ព័ត៍មាននៅក្នុងប្រទេស

១.បំពេញបន្ថែមថវិកាជាង ១១ ពាន់លានដុងសម្រាប់យន្តការ COVAX-Chương trình phát thanh tiếng Khmer 26/06/21

លោកនាយករដ្ឋមន្រ្តីទើបបានសម្រេចចិត្តបំពេញបន្ថែមថវិការចំនួន ១១.៥៨០ ពាន់លានដុងស្មើនឹង ៥០០,០០០ ដុល្លារអាមេរិក ពីប្រភពបំរុងថវិការមជ្ឈិមឆ្នាំ ២០២១ ដល់ក្រសួងសុខាភិបាល ដើម្បីចូលរួមដល់យន្តការ COVAX ។

លោកនាយករដ្ឋមន្រ្តីតម្រូវឱ្យមានការគ្រប់គ្រង, ការប្រើប្រាស់, ការទូទាត់ថវិការបានបំពេញបន្ថែម ដើម្បីធានាត្រឹមត្រូវតាមកំណត់, ជាចំហ និងតម្លាភាព។ ក្រសួងសុខាភិបាល និងក្រសួងហិរញ្ញវត្ថុត្រូវអនុវត្តតាមការកំណត់ ។

២.ទីក្រុងហូជីមិញស្នើឱ្យបន្ថែមក្របខ័ណ្ឌរដ្ឋចំនួន ៣.៧៣៥ នៅពេលអនុវត្តរដ្ឋអំណាចទីក្រុង

គណៈកម្មាធិការប្រជាជនទីក្រុងហូជីមិញទើបបានស្នើទៅក្រសួងមហាផ្ទៃ អំពីការបំពេញបន្ថែមនិយោជិត នៅពេលរៀបចំរដ្ឋអំណាចទីក្រុងនៅទីក្រុងហូជីមិញ។

ដើម្បីមានមូលដ្ឋានដាក់ជូនក្រុមប្រឹក្សាប្រជាជនទីក្រុងហូជីមិញ ស្តីអំពីការបន្ថែមក្របខ័ណ្ឌរដ្ឋ ដល់គណៈកម្មាធិការប្រជាជនទីក្រុង Thủ Đức, គណៈកម្មាធិការប្រជាជនបណ្តាខណ្ឌ សម្រាប់អនុវត្តរដ្ឋអំណាចទីក្រុងនៅទីក្រុងហូជីមិញ, គណៈកម្មាធិការប្រជាជនទីក្រុងហូជីមិញបានស្នើដល់ក្រសួងមហាផ្ទៃ ផ្តល់ប្រឹក្សាដល់រដ្ឋាភិបាល ឲ្យបំពេញបន្ថែមក្របខ័ណ្ឌរដ្ឋនៅទីក្រុងហូជីមិញ ត្រឹមត្រូវតាមការកំណត់ ។ សព្វថ្ងៃនេះ ទីក្រុងហូជីមិញមាន ២៤៩ សង្កាត់។ ហើយចំនួនក្របខ័ណ្ឌរដ្ឋត្រូវបំពេញបន្ថែម ត្រឹមត្រូវតាមកំណាត់នាពេលបច្ចុប្បន្នគឺចំនួន ១៥ ក្របខ័ណ្ឌ/ សង្កាត់, សរុបចំនួន  ៣.៧៣៥ នាក់។

៣.ប្រទេសឡាវបានឧបត្ថម្ភប្រាក់ចំនួន ២០ ម៉ឺនដុល្លារអាមេរិកដល់វៀតណាមដើម្បីប្រយុទ្ធប្រឆាំងនឹងជំងឺ Covid-19

ថ្មីៗនេះ នៅទីស្នាក់ការនៃក្រសួងការពារជាតិរបស់ប្រទេសឡាវ ក្នុងរដ្ឋធានីវៀងចន្ទន៍, លោក Chansamone ជាសមាជិកការិយាល័យនយោបាយ និងជាឧបនាយករដ្ឋមន្រ្តីនៃប្រទេសឡាវ បានប្រគល់ថវិការចំនួន ២០ ម៉ឺនដុល្លារអាមេរិក ដល់ឯកអគ្គរដ្ឋទូតវៀតណាមប្រចាំនៅប្រទេសឡាវ លោក Nguyễn Bá Hùng សម្រាប់គាំទ្រដល់មូលនិធិការពារ ទប់ស្កាត់នឹងជំងឺ Covid-19 របស់ប្រទេសវៀតណាម។

៤.ការរាតត្បាតរបស់ជំងឺកូវីដ-១៩: ការនាំចេញបង្គារបស់ខេត្ត Cà Mau នៅតែមានកំណើន ជិត ១៧%

យោងតាមមន្ទីរឧស្សាហកម្មនិងពាណិជ្ជកម្មខេត្ត Ca Mau បានដឹងថា ចាប់ពីដើមឆ្នាំមកដល់ពេលនេះ ទោះបីការរីករាលដាលនៃជំងឺកូវីដ- ១៩ នៅតែមានភាពស្មុគស្មាញ និងបានបង្កផលប៉ះពាល់ជាច្រើន ដល់សកម្មភាពនាំចេញបង្កងរបស់ខេត្ត Cà Mau ក៏ដោយ ក៏ប៉ុន្តែ ក្នុងរយៈពេល ៦ ខែកន្លងមក ការនាំចេញបង្គានៅតែឈានដល់កម្រិតខ្ពស់ បើប្រៀបធៀបនឹងរយៈពេលដូចគ្នាកាលពីឆ្នាំទៅ។

ជាក់ស្តែងបរិមានផលបង្គា ប៉ាន់ស្មានសម្រេចបានជាង ១០៧.០០០ តោន,កើន ៩,៥%; ទិន្នផលបង្គាកែច្នៃប៉ាន់ស្មានសម្រេចបានចំនួន ៨៥.២៥០ តោន, គឺកើនឡើងជាង ២១% ;ទឹកប្រាក់នាំចេញបង្កងរបស់ខេត្ត ប៉ាន់ស្មានចំនួន ៤០០ លានដុល្លារអាមេរិក កើន ១៦,៦% បើប្រៀបធៀបនឹងរយៈពេលដូចគ្នាកាលពីឆ្នាំ ២០២០ ។

ព័ត៍មានអន្តរជាតិ

៥.ប្រធានាធិបតីរុស្ស៊ី V. Putin បានអំពាវនាវពិភពលោកចូលរួមកម្លាំងដើម្បីសន្តិសុខពិភពលោកទាំងមូល

នៅក្នុងខ្សែវីដេអូមួយ ដែលបានផ្ញើទៅកាន់ពិធីបើកសន្និសីទសន្តិសុខអន្តរជាតិម៉ូស្គូលើកទី ៩ នោះ, ប្រធានាធិបតីនៃប្រទេសរុស្ស៊ីលោក V. Putin បានអំពាវដល់ពិភពលោក ឲ្យចូលរួមកម្លាំងដើម្បីសន្តិសុខពិភពលោក ហើយលោកក៏បានជឿជាក់ថា ការត្រៀមខ្លួនដើម្បីចុះសម្រុងនឹងគ្នា នឹងនាំមកនូវផលសកម្មប្រយោជន៍ជាច្រើន។

៦.ខ្វះគ្រែអ្នកជំងឺនៅមន្ទីរពេទ្យ ចំនួនអ្នកស្លាប់មកពី Covid-19 បានកើនឡើងដល់កំណត់ត្រានៅប្រទេសថៃ

មជ្ឈមណ្ឌលគ្រប់គ្រងស្ថានភាពការរាតត្បាតរបស់ជំងឺ Covid-19 នៅប្រទេសថៃ  បាននិយាយថា ចំនួនអ្នកស្លាប់មកពីជំងឺ Covid-19 នៅប្រទេសនេះ ក្នុងមួយថ្ងៃបានកើនឡើងចំនួន ៥១ ករណី ដែលជាចំនួនខ្ពស់បំផុតចាប់តាំងមានការរាតត្បាតរបស់ជំងឺនៅប្រទេសថៃនៅដើមឆ្នាំ ២០២១ ។ ហើយក្នុងពេលនោះ ចំននួនគ្រែមអ្នកជំងឺនៅន្ទីរពេទ្យ សម្រាប់អ្នកជំងឺ Covid-19 ក កំពុងខ្វះខាតដែរយ៉ាងធ្ងន់ធ្ងរ។

៧.សហរដ្ឋអាមេរិក, កាណាដា ចក្រភពអង់គ្លេសនិងសហភាពអឺរ៉ុបបានដាក់ទណ្ឌកម្មលើប្រទេសបេឡារុស្សជុំវិញការចុះចតបន្ទាន់របស់យន្តហោះ Ryanair

កាលពីពេលថ្មីៗនេះ បសហរដ្ឋអាមេរិក កាណាដា អង់គ្លេសនិងសហភាពអឺរ៉ុប (EU) បានដាក់ទណ្ឌកម្មថ្មីទៅលើប្រទេសបេឡារុស្ស។

នេះគឺជាការឆ្លើយតប ដែលមានការសហការគ្នា រវាងបណ្តាប្រទេសលោកខាងលិច ចំពោះរដ្ឋាភិបាលរបស់លោកប្រធានាធិបតីបេឡារុស្ស Alexander Lukashenko ទាក់ទងនឹងការបង្ខំឱ្យមានការចុះចតជាបន្ទាន់ របស់ក្រុមហ៊ុនអាកាសចរណ៍ Ryanair (អៀរឡង់) និងការចាប់ខ្លួនអ្នកកាសែតប្រឆាំង ក៏ដូចជាបានមានការបង្ក្រាបជាបន្តបន្ទាប់ របស់អតីតរដ្ឋសូវៀតមួយនេះ។