អនុវត្តសេចក្តីសម្រេចចិត្តរបស់រដ្ឋាភិបាល ស្តីអំពីការការពារកិច្ចការស៊ីវិល-Tiếng Khmer 23/08/2019

ព័ត៌មាននៅក្នុងប្រទេស

១.អនុវត្តសេចក្តីសម្រេចចិត្តរបស់រដ្ឋាភិបាល ស្តីអំពីការការពារកិច្ចការស៊ីវិល

ថ្មីៗនេះ លោកនាយករដ្ឋមន្ត្រី បានប្រកាស់ឲ្យប្រើផែនការនៃការអនុវត្តសេចក្តីសម្រេចិត្តលេខ 02/2019/NĐ-CP ចុះថ្ងៃទី 2/1/2019 របស់រដ្ឋាភិបាល ស្តីអំពីការការពារកិច្ចការស៊ីវិល។

ក្រសួងនគរបាល​នឹងទទួលភារកិច្ចរ៉ាប់រងជាសំខាន់ សហការជាមួយក្រសួងនិងផ្នែកនានា ដែលពាក់ព័ន្ធដល់ផែនការទប់ទល់នឹងគ្រោះឆេះអាគារច្រើនជាន់, ទីក្រុង, តំបន់ឧស្សាហកម្ម និងទីប្រជុំជន; ក្រសួងកសិកម្ម និងអភិវឌ្ឍន៍ទីជនបទ បានទទួលភារកិច្ចរ៉ាប់រងជាសំខាន់ ក្នុងការកសាងផែនការទប់ទល់នឹងគ្រោះភ័យដូចជា ខ្យល់ព្យុះ, វិសម្ពាធទាប, ទឹកលិច, ខ្យល់កួច, បាក់ស្រុតដី និងគ្រោះភ័យផ្សេងៗពីធម្មជាតិ ជាដើម។

២.សម្ពោធន៍រោងចក្រផលិតភ្លើងអគ្គិសនីពីកម្លាំងព្រះអាទិត្យដែលមានតម្លៃ ១.៣០០កោដិដុង

លោក Trương Hòa Bình ជាឧបនាយករដ្ឋមន្ត្រីអចិន្ត្រៃ បានអញ្ជើញមកចូលរួមក្នុងពិធីសម្ពោធន៍ឲ្យប្រើប្រាស់រោងចក្រផលិតអគ្គិសនីពីកម្លាំងព្រះអាទិត្យ Fujiwara Bình Định ដែលវិនិយោគដោយក្រុមហ៊ុនFujiwara (នៃប្រទេសជប៉ុន) បានសាងសង់ក្នុងតំបន់សេដ្ឋកិច្ច Nhơn Hội (ក្នុងទីក្រុង​Quy Nhơn)។​ បានដឹងថា រោងចក្រមានពលានុភាពចំនួន 50MWp លើផ្ទៃដី ៦០ហិកតា សរុបថវិការសាងសង់ចំនួន ១.៣០០កោដិដុង។ ហើយនេះជាគម្រោងការមួយ បានគូសបញ្ជាក់នូវជំហានថ្មី នៃទំនាក់ទំនងការទូត និងវិនិយោគរវាងប្រទេសវៀតណាម និងប្រទេសជប៉ុន។

៣.នំសែនលោកខែអន់គុណភាពចាប់ផ្តើមលក់លើទីផ្សារ

ទោះបីជានៅជិត ១ខែទៀត ទើបដល់បុណ្យសំពះព្រះខែ ប៉ុន្តែ រយៈពេលនេះ តាំងពីនៅផ្សារប្រពៃណី ដល់ផ្សារធំទំនើប ឬ តាមចិញ្ចើមថ្នល់ ឃើញលក់នំសែនលោកខែដ៏ច្រើនសន្ធឹក មានគ្រាប់យីហោ និងប្រភេទ។ ហើយយោងតាមលោកស្រីវេជ្ជបណ្ឌិត Đỗ Thị Ngọc Diệp ជាប្រធានសមាគមន៍សារធាតុចិញ្ចឹម និងអាហារទីក្រុងហូជីមិញបានឲ្យដឹងថា៖ “បណ្តាផលិតផលនំសែនលោកខែគ្មានដើមប្រភព គ្មានបរិច្ឆេទប្រើប្រាស់ ងាយនឹងបង្ករគ្រោះថ្នាក់ដល់អាយុជីវិតអ្នកប្រើប្រាស់។ ព្រោះ មកពីនំប្រភេទនេះ​ច្រើនតែបានធ្វើពីវត្ថុធាតុដើមមិនធានាសុខភាព។ ដោយហេតុនេះហើយ ប្រសិនជាអ្នកប្រើប្រាស់ទទួលទានចំនំលោកខែអន់គុណភាពនោះ​ នឹងងាយកើតបណ្តាជំងឺខាងផ្លូវរំលាយអាហារ ជួនកាលបានបង្ករគ្រោះថ្នាក់ដល់ថ្លើម និងក្រលៀនទៀតផង ប្រសិនជាផលិតទាំងនេះគ្រឿងផ្សំពុលមិនល្អនោះ”។

៤.ទីក្រុងហូជីមិញបានអនុវត្តដាំដុះរុក្ខជាតិថ្មីចំនួន ៥៥ប្រភេទ

ថ្មីៗនេះ នៅក្នុងវេទិការគ្រប់គ្រងពូជដំណាំ និងសក្កានុពលអភិវឌ្ឍន៍ពូជដំណាំនៅទីក្រុងហូជីមិញ និងនាឱកាសបើកផ្សារណាត់ តាំងពិព័រណ៍ពូជដំណាំ និងកសិកម្មបច្ចេកវិជ្ជាខ្ពស់ទីក្រុងហូជីមិញ លើកទី ៧នោះ មន្ទីរកសិកម្ម និងអភិវឌ្ឍន៍ទីក្រុងហូជីមិញបានឲ្យដឹងថា តាំងពីឆ្នាំ ២០១៨មកដល់ពេលនេះ បណ្តាស្ថាប័នអាជីវកម្ម បានធ្វើការស្រាវជ្រាវសម្រិតសម្រាំង​ និងសាកល្បងអំពីលក្ខណៈស្របនឹងធាតុអាកាសរបស់ដំណាំថ្មី ចំនួន ១៣៦ប្រភេទ និងដាំដុះដំណាំថ្មីចំនួន ៥៥ប្រភេទ ក្នុងនោះមានបន្លែចំនួន ៤៦ប្រភេទ ស្រូវមួយប្រភេទ និងផ្កាលំអរចំនួន៨ប្រភេទ។

ព័ត៍មានអន្តរជាតិ

៥.ប្រទេសកូរ៉េខាងត្បូង បានសម្រេចចិត្តបញ្ឈប់ជើងហោះហើរជាច្រើន ទៅកាន់ប្រទេសជប៉ុន

យោងតាមទីភ្នាក់ងារសារព័ត៍មាន Kyodo បានដឹងថា ក្រុមហ៊ុនអាកាសចរណ៍ Korean Airlines នៃប្រទេសកូរ៉េខាងត្បូង បានជូនដំណឹងថា ពួកគេកំពុងគិតគូរថា នឹងអាចបញ្ឈប់បន្ថែមជើងហោះហើរមួយចំនួន ទៅកាន់ប្រទេសជប៉ុន ដោយស្ថិតក្នុងស្ថានភាព ចំនួនភ្ញៀវទេសចរ ដែលទៅទស្សនាប្រទេសជប៉ុនកាន់តែថយចំនួនចុះ អាចមកពីទំនាក់ទំនងកំពុងតានតឹងរវាងប្រទេសទាំងពីរនេះ។

៦.ឥណ្ឌា៖​ប្រជាជនជាង ២៣.០០០​នាក់ នៅទីក្រុង New Delhiត្រូវជន្លៀសខ្លួនមកពីភ្លៀងធ្លាក់ខ្លាំង

រដ្ឋអំណាចនៃរដ្ឋធានី New Delhi ក្នុងប្រទេសឥណ្ឌា បានផ្សាយជាផ្លូវការ នូវស្ថានភាពអាសន្ន នៅពេលកម្រិតទឹកលើទន្លេ Yamuna កំពុងឡើងខ្ពស់​ ដែលអាចធ្វើឲ្យកើតមានទឹកជំនន់ជោជន់យ៉ាងធ្ងន់ធ្ងរ។

ហើយពេលនេះ ស្ថាប័នមានសមត្ថកិច្ចនៃប្រទេសនេះ បានរៀបចំ ២.១០០ កូនខ្ទម ស្បៀងអាហារ, ទឹកបរិភោគ, ភ្លើងអគ្គិសនី និងតំបន់អនាម័យ ជាដើម ដល់ប្រជាជនដែលត្រូវជន្លៀសខ្លួន។ ហើយគិតមកដល់ពេលនេះ មានប្រជាជនជាង ២៣.០០០នាក់ ត្រូវបានជន្លៀសចេញហើយ។

៧.ក្នុងរយៈពេល ១ខែនៅប្រទេសចិន មនុស្ស​២០១​នាក់​ស្លាប់​ក្នុង​គ្រោះទឹកជំនន់

​យ៉ាងហោច​ណាស់​មនុស្ស​២០១ នាក់​បាន​ស្លាប់​និង​៦៣​នាក់​កំពុង​បាត់​ខ្លួន​បន្ទាប់ពី​ទឹក​ជំនន់​នៅ​ទូទាំង​ប្រទេស​ចិន​​រវាង​ខែកក្កដា​និង​ខែសីហា​។​

​ការស្លាប់​ថ្មីៗ​បំផុត​នេះ គឺ​នៅ​ខេត្ត​ស៊ី​ឈ័ន ដែល​ជា​តំបន់​ភ្នំ​នៅ​ភាគ​ខាងលិច​នៃ​ប្រទេស​ចិន​ជា​កន្លែង​ដែល​មនុស្ស​៨​នាក់​បាន​ស្លាប់​និង ២៣​នាក់​បាត់​ខ្លួន

ហើយសរុប​អ្នកស្លាប់​ក្នុង​ខែកក្កដា ​ចំនួន​១៥៤ នាក់​និង​៣១ នាក់​បាន​បាត់​ខ្លួន​ដោយ​មាន​មនុស្ស​ជាង ១,៣ លាន​នាក់ បាន​បង្ខំ​ចិត្ត​ទៅ​នៅតាម​ទីជម្រក​បណ្តោះអាសន្ន​។​

 

TRIỆT PHÁ THÀNH CÔNG ĐƯỜNG DÂY MA TÚY “KHỦNG’ CÓ SÚNG, LỰU ĐẠN Ở TPHCM

កំចាត់ដោយជោគជ័យខ្សែរយៈលក់ដូរគ្រឿងញៀនដ៏ធំសម្បើមនៅទីក្រុងហូជីមិញ មានទាំងកាំភ្លើងនិងគ្រាប់បែក

ថ្មីៗនេះ នគរបាលទីក្រុងហូជីមិញ បានប្រកាសនូវដំណឹងមួយ ស្តីអំពីការកំចាត់ដោយជោគជ័យ នូវខ្សែរយៈជួញដូរគ្រឿងញៀនដ៏ធំសម្បើមមួយ ដែលវត្ថុតាងដកហូតបាន​​ គឺគ្រឿងញៀនសំរូបឡើងដល់  ១២គីឡូក្រាម ៦ខាំ ហេរ៉ូអីនចំនួន ៤៨ដុំ ព្រមទាំងកាំភ្លើង និងគ្រាប់បែកជាច្រើន។

យោងតាមនោះ នគរបាលខណ្ឌ Bình Thạnh បានសហការជាមួយករិយាល័យលេខ ៧-នៃនាយកដ្ឋាននគរបាលសើបអង្កេត អំពីបទល្មើសខាងគ្រឿងញៀន (C04), ក្រសួងនគរបាល, ការិយាល័យនគរបាលសើបអង្កេតបទល្មើសខាងគ្រឿងញៀន នៃនគរបាលទីក្រុងហូជីមិញ បានកំចាត់ដោយជោគជ័យ ខ្សែរយៈជួញដូរគ្រឿងញៀនដ៏ធំមួយ ដឹកនាំដោយឈ្មោះ Vũ Ngọc Vân (អាយុ ៤៣ឆ្នាំ) និងឈ្មោះ Bùi Văn Điệp (អាយុ ៣៩ឆ្នាំ) ឈ្មោះទាំង​២​ស្នាក់នៅខណ្ឌលេខ ៩។

ហើយបច្ចុប្បន្ន នគរបាលបានចាប់ផ្តើមប្តឹងរឿងក្តី ប្តឹងជនជាប់ចោទ និងចេញអជ្ញាដាក់ឃុំបណ្តោះអាសន្ន ក្រុមជនល្មើសរួមាន ឈ្មោះ Võ Thành Bảo, Dương Văn Lam, Vân, Điệp, Bùi Văn An, Nguyễn Phước Thiện, Huỳnh Bảo Anh, Bùi Tấn Phát, Đồng Quốc Duy ចពោះអំពើ “លក់ដូរ និងស្តុកទុកដោយខុសច្បាប់គ្រឿងញោន”។

​បានដឹងថា មុននោះ តាមរយៈការសើបអង្កេតក្តាប់សភាពការណ៍ក្នុងតំបន់ កងស៊ើបការណ៍ បានរកឃើញនូវខ្សែរយៈលក់ដូរគ្រឿងញៀន ដឹកនាំដោយឈ្មោះ Vân និងឈ្មោះ Điệp ដែលបានដឹកជញ្ជូនគ្រឿងញៀនពីតំបន់ខេត្ត Nghệ An  ទៅលក់នៅទីក្រុងហូជីមិញ ហើយក៏បានបង្កើតគណៈកម្មការស៊ើបអង្កេតពិសេស សម្រាប់កំចាត់ខ្សែរយៈនេះ។

នៅព្រឹកថ្ងៃទី​២១ ខែមិថុនា ឈ្មោះ Bảo ឈ្មោះ Lam និងឈ្មោះ Bùi Đức Hiển បានយកឡានដឹកគ្រឿងញៀន ពីខេត្ត Quảng Bình បើកចូលផ្លូវលេខ102, សង្កាត់ Tăng Nhơn Phú,ខណ្ឌលេខ  9 នៃទីក្រុងហូជីមិញ សម្រាប់ប្រគល់គ្រឿងញៀនឲ្យទៅឈ្មោះ Điệp។ ក្រោយមកទៀត​ ឈ្មោះ Điệp បានបើកឡាន ដឹកឈ្មោះ An  ទៅប្រគល់គ្រឿងញៀនម៉ាទឹកកកចំនួន 1kg ឲ្យទៅឈ្មោះ Huy; និងគ្រឿងញៀន 2kg ទៀត ឲ្យទៅឈ្មោះ Anh។ ហើយឈ្មោះ Điệp និងឈ្មោះ An  ក៏បានទិញថ្នាំក្រវីក្បាលចំនួន  10.000 គ្រាប់ រួចប្រគល់ឲ្យឈ្មោះ Bảo។

នៅវេលាម៉ោងប្រមាណ ៨ ព្រឹក និង ៣០នាទី នគរបាលស៊ើបការណ៍ ខណ្ឌ Bình Thạnh ចាប់បានទាំងវត្ថុតាងឈ្មោះ Vũ Ngọc Văn និងឈ្មោះ Phạm Thị Nụ  (កើតនៅឆ្នាំ 1983, ស្នាក់នៅខេត្ត Nam Định) ដកហូតគ្រឿងញៀនសំរូបចំនួន 60 gr ។ផ្តើមពីចម្លើយរបស់ក្រុមនេះ នគរបាលចាប់បានឈ្មោះ Điệp  ព្រមទាំំងបានឆែកឆេរផ្ទះរបស់ជននេះនៅខណ្ឌលេខ ៩។

នៅពេលឆែកឆេរកន្លែងស្នាក់នៅ នគរបាលចាប់បានឈ្មោះ Thiện, Đăng កំពុងមាននៅក្នុងខ្លួនគ្រឿងសំរ៉ូបចំនួន 12,6 kg បានយកទៅលាក់ទុក; និងចាប់បានឈ្មោះ Bùi Tấn Phát និងជនមិនស្គាល់ឈ្មោះមួយនាក់ទៀត បានយកសាក់កាដូមួយ នៅខាងក្នុងមានគ្រឿងញៀនសំរ៉ូបចំនួន 2kg និងថ្នាំគ្រវីចំនួន 10.000 គ្រាប់សម្រាប់យកទៅលាក់។ នៅពេលត្រូវនគរបាលតាមចាប់ ឈ្មោះ Phát បានយកគ្រាប់បែកចេញគប់ ប៉ុន្តែសំណាងល្អ គ្រាប់បែកមិនផ្ទុះឡើយ។

នៅថ្ងៃទី 28-6 ការិយាល័យ PC04 នគរបាលទីក្រុងហូជីមិញ បានប្តឹងរឿងក្តីនេះ ប្តឹងជនចាប់ចោទ និងចេញអាជ្ញាឲ្យចាប់ខ្លួនបណ្តោះអាសន្នឈ្មោះ Võ Thành Bảo, Dương Văn Lam, Vũ Ngọc Vân, Bùi Văn Điệp, Bùi Văn An, Nguyễn Phước Thiện, Huỳnh Bảo Anh, Bùi Tấn Phát, Đồng Quốc Duy  ចំពោះអំពើលក់ដូរ និងស្តុកទុកគ្រឿងញៀនខុសច្បាប់៕

 

 


 

 

 

VOH

Bình luận

Đọc Báo