ព័ត៍មាននៅក្នុងប្រទេស
១.ថ្នាក់ដឹកនាំទីក្រុងហូជីមិញ គោរពវិញ្ញាណក្ខយុទ្ធជនពលីជីវិត
កាលពីយប់ថ្ងៃទី 28 ខែ មេសា នៅវិមានសព្វយុទ្ធជនទីក្រុងហូជីមិញ ( ស្ថិតនៅសង្កាត់ Long Bình ទីក្រុង Thủ Đức) សម្ព័ន្ធយុវជនទីក្រុងហូជីមិញ បានប្រារព្ធកម្មវិធី “អុជធូបដឹងគុណ” ដល់វីរៈជន និងយុទ្ធជនពលីជីវិត នាឱកាសរំលឹកខួបលើកទី 47 នៃទិវា រំដោះភូមិភាគខាងត្បូងបង្រួបបង្រួមទឹកដី (ទី 30 មេសា ឆ្នាំ 1975- ទី 30 មេសា ឆ្នាំ 2022)។
នេះជាសកម្មភាពអប់រំប្រពៃណីបដិវត្តន៍ សម្រាប់សមាជិកសម្ព័ន្ធយុវជន និងយុវជនទីក្រុង, បានសម្តែងនូវការដឹងគុណ ចំពោះរួមវិភាគទាន និងពលីជីវិត របស់វីរមាតាវៀតណាម, យុទ្ធជនពលី, យុទ្ធជនពិការ និងគ្រួសារមានគុណបំណាច់ចំពោះបដិវត្តន៍។
២.ទំនិញជាច្រើនបានបញ្ចុះថ្លៃជាង 50% ក្នុងថ្ងៃបុណ្ណ 30 ខែមេសា និង 1 ឧសភា
ក្នុងឱកាសអបអរសាទរថ្ងៃបុណ្ណ ៣០ មេសា និងទិវាពលកម្មអន្តរជាតិ ១-៥, ក៏ដូចជាជំរុញតម្រូវការប្រើប្រាស់ គឺចាប់ពីថ្ងៃទី ២៨ ខែមេសា ប្រព័ន្ធមជ្ឈមណ្ឌលពាណិជ្ជកម្ម និងផ្សារទំនើបនានា បានដំណើរការកម្មវិធីលក់បញ្ចុះថ្លៃ មានការទាក់ទាញ ដូចជា ផ្សារធំទំនើប Saigon Co.op ចាប់ពីពេលនេះ ដល់ដំណាច់ថ្ងៃទី 4 ឧសភា នឹងលក់បញ្ចុះថ្លៃជ្រៅដល់ 50% សម្រាប់ផលិតផលជាង 2,000មុខ។ ប្រព័ន្ធលក់រាយទំនិញ Satra ក៏បានអនុវត្តកម្មវិធីផ្សលក់បញ្ចុះថ្លៃ "អំណោយដ៏រីករាយ - អបអរសាទរថ្ងៃបុណ្ណធំ" ។ ផ្សារទំនើប Emart ចាប់ពីថ្ងៃទី 28 ខែមេសា ដល់ថ្ងៃទី 11 ឧសភា មានកម្មវិធីលក់បញ្ចុះថ្លៃដល់ទៅ 50% សម្រាប់គ្រប់ក្រុមទំនិញទាំងអស់។ រីឯ ផ្សារទំនើប Aeon Tân Phú ជាមួយនឹងកម្មវិធី Megal Sale - បញ្ចុះថ្លៃរហូតដល់ 50% សម្រាប់ផលិតផលរាប់ពាន់មុខឯណោះ។
៣.សម្ពោធន៍ពិធីតាំងពិព័រណ៌រូបថតប្រធានបទ “ទីក្រុងហូជីមិញ - ៤៧ឆ្នាំជាមួយប្រទេសទាំងមូល ដើម្បីប្រទេសទាំងមូល”
កាលពីព្រឹកថ្ងៃទី 27 មេសា, នៅផ្លូវថ្មើរជើង Nguyễn Huệ ក្នុងខ័ណ្ឌលេខ 1, បានបើកសម្ពោធន៍ពិធីតាំងពិព័រណ៍រូបថត ក្រោមប្រធានបទ “ទីក្រុងហូជីមិញ - ៤៧ឆ្នាំជាមួយប្រទេសទាំងមូល- ដើម្បីប្រទេសទាំងមូល” នាឱកាស រំលឹកខួបលើកទី៤៧ នៃទិវារំដោះភាគខាងត្បូង បង្រួបបង្រួមទឹកដី 30 មេសា ឆ្នាំ 1975 - 30 មេសា ឆ្នាំ 2022 និង 136 ឆ្នាំ នៃទិវាពលកម្មអន្តរជាតិ (ទី 1 ឧសភា ឆ្នាំ 1886- ទី 1 ឧសភា ឆ្នាំ 2022)។
៤.មាតា១៧រូប នៅ Long An បានទទួលកិត្តិនាមជា “វីរៈមាតាវៀតណាម”
ដើម្បីអបអរសាទរ ខួបលើកទី 47 នៃទិវារំដោះភូមិភាគខាងត្បូង បង្រួបបង្រួមទឹកដី និងខួបលើកទី 136 នៃទិវាពលកម្មអន្តរជាតិ, គណៈកម្មាធិការប្រជាជនខេត្ត Long An បានប្រារព្ធពិធីប្រគល់គោរមងារកិត្តិយសរបស់រដ្ឋ "វីរៈមាតាវៀត ណាម" ជូនមាតា 17រូប នៅក្នុង 9 ស្រុក, ក្រុង, និងខេត្ត Long An ។
៥.ខេត្ត Kiên Giang ៖ ចាប់ផ្តើមសាងសង់ស្តូបលោកប្រធានហូជីមិញនៅទីក្រុង Phú Quốc
ក្នុងឱកាសរំលឹកខួបលើកទី 47 នៃទិវារំដោះភូមិភាគខាងត្បូង បង្រួបបង្រួមទឹកដី ខេត្ត Kiên Giang បានប្រារព្ធពិធីសម្ភោធទីស្ការបូជាវីរៈយុទ្ធជនពលីជីវិត និង បើកការដ្ឋានសាងសង់ស្តូបលោកប្រធានហូជីមិញ នៅទីក្រុង Phú Quốc ក្នុងទ្រង់ទ្រាយ 7.45 ហិចតា នៅតំបន់រៀបចំផែនការសាងសង់មជ្ឈមណ្ឌលទីក្រុង, ពាណិជ្ជកម្ម-សេវាកម្ម, កំពង់ផែសមុទ្រទទួលភ្ញៀវទេសចរអន្តរជាតិ, តំបន់រដ្ឋបាប្រមូលផ្តុំថ្មីរបស់ទីក្រុង Phú Quốc ។ ហើយនេះ ក៏ជាតំបន់លេងកម្សាន្ត និងលំហែកាយរបស់ប្រជាជននៅកោះ Phú Quốc និងជាកន្លែងទាក់ទាញភ្ញៀវទេសចរជាតិ និងអន្តរជាតិមកទស្សនា។
ព័ត៍មានអន្តរជាតិ
៦.សាលារៀនមួយចំនួននៅទីក្រុងប៉េកាំងបានប្តូរទៅរៀនតាមអ៊ីនធឺណិត
សាលារៀនមួយចំនួន នៅក្នុងរដ្ឋធានីប៉េកាំង (នៃប្រទេសចិន) បានប្តូរទៅរៀនពីចម្ងាយ បន្ទាប់ពីមានសិស្សឆ្លងជំងឺ COVID-19 ច្រើន ក្នុងរលកនៃការឆ្លងថ្មីបំផុ ។
៧.ក្រុមហ៊ុនឱសថ Moderna បានស្នើផ្តល់អាជ្ញាប័ណ្ណឱ្យប្រើវ៉ាក់សាំងសម្រាប់កុមារក្រោម 6 ឆ្នាំ
ក្រុមហ៊ុនជីវបច្ចេកវិទ្យា Moderna របស់អាមេរិកបាននិយាយថា ខ្លួនបានដាក់សំណើសុំអាជ្ញាប័ណ្ណប្រើប្រាស់ជាបន្ទាន់នូវវ៉ាក់សាំងការពារជំងឺកូវីដ-១៩ នៅសហរដ្ឋអាមេរិក ដែលបង្កើតឡើងដោយក្រុមហ៊ុន សម្រាប់ចាក់ឲ្យកុមារអាយុពី 6 ខែដល់ក្រោម 6 ឆ្នាំ។
៨.ប្រទេសចំនួន 4 នៃសហភាពអឺរ៉ុប យល់ព្រមទូទាត់ទិញឧស្ម័នពីប្រទេសរុស្ស៊ីដោយរូប
ក្រុមហ៊ុនថាមពលធំជាងគេទាំងបួន របស់អឺរ៉ុប គឺអាល្លឺម៉ង់, អូទ្រីស, ហុងគ្រី និងស្លូវ៉ាគី កំពុងរៀបចំអនុវត្តប្រព័ន្ធទូទាត់ថ្មីមួយ ដែលប្រទេសរុស្ស៊ី បានដាក់ចេញ ចំពោះការអនុវត្តកិច្ចសន្យាឧស្ម័ន ដែលបានបញ្ជាទិញពីប្រទេសរុស្ស៊ី- ដែលជាទង្វើមានមនុស្សជាច្រើនបាននិយាយថា នឹងបំបែកអជ្ញាដាក់ទណ្ណកម្មរបស់សហភាពអឺរ៉ុប និងបានគំរាមកំហែងដល់ធ្លុងសមគ្គីផ្ទៃក្នុងរបស់សម្ព័ន្ធនេះ។
៩.ប្រទេសក្រិក ប្រឈមនឹងគ្រោះអាសន្នក្នុងការធ្វើទេសចរណ៍
ម្ចាស់សណ្ឋាគារនៅទូទាំងប្រទេសក្រិក កំពុងប្រឈមនឹងកង្វះខាតកម្មករយ៉ាងធ្ងន់ធ្ងរ បន្ទាប់ពីរងជំងឺរាតត្បាតបានពីរឆ្នាំ ដែលបានបង្ខំអ្នកធ្វើការក្នុងផ្នែក ទេសចរណ៍ ត្រូវស្វែងរកការងារផ្សេង។ បានដឹងថា ឧស្សាហកម្មទេសចរណ៍របស់ប្រទេសក្រិច បានរួមចំណែកមួយភាគបួន នៃប្រាក់ចំណូលរបស់ប្រទេសនេះ៕
