.ខេត្ត Đồng Nai ៖សត្វស្លាបចុះថ្លៃខ្លាំង-Tiếng Khmer 11/9/2020

BẢN TIN TRONG NƯỚC THỨ SÁU 11/9/2020
ព័ត៍មាននៅក្នុងប្រទេស
១.ទីក្រុង Cần Thơ ខិតខំក្លាយជាមជ្ឈមណ្ឌលប្រចាំតំបន់ណាមបូខាងលិច
គណៈកម្មាធិការសេដ្ឋកិច្ចមជ្ឈិម បានសហការជាមួយគណៈកម្មាធិការបក្សទីក្រុង Cần Thơ រៀបចំនូវសន្និសិទតាមប្រព័ន្ធវីដេអូ សម្រាប់ស្រាវជ្រាវ, សិក្សា, យល់ឲ្យបានច្បាស់ និងអនុវត្តនូវសេចក្តីសម្រេចិត្តលេខ ៥៩ (ចុះថ្ងៃទី ៥/សីហា/២០២០)របស់ការិយាល័យនយោបាយ ស្តីអំពីការសាងសង់ និងអភិវឌ្ឍន៍ទីក្រុង Cần Thơ ដល់ឆ្នាំ ២០៣០ ទស្សនៈដល់ឆ្នាំ ២០៤៥។
យោងតាមសេចក្តីសម្រេចលេខ ៥៩ គឺគោលដៅតាំងពីពេលនេះ រហូតដល់ឆ្នាំ ២០៣០ Cần Thơ នឹងក្លាយជាទីក្រុងជីវសាស្ត្រ, អរីយធម៌, ទំនើបពោពេញទៅដោយលក្ខណៈវប្បធម៌នៃតំបន់ដីសណ្តទន្លេគីវឡុង; ជាមជ្ឈមណ្ឌលប្រចាំតំបន់ ស្តីអំពីសេវ៉ាខាងពាណិជ្ជកម្ម, ទេសចរណ៍, logistics, ឧស្សាហកម្មកែច្នៃ, កសិកម្មអនុវត្តដោយបច្ចេកវិជ្ជាខ្ពស់, អប់រំ និងបណ្តុះបណ្តាល, សុខាភិបាលជំនាញ, វិទ្យាសាស្ត្របច្ចេកវិជ្ជា, វប្បធម៌ និងកីឡា....ជាដើម។
ថ្លែងសុន្ទរកថាបង្គាប់ការក្នុងសន្និសិទនោះ លោក Nguyễn Văn Bình ជាប្រធានគណៈកម្មាធិការសេដ្ឋកិច្ចមជ្ឈិម បានវាយតម្លៃយ៉ាងខ្ពស់ ចំពោះការអនុវត្តប្រកបដោយច្នៃប្រឌិត របស់ទីក្រុង Cần Thơ ក្នុងការអនុវត្តសេចក្តីសម្រេចនេះ។ ហើយលោក Nguyễn Văn Bình ក៏បានមានប្រសាសន៍ថា ទីក្រុង Cần Thơ ត្រូវស្លាបនានូវប្រព័ន្ធនយោបាយសមរម្យ; កសាងនូវជួរកម្មាភិបាលតម្លាភាព...។
២.វាយបំបែកនូវសំណុំរឿងពិសេសដ៏ធំមួយ ដកហូតហេរ៉ូអីនបាន ១៣ដុំ, គ្រឿងញៀនម៉ាទឹកកក់ ១០គីឡូ និងគ្រឿងញៀនសម្រូប ១០.០០០គ្រាប់
នគរបាលទីក្រុង Vinh  (ខេត្ត Nghệ An)បានឲ្យដឹងថា ខ្លួនទើបបានសហការជាមួយបណ្តាអង្គភាពជំនាញរបស់ស្នងការនគរបាលខេត្ត និងកងទព័ការពារព្រំដែនខត្ត Nghệ An បាយបំបែកនូវសំណុំរឿងពិសេសដ៏ធំមួយ ចាប់បានជនសង្ស័យ ៤នាក់ ដកហូតហេរ៉ូអ៊ីនចំនួន ១៣ដុំ, គ្រឿងញៀនម៉ទឹកកក់ចំនួន ១០គីឡូក្រាម និងគ្រឿងញៀនសម្រូបចំនួន ១០.០០០គ្រាប់។ ហៈយសំណុំរឿងនេះ កំពុងត្រូវបានសើបសួរបន្ត។
៣.តាមដាន និងគ្រប់គ្រងលេខកូដតំបន់ដាំដុះ និងសិប្បកម្មវិចខ្ចប់ផ្លែឈើនាំចេញ
ប្រឈមនឹងស្ថានភាពមានស្ថាប័នមួយចំនួន បានលួចយកលេខកូដតំបន់ដាំដុះដំណាំ របស់សិប្បកម្មផ្សេងៗ សម្រាប់បំពេញឯកសារនាំចេញរបស់ខ្លួន បានប៉ះពាល់ខ្លាំងដល់កិត្តិយានុភាពនៃផ្លែឈើវៀតណាមនោះ គឺថ្មីៗនេះ ក្រសួងកសិកម្មនិងអភិវឌ្ឍន៍ទីជនបទ បានមានសារាចរណ៍ដល់គណៈកម្មាធិការប្រជាជនបណ្តាខេត្តក្រុងចំណុះមជ្ឈិម, បណ្តាអង្គភាពមានសមត្ថកិច្ចចំណុះក្រសួង ស្នើរឲ្យត្រូវបង្កើនការតាមដាន និងគ្រប់គ្រងលេខកូដតំបន់ដាំដុះដំណាំសរីរាង្គវិចខ្ចប់ផ្នែលឈើនាំចេញ។
៤.ខេត្ត Đồng Nai ៖សត្វស្លាបចុះថ្លៃខ្លាំង
សព្វថ្ងៃនេះ ថ្លៃសត្វស្លាបគ្រប់ប្រភេទនៅលើទីផ្សារនៃខេត្ត Đồng Nai បន្តចុះថ្លៃខ្លាំង បណ្តាលឲ្យអ្នកចិញ្ចឹមត្រូវខាតខ្លាំងតែម្តង។ ជាក់ស្តែង ថ្លៃមាន់កសិកម្មនៅត្រឹមតែពី 17.000 - 18.000 ដុង/ក្នុងមួយគីឡូក្រាម, គឺថយចុះបន្ថែម ១០.០០០ដុង/ក្នុងមួយគីឡូក្រាមទៀត បើប្រៀបធៀបនឹងសប្តាហ៍មុន។ ជាក់ស្តែងគឺមាន់ស្លាបច្រើនព៌ណនៅត្រឹមពី 21.000 - 22.000ដដុង/មួយគីឡូក្រាម, មាន់ស្រែថ្លៃពី38.000 - 48.000ដុង/គីឡូក្រាម គឺសុទ្ធតែថយចុះពី5.000 - 10.000ដុង/គីឡូក្រាម បើប្រៀបធៀបនឹងដើមខែមុន។ ហើយថ្លៃទាំងនេះ សុទ្ធតែទាបជាងថ្លៃនៃការចិញ្ចឹមពី 3.000 - 5.000ដុង/គីឡូក្រាម។
ព័ត៍មានអន្តរជាតិ
៥. Pakistan ៖បំណាក់ដី បណ្តាលឲ្យមនុស្សយ៉ាតិតច ៣៨នាក់ស្លាប់និងបាត់ខ្លួន
សារព័ត៍មាន Daily Sabah បានដកស្រង់មន្ត្រីនៃប្រទេស Pakistan ថា មានយ៉ាងតិច ១៨នាក់ត្រូវស្លាប់ និង ២០នាក់ត្រូវបាត់ខ្លូន ក្នុងករណីបំណាក់ដីក្នុងអណ្តូងរ៉ែមួយ ស្ថិតនៅខេត្ត Khyber Pakhtunkhwa ភាគខាងជើងឈៀងខាងលិខនៃប្រទេស Pakistan ។
បានដឹងថា គ្រោះថ្នាក់ស្រុតអណ្តូងរ៉ែនៅប្រទេស Pakistan ច្រើនតែបណ្តាលមកពីមិនគោរពតាមបណ្តាបទកំណត់សុវត្ថិភាព។ កាលពីឆ្នាំ ២០១១ កើតមានករណីផ្ទុះអណ្តូងរ៉ែមួយ នៅខេត្ត Balochistan បានផ្តាច់ជីវិតជាងអណ្តូងរ៉ែយ៉ាងតិច ៤៣នាក់។
៦. Myanmar ៖ចាប់ផ្តើមយុទ្ធនាការឃោសនាបោះឆ្នោត
សារព័ត៍មានស៊ីនហួរផ្សាយថា ប្រទេស Myanmar បានចាប់ផ្តើមយុទ្ធនាករឃោសនាបោះឆ្នោត សម្រាប់ការបោះឆ្នោតជាសកល ដែលនឹងគ្រោងទុករៀបចំនូវថ្ងៃទី ៨ខែធ្នូខាងមុខនេះ។ មកពីផលប៉ះពាល់នៃការរាតត្បាតរបស់ជំងឺកូវីដ-១៩ បានជាបណ្តាព្រឹត្តិការណ៍ដែលនឹងរៀបចំឡើង ក្នុងក្របខណ្ឌនៃយុទ្ធនាការឃោសនាបោះឆ្នោត នឹងត្រូវបានបន្ថយអ្នកចូលរួម គឺច្រើនបំផុតតែ ៥០នាក់បានចូលរួម។
៧. EU នឹងបានទទួលវ៉ាក់សាំងការពារជំងឺកូវីដ-១៩នៅរយៈពេលចុងឆ្នាំនេះ
យោងតាមសារព័ត៍មាន EU News គឺតាមការគ្រោងទុក រយៈពេលចុងឆ្នាំនេះ បណ្តាប្រទេសជាសមាជិកនៃសម្ព័ន្ធអឺរ៉ុប នឹងបានទទួលវ៉ាក់សាំងការពារជំងឺកូវីដ-១៩ដំបូង។  

CẢNH BÁO BỆNH SỐT XUẤT HUYẾT VÀO MÙA
ត្រូវប្រុងប្រយ័ត្នចំពោះជំងឺគ្រុនឈាមក្នុងរដូវភ្លៀង
ក្នុងពេលដេលការរាតត្បាតនៃជំងឺកូវិដ-១៩នៅប្រែប្រួលយ៉ាងស្មុគ្រស្មាញ គឺការរាតត្បាតនៃជំងឺគ្រុនឈាមក៏កំពុងឈានចូលដំណាក់កាលប្រុងប្រយ័ត្នខ្ពស់ ដែលមានចំនួនអ្នកកើតជំងឺគ្រុនឈាមកើនឡើងយ៉ាងខ្លាំងនៅតំបន់ជាច្រើនក្នុងទូទាំងប្រទេស។ ក៏ប៉ុន្តែ, មកពីខ្លាចត្រូវឆ្លងជំងឺផ្សេងនៅពេលចូលពេទ្យ បានជាមានមនុស្សជាច្រើន ដែលមានសញ្ញាកើតជំងឺគ្រុនឈាម មិនហានចូលពេទ្យពិនិត្យ និងព្យបាលជំងឺ បានអនុវត្តវិធីព្យាបាលជំងឺផ្សេងៗនៅនឹងផ្ទះ បណ្តាលឲ្យទទួលផលអាកក្រក់គួរឲ្យសោកស្តាយ។
យោងតាមមជ្ឈមណ្ឌលត្រួតពិនិត្យជំងឺ (CDC)ទីក្រុងហូជីមិញបានដឹងថា ក្នុងរយៈពេល ២ខែកន្លងមកនេះ គិតជាមធ្យមក្នុងមួយសប្តាហ៍មានអ្នកកើតជំងឺគ្រុនឈាមចំនួន ៥០០នាក់។ ពិសេស, ក្នុងសប្តាហ៍ទី ៣៥ នៅ ៣១ ខណ្ឌ, ភូមិ, សង្កាត់ក្នុងទីក្រុងហូជីមិញ កត់សម្គាល់បាន មាន ៤០សំបុកជំងឺគ្រុនឈាមថ្មី។ នៅតាមបណ្តាមន្ទីរពេទ្យក្នុងទីក្រុងហូជីមិញ ក៏បានទទួលអ្នកជំងឺជាច្រើនមកពិនិត្យនិងព្យាបាលជំងឺគ្រុនឈាម។ នៅមន្ទីរពេទ្យកុមារទី ១ កំពុងព្យបាលឲ្យកុមារឆ្លងជំងឺគ្រុនឈាមប្រមាណ ៦០នាក់។ រីឯមន្ទីរពេទ្យកុមារទី ២វិញ កំពុងព្យាបាលអ្នកជំងឺគ្រុនឈាមចំនួន ២៥នាក់, ក្នុងនោះ មានម្នាក់កំពុងប្រែប្រួលធ្ងន់ធ្ងរ។ លោកវេជ្ជបណ្ឌិត Nguyễn Minh Tuấn  ជាប្រធានផ្នែកគ្រុនឈាម នៃមន្ទីរពេទ្យកុមារទី ១ បានឲ្យដឹងថា នារយៈពេលកន្លងមក មានអ្នកកើតជំងឺគ្រុនឈាមជាច្រើន បានប្រែទៅធ្ងន់ធ្ងរ។ ហើយប្រការគួរឲ្យព្រួយបារម្មរណ៍បំផុតគឺ នាពេលនេះ  ប្រជាជនមិនសូវចង់មកមន្ទីរពេទ្យទេ មកពីការរាតត្បាតនៃជំងឺកូវិដ-១៩ បានជាគេបានទិញថ្នាំមកព្យបាលដោយខ្លួនឯង បណ្តាលឲ្យជំងឺមិនត្រឹមតែមិនជាប៉ុណ្ណោះទេ គឺថែមទាំងប្រែជាធ្ងន់ធ្ងរជាង។
ហើយថ្មីបំផុត គឺករណីអ្នកជំងឺនារីម្នាក់ អាយុ ១៦ឆ្នាំ រស់នៅខណ្ឌលេខ ៧ ត្រូវស្លាប់មកពីកើតជំងឺគ្រុនឈាម។ បានដឹងថា មុននោះ អ្នកជំងឺនេះ បានចូលព្យាបាលនៅមន្ទីរពេទ្យខណ្ឌលេខ ៤ ក្រោយមកទៀត មកពីជំងឺប្រែធ្ងន់ធ្ងរ ក៏បានបញ្ជូនទៅព្យបាលនៅមន្ទីរពេទ្យត្រូពិកទីក្រុងហូជីមិញ។ បានដឹងថា នេះជាករណីត្រូវស្លាប់មកពីជំងឺគ្រុនឈាមដំបូងក្នុងទីក្រុងហូជីមិញក្នុងរយៈពេលច្រើនឆ្នាំកន្លងមកនេះ។
វេជ្ជបណ្ឌិតបានផ្តល់អនុសាសន៍ដល់ប្រជាជនថា ប្រជាជនគួរតែប្រុងប្រយ័ត្នជានិច្ច ការពារមិនឲ្យមូសខាំ ដោយវិធីអនាម័យផ្ទះសម្បែង និងកំចាត់ដង្កូវទឹកប្រចាំ។ ពិសេស នៅពេលមានអការៈដូចកើតជំងឺគ្រុនឈាមដូចជា គ្រុនក្តៅខ្លាំង, នឿយហត់ក្នុងខ្លួន, ឈឺចុកចាប់ពេញខ្លួន, ចេញកន្តួល....គឺត្រូវអញ្ជើញមកពិនិត្យជំងឺនៅមន្ទីរពេទ្យជិតបំផុត សម្រាប់ចៀសវាងអការៈជំងឺប្រែប្រួលខ្លាំង បណ្តាលឲ្យជំងឺធ្ងន់ធ្ងរជាង។  តាមប្រសាសន៍លោកវេជ្ជបណ្ឌិត Đỗ Duy Cường គឺជំងឺគ្រុនឈាម និងជំងឺកូវីដ-១៩ សុទ្ធតែជាបណ្តាជំងឺឆ្លងដ៏គ្រោះថ្នាក់ មកពីវីរ៉ូស ដែលមានអការៈដំបូងប្រហាក់ប្រហែលគ្នា, ប៉ុន្តេ នេះជា ប្រភេទជំងឺ ២ មានកត្តាជារោគរាតត្បាត និងការឆ្លង ក៏ដូចជាស្ថានភាពជំងឺខុសគ្នា។ ជំងឺកូវីដ-១៩ បានឆ្លងតាមរយៈការដកដង្ហើម ប្រាស្រ័យជិតអ្នកជំងឺ ប៉ះពាក់ផ្ទាល់នឹងដំណក់ទឹកតូចដែលចេញពីប្រព័ន្ធផ្លូវដង្ហើមរបស់អ្នកដែលបានឆ្លងវីរុស (តាមរយៈការក្អក  និងកណ្តាស់)  និងការប៉ះទៅលើផ្ទៃនានាមានវីរុស។ រីឯជំងឺគ្រុនឈាមវិញ បានឆ្លងតាមរយៈឈាមមកពីត្រូវមូសខាំ។ ក្រៅពីនេះ ជំងឺគ្រុនឈាមនៅមានអការៈខាងក្រៅគឺ ស្បែកកើតកន្ទួល, ផ្ទៃមុខ និងរែទីនភ្នែកឡើងក្រហម, បើធ្ងន់នឹងចេញឈាម ឬ ត្រូវស៊ុកមកពីកក់ឈាម។ ចំពោះអ្នកជំងឺកូវីដ-១៩វិញ, ក្រៅពីកត្តារាតត្បាតបានប្រាស្រ័យជាមួយអ្នកកើតជំងឺកូវីដ-១៩នោះ គឺនៅមានសញ្ញារលាកផ្លូវដកដង្ហើមដូចជា ក្អក, ពិបាកដកដង្ហើម, តឹងច្រមុះ.....ហើយបើធ្ងន់ នឹងមានសញ្ញារលាកសួត និងកង្វះដង្ហើម។
ដើម្បីទប់ស្កាត់បានទាន់ពេលពេលវេលា មិនបណ្តោយឲ្យជំងឺគ្រុនឈាមផ្ទុះឡើង និងឆ្លងរាលដាលនោះ ក្រសួងសុខាភិបាល បានមានសំណើរដល់ផ្នែកសុខាភិបាលនៅគ្រប់តំបន់ ត្រូវប្រមូលផ្តុំកម្លាំងតាមដាន និងត្រួតពិនិត្យឲ្យបានតឹងរឹងជំងឺគ្រុនឈាមក្នុងភូមិសាស្ត្រខេត្ត ខណ្ឌស្រុក សម្រាប់រកឃើញទាន់ពេលវេលនូវអ្នកកើតជំងឺ, សំបុកជំងឺគ្រុនឈាមនានា; ត្រូវត្រួតពិនិត្យអ្នកជំងឺគ្រុនឈាមនៅសហគមន៍ សម្រាប់កំណត់តំបន់មានជំងឺ ដោះស្រាយបានទាន់ពេលវេលា។ បន្តបាញ់ថ្នាំគីមីនៅបណ្តាសំបុកជំងឺ សម្រាប់រាំងខ្ទប់ជំងឺរាតត្បាតតាំងពីគ្រាដំបូងនៅតាមបណ្តាតំបន់ដែលហានិភ័យខ្ពស់។ មានវិធានការបែងចែក, ចែកអ្នកជំងឺ ចៀសវាងមិនឲ្យមានអ្នកជំងឺច្រើនហួសនៅមន្ទីរពេទ្យមួយ; ត្រូវព្យបាលត្រឹមត្រូវតាមក្រាហ្វិកព្យាបាលជំងឺ និងត្រូវបន្ថយចំនួនអ្នកស្លាប់មកពីជំងឺគ្រុនឈាម៕

VOH

Bình luận

Đọc Báo