ព័ត៍មាននៅក្នុងប្រទេស
១.តម្រូវឲ្យបញ្ឈប់ការទាក់ទាញភ្ញៀវទេសចរក្នុងឱកាសថ្ងៃបុណ្ណ 30/4 - 1/5
ថ្មីៗនេះ លោកឧបនាយករដ្ឋមន្ត្រី Vũ Đức Đam បានចុះហត្ថលេខាលើលិខិតផ្លូវការ របស់លោកនាយករដ្ឋមន្ត្រី ស្តីពីការធានាសន្តិសុខ និងសុវត្ថិភាពក្នុងសកម្មភាពទេសចរណ៍ នាឱកាសឈប់សម្រាកថ្ងៃបុណ្ណ 30/4 - 1/5។ យោងតាមនោះ លោកនាយករដ្ឋមន្ត្រី បានប្រគល់ការងារដល់ក្រសួងវប្បធម៌ កីឡា និងទេសចរណ៍ ត្រូវបង្កើនការផ្សព្វផ្សាយ និងលើកកម្ពស់ការយល់ដឹងរបស់អាជីវករ គ្រួសារធុរកិច្ច និងភ្ញៀវទេសចរ ក្នុងការធានានូវបទកំណត់ ស្តីពីការបង្ការ និងទប់ស្កាត់ការរីករាលដាលនៃជំងឺ Covid-19, អនាម័យបរិស្ថាន និងសុវត្ថិភាពចំណីអាហារ ... នៅតាមតំបន់ទេសចរណ៍ និងតំបន់នានា។
២.ទីក្រុងហូជីមិញ៖ ការកែលម្អទម្រង់ការត្រួតពិនិត្យអាសន្នរោគនៅព្រលានយន្តហោះ Tân Sân Nhất
ជាមួយគោលនយោបាយ បើកផ្លូវហោះហើរអន្តរជាតិទាំងអស់ឡើងវិញនាពេលខាងមុខ, អមដោយទម្រង់ការត្រួតពិនិត្យជំងឺ Covid-19 ជាធរមាននោះ គឺការកកស្ទះច្បាស់ជានឹងកាន់តែធ្ងន់ធ្ងរឡើង។ បានជានាយកដ្ឋានសុខាភិបាល ក៏បានកែលម្អទម្រង់ការត្រួតពិនិត្យអាសន្នរោគសុខាភិបាល នៅអាកាសយានដ្ឋានអន្តរជាតិ Tân Sơn Nhất រួមមាន ២ ខ្លឹមសារសំខាន់គឺ ៖ លុបចោលដំណាក់កាល ត្រួតពិនិត្យអ្នកដំណើរអវិជ្ជមាននឹងជំងឺ Covid-19 និងរៀបចំការបែងចែកផ្លូវដើ នៅពេលអ្នកដំណើរ បានចុះមកអាកាសយានដ្ឋាន Tân Sơn Nhất ។
៣.ត្រួតពិនិត្យកិច្ចការចាក់វ៉ាក់សាំងជំងឺកូវីដ-១៩ សម្រាប់កុមារនៅទីក្រុងហូជីមិញ
ក្រសួងសុខាភិបាល បានចុះត្រួតពិនិត្យ ការចាក់វ៉ាក់សាំងជំងឺកូវីដ-១៩ ដល់កុមារ នៅតាមកន្លែងចាក់ថ្នាំមួយចំនួន ក្នុងទីក្រុងហូជីមិញ។ តាមរយៈការវាយតម្លៃជាទូទៅ គឺការរៀបចំ ទម្រង់ការ និងដំណើរការចាក់វ៉ាក់សាំង នៅតាមកន្លែងចាក់ថ្នាំបានប្រព្រឹត្តទៅយ៉ាងពេញលេញ និងមានសុវត្ថិភាព។
៤.ទីក្រុងហូជីមិញ៖ បន្តរុះរើពេទ្យវាល ក្រោយថ្ងៃបុណ្ណ 30/4 និង1/5
យោងតាមលោកវេជ្ជបណ្ឌិត Nguyễn Văn Vĩnh Châu ជាអនុប្រធាននាយកដ្ឋានសុខាភិបាលទីក្រុងហូជីមិញ គឺស្ថានភាពជំងឺរាតត្បាត Covid-19 នៅទីក្រុងហូជីមិញ បានថយចុះយ៉ាងខ្លាំង ទាំងខាងករណីឆ្លងថ្មី ករណីធ្ងន់ធ្ងរ។ ហើយទីក្រុងនឹងបន្តរុះរើពេទ្យវាល ប៉ុន្តែនឹងផ្អែកលើស្ថានភាពក្រោយថ្ងៃបុណ្ណ 30 មេសា និង 1 ឧសភា។
៥. Bình Dương ៖ ថវិកាជាង ១.៣០០ពាន់លានដុង សម្រាប់ជួសជុល និងពង្រីកផ្លូវជាតិលេខ១៣
ថ្មីៗនេះ គណៈកម្មាធិការប្រជាជនខេត្ត Bình Dương បានរៀបចំពិធីបើកការដ្ឋានសាងសង់គម្រោង BOT ដើម្បីជួសជុល និងពង្រីកផ្លូវជាតិលេខ 13, កំណាត់ ឆ្លងកាត់ទីក្រុង Thuận An។ គម្រោងនេះ បានបើកបន្ថែម ២គន្លងទៀត (គឺចាប់ពី ៦គន្លង ដល់ ៨ គន្លង) ចាប់ពីក្លោងទ្វារស្វាគមន៍ Vĩnh Phú (ទីក្រុង Thuận An) ដល់កាច់ជ្រុងផ្លូវ Lê Hồng Phong (ក្នុងទីក្រុង Thủ Dầu Một) ប្រវែង ១២.៧គីឡូម៉ែត្រ, ចំណាយជាង ១.៣០០ពាន់លានដុង។
ព័ត៍មានអន្តរជាតិ
៦.ប្រទេសជាច្រើនបានលុបចោលបកំណត់ធ្វើតេស្ត Covid-19
ចាប់ពីថ្ងៃទី 26 ខែមេសា មុនពេលទៅប្រទេសសិង្ហបុរី ភ្ញៀវទេសចរមិនបាច់ធ្វើតេស្តរក Covid-19 នោះទេ។ ប្រទេសសិង្ហបុរី ក៏បានលុបចោលកំណត់ តម្រូវឱ្យពាក់ម៉ាសនៅទីសាធារណៈ និងបានលុបចោលកំណត់ចំនួនមនុស្សចូលរួមក្នុងសកម្មភាពជាក្រុម។ ប្រទេសថៃ ក៏បានលុបចោលតម្រូវធ្វើតេស្តសម្រាប់អ្នក ដំណើរបានចាក់វ៉ាក់សាំង Covid-19 ចាប់ពីថ្ងៃទី 1 ខែឧសភា។ ហើយរដ្ឋាភិបាលនៃប្រទេសកូរ៉េខាងត្បូង ក៏បានប្រកាសទម្លាក់កម្រិតនៃការរាតត្បាតរបស់ជំងឺកូវីដ-១៩ ពីកម្រិតខ្ពស់បំផុត ពីកម្រិត ៤ ដល់កម្រិត ២។
៧.អាមេរិកបានអនុម័តថ្នាំព្យាបាលជំងឺកូវីដ-១៩ របស់Gilead សម្រាប់កុមារអាយុក្រោម ១២ ឆ្នាំ
ស្ថាប័នគ្រប់គ្រងចំណីអាហារ និងឪសថអាមេរិក បានអនុម័តថ្នាំព្យាបាលជំងឺ Covid-19 Veklury របស់ក្រុមហ៊ុន Gilead ប្រើសម្រាប់កុមារតូច ក្លាយជាវិធី ព្យាបាលជំងឺ Covid-19 ដំបូង មានការយល់ព្រម សម្រាប់កុមារអាយុក្រោម 12 ឆ្នាំ។
៨.សហភាពអឺរ៉ុប បានហាមឃាត់សារធាតុគីមីបង្កគ្រោះថ្នាក់ជាច្រើននៅក្នុងឧបករណ៍ប្រើប្រាស់ក្នុងផ្ទះ
សហភាពអឺរ៉ុប (EU) នឹងហាមឃាត់ការចរាចរសារធាតុគីមីជាច្រើន ដែលមាននៅក្នុងសម្ភារៈប្រើប្រាស់ក្នុងផ្ទះ, ថ្នាំលាប, វ៉ារនីស, ពូក កៅអីរថយន្ត។ល។ ទាំងនេះគឺជាសារធាតុគីមីដ៏សាមញ្ញបំផុត ប៉ុន្តែមានគ្រោះថ្នាក់ដល់សុខភាព។ សារធាតុហាមឃាត់រួមមានក្រុមផ្លាស្ទិច PVC, ផ្លាស្ទិចមិនអាចកែច្នៃបានយ៉ាងងាយស្រួល, បានប្រើក្នុងផលិតផលច្រើនប្រភេទដូចជា ប្រដាប់ក្មេងលេង, សំបកវេចខ្ចប់អាហារ, ស្បែកជើង....ជាដើម។
៩.អ៊ីស្រាអែល បានរកឃើញបំប្លែងធាតុថ្មីរបស់ Omicron
ក្រសួងសុខាភិបាលនៃប្រទេសអ៊ីស្រាអែលបានឲ្យដឹងថា តាមរយៈការធ្វើតេស្ត PCR នៅអាកាសយានដ្ឋានអន្តរជាតិ Ben Gurion ស្ថាប័នមានសមត្ថកិច្ចអ៊ីស្រាអែល បានរកឃើញ ៣ ករណីថ្មី បានឆ្លងបំប្លែងធាតុថ្មីរបស់ Omicron ។ ករណីទាំងបីនេះ គឺជាជនជាតិអ៊ីស្រាអែល បានទៅទេសចរណ៍ក្រៅប្រទេស ក្នុងអំឡុងពេលបុណ្យ Passover កន្លងមក ហើយបានត្រឡប់មកប្រទេសវិញនៅថ្ងៃទី 25 ខែមេសា។
១០.ចំណាយលើការការពារជាតិសកលឆ្នាំ 2021 កើនឡើង
ក្រុមអ្នកស្រាវជ្រាវបាននិយាយថា ចំណាយលើការការពារជាតិពិភពលោក បានកើនឡើងម្តងទៀតក្នុងឆ្នាំ 2021 បានបង្កើតកំណត់ត្រាថ្មីមួយ នៅក្នុងបរិបទ ដែលប្រទេសរុស្ស៊ី បានបង្កើនកម្លាំងយោធារបស់ខ្លួន មុនពេលបើកយុទ្ធនាការយោធាពិសេស សំដៅទៅប្រទេសអ៊ុយក្រែន។ អ្នកជំនាញ បាននិយាយថានិន្នាការនេះ នឹងបន្តកើនឡើង នៅក្នុងបណ្តាប្រទេសអឺរ៉ុប។