ព័ត៍មាននៅក្នុងប្រទេស
១.ក្រសួងសុខាភិបាលបានពិចារណាអនុញ្ញាតឱ្យចរាចរថ្នាំ៣ប្រភេទមានសារធាតុ Molnupiravir
ក្រុមប្រឹក្សាផ្តល់វិញ្ញាបនបត្រចុះបញ្ជីចរាចរឱសថ, វត្ថុធាតុដើមផ្សំឱសថ នៃក្រសួងសុខាភិបាល បានប្រជុំ និងពិនិត្យលើការស្នើសុំការអនុញ្ញាតឲ្យចរាចរថ្នាំ មានសារធាតុ Molnupiravir (ជាថ្នាំប្រឆាំងមេរោគប្រើសម្រាប់អ្នកជំងឺកូវីដ-១៩ កម្រិតស្រាល) ផលិតដោយសិប្បកម្មក្នុងស្រុក។ បានដឹងថា ថ្នាំមានសារធាតុ Molnupiravir ត្រូវបានប្រើក្នុងកម្មវិធីព្យាបាលមានការគ្រប់គ្រងក្នុងស្រុក ចាប់ពី ខែសីហាឆ្នាំ 2021។ មកដល់ពេលនេះ មាន ៥១ ខេត្តក្រុង បានចូលរួមប្រើប្រាស់ ជាមួយថ្នាំជាង ៣០ ម៉ឺនដូស ដែលបានចែកចាយ។
២.ទីក្រុងហូជីមិញ៖ មន្ទីពេទ្យបណ្តោះអាសន្នលេខ១៤ បានប្តូរទៅជាន្ទីរពេទ្យ៣ជាន់
គណៈកម្មាធិការប្រជាជនទីក្រុងហូជីមិញ បានមានសេចក្តីសម្រេចរៀបចំមន្ទីរពេទ្យបណ្តោះអាសន្នឡើងវិញ សម្រាប់ព្យាបាលអ្នកជំងឺកូវីដ-១៩ លេខ១៤ ទៅជាមន្ទីរពេទ្យព្យាបាលអ្នកជំងឺកូវីដ-១៩ លេខ១៤ ជាមន្ទីរពេទ្យបណ្តោះអាសន្ន ៣ ជាន់ លេខ ១៣ ចំណុះមន្ទីរសុខាភិបាល ចាប់ពីថ្ងៃទី ១៥ខែធ្នូឆ្នាំ ២០២១ ។ ទីស្នាក់ការ ដាក់នៅផ្ទះលេខ 02 ផ្លូវ Trường Chinh សង្កាត់ Tây Thạnh ខណ្ឌ Tân Phú, ទីក្រុងហូជីមិញ។
៣.កុមារឆ្លងជំងឺកូវីដ-១៩នៅទីក្រុងហូជីមិញមាននិន្នាការថយចុះ
សាស្ត្រាចារ្យវេជ្ជបណ្ឌិត Tăng Chí Thượng នាយកមន្ទីរសុខាភិបាលទីក្រុងហូជីមិញ មានប្រសាសន៍ថា ចំនួនករណីឆ្លងជំងឺកូវីដ-១៩ រួមទាំងកុមារនៅទូទាំងទីក្រុងបច្ចុប្បន្នកំពុងមាននិន្នាការធ្លាក់ចុះ មិនមានស្ថានភាពអ្នកជំងឺកូវីដច្រើនហួស ទៀតហើយ។
៤. Tây Ninh ៖ហាមចិញ្ចឹមសត្វត្រចៀកាំក្នុងទីក្រុង
គណៈកម្មាធិការប្រជាជនខេត្ត Tây Ninh បានឲ្យដឹងថា មូលដ្ឋាននេះទើបបានចេញបទកំណត់ស្តីពីតំបន់មិនអនុញ្ញាតិអោយចិញ្ចឹម និងតំបន់ចិញ្ចឹមសត្វត្រចៀកកាំក្នុងតំបន់។ ការហាមឃាត់មិនឲ្យចិញ្ចឹមត្រចៀកកាំក្នុងទីក្រុង និងទីប្រជុំជនប្រយោជន៍ដើម្បីបង្កើតចេញនូវច្រកផ្លូវច្បាប់សម្រាប់តំបន់ សម្រាប់តំបន់នានា និងស្ថាប័នមានសមត្ថកិច្ចអនុវត្តក្នុងការគ្រប់គ្រងផលិតការចិញ្ចឹមសត្វ។ ម៉្យាងវិញទៀត បទកំណត់នេះនឹងតម្រង់ទិសប្រជាជននឹងនរចិត្តវិនិយោគ ដោយមិនខ្វល់ខ្វាយ មកពីមិនទាន់មានច្បាប់កំណត់ច្បាស់លាស់។
ព័ត៍មានអន្តរជាតិ
៥.អាមេរិកអាចបើកសាលារៀន ដោយមិនខ្វល់អំពីការរីករាលដាលរបស់បំប្លែងធាតុ Omicron
អ្នកសម្របសម្រួលជំងឺ COVID-19 សេតវិមានបានប្រកាសថា សហរដ្ឋអាមេរិកមានឧបករណ៍សំខាន់ សម្រាប់រក្សាសាលារៀនបានបើក ដោយមិនអើពើដល់ករណីឆ្លងករណីឆ្លង COVID-19 បំប្លែងធាតុថ្មី Omicron ។
អ្នកសម្របសម្រួលនេះ បានសង្កត់ធ្ងន់ថា ទស្សនៈរបស់ឪពុកម្តាយគឺចង់បើកសាលារៀនឡើងវិញ ខណៈដែលអ្នកជំនាញនិយាយថា រៀនផ្ទាល់នៅសាលារៀនគឺវិធីល្អបំផុតសម្រាប់សុខភាពផ្លូវកាយ និងផ្លូវចិត្ត ក៏ដូចជាការអប់រំដល់កុមារនាពេលក្រោយ។ បច្ចុប្បន្ននេះ សាលារៀនប្រមាន 96% នៅដ្ឋអាមេរិកបានបើក ហើយអាជ្ញាធរបានឲ្យដឹងថា របៀបរក្សាសុវត្ថិភាពសម្រាប់កុមារពេលទៅ រៀន។ ដូច្នេះ សាលារៀននៅប្រទេសនេះចាំបាច់ត្រូវបានបើកបន្តវិញ។
៦.អង់គ្លេសមិនតម្រូវឱ្យធ្វើតេស្ត PCR សម្រាប់អ្នកដែលគ្មានរោគសញ្ញានៃជំងឺ COVID-19 ។
អ្នកដែលមានលទ្ធផលតេស្តរហ័សវិជ្ជមានជាមួយ COVID-19 នឹងមិនចាំបាច់ ធ្វើតេស្ត PCR ដើម្បីបញ្ជាក់លទ្ធផលនេះ បើសិនជាពួកគេមិនមានរោគសញ្ញាជំងឺនេះទេ។ នេះគឺជាកំណត់ថ្មីត្រូវបានប្រកាសដោយស្ថាប័នសន្តិសុខសុខភាពអង់គ្លេស សម្រាប់អនុវត្តនៅអង់គ្លេស។ សេចក្តីសម្រេចនេះ នឹងជួយកាត់បន្ថយបន្ទុកលើប្រព័ន្ធធ្វើតេស្ត និងបន្ថយស្ថានភាពភ័យខ្លាចណ្តាលមកពីលទ្ធផលតេស្តមិនស្របគ្នា។
៧.អាហ្សង់ទីនកត់ត្រាចំនួនករណីឆ្លងកូវីដ-១៩ ខ្ពស់បំផុតក្នុងមួយថ្ងៃ
ក្រសួងសុខាភិបាលអាហ្សង់ទីនបាននិយាយថា ប្រទេសនេះបានកត់ត្រាចំនួនករណីឆ្លង COVID-19 ខ្ពស់បំផុតក្នុងរយៈពេលមួយថ្ងៃ ចាប់តាំងពីការផ្ទុះជំងឺរាតត្បាតនៅដើមឆ្នាំ 2020 ជាមួយនឹងករណីវិជ្ជមានថ្មីចំនួន 95.159 ករណី ចំពេលរលកទីបីនៃជំងឺនេះកំពុងកើនឡើងយ៉ាងខ្លាំងចាប់តាំងពីដើមខែធ្នូ ឆ្នាំ 2021 ។
៨. WHO៖ វ៉ាក់សាំងទាំងអស់សុទ្ធតែជួយកាត់បន្ថយហានិភ័យធ្វើឲ្យជំងឺធ្ងន់នៅពេលឆ្លង Omicron
មន្ត្រីអង្គការសុខភាពពិភពលោកបាននិយាយថា វ៉ាក់សាំងទាំងអស់ប្រឆាំងនឹង COVID-19 នៅតែជួយការពារមនុស្សរួចផុតពីហានិភ័យធ្វើឲ្យជំងឺធ្ងន់ធ្ងរ ត្រូវចូលពេទ្យព្យាបាល ឬស្លាប់ រួមទាំងបំប្លែងធាតុថ្មី Omicron ។
៩.ឡាវ៖ ករណីឆ្លងកូវីដ-១៩ ភាគច្រើនបានឆ្លងក្នុងសហគមន៍
យោងតាមក្រសួងសុខាភិបាលនៃប្រទេសឡាវ ករណីឆ្លងថ្មីភាគច្រើនត្រូវបានឆ្លងក្នុងសហគមន៍។ រដ្ឋធានីវៀងច័ន្ទនៅតែបន្តនាំមុខគេ ជាមួយនឹង ៣៩៣ ករណីឆ្លងក្នុងសហគមន៍។ មកដល់ពេលនេះ ចំនួនអ្នកឆ្លងជំងឺកូវីដ-១៩ នៅក្នុងប្រទេសឡាវ ជាង ១១៤,៧០០នាក់ ដែលក្នុងនោះ ៤០៩នាក់បានស្លាប់។
ឡាវមិនទាន់បានកត់ត្រាមានករណីឆ្លង Omicron ណាមួយឡើយ។ ក៏ប៉ុន្តែ អាជ្ញាធរនៃប្រទេសនេះ កំពុងបន្តពង្រឹងការឃ្លាំមើល និងតាមដានស្ថានភាពជំងឺរាតត្បាត ដើម្បីចាត់វិធានការទប់ទល់ទាន់ពេលវេលា។
DỒI DÀO NGUỒN CUNG HÀNG HÓA TẾT
មានច្រើនប្រភពផ្គត់ផ្គង់ទំនិញអំណរឆ្នាំថ្មីប្រពៃណីជាតិ
ទោះបីជាការទស្សន៍ទាយកម្លាំងជាវទិញទំនិញនារដូវទទួលឆ្នាំថ្មីប្រពៃណីជាតិគ្មានការកើនឡើងខ្លាំងក៏ដោយ ប៉ុន្តែទីក្រុងហូជីមិញបានត្រៀមខ្លួនជាស្រេចក្នុងការផ្គត់ផ្គង់ទំនិញ និងស្បៀងអាហារដល់ទីរាប់ម៉ឺនតោនជារៀងរាល់ថ្ងៃ ដើម្បីធានាបាននូវតម្រូវការរបស់ប្រជាជនមុន ពេល និងក្រោយពេលទទួលឆ្នាំថ្មីប្រពៃណីជាតិ។
មកដល់ពេលនេះ ផ្សារលក់ដុំទាំង៣គឺ៖ ផ្សារ Bình Điền, ផ្សារ Hóc Môn និងផ្សារ Thủ Đức បានដំណើរការឡើងវិញជាផ្លូវការក្នុងស្ថានភាពធម្មតាថ្មី ដើម្បីធានានូវប្រភពផ្គត់ផ្គង់ទំនិញដល់ប្រជាជន នាឱកាសបុណ្យចូលឆ្នាំថ្មីប្រពៃណីជាតិដែលកំពុងខិតមកជិត។ នៅផ្សារលក់ដុំទាំង៣នេះ ក្នុងមួយយប់ៗ បាននាំចូល និងនាំចេញទំនិញគ្រប់ប្រភេទប្រមាណ ១១.០០០តោន ។
តាមការគ្រោងទុក រយៈពេលទំនិញឡើងថ្លៃនឹងកើនឡើងខ្លាំងនៅថ្ងៃទី ២៦ ដល់ ២៨ ខែធ្នូតាមចន្ទគតិ ជាមួយការកើនឡើងពី ២០% ទៅ ៣៥% បើធៀបនឹងថ្ងៃធម្មតា បរិមាណទំនិញបានលក់ចេញក៏កើនឡើងដល់ទៅ ៥០% សម្រេចបានប្រមាណពី ២.៥០០-៣.៥០០ តោនក្នុងមួយយប់។ បន្ទាប់មកថ្លៃ និងបរិមាណទំនិញដឹកចូលផ្សារនឹងចាប់ផ្តើមថយចុះជាលំដាប់ បរិមាណទំនិញលក់ចេញ ក៏ថយចុះត្រឹមតែ ៥០% បើធៀបនឹងពេលធម្មតា ។
បណ្តាអាជីវកម្មស្ថិតរក្នុងកម្មវិធីលំនឹងថ្លៃទីផ្សាររបស់ទីក្រុង ក៏បានជូនដំណឹងថា ពួកគេបានរៀបចំផែនការស្តុកទុកទំនិញហើយ ធានាប្រភពផ្គត់ផ្គង់ទំនិញ និង សន្យារក្សាស្ថិរភាពថ្លៃទំនិញមុន ក្នុង និងក្រោយបុណ្យចូលឆ្នាំថ្មីប្រពៃណីជាតិ។ ដូចជា ក្រុមហ៊ុន Vissan បានរៀបទំនិញស្រស់ចំនួន ២.៨០០ តោន កើនប្រមាណ ៤% បើធៀបនឹងរយៈពេលដូចគ្នាកាលពីឆ្នាំទៅ; ផលិតផលអាហារកែច្នៃចំនួន 4.200 តោន កើនប្រមាន 6% បើធៀបនឹងយៈពេលដូចគ្នាកាលពីឆ្នាំទៅ។ ក្រៅពីនេះ ក្រុមហ៊ុន Vissan ក៏បានត្រៀមសាច់ជ្រូកក្លាសេប្រមាណ ១.០០០ តោន វេចខ្ចប់ក្នុងទម្ងន់ ២គីឡូក្រាម និង ១គីឡូក្រាម ទុកសម្រាប់ប្រើក្នុងករណីប្រសិនជាមានការប្រែប្រួលអពីប្រភពសាច់សត្វនោះ គឺអាជីវកម្មបញ្ចេញទំនិញនេះលើទីផ្សារ ដើម្បីឆ្លើយតបនឹងចំនួនទំនិញត្រូវខ្វះ។
ចំណែកឯក្រុមហ៊ុន Ba Huân បានឲ្យដឹងថា ឆ្នាំនេះ ការបម្រុងស៊ុតរបស់ក្រុមហ៊ុនបើគិតដល់ពេលនេះ សម្រេចបានប្រមាន ៩០%ហើយ។ លោកស្រីប្រធានក្រុមហ៊ុនបានបន្តថា៖ “ក្រុមហ៊ុននំនឹងថ្លៃទីផ្សារដាច់ខាតមិនបណ្តោយឲ្យខ្វះទំនិញនោះទេ”។
ជាក់ស្តែង ក្រៅពីផ្សារលក់ដុំចំនួន ៣ ដែលបើកឡើងវិញ ទីក្រុងហូជីមិញកំពុង មានផ្សារប្រពៃណីជាង ២០០កន្លែង បានផ្តោតលើការជួញដូរស្បៀងអាហារ សម្រាប់បម្រើប្រជាជនក្នុងតំបន់។ ក្រៅពីនេះ នៅមានផ្សារទំនើប និងហាងលក់ទំនិញធុនតូចដ៏ច្រើន។ ដូច្នេះ អ្នកក្រុងហូជីមិញអាចនឹងនរចិត្ត អំពីប្រភពផ្គត់ផ្គង់ទំនិញទទួលឆ្នាំថ្មីប្រពៃណីជាតិឆ្នាំនេះហើយ នឹងត្រូវបានធានា មិនខ្វះទំនិញ ជាពិសេសគឺរបស់របរសំខាន់ៗតែម្តង។
យោងតាមលោកប្រធាននាយកដ្ឋានឧស្សាហកម្ម និងពាណិជ្ជកម្មទីក្រុងហូជីមិញថា នាយកដ្ឋានបានចាត់ក្រុមការងារជាច្រើន ចុះទៅពិភាក្សាផ្ទាល់នៅខេត្តដូចជា៖ Đồng Tháp, Đồng Nai, Lâm Đồng, Bến Tre… ហើយអាជីវកម្មស្ថេរភាព ថ្លៃទីផ្សារ សម្រាប់ស្តុកទុកទំនិញក្នុងរដូវឆ្នាំថ្មី។ កម្មវិធីទំនិញស្ថិរភាពថ្លៃទីផ្សារក៏បានទាក់ទាញអាជីវកម្មចំនួន 80 ចូលរួម ជាទឹកប្រាក់ចំនួន 7.000 ពាន់លានដុង។
តាមការទស្សន៍ទាយរបស់នាយកដ្ឋានឧស្សាហកម្ម និងពាណិជ្ជកម្ម គឺកម្លាំងជាវទិញទំនិញឆ្នាំនេះ មិនដូចបណ្តាឆ្នាំមុនៗទេ ប៉ុន្តែនៅតែអាចមានការជាវទិញកើនឡើង ព្រោះប្រជាជន ពិសេសគឺកម្មករ នឹងទទួលឆ្នាំថ្មីនៅនឹងទីក្រុងច្រើនជាងបណ្តាឆ្នាំមុនៗ មកពីរងផលប៉ះពាល់នៃការរាតត្បាតរបស់ជំងឺ Covid-19។ ដូច្នេះ ការរៀបចំទំនិញក្នុងរដូវទទួលឆ្នាំថ្មី ត្រូវស្ថិតនៅកម្រិតខ្ពស់ មានភាពម្ចាស់ការ ក្នុងគ្រប់កាលៈទេសៈទាំងអស់ សម្រាប់បំពេញតម្រូវការទិញទំនិញរបស់ប្រជាជនគ្រប់ស្រទាប់វណ្ណៈ។
