ទីក្រុងហូជីមិញ៖ ផលិតកម្មឧស្សាហកម្មខែឧសភាកើន ៧,៤៩%-Tiếng Khmer 06/06/2020

ព័ត៌មាននៅក្នុងប្រទេស

១.ទីក្រុងហូជីមិញ៖ ផលិតកម្មឧស្សាហកម្មខែឧសភាកើន ៧,៤៩%

មន្ទីរឧស្សាហកម្មនិងពាណិជ្ជកម្មទីក្រុងហូជីមិញបានប្រកាសនូវសន្ទស្សន៍ផលិតកម្មឧស្សាហកម្ម (IIP) នៅក្នុងខែឧសភា ប៉ាន់ស្មានកើន ៧,៩៤% បើប្រៀបធៀបទៅនឹងខែមុន។ ក៏ប៉ុន្តែ បើគិតរួម ៥ ខែដំបូងនៃឆ្នាំ គឺសន្ទស្សន៍ IIP ប៉ាន់ស្មានថយចុះ ៧,១៦% បើប្រៀបធៀបនឹងរយៈពេលដូចគ្នាកាលពីឆ្នាំទៅ។ ហើយក៏យោងតាមអ្នកតំណាងមន្ទីរឧស្សាហកម្ម និង ពាណិជ្ជកម្មទីក្រុង គឺ កម្រិតកំណើនត្រូវបានកត់សម្គាល់ល្អបំផុត បានប្រមូលផ្តុំនៅផ្នែកមួយចំនួនដូចជា កែច្នៃស្បៀងអាហារ‚អាហារ‚  គីមីវិទ្យាឱសថ‚ អគ្គិសនី និងអេឡិចត្រូនិច។

២.ពិធីប្រឡង "គ្រួសារអានសៀវភៅ -ផ្សាភ្ជាប់នៃក្ដីស្រឡាញ់"

ថ្មីៗនេះ សមាគមជនពិការភ្នែកវៀតណាម បានសហការជាមួយនាយកដ្ឋានបណ្ណាល័យ (ចំណុះក្រសួងវប្បធម៌កីឡានិងទេសចរណ៍) បានរៀបចំពិធីប្រឡង“ គ្រួសារអានសៀវភៅ - ផ្សាភ្ជាប់ក្តីស្រឡាញ់” ។ ការប្រលងនេះ គឺជាវេទិកាសម្រាប់អ្នកពិការភ្នែក និង ក្រុមគ្រួសារពិការភ្នែក បា​នផ្លាស់ប្តូរបទពិសោធក្នុងការអានសៀវភៅ‚ ស្តាប់សៀវភៅនិយាយ ដើម្បីបង្កើនលទ្ធភាពទទួលបានព័ត៌មាននានា និង ចំណេះដឹង‚ចម្រើនបញ្ញា…  រួមចំណែកធ្វើឱ្យជីវិតរស់នៅប្រសើរឡើង ។

៣.រថយន្តដឹកគ្រឿងផ្ទុះ ៥ តោន ត្រូវបានក្រឡាប់នៅខេត្ត Quảng Trị

រថយន្តដឹកទំនិញមួយគ្រឿង បានដឹកគ្រឿងផ្ទុះជិត ៥ តោន ត្រូវបានក្រឡាប់ធ្លាក់ពីលើផ្លូវជាប់ស្រុក Gio Linh និងស្រុក Huong Hoa ខេត្ត Quang Tri ដែលត្រូវបានជួយសង្គ្រោះភ្លាមៗដោយមិនបង្កការខូចខាតធ្ងន់ធ្ងរទេ។

៤.ខិតខំសម្រេចគោលដៅ ជម្រុះក្របខ័ណ្ឌរដ្ឋ ១០%ដំណាក់កាល ២០១៥-២០២១

គណៈកម្មាធិការប្រជាជនទីក្រុងហូជីមិញ បានស្នើដល់អង្គភាព‚ស្ថាប័ន និងគណៈកម្មាធិការប្រជាជនខណ្ឌ ស្រុក ត្រូវបង្កើនការឃោសនាអំពីគោលនយោបាយ និងគោលការបន្ថយក្របខ័ណ្ឌរដ្ឋ។  កិច្ចការនេះ ត្រូវតែបានផ្សព្វផ្សាយដល់កម្មាភិបាល‚ និយោជិត‚ ពលករទាំងអស់;  អនុវត្តឲ្យបានតឹងរឹង ការផ្ទៀងផ្ទាត់‚ រៀបចំ និងពង្រឹងរចនាសម្ព័ន្ធក្បាលម៉ាស៊ីននៅតាមអង្គភាពនានា…។

ព័ត៌មានអន្តរជាតិ

៥.លោកពូទីន បានចុះក្រឹត្យថ្មីមួយ អនុញ្ញាតឱ្យរុស្ស៊ីប្រើប្រាស់អាវុធនុយក្លេអ៊ែរតបមកវិញ បើសិនជាមានការវាយប្រហារ

ប្រធានាធិបតីនៃប្រទេសរុស្ស៊ី លោក Vladimir Putin  បានចុះហត្ថលេខាលើក្រឹត្យមួយ ដែលអនុញ្ញាតឲ្យប្រទេសរុស្ស៊ី បានប្រើអាវុធនុយក្លេអ៊ែរជាការបកមកវិញបើសិនជាមានការវាយប្រហារសម្តៅទៅលើការិយាល័យរដ្ឋាភិបាលនិងទីតាំងយោធា។ ជាមួយនឹងក្រឹត្យថ្មីនេះ ប្រទេសរុស្ស៊ីអាចប្រើប្រាស់ឃ្លាំងអាវុធនុយក្លេអ៊ែររបស់ខ្លួនបាន ប្រសិនបើប្រទេសនេះ បានទទួលបានព័ត៌មាន “ដែលគួរឲ្យទុកចិត្ត”អំពីការបាញ់កាំជ្រួចបង្ហោះសម្តៅប្រទេសរុស្ស៊ី  ឬ សម្ព័ន្ធមិត្តរបស់ខ្លួន។

៦.អាមេរិក៖ ឧទ្ធម្ភាគចក្របុកខ្សែភ្លើងបណ្តាលឱ្យដាច់ចរន្តអគ្គិសនីទំហំធំ

ឧទ្ធម្ភាគចក្រមួយគ្រឿង បានចុះហត្ថលេខាជាមួយក្រុមហ៊ុន Pacific Gas & Electric (PG&E) បានជួបវគ្រោះថ្នាក់ និងបុកទៅចង្កេះភ្នំភាគខាងជើង នៃ រដ្ឋកាលីហ្វ័រញ៉ាសហរដ្ឋអាមេរិក បណ្តាលឱ្យដាច់ខ្សែភ្លើងមួយក្នុងតំបន់ ធ្វើឱ្យមនុស្សប្រមាណ ៣៨.០០០ នាក់ត្រូវបាត់បង់អគ្គិសនីប្រើប្រាស់។

៧.លីប៊ី៖ ការចាប់ផ្តើមចរចាឡើងវិញអំពីបទឈប់បាញ់

យោងតាមទីភ្នាក់ងារសារព័ត៌មានរ៉យទ័រ និងទីភ្នាក់ងារសារព័ត៌មានវៀតណាម‚បេសកកម្មរបស់អង្គការសហប្រជាជាតិ ប្រចាំនៅប្រទេសលីប៊ីបានប្រកាសថា ភាគីជម្លោះនៅក្នុងប្រទេសអាហ្វ្រិកខាងជើងនេះ បានព្រមព្រៀងគ្នាដើម្បីចាប់ផ្តើមការចរចាឡើងវិញសម្រាប់ស្វែងរកបទឈប់បាញ់ បន្ទាប់ពីការប្រយុទ្ធគ្នាជាច្រើនសប្តាហ៍ដ៏កាចសាហាវនៅរដ្ឋធានីទ្រីប៉ូលី។

TIẾP TỤC THÁO GỠ KHÓ KHĂN, THÚC ĐẨY SẢN XUẤT,

KINH DOANH

បន្តស្រាយលំបាក និងជំរុញការផលិតកម្ម និងធ្វើអាជីវកម្ម

ថ្មីៗនេះ រដ្ឋាភិបាល បានចេញសេចក្តីសម្រេចលេខ 84/NQ-CP ស្តីអំពីបណ្តាភារកិច្ច និងដំណោះស្រាយនានា អំពីការបន្តស្រាយលំបាកដល់ការផលិតកម្ម‚ ធ្វើអាជីវកម្ម ជំរុញការដកសាច់ប្រាក់សម្រាប់វិនិយោគរដ្ឋ និងធានាសណ្តាប់ធ្នាប់សង្គម សម្រាប់រក្សាល្បឿនកំណើនសេដ្ឋកិច្ច‚ ខិតខំអនុវត្តឲ្យបានល្អបំផុតនូវបណ្តាគោលដៅ‚  ភារកិច្ចអភិវឌ្ឍន៍សេដ្ឋកិច្ចសង្គមកិច្ច ដែលត្រូវបានរដ្ឋសភាដាក់ចេញ។ រដ្ឋាភិបាល បានដាក់ចេញភារកិច្ច និងដំណោះស្រាយ ៣ ក្រោមសិទ្ធិរបស់រដ្ឋាភិបាលរួមមាន៖ ជំនួយអ្នកដែលត្រូវរងផលប៉ះពាល់មកពីមហាជំងឺរាតត្បាត; ទាក់ទាញប្រាក់វិនិយោគក្នុងសង្គមទាំំងមូល និងអនុវត្ត ព្រមទាំងដកសាច់ប្រាក់វិនិយោគរដ្ឋ។

ជាក់ស្តែង គឺបន្ថយថ្លៃជួលដីត្រូវបង់សម្រាប់ឆ្នាំ ២០២០ ចំនួន ១៥%  ចំពោះស្ថាប័នអាជីវកម្ម‚ អង្គការ‚ ក្រុមគ្រួសារប្រជាជន និងបុគ្គលដែលបានជួលដីរបស់រដ្ឋ ត្រូវផ្អាក់ផលិតកម្ម ធ្វើអាជីវកម្ម មកពីត្រូវរងផលប៉ះពាល់ពីមហាជំងឺរាតត្បាតកូវីដ−១៩; មិនបាច់បង់សោហ៊ុយធានាដែលមានក្នុងឆ្នាំ ២០២០ ចំពោះប្រាក់កម្ចី ដែលត្រូវបានរដ្ឋាភិបាលធានា​ ដល់ក្រុមហ៊ុនអាកាសចរណ៍ នៅបន្សល់បំណុលដល់ថ្ងៃទី 31-12-2019; បន្ថយ ៥០% នៃថ្លៃយន្តហោះចុះឡើង និងថ្លៃសេវ៉ាចាត់ចែងការហោះហើរទៅ និងមកចំពោះជើងហោះហើរក្នុងស្រុក ចាប់ពីខែមិនា ដល់បញ្ជប់ខែកញ្ញាឆ្នាំ ២០២០; អនុវត្តថ្លៃ ០ដុង ចំពោះបណ្តាសេវ៉ាជំនាញនៃផ្នែកយន្តហោះ ស្ថិតក្នុងបញ្ជីដែលរដ្ឋបានកំណត់ក្នុងគ្រោងថ្លៃ ពីខែមិនា ដល់បញ្ជប់ខែកញ្ញាឆ្នាំ ២០២០… រដ្ឋាភិបាលប្រគល់បណ្តាក្រសួង‚ ផ្នែក និងមូលដ្ឋាន ត្រូវជំរុញឲ្យបានឆាប់រហ័ស ល្បឿនពិនិត្យ‚ ដោះស្រាយបែបបទវិនិយោគ ដល់បណ្តាគម្រោងការ តាមសំណើរបស់បណ្តាស្ថាប័នអាជីវកម្ម; ដាច់ខាតមិនត្រូវទុកឲ្យយឺតយ៉ាវ និងកកស្ទះឯកសារ។  ព្រមទាំង មិនត្រូវអនុញ្ញាតឲ្យអនុវត្តនូវកំណត់សន្សំ ១០% នៃកម្រិតវិនិយោគ ចំពោះគម្រោងការដែលនឹងដំណើការថ្មី ក្នុងផែនការវិនិយោគកម្រិតមធ្យមពីឆ្នាំ  2016-2020  និងត្រូវបានទទួលប្រាក់វនិយោគ​ ពីផែនការវិនិយោគរដ្ឋឆ្នាំ ២០២០។  ក្រៅពីនេះ ត្រូវបន្តផ្ទៀងផ្ទាត់បណ្តាបទកំណត់ អំពីថវិការ‚ វិនិយោគ‚ សាងសង់ និងត្រូវដោះស្រាយឲ្យបានទាន់ពេលវេលា នូវបណ្តាភាពលំបាកនានា និងបង្ករលក្ខណៈងាយស្រួល សម្រាប់ជំរុញឲ្យបានរហ័ស នូវល្បឿននៃការអនុវត្ត‚ ការដកសាច់បា្រក់វិនិយោគ និងលើកកម្ពស់ប្រសិទ្ធិភាពបណ្តាគម្រោងការវិនិយោគរដ្ឋ…ជាដើម៕

 

 

 

VOH

Bình luận

Đọc Báo