ព័ត៍មាននៅក្នុងប្រទេស
១.ករណីឆ្លងជំងឺគ្រុនឈាមធ្ងន់ធ្ងរបានកើនឡើង
ក្រសួងសុខាភិបាលបានព្យាករណ៍ថា នៅរយៈពេលខាងមុខ ចំនួនករណីឆ្លងជំងឺគ្រុនឈាម នឹងមាននិន្នាការកើនឡើង មកពីបានចាប់ផ្តើមឈានចូលរដូវឆ្លងជំងឺគ្រុនឈាម។ នៅទីក្រុងហូជីមិញ បានកត់ត្រាមាន ២ ករណីត្រូវស្លាប់ មកពីឆ្លងជំងឺគ្រុនឈាម មូលហេតុ គឺរកឃើញជំងឺយឺតពេល និងចូលពេទ្យក្នុងស្ថានភាពធ្ងន់ធ្ងរ។
2.វៀតណាមមិនទាន់កត់ត្រាកុមារមានជំងឺរលាកថ្លើមស្រួចស្រាវអាថ៌កំបាំង
ឆ្លើយតបនឹងបទសម្ភាសន៍ជាមួយអ្នកសារព័ត៌មាន តំណាងនាយកដ្ឋានសុខាភិបាលបង្ការរោគ នៃក្រសួងសុខាភិបាល បានបញ្ជាក់ថា៖ វៀតណាមមិនបានកត់ត្រា មានករណីឆ្លងជំងឺរលាកថ្លើមស្រួចស្រាវមិនដឹងមូលហេតុនៅលើកុមារនោះទេ។ យោងតាមអង្គការសុខភាពពិភពលោក (WHO) មាន ២២៨ ករណីកើតជំងឺរលាកថ្លើមស្រួចស្រាវមិនដឹងមូលហេតុ នៅក្នុងប្រទេសចំនួន 20 ក្នុងទ្វីបអឺរ៉ុប អាស៊ីអាគ្នេយ៍ ប៉ាស៊ីហ្វិកខាងលិច... និងមាន 4 ករណីត្រូវស្លាប់។
៣.ខេត្ត Quảng Bình ៖ បញ្ឈប់ប្រតិបត្តិតំបន់ទេសចរណ៍ ២ បានធ្វើអាជីវកម្មខុសច្បាប់ក្នុងតំបន់ព្រៃការពារ
យោងព័ត៌មានពីគណៈកម្មាធិការប្រជាជនឃុំ Trường Sơn (ស្រុក Quảng Ninh ខេត្ត Quảng Bình) បានដឹងថា បន្ទាប់ពីបានឮព័ត៌មាន អំពីសកម្មភាពទេសចរណ៍ខុសច្បាប់ក្នុងឃុំ, អង្គភាពបានបង្កើតក្រុមការងារមួយ ហើយបានរកឃើញមាន “តំបន់ទេសចរណ៍” ២ កន្លែងខុសច្បាប់ នៅក្នុងតំបន់អូរ Chà Cùng និង Chà Rào។ ទីតាំងទាំងពីរនេះ ស្ថិតនៅក្នុងតំបន់ផែនការព្រៃឈើផលិតកម្ម នៃការគ្រប់គ្រង របស់ក្រុមប្រឹក្សាគ្រប់គ្រងព្រៃឈើការពារខេត្ត Quảng Ninh ។
៤.ជាង ៣.៣០០ ករណីល្មើសគ្រឿងស្រវឹងត្រូវបានដោះស្រាយក្នុង៤ថ្ងៃឈប់សម្រាកបុណ្ណ ៣០ មេសា និង ១ ឧសភា
នាយកដ្ឋាននគរបាលចរាចរណ៍ នៃក្រសួងនគរបាល បានឱ្យដឹងថា ក្នុងរយៈពេល ៤ ថ្ងៃឈប់សម្រាកបុណ្យ ៣០ មេសា និង ១ ឧសភា, កម្លាំងនេះ បានត្រួតពិនិត្យ រកឃើញ និងដោះស្រាយ ២៤.០០០ ករណីល្មើស ព្រមទាំងបានផាក ពិន័យជាប្រាក់ជាង ២៦.៣ ពាន់លានដុង។ ក្នុងនោះ មានជាង ៣.៣០០ ករណីល្មើសគ្រឿងស្រវឹង និង ២២ ករណីរវិជ្ជមានជាមួយគ្រឿងញៀន។
៥.ខេត្ត Quảng Bình៖ រងការខូចខាតជាង ៣៦ពាន់លានដុង មកពីភ្លៀង និងទឹកជំនន់
យោងដំណឹងពីមន្ទីរកសិកម្ម និងអភិវឌ្ឍន៍ជនបទខេត្ត Quảng Bình បានដឹងថា តាមរយៈរបាយការណ៍ការខូចខាតពីស្រុកនានា គឺបច្ចុប្បន្នក្នុងខេត្ត មានស្រូវ និងដំណាំជាង ៣.៥០០ ហិកតា បានរងការខូចខាតដោយសារភ្លៀងធ្លាក់ខ្លាំង និងខ្យល់កន្ត្រាក់ក្នុងខេត្តកាលពីប៉ុន្មានថ្ងៃកន្លងទៅ។ ក្នុងនោះស្រុកដែលរងការខូចខាតធ្ងន់ជាងគេរួមមានស្រុក Quảng Ninh ដល់ទៅ 1.700 ហិកតា, ស្រុក Lệ Thủy ជិត 750 ហិកតា និងស្រុក Bố Trạch ជិត 600 ហិកតា... ភាគច្រើនគឺមកពីភ្លៀងធ្លាក់ខ្លាំង និងខ្យល់បក់បោកខ្លាំង ស្មើរនឹងទឹកប្រាក់ជាង ៣៦ ពាន់លានដុង។
ព័ត៍មានអន្តរជាតិ
៦.ប្រទេសអាស៊ីជាច្រើន បានសាកល្បងធ្វើការ ៤ ថ្ងៃក្នុងមួយសប្តាហ៍
ប្រទេសអាស៊ីជាច្រើន កំពុងសាកល្បងធ្វើការ 4 ថ្ងៃក្នុងមួយសប្តាហ៍, នៅពេលដែលម៉ោងធ្វើការយូរ បណ្តាលឱ្យពលករអស់កម្លាំង និងមិនសមាមាត្រទៅនឹងផលិតភាពការងារ។
ដូចជាប្រទេសជប៉ុនបានប្រកាសផែនការ កាត់បន្ថយចំនួនថ្ងៃធ្វើការក្នុងសប្តាហ៍។ នៅប្រទេសឥណ្ឌូនេស៊ី ក្រុមហ៊ុន Alami បានណែនាំគោលនយោបាយ ធ្វើការ ៤ ថ្ងៃក្នុងមួយសប្តាហ៍ ចាប់ពីឆ្នាំ 2021។ នៅប្រទេសឥណ្ឌា យោងតាមបទកំណត់ការងារនានា នឹងបានអនុវត្តក្នុងឆ្នាំនេះ គឺពលករអាចបានជ្រើសរើស ធ្វើការ 4 ថ្ងៃក្នុងមួយសប្តាហ៍ ទោះបីជា ពេលវេលាធ្វើការសរុបក្នុងមួយសប្តាហ៍ ប្រមាន ៤៨ ម៉ោងនឹងមិនផ្លាស់ប្តូរទេ។
៧.ថ្ងៃក្តៅខ្លាំងនៅឥណ្ឌា បានសម្លាប់មនុស្សយ៉ាងតិច២៥នាក់
យោងតាមនាយកដ្ឋានឧតុនិយមឥណ្ឌា គឺប្រទេសនេះ បានកត់ត្រាខែមិនា ជាខែក្តៅបំផុត ក្នុងរយៈពេល 122 ឆ្នាំកន្លងមកនេះ ជាមួយសីតុណ្ហភាពមធ្យមក្នុងទូទាំងប្រទេស ស្ថិតនៅកម្រិង 33,1 អង្សាសេ គឺខ្ពស់ជាងជិត 1,86 អង្សាសេ បើធៀបនឹងថ្ងៃធម្មតា។ សីតុណ្ហភាពខ្ពស់ បានបណ្តាលឲ្យមនុស្សយ៉ាងហោចណាស់ 25 នាក់បានស្លាប់។ នាយករដ្ឋមន្ត្រីនៃប្រទេសឥណ្ឌា បានព្រមានថា អាកាសធាតុក្តៅខ្លាំងអាចរបង្កើនហានិភ័យអគ្គីភ័យ។
៨.ប្រទេសរុស្ស៊ី៖ ហាមមិនឲ្យនាយករដ្ឋមន្ត្រីជប៉ុន និងជនជាតិជប៉ុន ៦២នាក់ ទៀតមិនឲ្យចូលប្រទេសរុស្ស៊ី
ក្រសួងការបរទេសរុស្ស៊ី បានប្រកាសពីការដាក់ទណ្ឌកម្ម ហាមឃាត់ការចូលប្រទេសនេះ ចំពោះលោកនាយករដ្ឋមន្ត្រីជប៉ុន Kishida Fumio និងជនជាតិជប៉ុន ៦២នាក់ទៀត។ វិធានការនេះ បានដាក់ចេញ បន្ទាប់ពីប្រទេសជប៉ុនបានដាក់វិធានការរឹតត្បិតមួយចំនួនចំពោះប្រទេសរុស្ស៊ី ពាក់ព័ន្ធនឹងប្រតិបត្តិការយោធាពិសេសរបស់រុស្ស៊ីនៅអ៊ុយក្រែន។
បានដឹងថា ប្រទេសជប៉ុនបានដាក់ទណ្ឌកម្មលើជនជាតិរុស្ស៊ីជាង 500 នាក់ រួមមានមន្ត្រី និងពាណិជ្ជករ។ ក្រៅពីនេះ ជប៉ុន នៅបានបង្កកទ្រព្យសម្បត្តិរបស់ធនាគាររុស្ស៊ីជាច្រើន និងអង្គការ និងនិងក្រុមហ៊ុនរុស្ស៊ីប្រមាណ ៤០ ទៀត។ ក្រៅពីនេះ ជប៉ុន ក៏បានហាមឃាត់នាំចេញទំនិញ និងបច្ចេកវិទ្យាជាច្រើនទៅកាន់ប្រទេសរុស្ស៊ីផងដែរ។
៩.អូស្ត្រាលី៖បានបិតថ្នាក់រៀនជាច្រើន ដោយសារគ្រូបង្រៀនតវ៉ាទាមទារដំឡើងប្រាក់ខែ
កាលពីថ្ងៃទី 4 ខែឧសភា ថ្នាក់រៀនរាប់រយនៅទូទាំងរដ្ឋ New South Wales (អូស្ត្រាលី) ត្រូវបានបិទ មកពីគ្រូបង្រៀន បានចូលរួមក្នុងការតវ៉ាទាមទារដំឡើងប្រាក់ខែ ។ បានដឹងថា ប៉ុន្មានខែកន្លងមក គ្រូបង្រៀនរាប់ពាន់នាក់ បានសម្តែងការខឹងសម្បារខ្លាំង ចំពោះប្រាក់ខែទាប នេះគឺមិនបានននិយាយ សាលារៀនមួយចំនួន បានបង្ខំចិត្តកាត់បន្ថយបុគ្គលិក។