ព័ត៍មាននៅក្នុងប្រទេស
១.ចាប់បានថ្នាំ Molnupiravirក្លែងក្លាយ បិតស្លាករបស់ប្រទេសវៀតណាម
នាយកដ្ឋានគ្រប់គ្រងឱសថ (នៃក្រសួងសុខាភិបាល) បានចេញសេចក្តីប្រកាស់ជាបន្ទាន់ អំពីការចាប់បានថ្នាំ Molnupiravir ក្លែងក្លាយនៅប្រទេសស្វីស បានបោះពុម្ពជាភាសាវៀតណាម ចុះលើស្លាកសញ្ញានៅផ្នែកផលិត។ ក៏ប៉ុន្តែ តាមការត្រួតពិនិត្យឃើញថា ថ្នាំនេះ មិនមានសារធាតុសកម្មដូចបានសរសេរលើស្លាកនោះទេ។ ហើយនាយកដ្ឋានឱសថវៀតណាម ចាត់ទុកថា នេះជាថ្នាំក្លែងក្លាយ។ ដោយហេតុនេះហើយ នាយកដ្ឋាន បានស្នើរដល់មន្ទីរសុខាភិបាលខេត្ត និងក្រុងចំណុះមជ្ឈិម ត្រូវជូនដំណឹងដល់គ្រឹះស្ថានអាជីវកម្ម អ្នកប្រើប្រាស់ថ្នាំ និងនៅលើគេហទំព័ររបស់មន្ទីរសុខាភិបាល អំពីថ្នាំ Molnupiravir 400mg ក្លែងក្លាយ ដែលមានសញ្ញាដូចបានរៀបរាប់។ ទន្ទឹមនឹងនេះ ក៏បានណែនាំដល់ប្រជាជនកុំជួញដូរ និងប្រើប្រាស់ថ្នាំក្លែងក្លាយ។
២.ក្រសួងការពារជាតិវៀតណាម និងកម្ពុជា បានជូនគោពូជដល់អ្នកក្រីក្រ
លោកវរសេនីយ៍ឯក Hoàng Văn Thành ជាស្នងការរងនយោបាយនៃ ឆ្មាំព្រំដែនខេត្ត Bình Phước ព្រមទាំងសមាជិកនៃក្រុមការងារ បានទៅសួរសុខទុក្ខ និងជូន សត្វគោពូជដល់ប្រជាជន និងជូនអាហារូបករណ៍ដល់និស្សិតកម្ពុជា។ នៅស្រុកស្នួល ខេត្តក្រចេះ ក្រុមការងារ បានជូនគោពូជចំនួន២០ក្បាល ដល់គ្រួសារមានស្ថានភាពលំបាក។ ក្នុងនោះ គោ ១០ ក្បាល ឧបត្ថម្ភដោយក្រសួងការពារជាតិវៀតណាម និង ១០ ក្បាលទៀត ្ឧបត្ថម្ភដោយក្រសួងការពារជាតិកម្ពុជា។ ក្នុងឱកាសនេះ ក្រុមការងារ ក៏បានប្រគល់អាហារូបករណ៍ចំនួន ៥០ ចំណែក ដែលមួយចំណែកមានតម្លៃ ៣ លានដុង ដល់សិស្សមានស្ថានភាពគ្រួសារក្រលំបាក។ ហើយ អាហារូបករណ៍ទាំងនេះ ឧបត្ថម្ភដោយបញ្ជាការដ្ឋានការពារព្រំដែនវៀតណាម។
៣. ខេត្ត Cà Mau បញ្ឈប់ដំណើរការស្ថានីយ៍ពេទ្យចល័ត
គណៈកម្មាធិការប្រជាជនខេត្ត Cà Mau បានឯកភាពនូវគោលនយោបាយ បញ្ឈប់សកម្មភាពរបស់ស្ថានីយ៍ពេទ្យចល័តនៅតាមឃុំ សង្កាត់ និងទីរួមស្រុក ចាប់ពីថ្ងៃទី ៧ ខែឧសភា ឆ្នាំ ២០២២។ ទន្ទឹមនឹងការរៀបចំទូទាត់ប្រាក់ពេញលេញ ដល់អ្នកបំពេញការងារនៅស្ថានីយ៍ពេទ្យចល័តទាំងនេះ គឺ ផ្នែកសុខាភិបាលក៏បានរៀបចំលក្ខណៈសំខាន់នានា ដើម្បីម្ចាស់ការទប់ទល់ ប្រសិនជាជំងឺរាតត្បាត Covid-19 បានប្រែប្រួលស្មុគ្រស្មាញឡើងវិញ។
៤.ផ្លូវរូងក្រោមដីនៃទន្លេ Sài Gòn បានជួយផ្ទុកអំរែកចំនួន 14% បន្ទាប់ពីមានស្ពាន Thủ Thiêm 2
បន្ទាប់ពីការបើកដំណើរការមួយសប្តាហ៍ ស្ពាន Thủ Thiêm 2 បានកត់ត្រារថយន្តឆ្លងកាត់ជិត 10.000 គ្រឿង, រីឯចំនួនយានយន្តឆ្លងកាត់ផ្លូវរូងក្រោមដីនៃទន្លេ Sài Gòn ថយចុះ 14% បើធៀបនឹងកាលពីមុន។ នេះជាដំណឹងត្រូវបានប្រកាសដោយលោក Phan Công Bằng ជាអនុប្រធាននាយកដ្ឋានដឹកជញ្ជូនទីក្រុងហូជីមិញ ក្នុងសន្និសីទសារព័ត៌មាននៅរសៀលថ្ងៃទី៥ ឧសភា។
៥. Đà Lạt ៖ ថ្លៃកសិផលកើនឡើងមកពីភ្លៀងធ្លាក់ខ្លាំង
មកពីភ្លៀងធ្លាក់ជាបន្តបន្ទាប់ក្នុងរយៈពេលប៉ុន្មានថ្ងៃកន្លងទៅនេះ បានជាបន្លែច្រើនប្រភេទនៅទីក្រុង Đà Lạt នៃខេត្ត Lâm Đồng និងតំបន់ជុំវិញ បានកើនឡើងជិតទ្វេដង បើធៀបនឹងរយៈពេលនៃថ្ងៃឈប់សម្រាក 30/4 កន្លងមក។ ក្រៅពីបន្លែ គឺផ្កាច្រើនប្រេភេទ ក៏ឡើងថ្លៃខ្លាំងផងដែរ។
ព័ត៍មានអន្តរជាតិ
៦.ប្រទេសជប៉ុន នឹងប្រើប្រាស់ថាមពលនុយក្លេអ៊ែរ ដើម្បីបន្ថយចំណុះលើប្រេងឥន្ធនៈរបស់ប្រទេសរុស្ស៊ី
នាយករដ្ឋមន្ត្រីនៃប្រទេសជប៉ុនលោក Fumio Kishida បាននិយាយថា ប្រទេសនេះ នឹងប្រើប្រាស់ម៉ាស៊ីនរ៉េអាក់ទ័រនុយក្លេអ៊ែរដើម្បីជួយខ្លួនឯង និងពិភពលោកកាត់បន្ថយចំណុះលើថាមពលរបស់ប្រទេសរុស្ស៊ី។
៧.ប្រទេសឥណ្ឌូនេស៊ី បានរកឃើញកុមារកើតជំងឺរលាកថ្លើមជាច្រើន
មានករណីមួយចំនួន សង្ស័យជាជំងឺរលាកថ្លើមស្រួចស្រាវចំពោះកុមារ ត្រូវបានរាយការណ៍នៅក្នុងប្រទេសឥណ្ឌូនេស៊ី នៅពេលមាន កុមារកើតជំងឺ ៣ នាក់ត្រូវ ស្លាប់ ត្រូវបានចាត់ទុកថា ពាក់ព័ន្ធដល់ជំងឺថ្លើមដែលមិនដឹងមូលហេតុ បាន ប៉ះពាល់ដល់កុមារលើទូទាំងពិភពលោក។ នៅចុងសប្តាហ៍មុន ប្រទេសសិង្ហបុរីបានបញ្ជាក់ថា មានទារក 10 ខែ កើតជំងឺរលាកថ្លើមស្រួចស្រាវ ហើយកំពុងធ្វើការពិនិត្យថា ករណីនេះស្រដៀងទៅនឹងករណីឆ្លងជំងឺដូចនៅក្នុងប្រទេសផ្សេងទៀតដែរឬទេ។
៨.ប្រទេសអាឡឺម៉ង់ បានតាមដានក្រុមហ៊ុនមេតា
ការិយាល័យប្រកួតប្រជែងនៃសហព័ន្ធអាល្លឺម៉ង់ បានប្រកាសថា ខ្លួនបានដាក់ក្រុមហ៊ុន Meta ដែលជាក្រុមហ៊ុនបច្ចេកវិទ្យាជាកម្មសិទ្ធិរបស់ Facebook, WhatsApp និង Instagram ស្ថិតក្នុងការត្រួតពិនិត្យយ៉ាងតឹងរឹង ដែលក្រុមហ៊ុននេះអាចមាន ការប្រកួតប្រជែងមិនយុត្តិធម៌ ។
