ទីក្រុងហូជីមិញ៖ បង្កើនអ្នកជំងឺមានរោគសញ្ញាក្រោយពីឆ្លងជំងឺ COVID-19 - Tiếng Khmer 15/1/2022

ព័ត៍មាននៅក្នុងប្រទេស

១.ទីក្រុងហូជីមិញ៖មិនបាញ់កាំជ្រួចភ្ញីផ្កានៅថ្ងៃចូលឆ្នាំថ្មី ឆ្នាំខាលចត្វាស័ក 2022

មន្ទីរវប្បធម៌ និងកីឡាទីក្រុងហូជីមិញ បានប្រកាសអំពីសកម្មភាពមួយចំនួន ស្ថិតក្នុងពិធីទទួលឆ្នាំថ្មី គឺពីធីបុណ្យវប្បធម៌-មនោសញ្ចេតនា និងបណ្តុំព្រឹត្តិការណ៍ “ទទួលឆ្នាំថ្មី ឆ្នាំខាលចត្វាស័ក - អបអរសាទបក្សដ៏មហាមា”, រំលឹកខួបលើកទី ៩២ ឆ្នាំ ថ្ងៃបង្កើតបក្សកុម្មុយនិស្តវៀតណាម។ តាមការគ្រោងទុក នឹងមាន ១៨ ពិធីបុណ្យ និងពិធីរំលឹកខួប បានរៀបចំតាំងពីពេលនេះ ដល់ចុងខែកុម្ភៈ គឺអាស្រ័យតាមកម្រិតនៃជំងឺរាតត្បាតនៅក្រុង សម្រាប់មានការកែសម្រួលកម្មវិធីសមស្រប, ធានាប្រជាជនបានទទួលឆ្នាំថ្មីប្រកបដោយសុវត្ថិភាព និងសប្បាយរីករាយ។ ហើយពិធីឆ្លងឆ្នាំថ្មីឆ្នាំនេះ ទីក្រុងមិនបាញ់កាំជ្រួចភ្ញីផ្កាទទួលឆ្នាំថ្មីនោះទេ។

២.ទីក្រុងហូជីមិញ៖ បង្កើនអ្នកជំងឺមានរោគសញ្ញាក្រោយពីឆ្លងជំងឺ COVID-19-

យោងដំណឹងមន្ទីរពេទ្យមហាវិទ្យាល័យវេជ្ជសាស្ត្រទីក្រុងហូជីមិញ បានដឹងថា ចំនួនអ្នកជំងឺកើតអការៈក្រោយឆ្លងជំងឺកូវីដ-១៩ មកព្យាបាលមានការកើនឡើងគួរឱ្យកត់សម្គាល់។ ក្នុងខែវិច្ឆិកា មន្ទីរពេទ្យបានទទួលអ្នកជំងឺក្រោយកូវីដ-១៩ ប្រមាណ ១០០នាក់/ថ្ងៃ ហើយបច្ចុប្បន្នគិតជាមធ្យមន្ទីរពេទ្យបានទទួលអ្នកជំងឺប្រភេទនេះ ពី១៥០-១៨០នាក់ក្នុងមួយថ្ងៃ។ក្នុងខែធ្នូ ឆ្នាំ 2021 មន្ទីរពេទ្យបានទទួលអ្នកជំងឺក្រោយឆ្លង Covid-19 ប្រមាន 4,000 នាក់។ ហើយពួកគាត់ច្រើនតែ មាន​រោគ​សញ្ញា​ដូច​ជាពិបាកដកដង្ហើម, ខ្សោយកម្លាំង ដង្ហើម​ខ្លី និងជ្រុះ​សក់​។

៣.រឹបអូស​ភ្លុក​ដំរី​រត់ពន្ធ​ជាង​៦​តោន​និងស្រកា​ពង្រូលខុសច្បាប់ដាក់​ក្នុង​កុងតឺន័រ​

នាយកដ្ឋានគយទីក្រុង Đà Nẵng បានឲ្យដឹងថា ខ្លួនទើបបានសហការជាមួយកងកម្លាំងមានសមត្ថកិច្ច ធ្វើការឆែកឆេឡូទំនិញដឹកជញ្ជូនពីប្រទេសនីហ្សេរីយ៉ា ទៅកាន់កំពង់ផែ Đà Nẵng នឹងបានរកឃើញទំនិញមួយចំនួនធំ ដែលសង្ស័យថាជា ភ្លុកដំ និងស្រកាពង្រូលរត់ពន្ធ។ លទ្ធផល​ពិនិត្យដំបូងបាន​បង្ហាញថា សង្ស័យជាភ្លុកដំរីជាង ៤៥៦ គីឡូក្រាម និង​ទំនិញ ៦,២ តោន សង្ស័យជាស្រកាសត្វពង្រូល។ ហើយ​សមត្ថកិច្ច​កំពុង​ស្រាវជ្រាវ​ដើម្បី​ចាត់ការ​តាម​ច្បាប់​។

៤.ជំរុញការនាំចេញផ្លែស្រកានាគតាមផ្លូវសមុទ្រ

លោក Trần Thanh Nam អនុរដ្ឋមន្ត្រីក្រសួងកសិកម្ម និងអភិវឌ្ឍន៍ជនបទបានជូនដំណឹងថា បន្ទាប់ពីបើកទ្វារឲ្យនាំចូលបាន ២ថ្ងៃ ហើយថ្មីៗនេះ ស្ថាប័នមានសមត្ថកិច្ចនៃប្រទេសចិន បានប្រកាសផ្អាកការនាំចូលទៀត នៅច្រកទ្វារព្រំដែន Móng Cái (Quang Ninh) ប៉ុន្តែ អនុវត្តតែចំពោះទំនិញជាផ្លែ​ស្វាយ​របស់​វៀតណាម មកពីបានរក​រក​ឃើញ​ទំនិញ​ឆ្លង SARS-CoV-2។ប្រការនេះបានបង្ហាញថា ចាំបាច់ត្រូវជំរុញការនាំចេញតាមផ្លូវសមុទ្រ (គឺមិនត្រឹមតែនាំចេញទៅកាន់ប្រទេសចិនប៉ុណ្ណោះ ត្រូវតែនាំចេញទៅកាន់ទីផ្សារផ្សេងទៀត), និងពង្រឹងការគ្រប់គ្រងគុណភាពឡូផ្លែស្រកានាគដែលបាននាំចេញ ព្រមទាំងកាត់បន្ថយពេលវេលាប៉ះពាល់...

៥.ទីក្រុងហូជីមិញចំណាយប្រាក់ជាង ២៧៣ពាន់លានដុង ដើម្បីទិញឧបករណ៍ការពារ ទប់ស្កាត់នឹងការរាតត្បាតរបស់ Covid-19

មន្ទីរសុខាភិបាលទីក្រុងហូជីមិញបានរៀបចំសន្និសីទបូកសរុបលទ្ធផលការងារឆ្នាំ២០២១ និងផែនការឆ្នាំ២០២២។ របាយការណ៍ស្តីពីស្ថានភាពទិញសម្ភារ និងបរិក្ខារពេទ្យដើម្បីបង្ការ និងទប់ស្កាត់ការរាតត្បាតរបស់ជំងឺកូវីដ-១៩។ លោកវេជ្ជបណ្ឌិត Nguyễn Hoài Nam នៃមន្ទីរសុខាភិបាលទីក្រុងហូជីមិញបានបានឲ្យដឹងថា ទីក្រុងហូជីមិញបានចំណាយថវិកាជាង ២៧៣ ពាន់លានដុង ដើម្បីទិញសម្ភារៈបរិក្ខារពេទ្យមួយចំនួន សម្រាប់បំពេញតម្រូវការបង្ការជំងឺរាតត្បាត។

ព័ត៍មានអន្តរជាតិ

៥.រដ្ឋាភិបាលអាមេរិកបានទិញឧបករណ៍ធ្វើតេស្ត COVID-19 បន្ថែមចំនួន 500 លានឈុត

ប្រធានាធិបតីសហរដ្ឋអាមេរិកកំពុងបង្គាប់ការដ្ឋាភិបាលប្រទេសនេះ ឱ្យទិញបន្ថែមឧបករណ៍ធ្វើតេស្ត COVID-19 ចំនួន 500 លានឈុត ដើម្បីបំពេញតម្រូវការធ្វើតេស្តដែលកំពុងកើនឡើងនៅទូទាំងសហរដ្ឋអាមេរិក ចំពេលមានការរីករាលដាលនៃបំប្លែងធាតុថ្មី Omicron ។

៧.អង់គ្លេសបានបន្ថយរយៈពេលនៅដាច់ដោយឡែកត្រឹម 5 ថ្ងៃ។

រដ្ឋមន្ត្រីសុខាភិបាលនៃប្រទេសអង់គ្លេសបាននិយាយថា រយៈពេលនៅដាច់ដោយឡែកដោយខ្លួនឯង ចំពោះអ្នកជំងឺ COVID-19 នៅតំបន់ England នឹងថយចុះយពី 7 ចុះ 5 ថ្ងៃ ប្រសិនបើធ្វើតេស្តអវិជ្ជមានបាន 2 ដង។ ការផ្លាស់ប្តូរនេះនឹងជួយកាត់បន្ថយការខ្វះខាតបុគ្គលិកសម្រាប់អាជីវកម្ម និងការគ្រប់គ្រងហេដ្ឋារចនាសម្ព័ន្ធ។ ច្បាប់ថ្មីនឹងចូលជាធរមានចាប់ពីថ្ងៃទី ១៧ ខែមករា។ ទង្វើរនេះ នឹងជួយកាត់បន្ថយស្ថានភាពខ្វះបុគ្គលិកសម្រាប់អាជីវកម្ម និងការគ្រប់គ្រងហេដ្ឋារចនាសម្ព័ន្ធ។ បទកំណត់ថ្មីនេះ នឹងចូលជាធរមានចាប់ពីថ្ងៃទី ១៧ ខែមករា។

៨. ជនជាតិអេក្វាឌ័រចំនួន 80% បានចាក់វ៉ាក់សាំង COVID-19 យ៉ាងហោចណាស់ពីរដូស

រដ្ឋមន្ត្រីក្រសួងសុខាភិបាលនៃប្រទេស Ecuador បាននិយាយថា ប្រជាពលរដ្ឋនៃប្រទេសនេះជាង 12 លាននាក់ ឬ 80% មានអាយុពី 5 ឆ្នាំឡើងទៅ បានចាក់វ៉ាក់សាំង COVID-19 យ៉ាងហោចណាស់ពីរដូស ខណៈដែលជាង 1.6 លាននាក់ បានចាក់វ៉ាក់សាំងដូសទទីបី។

៩. អង្គការសហប្រជាជាតិព្យាករណ៍ថា សេដ្ឋកិច្ចពិភពលោកនឹងកើនឡើង 4% នៅឆ្នាំ 2022

សេដ្ឋកិច្ចពិភពលោកត្រូវបានប៉ាន់ស្មានថា នឹងមានកំណើន 4% នៅឆ្នាំ 2022, គឺធ្លាក់ចុះពី 5.5% ក្នុងឆ្នាំ 2021 និង 3.5% ក្នុងឆ្នាំ 2023 ក្នុងស្ថានភាពដែលមានរលកឆ្លងជំងឺ COVID-19 ជាច្រើនកំពុងកើតឡើងក្នុងសហគមន៍ គួបផ្សំនឹងបញ្ហាប្រឈមនឹងទីផ្សារការងារ ខ្សែសង្វាក់ផ្គត់ផ្គង់ និងការកើនឡើងអតិផរណា។

១០.កម្រិត​ទឹក​ទន្លេ​មេគង្គ​​ទាប​បំផុត​ក្នុង​រយៈពេល​បី​ឆ្នាំ​ជាប់​គ្នា។

លេខាធិការដ្ឋាននៃគណៈកម្មាធិការទន្លេមេគង្គ បានបន្តអំពាវនាវឱ្យប្រទេសទាំង៦ នៅតាមដងទន្លេមេគង្គ ត្រួវដោះស្រាយជាបន្ទាន់នូវបញ្ហាលំហូរទឹកទាបក្នុងតំបន់, ការប្រែប្រួលកម្រិតទឹកខុសប្រក្រតី និងគ្រោះរាំងស្ងួតក្នុងស្ថានភាពនៃតំបន់ទន្លេមេគង្គក្រោម ដែលមានលំហូរទាបបំផុតសម្រាប់ឆ្នាំទីបីជាប់ៗគ្នា។

 

 

 

 

 

 

 

VOH

Bình luận

Đọc Báo