ព័ត៍មាននៅក្នុងប្រទេស
១. សម្ពោធស្ពាន Thu Thiem 2 នៅទីក្រុងហូជីមិញ
កាលពីព្រឹកថ្ងៃទី 28 មេសា, ទីក្រុងហូជីមិញបានរៀបចំពិធីសម្ពោធស្ពាន Thủ Thiêm 2 ឆ្លងកាត់ទន្លេ Sài Gòn តភ្ជាប់ខណ្ឌលេខ 1 និងទីក្រុង Thủ Đức។ បានដឹងថា ស្ពាននេះ បានសាងសង់ពីខែកុម្ភៈ ឆ្នាំ២០១៥, មានប្រវែង ១.៤៦៥ម៉ែត្រ ទ្រង់ទ្រាយមាន ៦ គន្លង, មានទុនសរុប ៣.០៨២ពាន់លានដុង។ សំណង់នេះ នឹងបានបង្កើតបន្ថែមនូវផ្លូវតភ្ជាប់ថ្មី រវាងមជ្ឈមណ្ឌលទីក្រុងមានស្រាប់ ជាមួយទីប្រជុំជនថ្មី Thủ Thiêm (ក្នុងទីក្រុង Thủ Đức)សម្រាប់បង្កើតកម្លាំងរអភិវឌ្ឍន៍ ដល់ទីប្រជុំជនថ្មី Thủ Thiêm រួមចំណែកកាត់ស្ថានភាពកកស្ទះ និងជំរុញការអភិវឌ្ឍន៍ សេដ្ឋកិច្ចរបស់ទីក្រុងហូជីមិញ។
២.តម្លៃដីនៅស្រុក Củ Chi និង Hóc Môn បានឡើងខ្លាំង
ប៉ុន្មានថ្ងៃនេះ នៅស្រុក Củ Chi និង Hóc Môn នៃទីក្រុងហូជីមិញ មានភាព មមាញឹកខ្លាំង នូវសកម្មភាពផ្ទេរសិទ្ធិប្រើប្រាស់ដីធ្លី។ ពីដីលំនៅឋាន, ដីលំនៅឋាន លាយឡំនិងដីកសិកម្ម.... សុទ្ធតែតែត្រូវដាក់លក់ ក្នុងសភាពអ៊ូអរ បន្ទាប់ពីមានដំណឹងថា មូលដ្ឋានទាំងពីរនេះ នឹងបានដំឡើងថ្នាក់ ជាខណ្ឌ និងទីក្រុង និងបានរៀបចំសន្និសីទពន្លឿនការវិនិយោគនាពេលថ្មីៗនេះ។
៣.ចាំបាច់ត្រូវកាត់បន្ថយពន្ធនាំចូលប្រេងសាំង ដើម្បីធានាប្រភពផ្គត់ផ្គង់
ក្រសួងហិរញ្ញវត្ថុ កំពុងពិគ្រោះយោបល់ លើការកាត់បន្ថយពន្ធនាំចូលអនុគ្រោះ (ពន្ធ MFN) សម្រាប់ប្រេងសាំងប្រើចំពោះម៉ាស៊ីន, មិនលាយសំណពីកម្រិត 20% ចុះដល់ 12%។ ទោះបីជាវិធីនេះ អាចមិនឥទ្ធិពលច្រើនលើការបន្ថយថ្លៃប្រេងសាំងក្នុងប្រទេសក៏ដោយ ប៉ុន្តែ នឹងបានរួមចំណែក ដល់ការផ្គត់ផ្គង់ប្រេងសាំងច្រើនប្រភេទ ពីបណ្តាប្រទេសផ្សេងទៀតដូចជា ប្រទេសចិន សហរដ្ឋអាមេរិក និងបណ្តាប្រទេសនៅមជ្ឈិមបូព៌ា។
៤. Cà Mau ៖ ប្រជាជនចូលរួមចរាចរណ៍ត្រូវបង្ខំឲ្យពាក់ម៉ាស់
ថ្មីៗនេះ ខេត្ត Cà Mau បានប្រកាសឲ្យប្រើបទកំណត់បណ្ដោះអាសន្នអំពីកា
"សម្របដោយសុវត្ថិភាព មានភាពបត់បែន និងគ្រប់គ្រងល្អការរាតត្បាតរបស់ជំងឺ COVID-19" នៅខេត្ត Cà Mau ក្រោមស្ថានភាពធម្មតាថ្មី។ យោងតាមនោះ ប្រជាជនគ្រប់រូម ដែលចូលរួមក្នុងសកម្មភាពមានមនុស្សច្រើន និងអ្នកចូលរួមធ្វើចរាចរណ៍ ត្រូវតែគោរពការពាក់ម៉ាស់ទាំងអស់គ្នា។
ព័ត៍មានអន្តរជាតិ
៥.នូវែលសេឡង់អំពាវនាវឱ្យបង្កើនការធ្វើតេស្ត PCR
បណ្តាអ្នកជំនាញសុខាភិបាលសហគមន៍ នៅប្រទេសនូវែលសេឡង់ បានអំពាវនាវឱ្យបង្កើនការធ្វើតេស្ត PCR ជំនួសឲ្យការធ្វើតេស្តអង់ទីហ្សែនរហ័ស សម្រាប់រកឃើញបំប្លែងធាតុថ្មីរបស់មេរោគ SARS-CoV-2 ដូចដូចជាបំប្លែងធាតុថ្មី XE ជាដើម។ ហើយប្រទេសនេះ ទើបបានរកឃើញករណីដំបូងបានឆ្លងបំប្លែងធាតុថ្មី ជាអ្នកចូលពីប្រទេសផ្សេង។
៦.ម៉ាឡេស៊ីបន្ធូរបន្ថយស្ទើតែទាំងអស់បទកំណត់បង្ការជំងឺរាតត្បាត
រដ្ឋមន្ត្រីក្រសួងសុខាភិបាល នៃប្រទេសម៉ាឡេស៊ី បានធ្វើសន្និសីទសារព័ត៌មានស្តីពីបទកំណត់ថ្មីៗ ក្នុងការទប់ស្កាត់ការរីករាលដាលនៃជំងឺកូវីដ-១៩។ បទកំណត់ទាំងនេះ បានផ្អែកលើលក្ខណៈវិនិច្ឆ័យបីគឺ៖ ពាក់ម៉ាស, ស្កែនលេខកូដ និងធ្វើតេស្តរក COVID-19។ ការបង្ខំឲ្យទិញធានារ៉ាប់រង COVID-19 នៅពេលចូល នឹងត្រូវបានលុបចោល ចំពោះភ្ញៀវទេសចរទាំងអស់ នៅពេលមកដល់ប្រទេសម៉ាឡេស៊ី។ វិស័យសេដ្ឋកិច្ចទាំងអស់ នឹងបានបើកដំណើរការឡើងវិញចាប់ពីថ្ងៃទី 15 ខែឧសភា។
៧.សហគ្រាសបរទេសជាច្រើន ចង់ចាកចេញពីទីក្រុងសៀងហៃនៃប្រទេសចិន
អ្នកជំនាញជាច្រើន ក្នុងវិស័យហិរញ្ញវត្ថុក្នុងទីក្រុងសៀងហៃ (នៃប្រទេសចិន) កំពុងឡើងផែនការ ផ្លាស់ប្តូរទីតាំងប្រតិបត្តិការរបស់ខ្លួន ទៅកាន់តំបន់រដ្ឋបាលពិសេសហុងកុង (នៃប្រទេសចិន) បន្ទាប់ពីដំណើរការបានតែប៉ុន្មានឆ្នាំនៅក្នុងទីក្រុងនេះ ក្នុងបរិបទ ដែលបទកំណត់យ៉ាងតឹងរឹងនានា សម្រាប់ការពារជំងឺកូវីដ -19 បានប៉ះពាល់អាជីវកម្ម និងជីវភាពរស់នៅប្រចាំថ្ងៃរបស់ពួកគេ។
៨.ប្រទេសរុស្ស៊ី បានដកខ្លួនចេញពីអង្គការទេសចរណ៍ពិភពលោក
អង្គការទេសចរណ៍ពិភពលោក របស់អង្គការសហប្រជាជាតិ (UNWTO) បានជូនដំណឹងថា ប្រទេសរុស្ស៊ី បានសម្រេចចិត្តដកខ្លួនចេញពីអង្គការនេះ ទង្វើនេះ បានកើតមានឡើង មុនពេលបោះឆ្នោតរបស់អង្គការទេសចរណ៍ពិភពលោក សម្រាប់ផ្អាក់តួនាទីជាសមាជិករបស់ប្រទេសរុស្ស៊ី នៅក្នុងអង្គការនេះ ដោយសារជម្លោះនៅប្រទេសអ៊ុយក្រែន។
៩.អាកាសធាតុក្តៅហែងខុសពីធម្មតានៅប្រទេសឥណ្ឌា
លោកនាយករដ្ឋមន្រ្តីនៃប្រទេសឥណ្ឌា បានព្រមានពីគ្រោះថ្នាក់ ភ្លើងឆេះធ្ងន់ធ្ងរ ចំពេលអាកាសធាតុក្តៅខ្លាំង ដែលបានមកដល់ប្រទេសនេះលឿនជាងឆ្នាំមុនៗ។ សីតុណ្ហភាពជាមធ្យមនៅរដ្ឋធានីញូវដែលី បានឡើងដល់ជាង 40 អង្សាសេ ក្នុងរយៈពេលប៉ុន្មានថ្ងៃកន្លងមកនេះ។
១០.ប្រទេសឥណ្ឌា៖ បានជំរុញចាក់វ៉ាក់សាំងដល់កុមារអាយុពី 5-12 ឆ្នាំ
ស្ថាប័នគ្រប់គ្រងឱសថនៃប្រទេសឥណ្ឌា (DCGI) បានអនុម័តលើការប្រើប្រាស់ជាបន្ទាន់ នូវវ៉ាក់សាំង COVID-19 ចំនួនពីរប្រភេទ គឺ Covaxin និង Corbevax សម្រាប់កុមារអាយុពី 6-12 ឆ្នាំ និងកុមារអាយុពី 5-12 ឆ្នាំ។ សេចក្តីសម្រេចនេះ បានកើតឡើងខណៈដែលប្រទេសនេះ បានកត់ត្រាចំនួនករណីឆ្លងកូវីដ-១៩ កើនឡើងនៅតាមសាលារៀន។