៩

គណៈកម្មាធិការរណសិរ្សមាតុភូមិខេត្ត Long An បានសហការជាមួយស្រុក Ðức Huệ រៀបចំពិធីជូនអំណោយ ដល់បណ្តាគ្រួសារដែលកំពុងប្រឈមនឹងការលំបាកមកពីរងផលប៉ះពាល់នៃមហាជំងឺរាតត្បាត Covid-19 ។

បានដឹងថា ក្រុមបានចែកជូនអំណោយចំនួន ៧០០ចំណែក ដល់គ្រួសារក្រីក្រ‚ គ្រួសារគោលនយោបាយលំបាក និងគ្រួសារស្ថិតក្នុងបន្ទាត់ក្រីក្រ នៅឃុំចំនួន ៥ គឺ Mỹ Quý Tây, Mỹ Quý Ðông, Mỹ Thạnh Ðông, Bình Hòa Bắc và Bình Hòa Nam។ អំណោយនីមួយៗមានតម្លៃមួយលានដុង រួមមានសាច់ប្រាក់ចំនួន ៨០០,០០០ ដុង និងសំភារៈចាំបាច់មួយចំនួន ដូចជា មីកញ្ចប់‚ ទឹកស៊ីអ៊ីវ‚ ទឹកដោះគោជាដើម។ បានដឹងថា មុននោះ គណៈកម្មាធិការរណសិរ្សមាតុភូមិខេត្ត ក៏បានចូលមកជូនអំណោយចំនួន ៣០០ ចំណែករបស់ក្រុមហ៊ុន T&T Group ដល់ប្រជាជនដែលត្រូវរងផលប៉ះពាល់ដោយការរីករាលដាលនៃ Covid-19 នៅក្នុងស្រុក Moc Hoa ។

CỦ CHI PHÁT TRIỂN SẢN PHẨM NÔNG NGHIỆP CHỦ LỰC

ស្រុក CỦ CHI អភិវឌ្ឍន៍ផលិតផលកសិកម្មមុខព្រួញ

ជាមួយសក្ដានុពល និង ប្រៀបខ្លាំង អំពីការធ្វើកសិកម្មកនោះ ស្រុក Củ Chi នៃទីក្រុងហូជីមិញ តែងតែបានខិតខំស្វែងរក និងអនុវត្តដំណោះស្រាយជាច្រើន សម្រាប់ជំរុញការអភិវឌ្ឍន៍បណ្តាផលិតផលកសិកម្មមុខព្រួញដោយចិរភាព និងទទួលបានលទ្ធផលសេដ្ឋកិច្ចកាន់តែខ្ពស់។

តាមការស្ថិតិពីគណៈកម្មាធិការប្រជាជនស្រុក Củ Chi គឺសព្វថ្ងៃនេះ ក្នុងភូមិសាស្ត្រស្រុក មានប្រជាជនចំនួន 3.465  ក្រុមគ្រួសារបានចិញ្ចឹមគោរឹតទឹកដោះ ជាមួយហ្វូងសត្វគោសរុបចំនួន  56.405 ក្បាល ក្នុងនោះ គោញីកំពុងយកទឹកដោះចំនួន 25.140 ក្បាល បានផ្តល់ទឹកដោះគោគិតជាមធ្យម ៣០០តោនក្នុងមួយថ្ងៃ។ ទឹកដោះគោឆៅត្រូវបានលក់ឲ្យ ៥ អង្គភាព ។

សរុបក្នុងស្រុកមាន 1.666  ក្រុមគ្រួសារបានចិញ្ចឹមសត្វជ្រូក ដែលមានទាំងអស់ចំនួន 83.496 ក្បាល‚ ស្មើរនឹងប្រមាណ ៦០% នៃសរុបហ្វូងសត្វជ្រូកទាំងអស់របស់ទីក្រុងហូជីមិញ។ ហើយក្រៅពីនេះ  ស្រុកក៏មានផ្ទៃដីដាំដំណាំសុវត្ថិភាពប្រមាណ 3.000ហិកតា; ផ្ទៃដីដាំផ្កាលអរប្រមាណ 979 ហិកតា (ក្នុងនោះ ១៨០ហិកតាបានដាំផ្កាអ័រគីដេ)។ ក្នុងស្រុកមាន ៣៥ហសហករបានធ្វើសកម្មភាពខាងផ្នែកកសិកម្ម‚ មួយថ្ងៃៗ បានផ្គត់ផ្គង់លើទីផ្សារបន្លែគ្រប់ប្រភេទប្រមាណ ១២តោន បានរួមចំណែក ក្នុងការផ្គត់ផ្គង់ប្រភពស្បៀងអាហារសុវត្ថិភាពដល់អ្នកប្រើប្រាស់ក្នុងភូមិសាស្ត្រស្រុក‚ ទីក្រុង និងបណ្តាខេត្តជិតខាង។

ប៉ុន្មានឆ្នាំកន្លងមកនេះ ដើម្បីពង្រីកបណ្តារូបភាពគំរូផ្លាស់ប្តូរសត្វចិញ្ចឹម និងដំណាំ សម្រាប់ជួយឲ្យកសិករបង្កើនប្រាក់ចំណូល គឺស្រុក Củ Chi បានជំរុញកិច្ចការឃោសនា និងបំផុសកសិករឲ្យក្លាហានចុះឈ្មោះផ្លាស់ប្តូរពីផ្ទៃដីដាំស្រូវមិនសូវមានប្រសិទ្ធិភាព  ទៅដាំដំណាំផ្សេងដែលមានតម្លៃសេដ្ឋកិច្ចខ្ពស់; ព្រមទាំងអនុវត្តបណ្តាជំនឿនវិទ្យាសាស្ត្រ​ និងបច្ចេកទេស ដើម្បីលើកកម្ពស់ទិន្នផលដំណាំ និងសត្វចិញ្ចឹម។

យោងតាមការស្ថិតិឃើញថា ស្រុក Củ Chi ទាំងមូល មានផ្ទៃដីដាំបន្លែសុវត្ថិភាពក្នុងផ្ទះសំណាញ់ចំនួន 438,37 ហិកតា‚ ផ្ទៃដីដាំបន្លែសុវត្ថិភាពជិត 406 ហិកតា បានអនុវត្តយន្តូបនីយកម្ម ដូចជាបាញ់ចំហាយទឹក ឬ ស្រោកទឹកជាដំណក់។ ដោយហេតុនេះហើយ ក្នុងឆ្នាំ ២០១៩ ទិន្នផលបន្លែសុវត្ថិភាពគិតជាមធ្យមរបស់ស្រុកសម្រេចបាន 19,2 តោន/ហិកតា/ឆ្នាំ‚ ប្រសិទ្ធិភាពសេដ្ឋកិច្ចសម្រេចបានជិត ១ ពាន់ ៥រយលានដុង/ហិកតា/ឆ្នាំ។ ចំពោះផ្កាលំអរវិញ ស្រុក Củ Chi មានជាង ១៣៧​ហិកតាបានដាំក្នុងផ្ទះសំណាញ់; ជាង ១០៤ ហិកតា ត្រូវបានអនុវត្តយន្តូបនីយកម្ម‚ បាញ់ចំហាយទឹក ឬ ស្រោចជាដំណក់; ទិន្នផលគិតជាមធ្យមក្នុងឆ្នាំ ២០១៩ បានប្រមាណ ២០០ពាន់ទង/ហិកតា/ឆ្នាំ ជាមួយប្រសិទ្ធិភាពសេដ្ឋកិច្ចសម្រេចបានប្រមាន ៨០០ លានដុង/ហិកតា/ឆ្នាំ។​ ហើយស្រុកក៏មានផ្ទៃទឹកចិញ្ចឹមត្រីលំអរជាង ១២ហិកតា ដែលមានត្រីពូជជាង ២លានក្បាល បានចិញ្ចឹមក្នុងឆ្នាំ ២០១៩ និងទិន្នផលប៉ាន់ស្មានសម្រេចបាន ៨៤០ពាន់ក្បាល/ហិកតា/ឆ្នាំ‚ ប្រសិទ្ធិភាពសេដ្ឋកិច្ចសម្រេចបានប្រមាណ ២ ពាន់ ៤រយលានដុង/ហិកតា/ឆ្នាំ…ជាដើម។

ក៏ប៉ុន្តែ ការអភិវឌ្ឍន៍បណ្តាផលិតផលកសិកម្មមុខព្រួញរបស់ស្រុក Củ Chi ក៏ត្រូវប្រ         ឈមនឹងភាពលំបាកជាច្រើន។ លោក Lê Đình Đức ជាអនុប្រធានគណៈកម្មាធិការប្រជាជនស្រុក Củ Chi បានឲ្យដឹងថា មានប្រជាកសិករច្រើនគ្រួសារ ដែលមិនចង់ចូលរួមសេដ្ឋកិច្ចសមូហភាព (សហករណ៍) នៅតែរក្សាទំលាប់បង្កបង្កើនផលបែបបុរាណ និងអន់ថយ ... ហើយអតិថិជនភាគច្រើន នៅមិនទាន់ចេះបែងចែកបន្លែសុវត្ថិភាព និង បន្លែមិនសុវត្ថិភាពនៅពេលទិញនៅផ្សារប្រពៃណី ឬផ្សារលក់ដុំ។ ធនធានមនុស្សរបស់សហករណ៍នៅតែខ្សោយគ្រប់ជ្រុងជ្រោយ មិនទាន់ឆ្លើយតបនឹងតម្រូវការអភិវឌ្ឍន៍ក្នុងស្ថានភាពថ្មី។

ទន្តឹមនឹងនោះ ‚ដើម្បីផលិតកម្មកសិកម្មខ្នាតធំ ត្រូវការវិនិយោគជាលក្ខណៈបច្ចេកទេសលើកសិដ្ឋាន‚ ទ្រុងចិញ្ចឹមសត្វ‚ ផ្ទះសំណាញ់…ប៉ុន្តែស្រុកមិនទាន់អាចផ្តល់លិខិតអនុញ្ញាតសាងសង់សំណង់ទាំងនេះនៅឡើយទេ មកពីមិនមានបទកំណត់ឡើយ។ ថ្នាក់ស្រុកក៏បានមានមតិ‚ និងស្នើសុំអនុញ្ញាតឱ្យប្រើប្រាស់ផ្ទៃដី ១០ % នៃទំហំផ្ទៃដី (ចំពោះផ្ទៃដីដាំដុះនីមួយៗទំហំចាប់ពី ៥ ហិកតាដល់ ១០ ហិកតា) សម្រាប់សាងសង់សំណង់បន្ទាប់បន្សំ‚ ប៉ុន្តែមកដល់ពេលនេះ មន្ទីរសំណង់គឺទីក្រុងមិនទាន់បានចេញទម្រង់ការណែនាំឲ្យអនុវត្តសាកល្បងលើដីកសិកម្ម និង ដីមិនមែនកសិកម្ម សម្រាប់បម្រើផលិតកម្មកសិកម្មជូនប្រជាជនដែលមានតម្រូវការក្នុងស្រុក ...

ក្នុងពេលធ្វើការស្ទង់មតិ និងបំពេញការងារថ្មីៗនេះ នៅស្រុក Cu Chi ប្រធានក្រុមប្រឹក្សាប្រជាជនទីក្រុងហូជីមិញលោកស្រី Nguyễn Thị Lệ  បានស្នើដល់គណៈគ្រប់គ្រងតបន់កសិកម្មបច្ចេកវិទ្យាខ្ពស់ទីក្រុង ចាំបាច់ត្រូវមានយុទ្ធសាស្ត្រយូរអង្វែង‚មានប្រធានបទជាច្រើន‚ មានគម្រោងស្រាវជ្រាវផលិតកម្មគ្រាប់ពូជ (ដំណាំនិងសត្វចិញ្ចឹម) ដើម្បីជាជំហានៗ ឈានទៅការម្ចាស់ការ អំពីប្រភពគ្រាប់ពូជ សម្រាប់ផ្គត់ផ្គង់ដល់សកម្មភាពផលិតកម្មក្នុងមូលដ្ឋាន‚ កាត់បន្ថយការពឹងផ្អែកលើប្រភពគ្រាប់ពូជនាំចូល។

មន្ទីរ និងផ្នែកនានាពាក់ព័ន្ធរបស់ទីក្រុង ត្រូវតែក្តាប់ជាប់នូវបំណង​ និងមតិរបស់កសិករ; គួបផ្សំនឹងការផ្ទៀងផ្ទាត់‚ វាយតម្លៃជាក់ស្តែងជាមួយគោលការ និងបទកំណត់នៃច្បាប់ សម្រាប់ផ្តល់ប្រឹក្សាអំពីដំណោះស្រាយសមស្រប ជាក់ស្តែងនានា ដល់ថ្នាក់ដឹកនាំទីក្រុង ក្នុងការបង្គាប់ការកសាងទីជនបទថ្មី‚ អភិវឌ្ឍន៍កសិកម្មទីប្រជុំជន‚ បង្ករលក្ខណៈងាយស្រួលដល់ការវិនិយោគផលិតកម្មកសិកម្មបច្ចេកវិជ្ជាខ្ពស់…៕