អំពីព័ត៌មាននៅក្នុងប្រទេស

១.រៀបចំការវាយតម្លៃពហុភាគី ស្តីអំពីការការពារអំពើលាងលុយកខ្វក់ និងឧបត្ថម្ភភេរវកម្ម

ថ្មីៗនេះ​នៅក្នុងទីស្នាក់ការរដ្ឋាភិបាល លោកឧបនាយករដ្ឋមន្ត្រី Vương Đình Huệ ជាប្រធានគណៈបង្គាប់ការជាតិ ស្តីអំពីការការពារអំពើលាងលុយកខ្វក់ បានដឹងកនាំអង្គប្រជុំនៃគណៈបង្គាប់ការនេះ។

បានដឹងថា  អង្គប្រជុំនេះប្រយោជន៍ដើម្បីវាយតម្លៃ និងផ្ទៀងផ្ទាត់លទ្ធផល នៃការជម្រុលកម្មាភិបាល និងផ្នែកនានា ត្រូវអនុវត្តបណ្តាភារកិច្ចសំខាន់ៗ និងបន្ទាន់ សម្រាប់ផ្តល់ព័ត៌មាននានាដល់ក្រុមវាយតម្លៃពហុភាគីក្រុមអាស៊ី-ប៉ាស៊ីហ្វិក ចំពោះកិច្ចការការពារអំពើលាងលុយកខ្វក់ ដែលនឹងរៀបចំឡើងនៅចុងឆ្នាំនេះ។

លោកឧបនាយករដ្ឋមន្ត្រី Vương Đình Huệ បានលើកឡើងច្បាស់ អំពីសារសំខាន់​នៃការវាយតម្លៃពហុភាគីនេះ អំពីផលប៉ះពាល់នៃលទ្ធផលរបស់បញ្ជីវាយតម្លៃនេះ ចំពោះផ្នែកសេដ្ឋកិច្ច នយោបាយ និងសង្គមកិច្ចទាំងមូលរបស់ប្រទេសវៀតណាម។ ហើយលោក Vương Đình Huệ ក៏បានស្នើដល់បណ្តាក្រសួង ផ្នែកពាក់ព័ន្ធ និងសមាជិកនានានៃគណៈបង្គាប់ការនេះ ត្រូវផ្តោតទៅលើការបង្គាប់ការអនុវត្ត និងមានសកម្មភាពជាបន្ទាន់ ដែលបានពិភាក្សារួចហើយ និងមានការឯកភាព។

២.ព្រលែងសត្វអណ្តើកសមុទ្រដ៏កម្រ​ចេញទៅសមុទ្រ

ថ្មីៗនេះ កម្មករមួយក្រុម កំពុងធ្វើការនៅបរិវេណបឹងរបត់ទឹក របស់រោងចក្រផលិតភ្លើងអគ្គិសនី Vũng Áng 1 (ស្ថិតក្នុងឃុំ Kỳ Lợi, ទីរួមខេត្ត  Kỳ Anh ខេត្តHà Tĩnh) ស្រាប់តែឃើញសត្វអណ្តើសមុទ្រដ៏កម្រមួយក្បាល នៅមានកម្លាំងល្អ ទំងន់ ១២គីឡូក្រាម ត្រូវជាប់គាំងក្នុងរហាត់ទឹក។ ភ្លាមនោះ ក្រុមកម្មករនេះ ក៏បានរាយការណ៍ឡើងកម្មាភិបាលរោងចក្រ រួចដោះអណ្តើកចេញពីរហាត់ ព្រលែងចេញទៅសមុទ្រ។

៣.បន្ទាប់ពីផ្លែស្រកានាគ គឺផ្លែស្វាយបាននាំចូលក្នុងទីផ្សារនៃប្រទេស Chile

ថ្មីៗនេះ នៅក្នុងកិច្ចជំនួបជួបជុំមួយ នៅក្នុងទីក្រុងហូជីមិញ រវាងស្ថាប័នរដ្ឋ ២ វៀតណាម និងប្រទេសស៊ីលី លោកតំណាងការិយាល័យពាណិជ្ជកម្ម  ProChile នៅទីក្រុងហូជីមិញ​(ចំណុះស្ថានទូតនៃប្រទេសស៊ីលីប្រចាំនៅវៀតណាម) បានឲ្យដឹងថា កាលពីថ្ងៃទី 15-8កន្លងទៅ មានបន្ថែមផ្លែប៉ម Chile និងផ្លែស្វាយវៀតណាម ត្រូវបាននាំចេញនិងនាំចូលនៃប្រទេសទាំងពីរ។

ហើយរយៈពេលនេះ ភាគីទាំងពីរកំពុងចរចារជាមួយគ្នា សម្រាប់អនុញ្ញាតឲ្យនាំចូល និងនាំចេញផ្លែ cherry Chile និងផ្លែក្រូចធ្លុងវៀតណាម។

៤.រូបិយប័ណ្ណអនិកជនវេមកពីបរទេសចូលទីក្រុងហូជីមិញ បានចំនួន ៣ពានើ ៤៥លានដុល្លារ

ធនាគាររដ្ឋ សាខាទីក្រុងហូជីមិញបានឲ្យដឹងថា តាមការប៉ាន់ស្មាន ៨ ខែឆ្នាំ ២០១៩ រូបិយប័ណ្ណដែលអនិកជនបង្វែរពីបរទេស ចូលទីក្រុងហូជីមិញ សម្រេចបាន ៣ ពាន់ ៤៥ លានដុល្លារអាមេរិក ហើយគ្រោងទុក គឺពេញមួយឆ្នាំ អាចសម្រេចជាង ៥ពាន់លានដុល្លារអាមេរិក។

បានដឹងថា ប្រទេសវៀតណាម មានអនិកជនប្រមាណ ៤លាន ៥សែននាក់​ កំពុងរស់នៅប្រទេសក្រៅប្រមាណ ៤លាន ៥សែននាក់ ដែលមានបំណងចង់រួមចំណែកក្នុងការរីកចម្រើននៃប្រទេសជាតិ។ ហើយចំនួនរូបិប័ណ្ណដែលពួកគាត់ផ្ញើមកប្រទេស មានកំណើនជាបន្តបន្ទាប់ក្នុងរយៈពេល ១០ឆ្នាំកន្លងទៅ បានស្ថិតក្នុងក្រុម ១០ប្រទេស​មានរូបិប័ណ្ណបរទេសផ្ញើមកស្រុកកំណើតច្រើនជាងគេ។

ព័ត៌មានអន្តរជាតិ

៥.ប្រទេសជប៉ុនកែសម្រួលគណៈរដ្ឋមន្ត្រី

លោកប្រធានាធិបតីនៃប្រទេសជប៉ុន Shinzo Abe បានជូនដំណឹងថា នឹងកែសម្រួលគណៈរដ្ឋមន្ត្រី  និងថ្នាក់ដឹកនាំគណៈបក្សសម្ព័ន្ធដើម្បីប្រជាធិបតេយ្យ (LDP) កាន់អំណាច នៅថ្ងៃទី ១១ ខែកញ្ញាខាងមុខនេះ។

បានដឹងថា នេះជាការកែសម្រួលគណៈរដ្ឋមន្ត្រីដំបូងបង្អស់ ចាប់ពីខែតុលា ឆ្នាំ ២០១៨មក ប្រយោជន៍ដើម្បី ធានាស្ថិរភាពនយោបាយ ព្រមទាំងមានលទ្ធភាពគ្រប់គ្រាន់ សម្រាប់ទប់ទល់នឹងផលវិបាកថ្មី។ ហើយតាមការគ្រោងទុក ការកែសម្រួលលើកនេះ នឹងមានសមាជិកសភាវ័យក្មេងបានជ្រើសរើស ចូ័លក្នុងសមាសភាពគណៈរដ្ឋមន្ត្រី។

៦.ក្រុមប្រទេស G20 យកចិត្តទុកដាក់ជាសំខាន់ដល់មនុស្សចាស់

សន្និសិទបណ្តារដ្ឋមន្ត្រីក្រុម ២០ ប្រទេសអភិវឌ្ឍន៍ និងទើបលិចធ្លោថ្មីនាំមុខគេលើទូទាំងពិភពលោក បានចេញសេចក្តីប្រកាសរួម អំពីការអំពាវនាវឲ្យកសាងនូវបរិស្ថានធ្វើការដោយសុវត្ថិភាព​ និងតម្លាភាព សម្រាប់មនុស្សចាស់ ដែលស្ថិតក្នុងស្ថានភាពមានប្រទេសជាច្រើន កំពុងប្រឈមមុខនឹងស្ថានភាពមានចំនួនមនុស្សចាស់ច្រើន។ ហើយរដ្ឋមន្ត្រីទាំងអស់ បានឯកភាពគ្នា ត្រូវមានតែមានគោលនយោបាយជ្រៀតជ្រែតមួយ សម្រាប់ធានាផលប្រយោជន៍របស់ពលករវ័យចំណាស់ និងម្ចាស់ក្រុមហ៊ុន  ព្រមទាំងជំនួយក្នុងការបង្កើនក្តីសង្ឃឹម ក្នុងការស្វែងរកការងារធ្វើ សម្រាប់ពលករវ័យចំណាស់។

៧.ជនចំណាក់ស្រុកជិត ២០០នាក់ ត្រូវបានជួយអាយុជីវិតនៅមេឌីទេរ៉ាណេ

កម្លាំងការពារដែនសមុទ្រនៃប្រទេសអេស្ប៉ាញបានឲ្យដឹងថា ប្រទេសនេះទើបជួយសង្គ្រោះអាយុជីវិតជនចំណាក់ស្រុកជិត ២០០នាក់ ដែលជនទាំងនេះ កំពុងខិតខំធ្វើដំណើរពីតំបន់អាហ្វ្រិកខាងជើង ចូលប្រទេសអេស្ប៉ាញ។

ហើយយោងតាមតួលេខពីអង្គការសហប្រជាតិបានដឹងថា ចំនួនជនចំណាកស្រុកខុសច្បាប់តាមផ្លូវសមុទ្រ ពីតំបន់មេឌីទេរ៉ាណេ និងតំបន់អាហ្វ្រិកខាងជើង ដល់បណ្តាប្រទេសជាសមាជិកសម្ព័ន្ធអឺរ៉ុប ក្នុងឆ្នាំ ២០១៥ គឺជាងមួយលាននាក់ ហើយតួលេខនេះនៅឆ្នាំ ២០១៨ ចំនួន ១៤១.៥០០នាក់។ ហើយប្រការគួរឲ្យចាប់អារម្មណ៍ថា ប៉ាន់ស្មានមានជនចំណាក់ស្រុកជិត ១៥ពាន់នាក់ ត្រូវស្លាប់ ឬ បាត់ខ្លួនក្នុងដំណាក់កាលខិតខំឆ្លងសមុទ្រដ៏សែនគ្រោះថ្នាក់នេះ។

RỘNG CỬA CHO NGƯỜI NGHÈO XUẤT NGOẠI LÀM VIỆC

ឱកាសជា​ច្រើន សម្រាប់អ្នកក្រ បានចេញទៅប្រទេសក្រៅពលកម្ម

កាលពីមុន សមាជិកនៃក្រុមគ្រួសារក្រីក្រ និងស្ថិតនៅបន្ទាត់ក្រីក្រ នៅក្នុងភូមិសាស្ត្រទីក្រុងហូជីមិញ បានខ្ចីលុយច្រើនជាងគេចំនួន ១០០លានដុងនោះ គឺពេលនេះ ពួកគាត់បាន ខ្ចីលុយដោយអតិភាព យោងតាមតម្លៃនៃកិច្ចសន្យាពេលចេញទៅប្រទេសក្រៅ​ធ្វើពលកម្ម។ ការបង្កើនកម្រិតកម្ចីដោយយោងតាមកិច្ចសន្យានេះ នឹងជួយសម្រួលដល់ការលំបាកខាងដើមទុន សម្រាប់បំណងចង់ទៅធ្វើពលកម្មនៅប្រទេសក្រៅ។

អ្នកស្រី  Lý Thị Ngọc Kiều (អាយុ ៦២ឆ្នាំ ស្នាក់នៅសង្កាត់លេខ ២ខណ្អ១១) មានកូនស្រី ២​ នាក់ ក្រុមគ្រួសារគាត់មានស្ថានភាពក្រលំបាកខ្លាំង ស្ថិតក្នុងរបបក្រុមគ្រួសារក្រីក្រ។ ៣នាក់ម្តាយនិងកូននេះ គ្មានផ្ទះសម្បែងស្នាក់នៅទេ ត្រូវសុំនៅបណ្តោះអាសន្នផ្ទះរបស់សាច់ញាតិគាត់។ ទោះបីជាមានក្រលំបាកខ្លាំងយ៉ាងណា ក៏អ្នកស្រី Lý Thị Ngọc Kiều ខិតខំចិញ្ចឹមកូន បានទៅរៀននឹងគេនឹងឯង ដោយមានការជួយឧបត្ថម្ភពីសំណាក់មូលដ្ឋាន។ ហើយនៅពេលបានប្រឡងជាប់មហាវិទ្យាល័យ កូនស្រីរបស់គាត់ឈ្មោះ Trịnh Mỹ Hảo បានជ្រើសរើសរៀនខាងភាសាចិន ព្រមទាំងបានប្រថុយខ្ចីលុយចំនួន ២៥លានដុង ពីមូលនិធិបំបាត់ភាពក្រីក្រ សម្រាប់ចំណាយក្នុងពេលសិក្សា។ ពេលចេញពីសកលវិទ្យាល័យ គាត់បានទៅធ្វើការនៅតៃវ៉ាន់ ហើយក៏មានជីវិតរស់នៅស្ថិរភាព។ អ្នកស្រី Lý Thị Ngọc Kiều បានសំណេះសំណាលថា៖ “ពេលនេះ ខ្ញុំមិនបារម្ភចំពោះការងាររបស់កូនទៀតឡើយ។ ដោយមាការជួយឧបត្ថម្ភពីមូលដ្ឋាន កូនស្រីខ្ញុំបានសិក្សា និងមានការងារធ្វើប្រចាំ”។

ហើយមិនត្រឹមតែកូនស្រីរបស់គាត់ប៉ុណ្ណោះទេ គឺរយៈពេលកន្លងមក ក៏មានកូនចៅអ្នកស្ថិតក្នុងគ្រួសារក្រីក្រ និងស្ថិតនៅបន្ទាត់ក្រីក្រក្នុងភូមិសាស្ត្រទីក្រុងហូជីមីញ ក៏បានអតិភាពខ្ចីលុយ ដោយមិនបាច់មានការធានា សម្រាប់ទៅធ្វើការនៅប្រទេសក្រៅផងដែរ។  

ឱកាសបានទៅធ្វើការក្រៅប្រទេសចំពោះអ្នកក្រីក្រគឺច្រើនណាស់។ ក្រុមហ៊ុនភាគហ៊ុនវិនិយោគពាណិជ្ជកម្ម និងធនធានមនុស្សអន្តរជាតិ (INTIME) កំពុងជ្រើសរើសសិក្ខាកាមចំនួន ២០នាក់ សម្រាប់ទៅប្រទេសជប៉ុន បំពេញការងារខាងប្រមូលកសិផល និងកែច្នៃដំណាំ ដោយប្រាក់បៀវត្សរ៍ជាមូលដ្ឋានជាង ១៧៦.០០០យ៉នក្នុងមួយខែ(ស្មើរ ៣៨លានដុងក្នុងមួយខែ)។ រីឯក្រុមហ៊ុន ESUHAI កំពុងជ្រើសរើសជាបន្ទាន់នារីចំនួន ៦៤រូប ដែលបានបញ្ជប់មធ្យមសិក្សាទុតិយភូមិឡើងទៅ ធ្វើការខាងកែច្នៃអាហារ ធ្វើនំប៉័ង និងដាំដំណាំនៅប្រទេសជប៉ុន ដោយប្រាក់បៀវត្សរ៍ជាមូលដ្ឋានចំនួន ២៨លានដុងក្នុងមួយខែ (ដោយមិនទាន់បានគិតការធ្វើបន្ថែមម៉ោង)។

តាមការគ្រោងទុក បន្ទាប់ពីធ្វើការបាន ៣ឆ្នាំ គឺពលករអាចសន្សំលុយបាន ៥០០លានដុង។ ក្រុមហ៊ុននានាបានឲ្យដឹងថា ពលករនៅទីក្រុងហូជីមិញ ចូលចិត្តទៅធ្វើការនៅប្រទេសជប៉ុន មកពីមានប្រាក់ខែច្រើនគួរសម។ ក៏ប៉ុន្តែ ចំណាយដំបូងសម្រាប់បានទៅធ្វើការនៅប្រទេសជប៉ុន គឺខ្ពស់ជាង បើប្រៀបធៀបនឹងទីផ្សារផ្សេងៗ គឺប្រមាណ ១០០លានដុង សម្រាប់ពលករមួយរូប។ ហើយ ជាមួយគោលនយោបាយថ្មីនេះ ត្រូវបានវាយតម្លៃថា បានបើកចេញនូវឱកាសដ៏ធំមួយ សម្រាប់អ្នកក្រីក្រ និងស្ថិតនៅបន្ទាត់ក្រីក្រ បានចេញទៅប្រទេសក្រៅធ្វើពលកម្ម។

បានដឹងថា​​ ចាប់ពីចុងឆ្នាំ ២០១៨ បន្ទាប់ពីធ្វើការសិក្សាស្រាវជ្រាវ អំពីតម្រូវការខាងបានខ្ចីដើមទុនសម្រាប់ឆ្នាំ ២០១៩-២០២០ នៃប្រជាជនជិត ៦០.០០០ក្រុមគ្រួសារ​នោះ គឺទីក្រុងហូជីមីញ នឹងផ្តល់ថវិការពីមូលនិធិបំបាត់ភាពក្រីក្រ ឆ្នាំ ២០១៩ ចំនួន ២៣២ពាន់លានដុង និងឆ្នាំ ២០២០ ចំនួន ២៦៨ពាន់លានដុង៕