ថែរក្សាដល់កូនៗរបស់និយោជិតរងផលប៉ះពាល់មកពីជំងឺ Covid-19- Tiếng Khmer 10/08/2022

ព័ត៌មាននៅក្នុងប្រទេស

១.ថែរក្សាដល់កូនៗរបស់និយោជិតរងផលប៉ះពាល់មកពីជំងឺ Covid-19

សម្ព័ន្ធការងារខណ្ឌ Bình Thạnh នៃទីក្រុងហូជីមិញ បានសហការជាមួយរណសិរ្សមាតុភូមិ និងអង្គភាពមួយចំនួន រៀបចំនូវពិធីថែរក្សាដល់កូនៗ របស់និយោជិត ដែលរងផលប៉ះពាល់ដោយជំងឺ Covid-19។ នៅក្នុងពិធី កុមារជាង 100 នាក់ ជាកូនរបស់បុគ្គលិក និងកម្មករក្នុងខណ្ឌ បានចូលរួមសកម្មភាពមានប្រយោជន៍ជាច្រើនដូចជា វេទិកាកុមារ, ឃោសពីច្បាប់សម្រាប់កុមារ, បានទទួលការប្រឹក្សាខាងចិត្តសាស្ត្រ និងបានទទួលការថែទាំសុខភាពដោយឥតគិតថ្លៃ ព្រមទាំង បានចូលរួមលេងល្បែងប្រជាប្រិយ និងបានទទួលអាហារឆ្ងាញ់ៗជាច្រើន .. ក្នុងឱកាសនេះ គណៈរៀបចំកម្មវិធី បានប្រគល់អំណោយចំនួន ១២៧ ចំណែក  ដល់កុមារមានស្ថានភាពគ្រួសារលំបាក។

២.ប្រុងប្រយ័ត្នជំងឺដាច់សរសៃឈាមខួរក្បាលចំពោះមនុស្សវ័យក្មេង

មន្ទីរពេទ្យ Đà Nẵng បានឲ្យដឹងថា ក្នុងរយៈពេលជាង 1 សប្តាហ៍កន្លងមក ទីនេះ បានទទួលព្យាបាលអ្នកជំងឺដាច់សរសៃឈាមខួរក្បាលជាបន្តបន្ទាប់, ក្នុងនោះ ប្រការគួរឲ្យកត់សំគាល់ថា ក្រុមមូលហេតុកើតជំងឺដូចជា ហើមសរសៃរឈាមខួរក្បាល, ពិការសរសៃឈាមខួរក្បាលចំពោះអ្នកជំងឺវ័យក្មេង  ស្ថិតនៅអាយុពី ២៥-៤៣ ឆ្នាំ។

៣.ទីក្រុងហូជីមិញ៖ មានបន្ថែម ៥ ករណីពុលស្រា

មន្ទីរពេទ្យប្រជាជន Gia Định បានឲ្យដឹងថា បានបន្តទទួល ៥ ករណីពុលមេតាណុល។ តាមការអង្កេតបានដឹងថា ៥ ករណីនេះ ជាក្រុមមិត្តភក្តិផឹកស៊ីសុរាជាមួយគ្នា ហើយសុទ្ធតែជាបុរស។

៤.ថ្លៃជ្រូករស់បានធ្លាក់ចុះយ៉ាងខ្លាំង

បន្ទាប់ពីក្រសួងកសិកម្ម និងអភិវឌ្ឍន៍ជនបទ បានតម្រូវដល់មូលដ្ឋាន និងស្ថាប័នមានសមត្ថកិច្ច ត្រូវត្រួតពិនិត្យយ៉ាងតឹងរ៉ឹង ចំពោះការនាំចូលជ្រូកលួចលាក់ឆ្លងដែននោះ គឺប៉ុន្មានថ្ងៃកន្លងមក ថ្លៃជ្រូករស់ក្នុងប្រទេស បានធ្លាក់ចុះយ៉ាងខ្លាំង។

ថ្លៃខ្ពស់បំផុតក្នុងតំបន់ចំនួន 69.000 ដុង/គីឡូក្រាម ត្រូវបានលក់ត្រានៅ Hưng Yên, Thái Bình ។ ហើយថ្លៃលក់ទាបបំផុតចំនួន 65,000 ដុង/គីឡូក្រាម ត្រូវបានលក់នៅ Hà Nam និង Tuyên Quang។ តំបន់នៅសល់ ត្រូវបានលក់ក្នុងតម្លៃពី 66.000 – 67.000 ដុង/គីឡូក្រាម គឺធ្លាក់ចុះយ៉ាងខ្លាំងពី 6.000-10.000 ដុង/គីឡូក្រាម។

ព័ត៌មានអន្តជាតិ

៥.ទេសចរជាង 80.000 នាក់បានជាប់គាំងនៅលើកោះចិនមកពីបទបញ្ជាបិទក្រុង មកពីជំងឺ Covid-19

អ្នកទេសចរប្រមាណ 80.000 នាក់ កំពុងជាប់គាំងនៅក្នុងទីក្រុងរមណីយដ្ឋានល្បីឈ្មោះ Sanya នៅលើកោះ Hainan នៃប្រទេសចិន មកពីបទបញ្ជាបិទផ្លូវដើម្បីទប់ស្កាត់នឹងជំងឺ Covid-19 ។ មធ្យោបាយ​ដឹក​ជញ្ជូន​សាធារណៈ​ត្រូវ​បាន​បញ្ឈប់ ប្រជាជន​ត្រូវ​បាន​ដាក់​កម្រិត​មិន​ឱ្យ​ធ្វើ​ដំណើរ​ក្នុង​ទីក្រុង។

៦.អ៊ីរ៉ង់​ប្តេជ្ញា​​នឹង​ឈាន​ដល់​កិច្ចព្រមព្រៀង​យូរអង្វែង​ក្នុង​ការ​ចរចា​លើ​បញ្ហា​នុយក្លេអ៊ែរ

យោងដំណឹងពីគេហទំព័ររបស់ក្រសួងការបរទេសអ៊ីរ៉ង់ បាននិយាយថា លោក Abdollahian បានទូរស័ព្ទ ជាមួយអគ្គលេខាធិការអង្គការសហប្រជាជាតិលោក Antonio Guterres ។ ការចរចានេះ គឺដើម្បីស្តារការអនុវត្តពេញលេញនៃកិច្ចព្រមព្រៀងនុយក្លេអ៊ែរអ៊ីរ៉ង់, ដែលមានឈ្មោះពេញលេញថា ផែនការធ្វើសកម្មភាពទូលំទូលាយរួម (JCPOA) ដែលកំពុងប្រព្រឹត្តទៅនៅរដ្ឋធានី  Vienne នៃប្រទេសអូទ្រីស ហើយប្រទេសអ៊ីរ៉ង់ បានប្តេជ្ញាចិត្តឈានដល់កិច្ចព្រមព្រៀងដ៏រឹងមាំ និងយូរអង្វែង។

៧.ទីផ្សារការងាររបស់សហរដ្ឋអាមេរិកបានស្តារឡើងវិញយ៉ាងខ្លាំង

ក្រសួងការងាររបស់សហរដ្ឋអាមេរិក បានប្រកាសនូវទិន្នន័យ ដែលបង្ហាញថាសេដ្ឋកិច្ចធំបំផុតរបស់ពិភពលោក បានបង្កើតបន្ថែម 528.000 ការងារ នៅក្នុងខែកក្កដា គឺច្រើនជាងទ្វេដង នៃតួលេខដែលបានព្យាករណ៍ដោយអ្នកសេដ្ឋកិច្ចពីមុននេះ។

៨.បន្តនាំចេញគ្រាប់ធញ្ញជាតិបន្តពីកំពង់ផែនានារបស់អ៊ុយក្រែននៅសមុទ្រខ្មៅ

ក្រសួងការពារជាតិនៃប្រទេសទួរគី បានឲ្យដឹងថា នាវាពីរគ្រឿងទៀត បានដឹកពោត និងសណ្តែកសៀង បានចាកចេញពីកំពង់ផែឆ្នេរសមុទ្រខ្មៅរបស់អ៊ុយក្រែន, បានបង្កើនចំនួនជើងដឹកគ្រាប់ធញ្ញជាតិរបស់ប្រទេសនេះ ឡើងដល់ 10នាវា គិតចាប់ពីនាវាដំបូង បានចេញដំណើរកាលពីសប្តាហ៍មុន ក្រោមកិច្ចព្រមព្រៀងមួយ ដែលធានាដោយអង្គការសហប្រជាជាតិ (UN) និងតួកគី។

៩.ហុងកុង​ បានកាត់​បន្ថយ​រយៈពេលដាក់ឲ្យនៅដោយឡែកសម្រាប់ការពារជំងឺ ​កូវីដ-១៩ ចំពោះអ្នកចូលតំបន់នេះ

រដ្ឋអំណាចហុងកុង (នៃប្រទេសចិន) បានសម្រេចកាត់បន្ថយរយៈពេលដាក់ឱ្យនៅដាច់ដោយឡែក សម្រាប់ការពារជំងឺ COVID-19 នៅសណ្ឋាគារ សម្រាប់ភ្ញៀវទេសចរចូលតំបន់នេះ ពី ៧ ថ្ងៃ ចុះមកនៅត្រឹម ៣ ថ្ងៃ។

 

 

 

 

 

 

 

 

 

VOH

Bình luận

Đọc Báo