ព័ត៌មាននៅក្នុងប្រទេស

១.លោកនាយករដ្ឋមន្ត្រី និងសារព័ត៌មាន Người Lao Độngប្រគល់ទង់ជាតិចំនួន ១០.០០០សន្លឹកដល់អ្នកនេសាទ

ថ្មីៗនេះ នៅក្នុងសន្និសីទអភិវឌ្ឍន៍សេដ្ឋកិច្ចភាគកណ្តាល ដែលបានរៀបចំឡើងនៅក្នុងខេត្ត Bình Định សារព័ត៌មាន Người Lao Động បានសហការជាមួយគណៈកម្មាធិការប្រជាជនខេត្ត Bình Định បានប្រគល់ទង់ជាតិចំនួន ១០.០០០សន្លឹក ដល់អ្នកនេសាទត្រីនៅខេត្ត Bình Định ។ បានដឹងថា នេះជាខេត្តទី ៨ ហើយដែលបានទទួលទង់ជាតិ នៃកម្មវិធី​ “ទង់ជាតិចំនួន ១០លានសន្លឹក រួមជាមួយអ្នកនេសាទច្បាមជាប់សមុទ្រ” ដែលរៀបចំឡើងដោយសារព័ត៌មានNgười Lao Động។

បានដឹងថា កម្មវិធីនេះ មានអត្ថន័យក្នុងការផ្តល់កម្លាំង និងលើកទឹកចិត្តដល់ស្មារតីរបស់អ្នកនេសាទ នៅក្នុង ២៨ខេត្តក្រុងក្នុងទូទាំងប្រទេសដែមានសមុទ្រ; សម្រាប់អ្នកនេសាទនឹងនរចិត្ត ចេញទៅនេសាទត្រីនៅលំហរសមុទ្រដើម្បីច្បាមជាប់ដែនសមុទ្រនៃប្រទេស រួមដៃគ្នា ការពារបូរណភាពតំបន់កោះនិងសមុទ្រដ៏ពិសិដ្ឋរបស់ប្រទេសជាតិ។

២.លើកគ្រោងផែនការបឹងសម្រួលទឹកជាង ១០០បឹង

យោងតាមកម្មវិធីការពារលិចទឹករបស់ទីក្រុងហូជីមិញ គឺដល់ឆ្នាំ ២០២០ ទីក្រុងហូជីមិញ នឹងសាងសង់បឹងសម្រួលទឹកជាង ១០០បឹង។

ហើយក្រៅពីនេះ មជ្ឈមណ្ឌលចាត់ចែងកម្មវិធីការពារលិចទឹករបស់ទីក្រុងហូជីមិញ ក៏បានស្នើរដល់គណៈកម្មាធិការប្រជាជនទីក្រុង អនុញ្ញាតឲ្យសាងសង់បឹងសម្រួលទឹកចំនួន ៥ បឹង សម្រាប់ដំណាក់កាលពីឆ្នាំ 2019-2020 ដែលមានដើមទុនសរុបជាង ៤៧៥កោដិដុង ហើយបឹងសម្រួលទឹកទាំងនេះ នឹងបានសាងសង់នៅក្នុងសួនឧទ្យាន  Hoàng Văn Thụ(ខណ្ឌ Tân Bình), សួនឧទ្យាន Làng hoa Gò Vấp (ស្ថិតក្នុងខណ្ឌ Gò Vấp), សួនឧទ្យានស្ថិតក្នុងបៀឌីញ Trần Thiện Chánh (ក្នុងខណ្ឌលេខ ១០), ទ្រូងចែកផ្លូវដាំរុក្ខជាតិនៅផ្លូវ Phan Xích Long(ក្នុងខណ្ឌ Phú Nhuận) និងនៅក្នុងបរិវេណសួនឧទ្យានដាំរុក្ខជាតិ ទល់មុខនឹងស្នងការនគរបាលសង្កាត់លេខ ២៥ (ក្នុងខណ្ឌ Bình Thạnh)

៣.ថ្នាំ Paracetamol - កាំបិតមុខ ២

Paracetamol គឺជាប្រភេទថ្នាំបន្ថយការឈឺចាប់ និងបញ្ជុះកម្តៅ ត្រូវបានប្រជាជនប្រើប្រាស់យ៉ាងទូលំទូលាយ ដោយមិនបាច់បញ្ចេញប័ណ្ណថ្នាំឡើយ។ ក៏ប៉ុន្តែ បណ្តាអ្នកជំនាញខាងសុខាភិបាលបានជូនអនុសាសន័ថា ការទិញថ្នាំនេះដោយខ្លួនឯង និងលេបច្រើនហួសកម្រិត នឹងនាំមកស្ថានភាពត្រូវពុលថ្នាំកម្រិតធ្ងន់ បង្ករឡើងនូវផលអាក្រក់ដូចជា ថ្លើមចុះទ្រុឌទ្រោម កំណកឈាមច្របូកច្របល់ធ្ងន់ ហើយអាចស្លាប់បាត់បង់ជីវិត។ ដោយហេតុនេះហើយ កម្រិងប្រើប្រាស់ច្រើនបំផុតសម្រាប់កុមារ​ គឺមិនច្រើនជាង 60mg/kg/ថ្ងៃ; មនុស្សធំមិនច្រើនជាង  3g/ថ្ងៃ និងមនុស្សវ័យចំណាស់ គួរតែប្រើក្នុងចំនួនតិចជាង មកពីភារៈរបស់ថ្លើមត្រូវចុះខ្សោយ។

៤.មានសកម្មភាពជាច្រើន សម្រាប់អបអរសាទខួបលើកទី ២០ ឆ្នាំ តំបន់ Hội An, Mỹ Sơn ក្លាយជាបេតិកភណ្ឌវប្បធម៌របស់ពិភពលោក

ថ្មីៗនេះ នៅក្នុងទីក្រុង Hội An គណៈកម្មាធិការប្រជាជនខេត្ត Quảng Nam បានប្រជុំសារព័ត៌មាន ជូនដំណឹងស្តីអំពីបណ្តាសកម្មភាពអបអរសាទខួបលើកទី ២០ ដែលទីក្រុងបុរាណ  Hội An និងតំបន់ប្រាសាទ Mỹ Sơn ត្រូវបានអង្គការ UNESCO ទទួលស្គាល់ថា ជាបេតិកភណ្ឌពិភពលោក និងអបអរសាទខួបលើកទី ១០ឆ្នាំដែលកោះ  Chàm- Hội An  ត្រូវបានទទួលស្គាល់ថា ជាមណ្ឌលបម្រុងជីវសាស្ត្ររបស់ពិភពលោក។

លោក Lê Văn Thanh ជាអនុប្រធានគណៈកម្មាធិការប្រជាជនខេត្ត Quảng Nam បានឲ្យដឹងថា នេះគឺជាព្រឹត្តិការណ៍មួយ បានរៀបចំឡើងក្នុងទ្រង់ទ្រាយធំ រួមមានបណ្តាសកម្មភាពខាងវប្បធម៌, កីឡា, សន្និសីទ, សិក្ខាសាលាអន្តរជាតិ, ទេសចរណ៍ ជាដើម ដែលមានការចូលរួមពីបណ្តាអ្នកស្រាវជ្រាវ អ្នកវិទ្យាសាស្ត្រ សិល្បករ កីឡាកជំនាញ ជាដើម។

GIẢM THIỂU CHẤT THẢI NHỰA TRONG Y Tế

កាត់បន្ថយការបញ្ចេញចោលសំរាមជ័រក្នុងវិស័យសុខាភិបាល

            ជាមួយមណ្ឌលសុខភាពចំនួន ១៣.០០០កនែ្លង និងកម្មាភិបាល បុគ្គលលិកផ្នែកសុខភាបាលរាប់សិបម៉ឺននាក់ បំរើការខាងថែរក្សាសុខភាព និងព្យបាលជំងឺ ដល់អ្នកជំងឺសម្រាកព្យាបាលក្នុងមន្ទីរពេទ្យនិងក្រៅមន្ទីរពេទ្យជិត ១៥៩លាននាក់ក្នុងមួយឆ្នាំនោះ បានជាសំរាមជ័រមានចំនួនច្រើនខ្លាំងណាស់ បានប៉ះពាល់មិនតិចដល់បរិស្ថាន។

            ហើយដើម្បីដោះស្រាយបញ្ហាកាកសំណល់ជ័រ ដែលរដ្ឋាភិបាលបានដាក់ចេញនោះ ក្រសួងសុភាភិបាល និងកម្មវិធីអភិវឌ្ឃ៍អង្គការសហប្រជាជាតិ (UNDP) បានរៀបចំសន្និសិទក្នុងទូទាំងប្រទេស លើបណ្តាញអ៊ីនធ័រណែត សម្រាប់ដំណើរការកម្មវិធី កាត់បន្ថយសំណល់ជ័រក្នុងផ្នែកសុខាភិបាល។

យោងតាមតួលេខនៃសេចក្តីរាយការណ៍ពីបណ្តាមន្ទីរសុខភិបាល និងមន្ទីរពេទ្យចំណុះក្រសួងសុខាភិ​បាលបានដឹងថា សរុបចំនួនសំរាមសុខាភិបាលគ្រោះថ្នាក់គិតជាមធ្យមក្នុងមួយឆ្នាំប្រមាន ២១.៣០០ តោន ក្នុងនោះ សំរាមសុខភាភិបាលគ្រោះថ្នាក់ ត្រូវបានដោះស្រាយជាង ២១.១០០តោន​(ស្មើរនឹង ៩៩,១%)។

លោកស្រីរដ្ឋមន្ត្រីក្រសួងសុខាភិបាល Nguyễn Thị Kim Tiến បានឲ្យដឹងថា ក្នុងទូទាំងប្រទេស មានមណ្ឌលសុខភាពចំនួន ១៣.០០០កនែ្លង ហើយជារៀងរាល់ឆ្នាំ​ បានព្យាបាលដល់អ្នកជំងឺជាង ១៥០លាននាក់ និងអ្នកជំងឺមកពីនិត្យជំងឺជាង ៣០០នាលអនាក់។ មិនតែប៉ុណ្ណោះ នៅពេលអ្នកជំងឺចូលព្យាបាលក្នុងមន្ទីរពេទ្យ​ នឹងមានអ្នកផ្ទះទៅជាមួយពី ១ ទៅ ២នាក់ បានជាចំនួនសំរាមដែលបញ្ចេញចោលពីអ្នកទាំងនេះ មានចំនួនធំណាស់។ យោងតាមសេចក្តីរាយការណ៍ពីមន្ទីរពេទ្យមួយចំនួនបានដឹងថា ចំនួនកាកសំណល់ផ្នែកសុខាភិបាលប្រមាន ៥% គឺធ្វើពីជ័រ ប្រមាណ ២២តោនក្នុងមួយថ្ងៃ។ ក្នុងនោះ ការផ្លាស់ប្តូរការយល់ដឹង និងកំណកំណើតចេញនូវទម្លាប់ដល់បុគ្គលិកសុខាភិបាល អ្នកជំងឺ​ និងសាច់ញាតិរបស់អ្នកជំងឺ ចំពោះការផ្លាស់ប្តូរផលិតផលជ័រប្រើប្រាស់ម្តង និងបន្ថយបញ្ចេញកាកសំណល់ជ័យនោះ គឺជារយៈពេលវែងមួយ ហើយជំហានដំបូង ​អនុវត្តបានតែនៅមណ្ឌលសុខាភិបាលមួយចំនួនប៉ុណ្ណោះ។

ដើម្បីអនុវត្តនូវពាក្យអំពាវនាវរបស់លោកនាយករដ្ឋមន្ត្រី ព្រមទាំងអនុវត្តនូវកម្មវិធី មន្ទីរពេទ្យបៃតង-ស្អាត និងស្និតស្នាលនិងបរិស្ថានដែលកំពុងត្រូវបានដំណើការនោះ លោកស្រីរដ្ឋមន្ត្រីបានចេញសារាចរណ៍ តម្រូវដល់បណ្តាមណ្ឌលសុខាភិបាល កម្មាភិបាល និងបុគ្គលិកសុខាភិបាលនានា ត្រូវបន្ថយបញ្ចេញសំរាមជ័រក្នុងផ្នែកសុខាភិបាល។

លោកស្រីរដ្ឋមន្ត្រីបានតស្នើរដល់បណ្តាអង្គការ និងបុគ្គលនានាមានការពាក់ព័ន្ធ ត្រូវសហការយ៉ាងស្អិតរមួត ជាមួយបណ្តាស្ថាប័ន និងអង្គភាពនានា ចំណុះផ្នែកសុខាភិបាល គួរតែបញ្ឈប់ប្រើប្រាស់ស្បោងនីឡុង ដែលពិបាករំលាយ និងផលិតផលជ័រប្រើម្តង។ ស្នើដល់បណ្តាអង្គភាពចំណុះក្រសួងសុខភិបាល, នាយកបណ្តាមន្តីរពេទ្យ, សាលារៀន និងមណ្ឌលសុខាភិបាលចំណុះក្រសួង ត្រូវចុះហត្ថលេខា សន្យាជាមួយរដ្ឋមន្ត្រី ក្នុងការកាត់បន្ថយបញ្ចេញចោលសំរាមជ័រ។​ជាងនេះទៅទៀត នាយកមួយរូបៗ ត្រូវចុះហត្ថលេខាជាមួយប្រធានផ្នែកក្នុងអង្គភាពខ្លួន ត្រូវចុះហត្ថលេខាសន្យាជាមួយបុគ្គល, គ្រូពេទ្យ នៅនៅរៀបចំទិញឧបករណ៍ផ្សេងៗ​ត្រូវបន្ថយទិញឧបករណ៍ជាជ័រប្រើម្តង៕