ព័ត៍មាននៅក្នុងប្រទេស
១.ប្រជាជនបានត្រឡប់មកទីក្រុងហូជីមិញធ្វើការវិញ បន្ទាប់ពីឈប់សម្រាកថ្ងៃបុណ្ណ
បន្ទាប់ពីឈប់សម្រាកថ្ងៃបុណ្ណ 30 មេសា និងទិវាពលកម្មអន្តរជាតិ ទី 1 ឧសភា, ប្រជាជនដ៏ច្រើនកុះករ នៅតាមខេត្តនានា ក្នុងតំបន់ដីសណ្តទន្លេគីវឡុង បានចាប់ផ្តើមចាកចេញពីស្រុកកំណើត ទៅទីក្រុងហូជីមិញ, ខេត្ត ប៊ិញឌឿង និងខេត្តដុងណៃ ... សម្រាប់ចូលធ្វើការវិញ បណ្តាលឲ្យចំនួនទោចក្រយានយន្តកើនឡើងខ្លាំង រីឯទិសបញ្ច្រាស់មកវិញ បែរជាស្រឡះទៅវិញ។
២.សំណើសុំការឧបត្ថម្ភគ្រូមត្តេយ្យសិក្សា និងបឋមសិក្សាឯកជន
ព្រមជាមួយនឹងគោលនយោបាយកម្ចីអនុគ្រោះ សម្រាប់ឧបត្ថម្ភដល់គ្រឹះស្ថានមត្តេយ្យសាលា និងបឋមសិក្សាឯកជននោះ, គឺថ្មីៗនេះ ក្រសួងអប់រំ និងបណ្តុះបណ្តាល ក៏បានសហការជាមួយក្រសួងហិរញ្ញវត្ថុ ដើម្បីដាក់ជូនលោកនាយករដ្ឋមន្ត្រីនូវគោលនយោបាយឧបត្ថម្ភបន្ថែម សម្រាប់ជំនួយដល់គ្រូបង្រៀន នៅតាម មត្តេយ្យសាលាឯកជន និងសាលាបឋមសិក្សាឯកជន ដែលមិនទាន់បានទទួល គោលនយោបាយឧបត្ថម្ភ។ តាមការគ្រោងទុក គឺកម្រិតឧបត្ថម្ភចំនួន ៣ លាន ៧ សែនដុង សម្រាប់គ្រូបង្រៀនមួយរូប។
៣.ទីក្រុង Đà Nẵng បានទទួលភ្ញៀវទេសចរជាង 250.000 នាក់ក្នុងថ្ងៃបុណ្ណ
មន្ទីរទេសចរណ៍ទីក្រុង Đà Nẵng បានឲ្យដឹងថា ក្នុងអំឡុងថ្ងៃឈប់សម្រាកអំណរថ្ងៃបុណ្ណ ៣០ មេសា និង ១ ឧសភា ភ្ញៀវទេសចរង ២៥៤.០០០ នាក់បានមកទស្សនាទីក្រុង Đà Nẵng ។ ក្នុងនោះ ភាគច្រើនគឺភ្ញៀវក្នុងស្រុក មកពីខេត្តជិតខាង និងមកពីទីក្រុងហាណូយ និងទីក្រុងហូជីមិញ ហើយចំនួនភ្ញៀវអន្តរជាតិទទួលបាន ៧,៤ពាន់នាក់។
៤.ថ្លៃអង្ករវៀតណាមរក្សាតំណែងនាំមុខគេ
យោងតាមស្ថិតិរបស់សមាគមន៍ស្បៀងអាហារវៀតណាមគឺ ក្នុងទីផ្សារពិភពលោក តម្លៃអង្ករវៀតណាម នៅតែរក្សាបានតំណែងនាំមុខគេក្នុងចំណោមប្រទេសនាំចេញអង្ករ។ ដូចជា នៅសប្តាហ៍ដំបូងនៃខែមេសា ឆ្នាំ 2022, ថ្លៃអង្ករលាយចុងអង្ករ 5% នាំចេញបាន កើនឡើង ពី12-15 ដុល្លារ/តោន បើធៀបនឹងដើមឆ្នាំ និងប្រមាន 10 ដុល្លារ/តោន បើធៀបនឹងដើមខែមីនា ឆ្នាំ 2022, ឡើង 415 ដុល្លារ/តោន គឺជាថ្លៃខ្ពស់បំផុតក្នុងរយៈពេលជាង 3 ខែកន្លងមក។
៥.វៀតណាមបានចាក់វ៉ាក់សាំង Covid-19 ជិត 215 លានដូសជូនដល់ប្រជាជន
គិតដល់ម៉ោង 2 រសៀល ថ្ងៃទី 2 ឧសភា, យោងតាមការស្ថិតិលើវិបសៃចាក់វ៉ាក់សាំង COVID-19 បានបង្ហាញថា ប្រទេសទាំងមូល បានចាក់វ៉ាក់សាំងគ្រប់ប្រភេទជិត 215 លានដូស។ យោងតាមស្ថិតិ គិតត្រឹមថ្ងៃទី 1 ឧសភា ឆ្នាំ 2022 វៀតណាម បានទទួលវ៉ាក់សាំង COVID-19 ជាង 241 លានដូសដូចជា៖ វ៉ាក់សាំង សម្រាប់មនុស្សអាយុពី 12 ឆ្នាំឡើង ទទួលបានច្រើនជាង 234.6 លានដូស; វ៉ាក់សាំងសម្រាប់កុមារអាយុពី 5 ទៅ 12 ឆ្នាំ ទទួលបានជាង 6.45 លានដូស។
ព័ត៍មានអន្តរជាតិ
៦.កង្វះខាតប្រេងឆា បណ្តាលឲ្យបង្កើនអតិផរណាអាហារលើទូទាំងពិភពលោក
ទោះបីជាត្រូវបានលក់ក្នុងតម្លៃខ្ពស់ ប៉ុន្តែ តម្រូវការប្រេងឆា នៅតែមានកម្រិតខ្ពស់ មកពី ប្រេងឆាជាផ្នែកសំខាន់មួយ ក្នុងរបបហូបចុកនៅប្រទេសទាំងអស់។ អ្នកប្រើប្រាស់ ក៏ដូចជាអ្នកផលិតម្ហូបអាហារ កំពុងប្រឈមមុខនឹងអតិផរណាខ្ពស់ និងការលំបាកបន្តបន្ទាប់ ចាប់ពីជំងឺរាតត្បាតកូវីដ-១៩ គឺពេលនេះកាន់តែ លំបាកជាង នៅពេលថ្លៃប្រេងឆាបានកើនឡើងខ្ពស់។
៦.ប្រទេសចិន៖ បានឡើងផែនការការទ្រព្យសម្បត្តិនៅក្រៅប្រទេស
មន្ត្រីនៃប្រទេសចិន កំពុងជួបប្រជុំជាមួយធនាគារនានា ដើម្បីស្វែងរកមធ្យោបាយការពារទ្រព្យសម្បត្តិនៅបរទេស ក្នុងស្ថានភាពដែលកង្វល់ថា ថ្ងៃណាមួយ ប្រទេសនេះអាចនឹងរងការដាក់ទណ្ឌកម្មស្រដៀងនឹងកំពុងកើតឡើងនៅប្រទេសរុស្ស៊ី។ នេះជាវិធានការការពារសេដ្ឋកិច្ចរបស់ប្រទេសចិន ក្នុងបរិបទដែលប្រទេសនេះ បានបារម្ភថា អាមេរិកអាចនឹងដាក់ទណ្ឌកម្មសេដ្ឋកិច្ចខ្លួន ដូចប្រទេសរុស្ស៊ីអីចឹង។
៧.ផ្កាយរណបរកឃើញឧស្ម័នមេតានពីកសិដ្ឋានចិញ្ចឹមគោក្នុងរដ្ឋកាលីហ្វ័រញ៉ា
ផ្កាយរណបបានរកឃើញឧស្ម័នមេតាន ដែលបានបញ្ចេញពីសត្វគោកំពុងផើជូរ ពីកសិដ្ឋានចិញ្ចឹមគោមួយ នៅក្នុងរដ្ឋកាលីហ្វ័រញ៉ា សហរដ្ឋអាមេរិក។ ហើយនេះជាលើកដំបូង ដែលចំនួនឧស្ម័នបានបញ្ចេញពីសត្វចិញ្ចឹម អាចវាស់បានពីលំហអាកាស។
៨.សិង្ហបុរី៖ អត្រាអ្នកកើតជំងឺបាត់បង់ភាពចងចាំកំពុងកើនឡើង
យោងតាមវិទ្យាស្ថានសុខភាពផ្លូវចិត្តសិង្ហបុរី គឺម្នាក់ ក្នុងចំណោមមនុស្ស 10 នាក់ អាយុលើសពី 60 ឆ្នាំនៅក្នុងប្រទេសនេះមានជំងឺបាត់បង់ភាពចងចាំ។ អ្នកជំនាញបានប៉ាន់ស្មានថា ជារៀងរាល់ឆ្នាំ អ្នកកើតជំងឺបាត់បង់ភាពចងចាំនៅសិង្ហបុរីកើនពី ១០ ទៅ ១៥%។ តាមការប៉ាន់ស្មាន ដល់ឆ្នាំ 2030 នឹងមាន 150,000 នាក់បានធ្វើរោគវិនិច្ឆ័យមានជំងឺនេះ។
៩.ចំនួនឧស្ម័នរបស់ប្រទេសរុស្ស៊ី បានលក់ទៅប្រទេសចិនកើនឡើងយ៉ាងខ្លាំង
ប្រភពផ្គត់ផ្គង់ឧស្ម័នរបស់ប្រទេសរុស្ស៊ី ដល់ប្រទេសចិន បានកើនឡើងជិត 60% ក្នុងបួនខែដំបូងនៃឆ្នាំ 2022 បើធៀបនឹងរយៈពេលដូចគ្នាកាលពីឆ្នាំមុន។ ក្នុងបរិបទ ដែលប្រទេសរុស្ស៊ី ត្រូវរងការដាក់ទណ្ឌកម្ម គឺបណ្តាក្រុមហ៊ុននាំចូលឧស្ម័នរាវរបស់ប្រទេសចិន បានកំពុងស្វែងរកឱកាសទិញឧស្ម័នពីប្រទេសរុស្សី ដែលជាប្រភពថាមពលមានតម្លៃថោក ពេលនេះ កំពុងត្រូវបានប្រទេសលោកខាងលិចជាច្រើនមិនទិញ។