ព័ត៍មាននៅក្នុងប្រទេស
១.អភិរក្សនិងជួសជុលតំបន់អនុស្សាវរីយ៍របស់លោកប្រធានហូជីមិញនៅ Nghệ An
ថ្មីៗនេះ លោកនាយករដ្ឋមន្រ្តីបានអនុម័តយល់ព្រមលើផែនការអភិរក្ស ជួសជុល និងពង្រឹង តម្លៃកេដំណែលជាតិពិសេស នៃតំបន់អនុស្សាវរីយ៍របស់លោកប្រធានហូជីមិញនៅ Kim Liên ស្រុក Nam Đàn ខេត្ត Nghệ An ។
យោងតាមនោះ សរុបផ្ទៃដីគ្រោងទុកសរុបមានចំនួន 278,86 ha រួមមាន៖ តំបន់ការពាកេដំណែល មានផ្ទៃដីសរុប 170,13 ha រួមមាន៖ បណ្តុំកេដំណែលភូមិផ្កាឈូក(ទំហំ 21,5 ha); បណ្តុំកេដំណែលភូមិ Hoàng Trù (ទំហំ 16,8 ha) និងផ្នូរលោកស្រី Hoàng Thị Loan (ទំហំ 48,2 ha) និងបណ្តុំកេដំណែលភ្នំ Chung (ទំហំ 83,63 ha) ។
២. Vinh Long អនុវត្តដោយប្រសិទ្ធិភាពនូវគំរោងស្តាររចនាសម្ព័ន្ធផ្នែកកសិកម្មឡើងវិញប្រកបដោយប្រសិទ្ធភាព
គណៈកម្មាធិការអចិន្ត្រៃយ៍នៃគណៈកម្មាធិការបក្សខេត្ត Vĩnh Long បានបើកកិច្ចប្រជុំបូកសរុបគម្រោងកសាងរចនាសម្ព័ន្ធកសិកម្មខេត្ត Vĩnh Long ដំណាក់កាលពីឆ្នាំ 2014-2020។
ក្នុងឱកាសនេះ គណៈកម្មាធិការប្រជាជនខេត្ត Vĩnh Long បានជូនប័ណ្ណសរសើរដល់ ៨ក្រុមបុគ្គល និងបុគ្គលចំនួន ១៧រូប ដែលមានស្នាដៃឆ្នើម ក្នុងការអនុវត្តគម្រោងរចនាសម្ព័ន្ធផ្នែក កសិកម្មខេត្ត Vĩnh Long តាមទិសបង្កើនតម្លៃបន្ថែមនិងអភិវឌ្ឍន៍ប្រកបដោយចីរភាព។ អំឡុងឆ្នាំ ២០១៤-២០២០ ។
៣.ប្រគល់អំណោយចំនួន ២២០០ ចំណែកជូនប្រជាជននៅភូមិភាគកណ្តាល
ក្រុមការងារនៃសមាគមសប្បុរសជនខេត្ត Đồng Nai បានរៀបចំដំណើរសួរសុខទុក្ខ និងជូន អំណោយដែលមានតម្លៃជាង ២,២ ពាន់លានដុង ដល់ប្រជាជនដែលរងគ្រោះដោយគ្រោះមហន្តរាយធម្មជាតិយ៉ាងធ្ងន់ធ្ងរនៅខេត្តមួយចំនួននៅភូមិភាគកណ្តាល ។
លោក Vũ Đình Trung ជាអនុប្រធានគណៈកម្មាធិការរណសិរ្សមាតុភូមិវៀតណាម បានមានប្រសាសន៍ថា មកដល់ពេលនេះ អង្គភាពបានទទួលនិងផ្ទេរសាច់ប្រាក់ជាង ១៥ ពាន់លានដុង ដែលគាំទ្រដោអង្គភាពអាជីវកម្មនិងបុគ្គលមួយចំនួន ដល់គណៈកម្មាធិការរណសិរ្សមាតុភូមិវៀតណាមនៅខេត្តមួយចំនួនស្ថិតនៅភូមិភាគកណ្តាល ដែលត្រូវបំផ្លាញយ៉ាងធ្ងន់ធ្ងរដោយសារគ្រោះមហន្តរាយធម្មជាតិនារយពេលកន្លងមក។
៤.ខែវិច្ឆិកា៖ អង្គភាពគយចាប់បានទំនិញរត់ពន្ធឡើងដល់ចំនួន ២៧៥ ពាន់លានដុង
យោងដំណឹងពីអគ្គនាយកដ្ឋានគយបានដឹងថា ផ្នែកទាំងមូល បានសហការ និងចាប់បាន ៨៨២ករណីល្មើសក្នុងខែវិច្ឆិកា ដែលមានទឹកប្រាក់រហូតដល់ ២៧៥ ពាន់លានដុង និងបង់ថវិការរដ្ឋ បាន ៦.៥៥ ពាន់លានដុង និងបានកាត់ទោស ០៣ ករណីល្មើស។
យោងតាមរបាយការណ៍គយ គឺស្ថានភាពជួញដូរទំនិញខុសច្បាប់ឆ្លងដែនភាគច្រើនគឺស្ករស, បារី, ស្រាបៀរ, ម្សៅទឹកដោះគោ, ឱសថ, គ្រឿងសំអាង, គ្រឿងអេឡិចត្រូនិចថ្មី និងចាស់, សត្វស្លាប, ផលិតផលពីសត្វស្លាប ... មុខសញ្ញាទាំងនេះ បានដឹកជញ្ជូនទំនិញតាមផ្លូវអាកាស,កំពង់ផែសមុទ្រ, ប្រៃសណីយ៍, ផ្លូវលំ, ផ្លូវបើកតាមព្រំដែន....។
ព័ត៍មានអន្តរជាតិ
៥.អាមេរិកនិងសហគមន៍អ៊ឺរ៉ុបកំពុងត្រៀមរៀបចំកម្មវិធីចាក់វ៉ាក់សាំង Covid-19
ស្ថិតក្នុងស្ថានភាព ដែលចំនួនអ្នកឆ្លងកូវិដ-១៩ថ្មី និងបានចូលសម្រាកព្យាបាលនៅមន្ទីរពេទ្យ បានកើនឡើងយ៉ាងខ្លាំងនៅក្នុងប៉ុន្មានថ្ងៃថ្មីៗនេះ មន្រ្តីសហរដ្ឋអាមេរិកបានប្រកាសនៅថ្ងៃទី ១ ខែធ្នូថា ពួកគេនឹងចាប់ផ្តើមអនុវត្តកម្មវិធីចាក់វ៉ាក់សាំងសម្រាប់ពលរដ្ឋរាប់លាននាក់ឱ្យបានឆាប់ៗ ហើយឆាប់បំផុតគឺនៅពាក់កណ្តាលខែធ្នូ។
៦.បារាំងរៀបចំយុទ្ធនាការចាក់វ៉ាក់សាំង Covid-19
ប្រធានាធិបតីបារាំងលោក Emmanuel Macron បាននិយាយថា យុទ្ធនាការចាក់វ៉ាក់សាំង Covid-19 នឹងចាប់ផ្តើមពីដើមឆ្នាំ ២០២១ ដំបូង គឺចាក់ឲ្យអ្នកដែលងាយរងគ្រោះបំផុតរួមមានមនុស្សចាស់, មនុស្សមានជំងឺរ៉ាំរ៉ៃ និងបុគ្គលិកសុខាភិបាល, រួចនឹងចាក់ឲ្យប្រជាជនក្នុងទូទាំងប្រទេសពីខែមេសាដល់ខែមិថុនា ឆ្នាំ ២០២១ ។
៧.សភាជប៉ុនអនុម័តច្បាប់ចាក់វ៉ាក់សាំងដោយឥតគិតថ្លៃជូនប្រជាជន
សភាជប៉ុន បានអនុម័តពង្រាងច្បាប់មួយ ដើម្បីចាក់វ៉ាក់សាំងកូវីដ១៩ដោយឥតគិតថ្លៃសំរាប់ប្រជាជនទូទៅ ។នេះជាផែនការសំខាន់មួយដើម្បីទប់ស្កាត់វីរុសកូរ៉ូណា នៅពេលប្រទេសកំពុងតស៊ូនឹងការឆ្លងនៅរលកថ្មីនិងការស្តារសេដ្ឋកិច្ចឡើងវិញ។
៨.ស្រីលង្កាដោះលែងអ្នកទោស ក្រោយជំងឺរាតត្បាតបង្កឱ្យមានកុបកម្មដ៏ប្រល័យនៅតាមពន្ធនាគារ
ស្រីលង្កាបានដោះលែងអ្នកទោសរាប់រយនាក់ហើយនិយាយថាខ្លួននឹងដោះលែងអ្នកទោសរាប់ពាន់នាក់បន្ថែមទៀត បន្ទាប់ពីកុបកម្មដែលបង្កឡើងដោយកំហឹងជុំវិញករណីឆ្លងវីរុសកូរ៉ូណានៅឯពន្ធនាគារដ៏ចង្អៀតមួយរបស់ខ្លួន បានបណ្តាលឱ្យអ្នកទោស៩ នាក់ស្លាប់និង ១១៣ នាក់រងរបួស។
BIỂU DƯƠNG CÁC MÔ HÌNH HỌC TẬP TOÀN QUỐC
លើកសរសើរបណ្តារូបភាពគំរូរៀនសូត្រលើទូទាំងប្រទេស
ថ្មីៗនេះ សមាគមន៍ភ្ញាស់វិជ្ជាវៀតណាមបានរៀបចំសន្និសិទបូបសរុបលទ្ធផលនៃគម្រោងការ “ជំរុញចលនារៀនសូត្រមួយជីវិតក្នុងក្រុមគ្រួសា, សណ្តានញាតិ និងសហគមន៍ដល់ឆ្នាំ ២០២០” តាមសេចក្តីសម្រេចចិត្តលេខ 281/QĐ-TTg។
គម្រោងការលេខ ២៨១ របស់រដ្ឋាភិបាល មានគោលដៅរួមគឺ អនុវត្តការជំរុញបណ្តាសកម្មភាពរៀនសូត្រប្រចាំ, រៀនសូត្រអស់មួយជីវិតក្នុងក្រុមគ្រួសារ, ក្នុងសណ្តានញាតិ និងក្នុងសហគមន៍។ គម្រោងការនេះ បានអនុវត្តសាកល្បងបណ្តារូបភាពគំរូរៀនសូត្រក្នុងឆ្នាំ 2014-2015, អនុវត្តទូលំទូលាយដល់បណ្តាមូលដ្ឋានក្នុងទូទាំងប្រទេសតាំងពីឆ្នាំ ២០១៦។
មកដល់ពេលនេះ សរុបចំនួនសមាជិកសមាគមន៍ភ្ញាស់វិជ្ជាវៀតណាម គឺជាង ២១លាននាក់។ ប្រព័ន្ធមជ្ឈមណ្ឌលរៀនសូត្រសហគមន៍កាន់តែមានការរីកចម្រើន គឺបានគ្របដណ្តប់ជិត ១០០%ឃុំៗ និងសង្កាត់។ ក្នុងទូទាំងប្រទេស មានជាង ១១.០០០មជ្ឈមណ្ឌល គិតជាមធ្យម រៀងរាល់ឆ្នាំមានមនុស្សជិត ២០លាននាក់ បានមកចូលរួមការសិក្សា; ប្រជាជនជាង ៩០% បានពេញចិត្តនឹងមជ្ឈមណ្ឌលរៀនសូត្រសហគមន៍...ដោយហេតុនេះហើយ សមាគមន៍ភ្ញាស់វិជ្ជាវៀតណាម បានមានសំំណើរដល់រដ្ឋាភិបាល ចាំបាច់ត្រូវចាត់ទុកការស្ថាបនាបណ្តារូបភាពគំរូរៀនសូត្រ ដូចជាយុទ្ធសាស្ត្រអភិវឌ្ឍន៍ដោយចិរភាព រួមចំណែកអភិវឌ្ឍន៍សេដ្ឋកិច្ច ធានាសុខុមាលភាពសង្គម រក្សាសណ្តាប់ធ្នាប់ទីប្រជំជនឲ្យបានរឹងមាំ។
បានដឹងថា មុននោះ នៅអគារដ្ឋសភា លោស្រី Nguyễn Thị Kim Ngân ជាប្រធានរដ្ឋសភា ក៏បានជួបជុំប្រតិភូចំនួន ២៩៤រូប ដែលបានមករដ្ឋធានីហាណូយ សម្រាប់ចូលរួមសន្និសិទលើកសរសើរបណ្តារូបភាពគំរូរៀនសូត្រទូទាំងប្រទេស (រៀបចំដោយសមាគមន៍ភ្ញាស់វិជ្ជាវៀតណមរៀបចំនៅថ្ងៃទី ១ខែធ្នូ)។
ថ្លែងសុន្ទករកថា នៅក្នុងសន្និសិទនេះ លោកស្រី Nguyễn Thị Kim Ngân បានវាយតម្លៃយ៉ាងខ្ពស់ ចំពោះបណ្តាលស្នាដៃ និងលទ្ធផលដែលសមាគន៍គ្រប់លំដាប់ថ្នាក់ទទួលបាន; លើកសរសើរបណ្តាគំរូរៀនសូត្រឆ្នើម លើវិស័យនានា...
លោកស្រីប្រធានរដ្ឋសភាបានសន្មត់ថា ចាំបាច់ត្រូវកំណត់ការរៀនសូត្រ គឺជាភារកិច្ចសំខាន់ ជាវិថីតែមួយគត់សម្រាប់ការវិវឌ្ឍន៍ និងការអភិវឌ្ឍន៍ ជាតម្រូវការចាំបាច់របស់បុគ្គលមួយរូបៗក្នុងជីវិតរស់នៅរបស់គេ។សមាគមន៍ភ្ញាស់វិជ្ជា ចាំបាច់ត្រូវអនុវត្តកិច្ចការឃោសនាឲ្យបានល្អជាងទៀត ដោយរូបភាពជាច្រើន សម្រាប់ប្រជាជនយល់ច្បាស់នូវគោលដៅ, អត្ថន័យ និងផលប្រយោជន៍ សម្រាប់ធ្វើឲ្យពួកគាត់មានភាពសកម្ម ស្ម័គ្រចិត្ត ចូលួមបណ្តាចលនាភ្ញាស់វិជ្ជា...។
