ព័ត៍មាននៅក្នុងប្រទេស

១.លោកនាយករដ្ឋមន្រ្តីបានចេញសេចក្តីណែនាំបន្ទាន់មួយដើម្បីពង្រឹងការគ្រប់គ្រងសំរាមរឹង

លោកនាយករដ្ឋមន្រ្តី Nguyễn Xuân Phúc បានចុះហត្ថលេខាលើសារាចរលេខ 41/CT-TTg ស្តីអំពីវិធានការណ៍បន្ទាន់មួយចំនួន ដើម្បីពង្រឹងការគ្រប់គ្រងសំណល់រឹង។

សារាចរបានបញ្ជាក់ច្បាស់ថា ស្ថានភាពបំពុលបរិស្ថាន ដែលបណ្តាលមកពីកាកសំណល់រឹងបន្តកើនឡើង បានប៉ះពាល់ដល់សុខភាពមនុស្ស និងការអភិវឌ្ឍប្រកបដោយចីរភាពរបស់ប្រទេស។ នៅតាមតំបន់មួយចំនួន ការទុកដាក់, ការប្រមូលផ្តុំ ការដឹកជញ្ជូន និង ប្រព្រឹត្តិកម្មកាកសំណល់រឹង មិនឆ្លើយតបនឹងតម្រូវការការពារបរិស្ថាន បាននាំមកនូវកកើតឡើងនូវចំណុចសំរាមក្តៅ ប៉ះពាល់ដល់រិស្ថាន បណ្តាលអោយមានហានិភ័យនៃអសន្តិសុខនិងសុវត្ថិភាពសង្គម…។

២.ក្នុង ១១ ខែឆ្នាំ ២០២០ ការនាំចេញច្រើនជាការនាំចូលសម្រេចបានកំរិតខ្ពស់បំផុតគឺ ២០,១ ពាន់លានដុល្លារ

ការិយាល័យស្ថិតិជាតិបានឲ្យដឹងថា សកម្មភាពនាំចូលនាំចេញរបស់វៀតណាម ក្នុងរយៈពេល ១១ ខែនៃឆ្នាំនេះ សម្រេចបានកម្រិតនាំចេញច្រើនជាងនាំចូលខ្ពស់ ចំនួន ២០,១ ពាន់លានដុល្លារអាមេរិក; ថ្វីត្បិតតែស្ថានភាពស្មុគស្មាញនៃការរីករាលដាលរបស់ជំងឺ Covid-19 នៅតែបន្តប្រែប្រួលយ៉ាងស្មុគ្រស្មាញ បានប៉ះពាល់អវិជ្ជមានដល់សេដ្ឋកិច្ចពិភពលោក។

៣.ខណ្ឌ Thủ Đức បានទទួលសញ្ញាប័ត្រចំណាត់ថ្នាក់ស្ថាបត្យកម្មជាតិទីស្ការៈបូជា Linh Dong

គណៈកម្មាធិការប្រជាជនខណ្ឌ Thủ Đức  នៃទីក្រុងហូជីមិញ បានរៀបចំពិធីទទួលប័ណ្ណ ចំណាត់ថ្នាក់វិមានស្ថាបត្យកម្មជាតិទីស្ការៈបូជា Linh Dong ។ តិទីស្ការៈបូជា Linh Dong ស្ថិតនៅក្នុងសង្កាត់ Linh Chieu ស្រុក Thu Duc ។

៤.ជ្រូកកើតជំងឺប៉េស្តជ្រូកអាហ្វ្រិកនៅខេត្ត Đồng Nai

តំណាងថ្នាក់ដឹកនាំមន្ទីរបសុសត្វខេត្ត Đồng Nai បានបញ្ជាក់ថា នៅភូមិសាស្ត្រខេត្ត មានគ្រួសារចិញ្ចឹមជ្រូកមួយ បានឆ្លងជំងឺប៉េស្តជ្រូកអាហ្វ្រិក។បន្ទាប់ពីមានលទ្ធផលធ្វើតេស្តភ្លាម គណៈកម្មាធិការប្រជាជនស្រុក Cẩm Mỹ បានណែនាំដល់បណ្តាស្ថាប័នពាក់ព័ន្ធ ត្រូវមានវិធានការការពារ ទប់ស្កាត់ជំងឺរាតត្បាត និងរាំងខ្ទប់មិនឲ្យជំងឺរីករាលដាលរាលដាលដល់គ្រួសារនៅជុំវិញ។

ព័ត៍មានអន្តរជាតិ

៥.អ្នកទោសឆ្លង Covid-19 បានបង្កើនកុបកម្ម បណ្តាលឲ្យមនុស្សជាច្រើនត្រូវស្លាប់នៅស្រីលង្កា

យ៉ាងហោចណាស់មានមនុស្ស ៨ នាក់បានស្លាប់ និងជាង ៥០ នាក់ទៀតត្រូវរងរបួស បន្ទាប់ពីកុបកម្មបានកើតឡើងនៅក្នុងពន្ធនាគារមួយនៅប្រទេសស្រីលង្កា។ មូលហេតុដំបូង ត្រូវបានចាត់ទុកថា មកពីចំនួនអ្នកឆ្លងមេរោគ Covid-19 នៅទីនេះកំពុងកើនឡើងគួរឱ្យកត់សម្គាល់។

យោងតាមទិន្នន័យថ្មីបំផុងពីសាកលវិទ្យាល័យ John Hopkins គឺមកដល់ពេលនេះ ស្រីលង្កាបានកត់ត្រាករណីឆ្លងជំងឺ Cov-១៩ ចំនួន 22.988 ដែលក្នុងនោះ 109 នាក់បានស្លាប់។

៦.ប្រទេសអង់ហ្គោឡាបានធ្វើមាតុភូមិនិវត្តន៍ដំរីរាប់ម៉ឺនក្បាល

រដ្ឋាភិបាលនៃប្រទេស Angola  បានយល់ព្រមបើកព្រំដែន សម្រាប់ការធ្វើមាតុភូមិនិវត្តន៍ដំរីរាប់ពាន់ក្បាលពី Botswana ដើម្បីដោះស្រាយស្ថានភាពដែលចំនួនដំរីនៅក្នុងប្រទេសអាហ្វ្រិកខាងត្បូងនេះ កំពុងហួសពីការគ្រប់គ្រងរបស់កម្លាំងសន្តិសុខ។

៧.ទីក្រុងម៉ូស្គូគាំទ្របុគ្គលិកពេទ្យ និងមនុស្សចាស់ក្នុងរដូវ Covid-19

រដ្ឋអំណាចទីក្រុងមូស្គូបានចំណាយថវិកាមួយចំនួនពីមូលនិធិបម្រុង ដើម្បីផ្តល់ការដឹកជញ្ជូនតាក់ស៊ីដោយឥតគិតថ្លៃដល់បុគ្គលិកពេទ្យ។ ជាក់ស្តែង រដ្ឋអំណាច Mosocw នឹងចំណាយប្រាក់ចំនួន 128,4  លានរូប្លិ៍ សម្រាប់បង្គ្រប់ចំណាយទទួលបុគ្គលិកពេទ្យតាមតាក់ស៊ីក្នុងដំណើរទៅព្យាបាលអ្នកកើតជំងឺ Covid-19 នៅនឹងផ្ទះ។

៨.មនុស្សជាង ១៤ លាននាក់ឆ្លង Covid-19 នៅសហរដ្ឋអាមេរិក

យោងតាមគេហទំព័រ Worldometers បន្ទាប់ពីបានកត់ត្រាចំនួន ១៨២.១៣០ ករណី និងស្លាប់ ២.៦១១ ករណីដោយសារ Covid-19 នោះ គឺសហរដ្ឋអាមេរិកមានចំនួនសរុប 14.108.448 ករណីឆ្លង និង 276.976 ករណីត្រូវស្លាប់។ ប្រទេសនេះបន្តជាប្រទេសដែលរងផលប៉ះពាល់ខ្លាំងបំផុតពីការរាតត្បាតរបស់ជំងឺ Covid-19 ។

ĐBSCL VÀO MÙA HOA TẾT

តំបន់ដីសណ្តទន្លេគីវឡុងឈានចូលរដូវផ្កាអំណរឆ្នាំថ្មី

ទោះបីជាត្រូវរងផលប៉ះពាល់មកពីការរាតត្បាតនៃជំងឺកូវីដ-១៩ក៏ដោយ ក៏ប្រជាជននៅ ២ភូមិដាំផ្កាលំអរធំជាងគេនៅតំបន់ដីសណ្តទន្លេគីវឡុង គឺភូមិ Chợ Lách (ក្នុងខេត្ត Bến Tre) និងភូមិ Sa Đéc (ក្នុងខេត្ត Đồng Tháp)កំពុងមមាញឹកដាំផ្កាលំអរគ្រប់ប្រភេទ សម្រាប់បម្រើតម្រូវការទីផ្សារអំណរឆ្នាំថ្មី ២០២១។

ក៏ដូចជារៀងរាល់ឆ្នាំផងដែរ បរិយាកាសដាំដុះផ្កាលំអរអំណរឆ្នាំថ្មីនារយៈពេលនេះ នៅភូមិផ្កា Sa Đéc មានភាពអូរអរ,មានផ្កាច្រើនប្រភេទដូចជាផ្កាដង្កប់, ផ្កាស្បៃរឿង, ផ្កាឡេវអាវ... ត្រូវបានប្រជាជនខិតខំដាំដុះ។

យោងតាមតួលេខពីការរិយាល័យសេដ្ឋកិច្ចទីក្រុង Sa Đéc គឺផ្ទៃដីដាំដុះផ្កាលំអរសម្រាប់បម្រើតម្រូវការនាឱកាសអំណរឆ្នាំថ្មីប្រពៃណីជាតិ ២០២១ ឆ្នាំនេះ ប្រមាណ ១០០ហិកតា ហើយមកដល់ពេលនេះ កំពុងឈានចូលរយៈពេលដាំដុះមមាញឹក។ ប្រសិនជានៅក្នុងភូមិផ្កា Chợ Lách មានប្រៀបខ្លាំងខាងដាំដុះផ្កាលំអរនោះ គឺនៅភូមិផ្កា Sa Đéc បានលិចធ្លោដោយបានដាំផ្កាលំអរជាង ១.៥០០ប្រភេទ។ ប្រការគួរឲ្យចៃដន្យគឺ ពូជផ្កាកូឡាបបុរាណនានា ធ្លាប់ល្បីឈ្មោះ គឺពេលនេះ ត្រូវបានអ្នកចំកាដាំដុះឡើងវិញ ទោះបីជាមិនទាន់បានប្រកាសឈ្មោះ ប៉ុន្តែមានសញ្ញាថា នឹងនាំមកនូវក្តីសប្បាយរីករាយ ដល់អ្នកដែលស្រឡាញ់ផ្កាកូឡាប, ផ្កាឡេវអាវបុរាណ...។

រីឯនៅភូមិផ្កាលំអរ Chợ Lách (ក្នុងស្រុក Chợ Lách)វិញ ក៏មានភាពអូរអរផងដែរ។ តាមសំដីរបស់លោក Bùi Thanh Liêm ជាប្រធានការរិយាល័យកសិកម្ម-អភិវឌ្ឍន៍ទីជនបទស្រុក Chợ Lách គឺពេលនេះ មានប្រជាជនប្រមាណ ៦.០០០ ក្រុមគ្រួសារកំពុងចូលរួមដាំដុះផ្កាលំអរ ប្រមូលផ្តុំនៅបណ្តាឃុំដូចជា ឃុំ Long Thới, Tân Thiềng, Hòa Nghĩa, Vĩnh Thành, Phú Sơn, Hưng Khánh Trung B…តាមការគ្រោងទុក ភូមិផ្កា Chợ Lách នឹងលក់ផ្កាគ្រប់ប្រភេទលើទីផ្សារបានប្រមាណ ១៧លានផលិតផ។

យោងតាមលោកប្រធានការរិយាល័យសេដ្ឋកិច្ចទីក្រុង Sa Đéc គឺមកពីផលប៉ះពាល់នៃការរាតត្បាតរបស់ជំងឺកូវីដ-១៩ បណ្តាលឲ្យស្ថានភាពលក់ចេញផ្កាលំអរឆ្នាំ ២០២០នេះ យឺតជាងមុន; ផលិតផលមិនដឹកជញ្ជូនបានច្រើន បានជាលក់ចេញត្រូវបន្ថយចំនួនប្រមាណ ៣០%, ក៏ប៉ុន្តែ ថ្លៃលក់ផ្កាលំអរក៏មិនថយចុះផងដែរ។

ប្រធានការរិយាល័យកសិកម្ម-អភិវឌ្ឍន៍ទីជនបទស្រុក Chợ Lách បានកត់សម្គាល់ថា ទោះបីជារយៈពេលកន្លងទៅនេះ ត្រូវរងផលប៉ះពាល់មកការរាតត្បាតនៃជំងឺកូវីដ-១៩ ប៉ុន្តែ តាមការប៉ាន់ស្មាន ទីផ្សារផ្កាលំអរឆ្នាំនេះ នឹងបានស្តារឡើងវិញ ព្រមទាំងបានរីកចម្រើន មកពីមានសួនឧទ្យាន និងសំណង់នានាជាច្រើន កំពុងត្រូវការស្តារឡើងវិញ បន្ទាប់ពីត្រូវរងផលប៉ះពាល់ដោយខ្យល់ព្យុះនិងទឹកជំនន់ ម្យ៉ាងវិញទៀត ទម្លាប់របស់ប្រជាជនគឺត្រូវការផ្កាលំអរសម្រាប់តុបតែងផ្ទះនាឱកាសអំណរឆ្នាំថ្មីប្រពៃណីជាតិ៕