ព័ត៍មាននៅក្នុងប្រទេស
១.មាន ៦៨ ករណីរឆ្លង Omicron នៅទីក្រុងហូជីមិញ
យោងតាមមន្ទីរសុខាភិបាលទីក្រុងហូជីមិញបានដឹងថា ទីក្រុងហូជីមិញបានកត់ត្រា ៦៨ ករណីនៃឆ្លងបំប្លែងធាតុថ្មី Omicron ក្នុងនោះ ៦៥ ករណីនាំចូល និង ៣ ករណីនៅក្នុងសហគមន៍។ ៣ ករណីឆ្លង Omicron គឺទាក់ទងនឹងស្ត្រីដែលបានចូលពីសហរដ្ឋអាមេរិក។ ទាក់ទិននឹងចង្កោមជំងឺនេះ មកដល់ពេលនេះ ទីក្រុងបានរកឃើញ ១១ F1, ក្នុងនោះរកឃើញបន្ថែម ៣ ករណីវិជ្ជមានទៀត។ ហើយអ្នកទាំងនេះ ត្រូវបានបញ្ជូនទៅមន្ទីរពេទ្យបណ្តោះអាសន្នទី 12 សម្រាប់យកសំណាកវិភាគហ្សែន។
២.វេជ្ជបណ្ឌិត បុគ្គលិកពេទ្យជាង 3,000 នាក់បានឆ្លង COVID-19 ក្នុងរយៈពេល 2 ឆ្នាំកន្លងមក
ថ្លែងមតិនៅក្នុងសន្និសីទអនឡាញ ដើម្បីអនុវត្តកិច្ចការវេជ្ជសាស្រ្តឆ្នាំ 2022 នោះ, រដ្ឋមន្ត្រីក្រសួងសុខាភិបាល លោក Nguyễn Thanh Long បានឲ្យដឹងថា ក្នុងរយៈពេលទប់ទល់នឹងការរាត្បាតរបស់ជំងឺកូវីដ-១៩ ពីរឆ្នាំកន្លងមក គឺមានវេជ្ជបណ្ឌិត និងបុគ្គលិកពេទ្យជាង 3.000 នាក់បានឆ្លងជំងឺកូវីដ-19 និង 10 នាក់បានស្លាប់ក្នុងពេលទប់ទល់នឹងការរាតត្បាតនៃជំងឺនេះ។
៣.ទីក្រុងហូជីមិញ៖ និស្សិតពេទ្យរាប់រយនាក់បានស្ម័គ្រចិត្តទប់ទល់នឹងជំងឺរាតត្បាតអំឡុងពេលចូលឆ្នាំថ្មី
និស្សិតរាប់រយនាក់នៃមហាវិទ្យាល័យវេជ្ជសាស្ត្រ Phạm Ngọc Thạch បានចូលរួម ប្រយុទ្ធប្រឆាំងនឹងជំងឺរាតត្បាតនៅស្ថានីយ៍ពេទ្យចល័តនៅតាមខណ្ឌ ស្រុក និងទីក្រុង Thủ Đức ចាប់ពីថ្ងៃទី 20 ខែមករា ដល់ថ្ងៃទី 13 ខែកុម្ភៈ។ ដូច្នេះ និស្សិតទាំងនេះ បានស្ម័គ្រចិត្តចូលរួមប្រយុទ្ធប្រឆាំងនឹងជំងឺរាតត្បាតដោយមិនឈប់សម្រាកបុណ្យចូលឆ្នាំថ្មីឡើយ។ ក្រៅពីនេះ មហាវិទ្យាល័យក៏បានអនុវត្តគំរូ និង ដំណោះស្រាយទប់ទល់នឹងជំងឺរាតត្បាតជាច្រើន នៅក្នុង ២១ ខណ្ឌស្រុក និងទីក្រុង Thủ Đức ប្រកបដោយប្រសិទ្ធភាព។
៤.ភ្ញៀវទេសចរអន្តរជាតិមកទៅវៀតណាមធ្លាក់ចុះ ពី៧៦,៧ - ៩៥,៩%
មហាជំងឺរាតត្បាត Covid-19 បានប៉ះពាល់យ៉ាងធ្ងន់ធ្ងរដល់វិស័យជាច្រើននៃសេដ្ឋកិច្ចរបស់យើង ដែលក្នុងនោះផ្នែកទេសចរណ៍បានទទួលរងការខាតបង់ ធ្ងន់ធ្ងរបំផុត ចំនួនភ្ញៀវអន្តរជាតិមកវៀតណាមក្នុងឆ្នាំ 2020 បានថយចុះចំនួន 76,7% បើប្រៀបធៀបទៅនឹងឆ្នាំ 2019 និងនៅឆ្នាំ 2021 ធ្លាក់ចុះចំនួន 95.9% បើធៀបនឹងឆ្នាំ ២០២០។
៥.ទីក្រុងហាណូយ៖ ចំនួនអ្នកជំងឺ COVID-19 ប្រែធ្ងន់ធ្ងរនៅតែកើនឡើង
យោងតាមរបាយការណ៍រហ័សរបស់គណៈកម្មាធិការដឹកនាំ និងទប់ស្កាត់ការរាតត្បាតរបស់ជំងឺកូវីដ- ១៩ហាណូយនៅថ្ងៃទី 20 ខែមករា បានដឹងថា ទីក្រុងកំពុងព្យាបាល 65.185 នាក់ឆ្លងជំងឺ Covid-19 ។ ការស្ថិតិរបស់មន្ទីរគ្រប់គ្រងពិនិត្យ និងព្យាបាលជំងឺ (ក្រសួងសុខាភិបាល) បានធ្វើបច្ចុប្បន្នភាពនៅថ្ងៃទី 19 ខែមករា បានបង្ហាញថា ទីក្រុងហាណូយមាន 1,643 F0 កំពុងព្យាបាលនៅមន្ទីរពេទ្យានានា ដែលមានរោគសញ្ញាស្រាល និងគ្មានរោគសញ្ញា។ ក្រៅពីនេះ ទីក្រុងកំពុងព្យាបាលអ្នកជំងឺ Covid-19 ចំនួន 2,220 នាក់ក្នុងកម្រិតមធ្យម, 651 នាក់វិវឌ្ឍន៍ធ្ងន់ធ្ងរ និងធ្ងន់ធ្ងរ (គឺកើនឡើង 13.3% បើធៀបនឹងមធ្យមភាគកាលពី 7 ថ្ងៃមុន)។
ព័ត៍មានអន្តរជាតិ
៦.ផ្ទុះខ្លាំងនៅប្រទេសហ្គាណា ផ្ទះ 500 ត្រូវបានបំផ្លាញ
ប្រធានាធិបតីនៃប្រទេសហ្គាណា លោក Nana Akufo-Addo បាននិយាយថា រថយន្តដឹកជាតិផ្ទុកសារធាតុផ្ទុះ បានបុកជាមួយម៉ូតូមួយ នៅភាគខាងលិចប្រទេសនេះ កាលពីថ្ងៃទី 20 ខែមករា បណ្តាលឲ្យមានការផ្ទុះដ៏ធំមួយ និងមានមនុស្សជាច្រើនត្រូវស្លាប់បាត់បង់ជីវិត។
នាយករងអាជ្ញាធរគ្រប់គ្រងគ្រោះមហន្តរាយជាតិហ្គាណា លោក Seji Saji Amedonu បាននិយាយថា អគារប្រមាន 500 ខ្នង ត្រូវបានបំផ្លាញនៅក្នុងការបំផ្ទុះនេះ។ ហើយមន្ត្រីភ្នាក់ងារសង្គ្រោះបន្ទាន់ក្នុងតំបន់បាននិយាយថា គាត់បានឃើញសាកសពជនរងគ្រោះចំនួន ១០ នាក់នៅកន្លែងកើតហេតុ។
៧.រុស្ស៊ីបានធ្វើសមយុទ្ធទ្រង់ទ្រាយធំនៅសមុទ្រសំខាន់ៗចំនួន៤
យោងតាមទីភ្នាក់ងារសារព័ត៌មាន AFP បានដឹងថា ប្រទេសរុស្ស៊ីបានប្រកាសថា "នាវាចម្បាំងជាង 140 គ្រឿង, នាវាជំនួយ, យន្តហោះជាង 60 គ្រឿង, សម្ភារៈយោធាចំនួន 1,000 គ្រឿង និងទាហានប្រមាន 10,000 នាក់" នឹងចូលរួមក្នុងសមយុទ្ធនាពេលខាងមុខ។ សេចក្តីប្រកាសនេះ ត្រូវបានលើកឡើងក្នុងស្ថានភាពនៃការបង្កើនភាពតានតឹងរវាងរុស្ស៊ី និងលោកខាងលិចជុំវិញបញ្ហាអ៊ុយក្រែន។
៨. Europol បង្ក្រាបខ្សែរយ់នាំជនចំណាកស្រុកខុសច្បាប់មកអឺរ៉ុប
ABC News បានដកស្រង់ពីទីភ្នាក់ងារប៉ូលីសអឺរ៉ុប (Europol) ថា ខ្លួនបានកំចាត់បណ្តាញជួញដូរមនុស្ស ដែលនាំជនចំណាកស្រុកខុសច្បាប់ពីប្រទេសទួរគីទៅកាន់អឺរ៉ុប។ ក្នុងប្រតិបត្តិការនេះ កងកម្លាំងមុខងារបានធ្វើការឆែកឆេរចំនួន ២៨លើក និងចាប់ខ្លួនមុខសញ្ញាចំនួន ២៩នាក់ (ក្នុងនោះមាន ១៨នាក់នៅប្រទេសអាល់បានី ១នាក់នៅប្រទេសក្រិច និង ១០នាក់នៅអ៊ីតាលី)។
៩.ប្រទេសថៃបានទាក់ទាញធនធានបរទេសតាមរយៈទិដ្ឋាការរយៈពេលវែង
រដ្ឋាភិបាលនៃប្រទេសថៃ បានអនុម័តចំពោះវិធានការនានា ក្នុងគោលដៅទាក់ទាញជនបរទេសដែលមានជំនាញខ្ពស់ ឬ ជាអ្នកមាន ឱ្យស្នាក់នៅក្នុងប្រទេសថៃរយៈពេលយូរ។ យោងតាមនោះ ទិដ្ឋាការ ដែលផ្តល់ឲ្យពួកគេ មានសុពលភាពរហូតដល់ទៅ ១០ ឆ្នាំ។ រដ្ឋាភិបាលប្រទេសថៃ កំពុងមានគោលបំណងទាក់ទាញវិនិយោគិនបរទេស អ្នកជំនាញ និងអ្នកមានទ្រព្យសម្បត្តិចូលនិវត្តន៍ ក្នុងកិច្ចខិតខំប្រឹងប្រែងដើម្បីអភិវឌ្ឍសេដ្ឋកិច្ចដែលរងគ្រោះដោយជំងឺរាតត្បាត Covid-19។
១០. EU បានជំរុញអ៊ីស្រាអែលបញ្ឈប់ការសាងសង់លំនៅឋាននៅ Jerusalem ខាងកើត
ទីភ្នាក់ងារកិច្ចការបរទេសរបស់សហភាពអឺរ៉ុប (EU) បានតវ៉ាប្រឆាំងនឹងរដ្ឋាភិបាលនៃប្រទេសអ៊ីស្រាអែល ដែលបានរុះរើផ្ទះមួយខ្នងនៅក្នុងតំបន់ Sheikh Jarrah ភាគខាងកើត Jerusalem ព្រមទាំងបានជំរុញឱ្យអាជ្ញាធររដ្ឋជ្វីហ្វបញ្ឈប់ការសង់ផ្ទះតាំងទីលំនៅថ្មីនៅក្នុងតំបន់នេះ។