ដកថវិការជាតិ និងអង្ករបម្រុងជាតិសម្រាប់ឧបត្ថម្ភដល់ ៥ខេត្ត-Khmer 23/10/2020

ព័ត៍មាននៅក្នុងប្រទេស

១.ដកថវិការជាតិ និងអង្ករបម្រុងជាតិសម្រាប់ឧបត្ថម្ភដល់ ៥ខេត្ត

ថ្មីៗនេះ លោកនាយករដ្ឋមន្ត្រី បានយល់ព្រមដកអង្ករបម្រុងជាតិចំនួន ៥.០០០តោន និងថវិការចំនួន ៥០០ពាន់លានដុង សម្រាប់ជំនួយ និង ជួយសង្គ្រោះប្រជាជនស្ថិតនៅ៥ខេត្តនៅតំបន់ទឹកជំនន់រួមមាន៖ ខេត្ត Quảng Bình, Quảng Trị, Thừa Thiên Huế, Quảng Nam និងខេត្ត Hà Tĩnh ។ គណៈកម្មាធិការប្រជាជននៅតាមបណ្តាខេត្តនេះ ត្រូវមានភារកិច្ចបែងចែកឲ្យទាន់ពេលវេលា, និងចែកចាយផ្ទាល់ដល់ប្រជាជន ធានាចែកចាយត្រឹមត្រូវតាមមុខសញ្ញា និងត្រឹមត្រូវតាមការកំណត់របស់ច្បាប់។ ក្រៅពីនេះ លោកនាយករដ្ឋមន្ត្រី ក៏បានយល់ព្រមនឹងសំណើររបស់ក្រសួងនានា គឺចំពោះមុខ នឹងផ្តល់ថវិការពីថវិការបម្រុងមជ្ឈិមឆ្នាំ ២០២០ សម្រាប់ឧបត្ថម្ភដល់ខេត្ត Quảng Bình, Quảng Trị, Thừa Thiên Huế, Quảng Nam និងខេត្ត Hà Tĩnh ខេត្តនិមួយៗ បាន ១០០ពាន់លានដុង សម្រាប់បំពេញកិច្ចការជួយសង្គ្រោះ និងសុខុមាលភាពសង្គម តាមរបប និងតាមគោលនយោបាយរបស់រដ្ឋ។

២.ថ្នាក់ដឹកនាំក្រុមប្រឹក្សាប្រជាជន និងគណៈកម្មាធិការប្រជាជនទីក្រុងហូជីមិញ បានបរិច្ឆាកថវិការសម្រាប់ឧបត្ថម្ភដល់ប្រជាជននៅភាគកណ្តាល។

ដើម្បីគាំទ្រនូវពាក្យអំពាវនាវពីគណៈកម្មាធិការរណសិរ្យមាតុភូមិវៀតណាមនៃទីក្រុងហូជីមិញ, ដើម្បីពង្រឹងនូវប្រពៃណីសាមគ្គីភាព, ជួយគ្នាទៅវិញទៅមក និងសញ្ចេតនានោះ ថ្មីៗនេះ អចិន្ត្រៃនៃក្រុមប្រឹក្សាប្រជាជន, អចិន្ត្រៃនៃគណៈកម្មាធិការប្រជាជនទីក្រុងហូជីមិញ ព្រមទាំងកម្មាភិបាល និយោជិត និងពលករនៅខុទ្ទការល័យនៃគណៈប្រតិភូរដ្ឋសភា-ក្រុមប្រឹក្សាប្រជាជនទីក្រុងហូជីមិញ និងខុទ្ទការល័យគណៈកម្មាធិការប្រជាជនទីក្រុងហូជីមិញ បានចូលរួមវិភាគទាន រួមចំណែក និងចែករំលែងយ៉ាងសកម្មជាមួយប្រជាជននៅភូមិភាគកណ្តាលដែលត្រូវរងនឹងផលអាក្រក់នៃការបំផ្លាញរបស់ទឹកជំនន់។

៣. គ្រូមតេយ្យសាលារដ្ឋក្នុងទូទាំងប្រទេសនៅនៅខ្វះជាង ៤៥.០០០នាក់

យោងតាមសេចក្តីរាយការណ៍ពីមូលដ្ឋាននានា គឺឆ្នាំសិក្សា ២០១៩-២០២០ ក្នុងទូទាំងប្រទេសនៅខ្វះគ្រូមតេយ្យសាលារដ្ឋចំនួន ៤៥.២៤២នាក់ បានដឹងថា តួលេខនេះជាតួលេខនៅខ្វះរបស់ឆ្នាំសិក្សា ២០១៩-២០២០ ក្រោយពីបានបំពេញបន្ថែមគ្រូមតេយ្យសាលាក្រខ័ណ្ឌរដ្ឋចំនួន ២០.៣០០នាក់។

៤.តំបន់ដីសណ្តទន្លេគីវឡុង៖ ក្រូវថ្លុងសំបកបៃតងកំពុងត្រូវគេជាវទិញច្រើន និងបានថ្លៃ

លោក Đàm Văn Hưng ម្ចាស់អាជីវកម្មផ្លែឈើ Hương Miền Tây ស្ថិតនៅស្រុក Mỏ Cày Bắc ខេត្ត Bến Tre  (ជាអាជីវកម្មដ្ឋានប្រមូលនិងនាំចេញក្រូចថ្លុងសំបកបៃតងធំជាងគេនៅតំបន់ដីសណ្ដទន្លេគីវឡុងនាពេលសព្វថ្ងៃ) បាននិយាយថា បន្ទាប់ពីការធ្លាក់ថ្លៃមួយរយៈ គឺថ្មីៗនេះ ក្រូវថ្លុងសំបកបៃតងនៅតំបន់ដីសណ្តទន្លេគីវឡុង បានឡើងថ្លៃខ្លាំង។ បច្ចុប្បន្ននេះ ក្រូវថ្លុងសំបកបៃតងប្រភេទលេខ  ១ ត្រូវបានប្រមូលទិញពី ៤០.០០០ - ៤៩.០០០ ដុង / គីឡូក្រាមគឺកើនឡើងជាមធ្យមប្រមាណ ១០.០០០-១៤.០០០ ដុង / គីឡូក្រាម បើប្រៀបធៀបនឹងរយៈពេលដូចគ្នាកាលពីឆ្នាំមុន។

លោក Hưng បានឲ្យដឹងថា “មូលហេតុដែលក្រូចថ្លុងសំបកបៃតង កំពុងត្រូវគេជាវទិញច្រើន និងបានឡើងថ្លៃ គឺមកពីទីផ្សារក្នុងស្រុកកំពុងត្រូវអតិថិជនជាវទិញច្រើន,ការនាំចេញទៅកាន់ប្រទេសចិនក៏កំពុងត្រូវបានអនុវត្តខ្លាំង; ម្យ៉ាងវិញទៀត តំបន់ជាច្រើនដូចជា ៖ Bến Tre, Sóc Trăng, Vĩnh Long… កសិករមិនមានក្រូចថ្លុងសម្រាប់លក់ទៀត មកពីត្រូវរងផលប៉ះពាល់ដោយភាពរាំងស្ងួតបន្លាយក្នុងរយៈពេលយូរកន្លងមក ដែលបណ្តាលឲ្យម្ចាស់ចំកាជាច្រើន ត្រូវដាច់ចិត្តបេះផ្លែក្រូចខ្ចី សម្រាប់ការពារ និងថែរក្សាដើម មិនឲ្យវាងាប់....)

ព័ត៍មានអន្តរជាតិ

៥.សហរដ្ឋអាមេរិកនឹងដកប្រទេសស៊ូដង់ចេញពីបញ្ជីប្រទេសឧបត្ថម្ភភេរវករបន្ទាប់ពីទទួលបានសំណងចំនួន ៣៣៥ លានដុល្លារ

ប្រធានាធិបតីអាមេរិកដូណាល់ត្រាំបាននិយាយកាលពីថ្ងៃទី ១៩ ខែតុលាថា សហរដ្ឋអាមេរិកនឹងដកប្រទេសស៊ូដង់ចេញពីបញ្ជី “បណ្តាប្រទេសជំនួយភេរវករ” បន្ទាប់ពីទទួលបានសំណងពីប្រទេសនេះចំនួន ៣៣៥លានដុល្លារ។

៦.ប្រទេសរុស្ស៊ីត្រៀមខ្លួនបង្កកក្បាលគ្រាប់នុយក្លេអ៊ែរទាំងអស់

ប្រទេសរុស្ស៊ីបានប្រកាសថា ខ្លួនបានត្រៀមខ្លួនរួចជាស្រេចក្នុងការបង្កកក្បាលគ្រាប់នុយក្លេអ៊ែររបស់ខ្លួន ប្រសិនបើសហរដ្ឋអាមេរិកក៏បានធ្វើដូចគ្នា ដើម្បីពន្យាសន្ធិសញ្ញាកាត់បន្ថយការវាយប្រហារយុទ្ធសាស្ត្រថ្មី (START) បន្ថែមមួយឆ្នាំទៀត។

៧.ប្រទេសឥណ្ឌាឆ្ពស់ទៅរកការកាត់បន្ថយបំពុលធូលីល្អិតនៅក្នុងទីក្រុង

ដើម្បីកាត់បន្ថយការបំពុលបរិយាកាសនៅតាមទីក្រុងនានាទូទាំងប្រទេស, រដ្ឋមន្ត្រីបរិស្ថានសហព័ន្ធឥណ្ឌាលោក Prakash Javadekar បានប្រកាសថារដ្ឋាភិបាលបានអនុម័តកម្មវិធីខ្យល់អាកាសជាតិ (NCAP) ដែលបានពិចារណា គ្រោងកាត់បន្ថយ ២០% -៣០% នៃកំហាប់ធូលីល្អ (PM ធូលី) ។ បានដឹងថា ការបំពុលបរិស្ថាននៅក្នុងប្រទេសឥណ្ឌា ភាគច្រើនគឺបណ្តាលមកពីការបញ្ចេញឧស្ម័នពុលពីយានយន្ត និងសកម្មភាពបច្ចេកវិទ្យា, ធូលីចេញពីការដ្ឋានសំណង់ និងការគ្រប់គ្រងកាកសំណល់មិនល្អ ...

៨.សហគមន៍អ៊ឺរ៉ុបមានទង្វើខ្លាំងនឹងកម្មវិធីលក់ "លិខិតឆ្លងដែនមាស"

គេហទំព័រ Euractiv បានរាយការណ៍ថាសហគមន៍អ៊ឺរ៉ុប (EU) បានចាប់ផ្តើមចាត់វិធានការតាមផ្លូវច្បាប់ ចំពោះបណ្តាកម្មវិធីរបស់កោះកោះស៊ីប និងម៉ាល់តាក្នុងការចេញ "លិខិតឆ្លងដែនមាស" ដល់វិនិយោគិន បន្ទាប់ពីត្រូវរងការរិះគន់ថា ទម្រង់នេះ កំពុងត្រូវបានរំលោភបំពានដោយពួកឧក្រិដ្ឋជន។

CẦN NHÂN RỘNG MÔ HÌNH “KẾT NỐI MẠNG XÃ HỘI - BÌNH YÊN CHO MỖI GIA ĐÌNH”

ចាំបាច់ត្រូវតែពង្រីករូបភាពគំរូ “តភ្ជាប់បណ្តាញសង្គម-សុវត្ថិភាពដល់គ្រួសារនិមួយៗ”

ថ្មីៗនេះ នគរបាលខេត្ត Đắk Lắk បានសហការជាមួយការិយាយ័យនៃក្រសួងនគរបាល រៀបចំនូវសន្និសិទវាយតម្លៃរូបភាពគំរូ “តភ្ជាប់បណ្តាញសង្គម-សុវត្ថិភាពដល់ក្រុមគ្រួសារនិមួយៗ”នៅក្នុងខេត្ត Đắk Lắk

ចូលរួមអង្គប្រជុំមានតំណាងមកពីការរិយាល័យនៃក្រសួងនគរបាល, ថ្នាក់ដឹកនាំនៅតាមបណ្តានាយកដ្ឋានជំនាញនៃក្រសួងនគរបាល ព្រមទាំងថ្នាក់ដឹកនាំផ្នែកនគរបាលមកពី ៣៤ ខេត្តក្រុងក្នុងទូទាំងប្រទេស។

ថ្លែងសុន្ទករថាបើកអង្គប្រជុំ លោកវរសេនីយ៍ឯក Lê Văn Tuyến ជាស្នងការនគរបាលខេត្ត Đắk Lắk បានឲ្យដឹងថា នគរបាលខេត្ត Đắk Lắk បានដំណើការសាកល្បងនូវរូបភាពគំរូ “តភ្ជាប់បណ្តាញសង្គម-សុវត្ថិភាពដល់ក្រុមគ្រួសារនិមួយ” ប្រយោជន៍ដើម្បីមានទម្រង់បែបបទជាច្រើន និងរូបភាពគំរូការពារ ទប់ស្កាត់បទល្មើសនានា, ពិសេសគឺបទល្មើសលើបណ្តាញសង្គម។ ហើយបន្ទាប់ពីអនុវត្តបាន ៦ខែមក រូបភាពគំរូ “តភ្ជាប់បណ្តាញសង្គម-សុវត្ថិភាពដល់ក្រុមគ្រួសារនិមួយ” នៅខេត្ត Đắk Lắk បាននាំមកនូវប្រសិទ្ធិភាពសកម្មមួយចំនួន។

មកដល់ពេលនេះ នគរបាលទាំងអស់ក្នុងខេត្ត Đắk Lắk មានអ្នកចុះបញ្ជីប្រើប្រាស់បណ្តាញសង្គម zalo ជាក់ស្តែងចំនួន 129.208 នាក់; មាន184/184 ឃុំ, សង្កាត់ និងទីរួមស្រុក បានចុះបញ្ជីប្រើប្រាស់ជាក់ស្តែង និងដំណើការបណ្តាញសង្គម zalo។ កម្លាំងនគរបាលប្រចាំតំបន់, នគរបាលរៀបរយប្រចាំឃុំ ដែលទទួលបន្ទុកតំបន់ បានបង្កើត ៩៧៥ក្រុម zalo ភូមិ, ឃុំ និងកម្រងប្រជាជន។ទំព័រ zalo នានា បានចុះផ្សាយចំនួន 12.095 អត្ថបទ ហើយបានទាក់ទាញអ្នកចូលមើលបានចំនួន 4.981.844 លើកនាក់។ ព្រមទាំង បានទទួល និងដោះស្រាយដំណឹងរាយការណ៍ចំនួន ៥៦៨ ដែលពាក់ព័ន្ធដល់ស្ថានភាពសុវត្ថិភាពសណ្តាប់ធ្នាប់; ឆ្លើយតប និងណែនាំបាន 5.264 សំណួរ ដែលពាក់ព័ន្ធដល់បណ្តាបែបបទរដ្ឋបាល ក្រោមសិទ្ធិដោះស្រាយរបស់កម្លាំងនគរបាល។

ពិសេស តាមរយៈបណ្តាញសង្គមនានានេះ ប្រជាជនបានជ្រាបយ៉ាងឆាប់រហ័ស នូវដំណឹងស្តីអំពីស្ថានភាពសុវត្ថិភាពសណ្តាប់ធ្នាប់ក្នុងតំបន់ ហើយផ្តើមពីនេះ បានម្ចាស់ការការពារ និងសហការជាមួយកម្លាំងនគរបាល ក្នុងកិច្ចការធានាសុវត្ថិភាពសណ្តាប់ធ្នាប់សង្គម។ ម៉្យាងវិញទៀត តាមរយៈការផ្លាស់ប្តូរយោបល់ជាមួយប្រជាជន កម្លាំងនគរបាល ក៏បានម្ចាស់ការក្តាប់ និងដោះសា្រយបានភ្លាមតាំងពីថ្នាក់មូលដ្ឋាន នូវបណ្តាបញ្ហាស្មុគ្រស្មាញ ដែលពាក់ព័ន្ធដល់ស្ថានភាពសុវត្ថិភាពសណ្តាប់ធ្នាប់សង្គម បានរួមចំណែកកាត់បន្ថយស្ថានភាពបទល្មើស អបាយមុខសង្គមក្នុងភូមិសាស្រ្តខេត្ត។ ក្នុងរយៈពេល ៩ខែឆ្នាំ២០២០ កាត់បន្ថយបានចំនួន 6,58% ករណីល្មើសសណ្តាប់ធ្នាប់សង្គម បើប្រៀបធៀបនឹងរយៈពេលដូចគ្នាកាលពីឆ្នាំ ២០១៩....។

ក្នុងឱកាសនេះដែរ ៣ក្រុម និង បុគ្គល ៥នាក់ នៃនគរបាលខេត្ត Đắk Lắk ត្រូវបានលោករដ្ឋមន្ត្រីក្រសួងនគរបាលប្រគល់ប័ណ្ណសរសើរ មកពីមានស្នាដៃឆ្នើម ក្នុងរយៈពេលអនុវត្តចលនា “ប្រជាជនទាំងមូលការពារសន្តិសុខមាតុភូមិ” លើបណ្តាញសង្គម និងរូបភាពគំរូ “តភ្ជាប់បណ្តាញសង្គម-សុវត្ថិភាពដល់ក្រុមគ្រួសារនិមួយ”៕

បកប្រែពីសារព័ត៍មាន៖ប្រជាជន

 

 

 

VOH

Bình luận

Đọc Báo