ព័ត៍មាននៅក្នុងប្រទេស

១.មានបន្ថែមវ៉ាក់សាំង “មុខងារ៥” ថ្មីបានចរាចរណ៍

វិជ្ជាស្ថានអនាម័យការពារជំងឺរាត្បាតមជ្ឈិមបានឲ្យដឹងថា​ ចាប់ពីដើមខែឧសភាតទៅ កម្មវិធីចាក់វ៉ាក់សាំងការពារជំងឺបើកទូលាយថ្នាក់ជាតិ នឹងបានចរាចរណ៍បន្ថែមវ៉ាក់សាំង “មុខងារ ៥”ហើយ សម្រាប់ចាក់ការពារជំងឺជូនកុមារ។ បានដឹងថា វ៉ាក់សាំងនេះ បានការពារជំងឺ ៥ ប្រភេទដូចជា៖ ជំងឺខាន់ស្លាក់, ក្អក់មាន់, តេតាណូស, រលាកថ្លើមប្រភេទប៊ី, និងជំងឺHib; ហើយវ៉ាក់សាំងនេះ ត្រឹមត្រូវតាមស្តង់ដារពិនិត្យរបស់អង្គការសុខាភិបាលពិភពលោក។

២.ជូនមណ្ឌលសុខភាពឃុំនូវម៉ាស៊ីនអេកូ  3D

មន្ទីរសុខាភិបាលខេត្ត Hà Tĩnhបានឲ្យដឹងថា ក្រសួងសុខាភិបាលបានជូនម៉ាស៊ីនអេកូ 3D មួយគ្រឿងដ៏ទំនើប មានតម្លៃជិត ១ពាន់លានដុងដល់មណ្ឌលសុខភាពឃុំCẩm Bình (ស្រុក Cẩm Xuyên)។ នៅក្នុងពិធីប្រគល់ លោកអនុរដ្ឋមន្ត្រីក្រសួងសុខាភិបាល Nguyễn Viết Tiến បានសម្តែងនូវសេចក្តីជឿជាក់ទៅលើការប្រគល់ម៉ាស៊ីនអេកូនេះ នឹងជួយមណ្ឌលសុខភាពឃុំCẩm Bình លើកកម្ពស់គុណភាពពិនិត្យ និងព្យាបាលជំងឺគ្រាដំបូងជូនប្រជាជនក្នុងតំបន់។

៣.ចំណាយលុយចំនួន ២.០០០ពាន់លានដុងក្នុងមួយឆ្នាំ សម្រាប់ព្យាបាលជំងរំលាយកំណកឈាមពីកំណើត

លោកវេជ្ជបណ្ឌិត Bạch Quốc Khánh ប្រធានវិជ្ជាស្ថានលោហិតវិទ្យា នៃមន្ទីរពេទ្យផ្តល់ឈាមមជ្ឈិមបានឲ្យដឹងថា សព្វថ្ងៃនេះ ក្នុងទូទាំងប្រទេស មានប្រជាជនដល់ទៅ  12% មានហ្សែនជំងឺកំណកឈាមពីកំណើត  (Thalassemia)គឺស្មើរនឹងប្រជាជនចំនួន ១៣លាននាក់។

ហើយថ្នាក់ដឹកនាំនៃវិជ្ជាស្ថានលោហិតវិទ្យាបានឲ្យដឹងថា ដើម្បីព្យាបាលឲ្យអ្នកជំងឺកើតជំងឺកំណកឈាមពីកំណើតនេះ គឺក្នុងមួយឆ្នាំៗ ត្រូវចំណាយលុយយ៉ាងតិច២.០០០ពាន់លានដុង និងត្រូវការឈាមប្រមាណ ៥០០.០០០ឯកត្តា។ និងចំណាយសម្រាប់ព្យាបាលឲ្យអ្នកជំងឺមួយរូប ចាប់ពីកំណើត រហូតដល់វ័យ ៣០ឆ្នាំ គឺត្រូវការលុយប្រមាណ ៣ពាន់លានដុង។ ហើយបើសិនជាមិនបានទទួលការព្យាបាលទាន់ពេលវេលា គឺអ្នកជំងឺនឹងត្រូវប្រែទម្រង់មុខដើម, ចម្លងរោគក្នុងឈាម, ខ្សោយក្រពេញបញ្ចេញក្នុង, កម្រធំ, ថ្លើមចុះខ្សោយ, បេះដូងចុះខ្សោយ និងហានិភ័យត្រូវស្លាប់ខ្ពស់។

ព័ត៍មានអន្តរជាតិ

៤.រកឃើញអ្នកជំងឺចំនួន ៤៥០នាក់ត្រូវស្លាប់ឆាប់មកពីប្រើថ្នាំបង្អន់ឈឺចាប់ក្រុមopioid

ប៉ូលីលនៃប្រទេសអង់គ្លេសបានបើកការស៊ើបអង្កេតមួយ នៅក្នុងមន្ទីរពេទ្យ  Gosport War Memorial Hospital ស្ថិតនៅភាគខាងត្បូងនៃប្រទេសនេះ​ មកពីបានរកឃើញអ្នកជំងឺចំនួន ៤៥០នាក់ ត្រូវបានចាត់ទុកថា ឆាប់ស្លាប់ពេក បន្ទាប់ពីបានប្រើថ្នាំបង្អន់ឈឺចាប់ប្រភេទធ្ងន់។

ការស៊ើបអង្កេតនេះ ត្រូវបានអនុវត្តក្រោយពេលក្រសួងយុត្តិធម៌អាមេរិក និងក្រសួងសុខាភិបាល បានជូនដំណឹងថា មានមនុស្ស ៦០នាក់ ក្នុងនោះមានភ្នាក់ងារសុខាភិបាលចំនួន​ ៥៣នាក់ ត្រូវចោទប្រកាន់ថា មានអំពើចេញបញ្ជាថ្នាំ និងចែកចាយខុសច្បាប់ថ្នាំបំបាត់ការឈឺចាប់ក្រុម  opioid រួមមានថ្នាំញៀនគ្រប់ប្រភេទ, ថ្នាំបុរាណមានប្រភពពីថ្នាំញៀន និងmorphin។

៥.ប្រទេសឥណ្ឌាក្តៅខ្លាំង

ភាគខាងលិចនៃប្រទេសឥណ្ឌាកំពុងឆ្លងកាត់ថ្ងៃក្តៅដ៏សែនអាកក្រក់ ហើយតាមមន្ត្រីក្នុងមូលដ្ឋានបានដឹងថា សីតុណ្ហភាពនៅតំបន់  Gujaratបានឡើងដល់ទៅ 44°Cក្នុងថ្ងៃទី ២៨ខែមេសា ហើយអាចឡើងទៀត។ ហើយផ្នែកសុខាភិបាលនៃប្រទេសនេះបានផ្តល់អនុសាសន៍ថា ប្រជាជនគួរតែមិនចេញទៅក្រៅបើសិនជាគ្មានបញ្ហាធំដំនោះ។

៦.សត្វផែនគ្លីនរាប់ពាន់ក្បាលត្រូវស្លាប់មកពីធាតុអាកាសប្រែប្រួល

បណ្តាអ្នកវិទ្យាសាស្ត្រនៅមជ្ឈមណ្ឌលស្រាវជ្រាវតំបន់ប៉ូលខាងត្បូងបានជូនដំណឹងថា សត្វផែនគ្លីនតូចៗរាប់ពាន់ក្បាលត្រូវស្លាប់ ដោយមូលហេតុមកពីធាតុអាកាសប្រែប្រួល។

ĐỀ ÁN 10.000 CỦA BLOUSE TRẮNG

គម្រោងការ ១០.០០០របស់យុវវេជ្ជបណ្ឌិត

ទីក្រុងហូជីមិញមានគុណភាពរស់នៅល្អ គឺសុខភាពរបស់ប្រជាជនត្រូវបានទទួលការថែរក្សាល្អ។ ជាមួយគោលដៅនេះ យុវវេជ្ជបណ្ឌិតនៅមហាវិទ្យាល័យវេជ្ជសាស្ត្រទីក្រុងហូជីមិញ បានខិតខំចងចក្រងគម្រោងការថែរក្សាអ្នកជំងឺ ដល់ប្រជាជនចំនួន ១០.០០០នាក់ក្នុងភូមិសាស្ត្រទីក្រុង ប្រយោជន៍ដើម្បីឲ្យកំណរកំណើតចេញនូវទម្លាប់ថែរក្សាសុខភាពដោយខ្លួនឯង និងទៅពិនិត្យជំងឺប្រចាំដល់ប្រជាជន។

លោកស្រី Nguyễn Thị Cần (ស្នាក់នៅឃុំ  Xuân Thới Thượng, ស្រុក  Củ Chi)បានសំណេះសំណាលថា ប៉ុន្មានឆ្នាំកន្លងមកនេះ គាត់ត្រូវបានក្រុមយុវវេជ្ជបណ្ឌិតពិនិត្យ និងផ្តល់ប្រឹក្សាអំពីសុខភាពអស់ពីចិត្ត ដោយហេតុនេះហើយ បានជាជំងឺទឹកនោមផ្អែមរបស់គាត់ធូរច្រើនណាស់។ ហើយលោកស្រីបានបន្តទៀតថា មិនត្រឹមតែមានគាត់ម្នាក់ទេ បានទទួលការថែរក្សាសុខភាព គឺនៅមានប្រជាជនក្នុងតំបន់រាប់រយនាក់ទៀត បានទទួលការថែរក្សាសុខភាពដូចគាត់ គឺមានទាំងក្មេងនិងមនុស្សចាស់។

បានដឹងថា ដោយបានដកបទពិសោធន៍ពីបណ្តាកម្មវិធីពិនិត្យនិងព្យាបាលជំងឺមុនៗ ព្រមទាំងបានស្វែងយល់ភាពជាក់ស្តែង បានជាពេលនេះក្នុងតួនាទីដឹកនាំសម្ព័ន្ធយុវជននៃមហាវិទ្យាល័យវេជ្ជសាស្ត្រទីក្រុងហូជីមិញនោះ គ្រូ Trương Văn Đạtបានសម្គាល់ឃើញថា ចាំបាច់ត្រូវឆ្លៀតប្រើវ័យក្មេងរបស់និស្សិត និងយុវវេជ្ជបណ្ឌិត សម្រាប់កែលំអរការថែរក្សាសុខភាពជូនប្រជាជន, ជំរុញការអនុវត្តឲ្យបានខ្លាំងក្លាកម្មវិធីជំនួយប្រជាជនថែរក្សាសុខភាពដោយខ្លួនឯង,ពិនិត្យក្នុងទ្រង់ទ្រាយធំបណ្តាជំងឺកើតប្រចាំ សម្រាប់រកឃើញជំងឺទាន់ពេលវេលា, ពិសេស គឺការជួយប្រជាជនចេះការពារពីជំងឺ។ ហើយក្រោយពីពិនិត្យនូវរូបភាពគំរូជាច្រើន ដែលគ្រូ Trương Văn Đạtនិងនិស្សិតក្នុងមហាវិទ្យាល័យបានកសាង ហើយទីបញ្ជប់ គម្រោង១០.០០០ ត្រូវបានជ្រើសរើស សម្រាប់អនុវត្តជាក់ស្តែង។ គម្រោងការនេះ បានអនុវត្តក្នុងរយៈពេល ២​ឆ្នាំ ចាប់ពីឆ្នាំ ២០១៧ ដែលមានខ្លឹមសារ ១០គឺ៖ ពិនិត្យស្វែងរកសម្ពាធឈាម, ជាតិស្ករក្នុងឈាម, ជំងឺពុកឆ្អឹង, មហារីកសុដន់, មហារីកមាត់ស្បូន, ថែរក្សាសុខភាពមាត់ធ្មេញ…។

ហើយនៅពេលវាយតម្លៃអំពីគម្រោងការនេះ លោកបណ្ឌិត Trần Diệp Tuấnនាយកមាហាវិទ្យាល័យវេជ្ជសាស្ត្រទីក្រុងហូជីមិញបានឲ្យដឹងថា​ នេះជាគម្រោងការមួយ ដែលមានខ្លឹមសារអនុវត្តជាក់ស្តែង ចូលក្នុងជីវភាពរស់នៅរបស់ប្រជាជន និងមានអត្ថន័យយ៉ាងធំធេញ ក្នុងការថែរក្សាសុខភាពប្រជាជន, ជួយឲ្យប្រជាជនកំណរកំណើតចេញនូវគំនិតម្ចាស់ការថែរក្សសុខភាពខ្លួន សម្រាប់ការពារជំងឺ។ ហើយនេះក៍ជាសកម្មភាពស្មគ្រ័ចិត្តមួយ ជួយឲ្យគ្រូនិងនិងនិស្សិតមានឱកាសបានលត់ដំ រៀនសូត្រ និងអនុវត្តចំណេះដែលបានរៀនសូត្រជាក់ស្តែង រួមចំណែកក្នុងកក្នុងការលើកកម្ពស់ចំណេះនិងមុខជំនាញ។ ហើយផ្តើមពីប្រសិទ្ធិភាពនៃគម្រោងការនេះ មហាវិទ្យាល័យវេជ្ជសាស្ត្រទីក្រុងហូជីមិញ នឹងបន្តដកបទពិសោធន៍ ព្រមទាំងអនុវត្តឲ្យបានល្អជាង សម្រាប់បំរើប្រជាជនក្នុងទីក្រុង៕