អំពីព័ត៌មានក្នុងប្រទេស

១.អនុម័តយល់ព្រមចំពោះគម្រោងការជំរុញរូបភាពគំរូសេដ្ឋកិច្ចចែករំលែក

ថ្មីៗនេះ លោកនាយករដ្ឋមន្ត្រីនៃ Nguyễn Xuân Phúc បានចុះហត្ថលេខា លើសេចក្តីសម្រេចលេខ 999/QÐ-TTg អនុម័តយល់ព្រមទៅលើគម្រោងការជំរុញរូបភាពគំរូសេដ្ឋកិច្ចចែករំលែក។

យោងតាមនោះ គោលដៅនៃគម្រោងការនេះ គឺប្រយោជន៍ដើម្បីធានានូវបរិស្ថានធ្វើអាជីវកម្មសើ្មភាព រវាងបណ្តាស្ថាប័នអាជីវកម្មតាមរូវភាពគំរូសេដ្ឋកិច្ចចែករំលែក និងសេដ្ឋកិច្ចប្រពៃណី; ធានាផលប្រយោជន៍ ភារកិច្ច និងផលប្រយោជន៍ស្របច្បាប់នៃភាគីទាំងអស់ ដែលបានចូលរួមរូបភាពគំរូសេដ្ឋកិច្ចចែករំលែក ដោយរួមមាន អ្នកផ្គត់ផ្គង់សេវ៉ាកម្ម, អ្នកប្រើប្រាស់សេវាកម្ម និងស្ថាប័នអាជីវកម្មផ្គត់ផ្គង់ផែនគ្រឹះ; លើកទឹកចិត្តការផ្លាស់ប្តូរថ្មីដោយច្នៃប្រឌិត, អនុវត្តបច្ចេកវិជ្ជាកំព្យួរទ័រ និងអភិវឌ្ឍន៍សេដ្ឋកិច្ចកំព្យួរទ័រ។​ព្រមទាំង ផ្នែគ្រប់គ្រងរដ្ឋ ត្រូវធានាចំពោះបណ្តាសកម្មភាពធ្វើសេដ្ឋកិច្ចស្របច្បាប់បានអភិវឌ្ឍន៍, ក្នុងនោះ មានបណ្តាសកម្មភាពធ្វើសកម្មភាពចែករំលែក; ផ្លាស់ប្តូរការគិត និងរបៀបរបបគ្រប់គ្រងរដ្ឋ ឲ្យសមស្របតាមនិន្នការនៃការអភិវឌ្ឍន៍ នៃសេដ្ឋកិច្ចកំព្យូរទ័រ និងបដិវត្តឧស្សាហកម្មលើកទី ៤; លើកកម្ពស់ការយល់ដឹង និងសមត្ថភាពរបស់ស្ថាប័នអាជីវកម្ម, របស់មូលដ្ឋាន និងប្រជាជន ស្តីអំពីរូបភាពគំរូសេដក្ឋកិច្ចចែករំលែក…។

២.ទីក្រុងហូជីមិញតែងតែផ្តល់អតិភាពខ្ពស់បំផុត សម្រាប់ផ្នែកអប់រំ

ទីក្រុងហូជីមិញតែងតែផ្តល់អតិភាពខ្ពស់បំផុត សម្រាប់ផ្នែកអប់រំ នេះគឺជាអំណះអំណាងរបស់លោក Nguyễn Thiện Nhân ជាលេខានៃគណៈកម្មាធិការបក្សទីក្រុង នៅក្នុងសន្និសិទបូបសរុបឆ្នាំសិក្សា 2018-2019 និងដំណើរការភារកិច្ចឆ្នាំសិក្សា 2019-2020 ដែលរៀបចំដោយមន្ទីរអប់រំ និងបណ្តុះបណ្តាល។ ហើយស្ថិតក្នុងស្ថានភាពសមាហរ័ណកម្ម ត្រូវមានការងារជាច្រើនត្រូវអនុវត្ត ក្នុងនោះ ការអប់រំគុណភាពខ្ពស់ គុណភាពអន្តរជាតិ គឺជាដំណោះស្រាយមួយ ក្នុងចំំណោមដំណោះស្រាយសំខាន់ទាំងអស់។ លោក  Nguyễn Thiện Nhân បានអំណះអំណាងថា “គណៈកម្មាធិការបក្សទីក្រុង, ក្រុមប្រឹក្សាប្រជាជនទីក្រុង, គណៈកម្មាធិការប្រជាជនទីក្រុង រណសិរ្យមាតុភូមិ និងប្រជាជនទីក្រុងហូជីមិញ បាននិងកំពុងបន្តយកចិត្តទុកដាក់ខ្ពស់បំផុត ដល់ផ្នែកអប់រំរបស់ទីក្រុង។

៣.រកឃើញរណ្តៅផ្ទុក ក្បាលគ្រាប់ និងឈ្នួនផ្ទុះជាង ១.៤០០គ្រឿង នៅខេត្ត Quảng Trị

ក្រុមអ្នកទីប្រឹក្សាអំពីគ្រាប់មីន នៃប្រទេសអង់គ្លេស (MAG) នៅខេត្ត Quảng Trị បានឲ្យដឹងថា ពួកគាត់ បានដោះស្រាយដោយសុវត្ថិភាព​ នូវរណ្តៅផ្ទុកគ្រាប់មីន ២ ដែលមានវត្ថុផ្ទុះចំនួន 1.414 គ្រឿង​ រួមមាន ក្បាលគ្រាបវ់ និងឈ្នួនផ្ទុះ ស្ថិតនៅភូមិ An Lưu ឃុំ Triệu Sơn ស្រុក Triệu Phong នៃខេត្ត Quảng Trị។ ហើយបានដឹងថា រណ្តៅគ្រាប់មីន ២ នេះ ឆ្ងាយពីគ្នាប្រមាណតែ ១៥ម៉ែត្រប៉ុណ្ណោះ។

៤. ហាណូយ៖ ចាប់បានមុខសញ្ញា ២ នាក់ មានអំពើជួញដូរក្រលៀន

ស្នងការនគរបាលទីក្រុងហាណូយបានជូនដំណឹងថា បន្ទាប់ពីនគរបាលស្រុក Thường Tín  ទទួលបានដំណឹងពីប្រជាជន ដែលបានរាយការណ៍អំពីខ្សែរយៈជួញដូរក្រលៀនក្នុងតំបន់នេះ គឺស្នងការនគរបាល ក៏ចាប់បានមុខសញ្ញា ២ ។ គឺឈ្មោះNguyễn Quang Đồng (កើតនៅឆ្នាំ ១៩៩០) និងឈ្មោះ Lê Hồng Hùng (កើតនៅឆ្នាំ ១៩៨៦)។

ស្នងការនគរបាលទីក្រុងហាណូយ​ បានបញ្ជាក់ថា អំពើទិញ លក់ក្រលៀន ឬសរីរាង្គផ្សេងៗរបស់មនុស្សក្រោមគ្រប់រូបភាព សុទ្ធតែល្មើសច្បាប់ទាំងអស់។ ដោយហេតុនេះហើយ ចំពោះអ្នកជំងឺណា ដែលមានតម្រូវការបានផ្សាំក្រលៀន គួរតែមកជួបគ្រូពេទ្យនៅតាមបណ្តាមន្ទីរពេទ្យធំៗ​សម្រាប់បានទទួលការផ្តល់ប្រឹក្សា។ ហើយនៅពេលដឹងថា មានជនណាមួយ មានអំពើចូលដៃនិងជនឆបោក ឬ ធ្វើជាជើងសារសម្រាប់ផ្សាំក្រលៀន គឺប្រជាជនត្រូវប្រុងប្រយ័ត្ន ព្រមទាំងត្រូវរាយការណ៍ដល់ស្នងការនគរបាលជិតបំផុត។

ព័ត៌មានអន្តរជាតិ

៥.ប្រទេសរុស្សីបានអះអាងថា ជាតិវិទ្យុះសកម្ម មិនសាយភាយដល់ទ្វីបអឺរ៉ុប

យោងតាមទីភ្នាក់ងារសារព័ត៌មាន Tass នៃប្រទេសរុស្ស៊ីបានដឹងថា កម្រិតជាតិវិទ្យុះសកម្មនៅទីក្រុង Severodvinsk នៃប្រទេសរុស្ស៊ី បានកើនឡើងដល់ទោ ១៦ដងហើយ បន្ទាប់ពីកើតមានគ្រោះថ្នាក់មួយ ដែលផ្នែកមានសមត្ថកិច្ចនៃប្រទេសនេះបានឲ្យដឹងថា​ ករណីនេះ ពាក់ព័ន្ធដល់ការសាកល្បងបង្ហោះកាំជ្រួចលើលំហរសមុទ្រ ដែលបណ្តាលឲ្យបុគ្គលិកនៃស្ថាប័ននុយក្លេអ៊ែរ Rosatom របស់ប្រទេសនេះត្រូវស្លាប់បាត់បង់ជីវិត ។ក៏ប៉ុន្តែ ភាគីនៃប្រទេសរុស្ស៊ីបានអំណះអំណាងថា កម្រិតនៃជាតិវិទ្យុះសកម្មនេះ ត្រូវបានធ្វើឲ្យមានសុវត្ថិភាពហើយ ហើយក៏គ្មានសញ្ញាណាបានប្រាប់ថា វិទ្យុះសកម្មបានភាយដល់អឺរ៉ុបទេ។

៦.ជណ្តើរយន្តបានធ្លាក់មិនទប់បានពីជាន់ទី ១៥ចុះ បណ្តាលឲ្យមនុស្សយ៉ាងតិច ៤ នាក់ត្រូវស្លាប់និងរបួស

អាជ្ញាធរនៃប្រទេសកូរ៉េខាងត្បូងបានជូនដំណឹងថា មានជណ្តើរយន្តមួយនិងកម្មករ ៤ នាក់បានធ្លាក់ពីជាន់ទី ១៥​ ក្នុងអាគារ ៣០ជាន់ ដែលកំពុងសាសង់។ ហើយមានកម្មករ ៣នាក់ត្រូវស្លាប់ និងម្នាក់ត្រូវរបួសធ្ងន់។

៧.ប្រទេសក្រិចបានអំពាវនាវ EU ដោះស្រាយបញ្ហាជនចំណាកស្រុក

យោងដំណឹងពីសារព័ត៌មានអន្តរជាតិ និងទីភ្នាក់ងារសារព័ត៌មានវៀតណាមនៅបរទេសបានដឹងថា លោក G.Câu-mâu-xa-cốt ជាអនុរដ្ឋមន្ត្រីទទួលបន្ទុកការងារការពារជនជាតិក្រិច បានអំពាវនាវដល់សហគមន៍សេដ្ឋកិច្ចអឺរ៉ុប ឲ្យមានការចែករំលែកស្មើភាពជាង ក្នុងកិច្ចការបែងចែកជនចំណាកស្រុក ស្ថិតក្នុងស្ថានភាពដែលចំនួនជនចំណាកស្រុក បានទៅដល់កោះនានារបស់ប្រទេសក្រិចកាន់តែកើនចំនួនឡើងយ៉ាងឆាប់រហ័ស។ មន្ត្រីមួយរូបនេះ ក៏បាននិយាយបន្ថែមថា ប្រទេសក្រិចកំពុងត្រូវចំណាយខ្លាំង ក្នុងកិច្ចការទទួលជនចំណាកស្រុក ហើយប្រទេសក្រិចសង្ឃឹមថា នឹងបានស្វែងរកការសហការដោយប្រសិទ្ធិភាព ជាមួយគណៈកម្មាធិការអឺរ៉ុប​ និងសមាជិកនានាក្នុងសហគមន៍សេដ្ឋកិច្ចអឺរ៉ុបអំពីបញ្ហានេះ។

TRIỆT PHÁ ĐƯỜNG DÂY TỔ CHỨC ĐÁNH BẠC

VÀ ĐÁNH BẠC HƠN 1.600 TỶ ĐỒNG

កំចាត់ដោយជោគជ័យ​ខ្សែរយៈរៀបចំឲ្យលេងល្បែងស៊ីសង និងលេងល្បែងស៊ីសង

នូវទឹកលុយជាង ១.៦០០កោដិដុង

យោងដំណឹងពីស្នងការនគរបាលស៊ើបអង្កេត​ នៃក្រសួងនគរបាលបានដឹងថា កាលពីថ្ងៃទី ៣០ ខែកក្កដាកន្លងទៅ ក្រសួងនគរបាល បានសហការជាមួយនគរបាលនៅមូលដ្ឋានមួយចំនួន​ ចាប់បានខ្សែរយៈរៀបចំលេងល្បែងស៊ីសង និងលេងល្បែងស៊ីសងលើបណ្តាញ internet តាមរយៈទំព័រវែបសៃ b8ag.com កើតឡើងក្នុងភូមិសាស្ត្រខេត្តក្រុងជាច្រើនក្នុងទូទាំងប្រទេស។ បានដឹងថា សរុបទឹកលុយលេងល្បែងស៊ីសងក្នុងខ្សែរយៈនេះ ប្រមាន ១.៦០០កោដិដុង។

ផ្តើមពីបណ្តាឯកសារ និងវត្ថុតាងដែលប្រមូលបាន នៅតាមបណ្តាតំបន់ដូចជា៖ រដ្ឋធានីហាណូយ, ទីក្រុងហូជីមិញ, ទីក្រុង Hải Phòng , ខេត្ត Thái Bình,  ខេត្ត Bà Rịa - Vũng Tàu និងខេត្តក្រុងមួយចំនួនទៀត។ កាលពីថ្ងៃទី​ ៩ ខែសីហា, ស្នងការនគរបាលស៊ើបអង្កេត នៃក្រសួងនគរបាលបានចេញសេចក្តីសម្រេច ឲ្យវិនិច្ឆ័យរឿព្រហ្មទណ្ឌនេះ, សម្រេចឲ្យកាត់ទោសជនជាប់ចោទ ចំពោះអំពើ “រៀបចំការលេងល្បែងស៊ីសង និងមានអំពើលេងល្បែងស៊ីសង” ចំពោះជនពាក់ព័ន្ធ ១៣នាក់។​

យោងតាមភ្នាក់ងារស៊ើបការណ៍បានដឹងថា ជំហានដំបូង ក៏បញ្ជាក់បានថា ទំព័រវែប b8ag.com បានដំណើការលើបណ្តាញអ៊ីនធ័រណែត ដោយធ្វើសកម្មភាពអំពីការភ្នាល់បាល់ទាត់ មាន server ដាក់នៅប្រទេសក្រៅ បានប្រើច្រើនភាសា។

ហើយនៅប្រទេសវៀតណាម មានបុគ្គលមួយចំនួន បានទាក់ទងជាមួយក្រុមនេះ សម្រាប់រៀបចំការលេងល្បែងស៊ីសង និងប្រព្រឹត្តិអំពើលេងល្បែងស៊ីសង ក្នុងទំព័រវែប b8ag.com ។​ ក្នុងនោះ មានមុខសញ្ញា Hoàng Lại Nam (ឈ្មោះហៅក្រៅថា Nam “ngọ”, កើតនៅឆ្នាំ ១៩៧៨​ ស្នាក់នៅសង្កាត់ Phúc Lợi,ខណ្ឌ Long Biên ទីក្រុងហាណូយ)​ បានធ្វើសកម្មភាពជាអ្នកចាត់ចែង តាមរយៈការគ្រប់គ្រងជាដេប៉ូមេ ក្នុងទំព័រវែបសៃ b8ag.comនេះ។

ពាក់ព័ន្ធដល់សំណុំរឿងនេះ ស្នងការនគរបាលស៊ើបអង្កេត ដកហូតបានវត្ថុតាងជាច្រើន ពាក់ព័ន្ធដល់សំណុំរឿងនេះ រួមមាន រថយន្តចំនួន ៨គ្រឿង, ទូរស័ព្ទដៃចំនួន ២២គ្រឿង, ឡាបថបចំនួន ៩គ្រឿង, លុយជាង ៤កោដិ ដុង និង ៥ម៉ឺនដុល្លារអាមេរិក និងឯកសារផ្សេងៗទៀត ពាក់ព័ន្ធអំពើរៀបចំការលេងល្បែងស៊ីសង និងអំពើលេងល្បែងស៊ីសងរបស់មុខសញ្ញាទាំងអស់។ ហើយស្នងការនគរបាលស៊ើបអង្កេតកំណត់បាននូវទឹកប្រាក់សម្រាប់ការលេបល្បែងស៊ីសង ក្នុងខ្សែរយៈឆ្លងប្រទេសនេះ មានប្រមាណជាង ១.៦០០កោដិដុង។

ហើយស្នងការនគរបាលស៊ើបអង្កេតកំពុងបើកទូលាយនៃរឿងព្រហ្មទ័ណ្ឌនេះ៕