១.ពិន័យជួរគ្រូបង្រៀន និងអ្នកគ្រូវាយកូនសិស្សនៅទីក្រុង Hải Phòng

លោក Dương Đình Ổn ជាប្រធានគណៈកម្មាធិការប្រជាជនខណ្ឌ Hồng Bàng នៃទីក្រុង Hải Phòng បានឲ្យដឹងថា ខណ្ឌបានប្រកាសសេចក្តីសម្រេចផាកពិន័យ ចំពោះទង្វើល្មើសរបស់ជួរគ្រូបង្រៀន និងអ្នកគ្រូល្មើស ដែលពាក់ព័ន្ធដល់ករណីអ្នកគ្រូNguyễn Thị Thu Trang បានវាយ និងទះកំផ្លៀងកូនសិស្ស នៅសាលាបឋមសិក្សា Quán Toan ក្នុងខណ្ឌ  Hồng Bàng។

យោងតាមនោះ នាយកសាសានេះ ត្រូវរៀបចំ និងបំពេញបែបបទពិន័យចំពោះអ្នកគ្រូ​ Nguyễn Thị Thu Trang ដោយរូបភាព បញ្ឈប់ពីការងារ ចំពោះអ្នកគ្រូឈ្មោះ  Phạm Thị Vân បានទទូលពិន័យគឺស្តីរំលឹក។

ចំពោះគណៈនាយកសាលា និងនាយកសាលាផ្ទាល់ គឺថ្នាក់ខណ្ឌបន្តធ្វើការពិនិត្យ វាយតម្លៃកំរិតល្មើស សម្រប់មានរូបភាពពិន័យត្រឹមត្រូវ។

២.បង្កងសាវទាវជិត ១តោន បាននាំចូលខុសច្បាប់ត្រូវសមត្ថកិច្ចចាប់បាននៅLào Cai

មន្ទីរកសិកម្មនិងអភិវឌ្ឍន៍ខេត្ត  Lào Cai បានឲ្យដឹងថា ដើម្បីអនុវត្តកិច្ចការផ្ទៀងផ្ទាត់ និងរាំងខ្ទប់មិនឲ្យបង្កងសាវទាវនាំចូលខុសច្បាប់ក្នុងប្រទេសនោះ គឺចាប់ពីថ្ងៃទី ១២ ដល់ថ្ងៃទី ១៨ខែឧសភា កម្លាំងគយ និងកម្លាំងការព្រំដែន ចាប់បាន ៧ករណី ដកហូតបង្កងសាវទាវនាំចូលខុសច្បាប់ចំនួន ៩៤៥គីឡូក្រាម ហើយវត្ថុតាងនេះត្រូវបានកំទេចចោលភ្លាម។

៣.ជិះឡានជាមួយកូនចៅ លោកយាយយកតាមខ្លួនហេរ៉ូអ៊ីន ៣០ដុំ

នគរបាលខេត្ត  Hải Dương បានឲ្យដឹងថា កម្លាំងមានមានសមត្ថកិច្ចនៃខេត្តនេះ ទើបចាប់បានករណីដឹកជញ្ជូនគ្រឿញៀន ក្នុងចំនួនធំជាងគេបំផុតតាំងពីមុនមកនៅក្នុងខេត្តនេះ។

យោងតាមនោះ លើផ្លូវជាតិលេខ ១០ ក្នុងខេត្ត  Hải Dương កម្លាំងនគរបាលខេត្ត បានឃើញឡានម៉ាក់  Mazda 3 មួយគ្រឿង កំពុងបើកបរពីទិសខេត្ត Thái Bình ឆ្ពស់ទៅទីក្រុង Hải Phòng ឃើញមានសញ្ញាគួរឲ្យសង្ស័យ បានជាឃាត់ឡាននេះ និងស្នើរឲ្យតៃកុនងឡានបង្ហាញលិខិតស្នាម។ នៅក្នុងពេលពិនិត្យ កម្លាំងមានសមត្ថកិច្ចឃើញ លើឡានមានបាវអង្គ ២ ពណ៌លឿង ខាងក្នុងមាន ៣០ដុំ រាងជ្រុងទ្រវែង សង្ស័យថាជាហេរ៉ូអ៊ីន។ លោកយាយដែលជិះក្នុងឡានក៏បានសារភាពថា នេះជាគ្រឿងញៀនហេរ៉ូអ៊ីន ហើយករណីនេះកំពុងត្រូវបានស៊ើបការបន្ត។

៤.ឃាត់ទុកបណ្តោះអាសន្នជន ២ នាក់ បានយកកាំភ្លើងច្នៃដោយខ្លួនឯងសម្រាប់បាញ់ចូលផ្ទះប្រជាជន

ថ្មីៗនេះ នគរបាលទីរួមខេត្ត Bình Minhនៃខេត្ត Vĩnh Long បានធ្វើការបញ្ជាក់​ និងយកចំលើយពីយុវជន ២ នាក់​បានប្រកាំភ្លើងច្នៃដោយខ្លួនឯង សម្រាប់បាញ់ចូលផ្ទះ ប្រជាជន នៅក្នុងឃុំĐông Thuận ទីរួមខេត្ត Bình Minh។

បានដឹងថា អ្នកស្រី Lê Thị Lan Chi (ស្នាក់នៅសង្កាត់ Đông Thuận ទីរួមខេត្ត Bình Minh )បានឮសូរសម្លេងដ៏ធំនៅនឹងមុខផ្ទះខ្លួន ហើយក៏ចេញទៅមើល ក៏ឃើញទ្វារធំនៃផ្ទះរបស់គាត់ត្រូវធ្លុះ ម៉ូតូចតក្នុងផ្ទះត្រូវបែកកញ្ជក់ និងបានឃើញដុំដែកមួយដុំ ដូចជាក្បាលគ្រាប់ ក៏រាយការណ៍ឡើងនគរបាល។

បន្ទាប់ពីធ្វើការស៊ើបអង្កេត កម្លាំងនគរបាលកំណត់បានឈ្មើ Nguyễn Hoài Nam  អាយុ ២៦ឆ្នំ និងឈ្មោះ Nguyễn Văn An អាយុ ១៧ឆ្នាំ ស្នាក់នៅក្នុងតំបន់ជាមួយគ្នា បានពាក់ព័ន្ធនឹងករណីនេះ ហើយក៏នាំទៅស្នងការនគរបាលសម្រាប់សួរចំលើយ។ ជំហានដំបូង ជន ២នាក់នេះ បានសារភាពថា មកពីមានតទម្នាស់ជាមួយអ្នកស្រី Chi ក៏បានបើកម៉ូតូទៅផ្ទះរបស់អ្នកស្រី Chi ហើយឈ្មោះ Nam  បានយកកាំភ្លើងកែច្នៃដោយខ្លួនឯងមកបាញ់គំរាម។

ព័ត៍មានអន្តរជាតិ

៥.ដល់ប្រទេសម៉ាឡេស៊ីបានបញ្ជូនសងសំរាមបប្លាស្ទិកទៅប្រទេសធំៗវិញ

ទីភ្នាក់ងារសារព័ត៍មាន Reuters បានដកស្រង់សំដីរបស់លោក Yeo Bee Yin ជារដ្ឋមន្ត្រីក្រសួងបរិស្ថាននៃប្រទេស Malaysiaថា ប្រទេសលោកនឹងសងវិញកុងតៃន័រចំនួន ៥ ដែលផ្ទុកសំរ៉ាមជ័រនាំចូលខុសច្បាប់ពីប្រទេសអេស្ប៉ាញ ហើយកំពុងស៊ើបអង្កេតអំពីអ្នកដែលនាំចូលសំរ៉ាមនេះ។ ហើយសំរ៉ាមបែបនេះជាច្រើន នឹងបានដឹកទៅសងដើមប្រភពនាំចូលនៅដើមសប្តាហ៍ក្រោយ។

៦.អាមេរិក បានផ្អាកបណ្តោះអាសន្នអជ្ញាហាមឃាត់នាំចេញបច្ចេកវិជ្ជាដល់ក្រុមហ៊ុន Huawei

ទីភ្នាក់ងារសារព័ត៍មាន AP  បានជូនដំណឹងថា រដ្ឋាភិបាលសហរដ្ឋអាមេរិក បានផ្អាកជាបណ្តោះអាសន្ន អជ្ញាហាមឃាត់នាំចេញបច្ចេកវិជ្ជារបស់អាមេរិក ដល់បណ្តុំក្រុមហ៊ុន បច្ចេកវិជ្ជា Huawei របស់ប្រទេសចិនក្នុងរយៈពេល ៩០ថ្ងៃខាងមុខ រហូតដល់ថ្ងៃទី ១៩ខែសីហាឆ្នាំ ២០១៩។

៧.ប្រទេសជប៉ុនមានបំណងចង់ចរចារឥតល័ក្ខខ័ណ្ឌជាជាមួយប្រទេសកូរ៉េខាងជើង

ថ្មីៗនេះ នៅរដ្ឋធានី Tokyo លោក Shinzo Abe ជាប្រធានាធិបតីនៃប្រទេសជប៉ុន បានអំណះអំណាងថា លោកមានបំណងចង់ចរចារជាមួយថ្នាក់ដឹកនាំនៃប្រទេសកូរ៉េខាងជើង​លោក  Kim Jong-un ដោយឥតល័ក្ខខ័ណ្ឌ និងនិយាយត្រង់ៗ។

នេះត្រូវបានចាត់ទុកថា ជាការផ្លាស់ប្តូរដោយចៃដន្យ បើប្រៀបនឹងគោលជំហរមុននេះរបស់ប្រទេសជប៉ុនថា ឲ្យការកិច្ចជំនួបកំពូលណា គឺសុទ្ធតែត្រូវសម្រេចលទ្ធផល នៃបញ្ហាប្រជាពលរដ្ឋជប៉ុនត្រូវគេចាប់ជំរិត។

 

 

KHEN THƯỞNG NGƯỜI PHỤ NỮ LÀM NGHỀ THU NHẶT VE CHAI NHẶT ĐƯỢC CỦA RƠI TRẢ NGƯỜI MẤT

ជូនរង្វាន់នារីមួយរូបប្រកបរបរើសអេតចាយ បានប្រគល់ទ្រព្យដល់អ្នកបាត់វិញ

ទង្វើរបស់បងស្រី Hương គួរឲ្យគោរពណាស់ ហើយចាំបាច់ត្រូវលើកជាគំរូ សម្រាប់ផ្សព្វផ្សាយក្នុងសហគមន៍ និងសង្គម ដើម្បីមនប្រជាជន ពិសេសគឺយុវជនរៀនសូត និងអនុវត្តតាម។

ថ្មីៗនេះ ស្នងការនគរបាលឃុំ Hồng Lĩnh ខេត្ត Hà Tĩnh បានរៀបចំពិធីលើកសរសើរ និងជូនរង្វាន់ចំពោះគំរូមនុស្សល្អ​ ការងារល្អ ចំពោះអ្នកស្រី Dương Thị Hương (អាយុ ៥៥ឆ្នាំ​ ស្នាក់នៅកម្រងប្រជាជនលេខ ៣ សង្កាត់  Đậu Liêu ទីរួមខេត្ត Hồng Lĩnh) មកពីមានទង្វើល្អ គឺរើសបានទ្រព្យសម្បត្តិរបស់អ្នកដទៃ ហើយសងម្ចាស់វិញ។

បានដឹងថា មុននោះ នៅពេលអ្នកស្រី Hương កំពុងដើរពីស្ពានអាកាស ឆ្លងកាត់ផ្លូវជាតិលេខ ១ កំណាត់ទីរួមខេត្ត  Xuân An (ស្រុក Nghi Xuân ខេត្ត Hà Tĩnh) ដើម្បីទៅផ្ទះ ស្រាប់តែ រើសបានលុយចំនួន ១៥លានដុង ដោយមិនដឹងម្ចាស់ជាអ្នកណា។ បន្ទាប់មក គាត់ក៏បានយកលុយនេះទៅស្នងការនគរបាលទីរួមខេត្ត Hồng Lĩnhប្រគល់លុយនេះ នឹងស្នើរឲ្យស្វែងរក​ម្ចាស់លុយនេះ សម្រាប់សងគេវិញ។

ហើយបន្ទាប់ពីទទួលលុយពីអ្នកស្រី Hương  នគរបាលទីរួមខេត្ត  Hồng Lĩnh បានផ្សាយដំណឹងស្វែងរកម្ចាស់លុយនេះ។ ហើយបន្ទាប់ពីរយៈពេលយូរស្វែងរក និងមានជំនួយពីបណ្តាញសង្គមនោះ នគរបាលទីរួមខេត្ត Hồng Lĩnh ក៏រកបានម្ចាស់លុយវិញ គឺរបស់លោក Thái Hồng Ph(អាយុ ៤៥ឆ្នាំ រស់នៅក្នុងខេត្ត  Nghệ An​ ជាបុគ្គលិក កំពុងបំពេញការងារនៅក្រុមហ៊ុនភាគហ៊ុន សាខាខេត្ត  Hà Tĩnh។ ហើយនគរបាលក៏បានបំពេញបែបបទនានា សម្រាប់ប្រគល់លុយដល់គាត់វិញត្រឹមត្រូវតាមកំណត់។

បានដឹងថា អ្នកស្រី Dương Thị Hươngមានស្ថានភាពគ្រួសារលំបាកខ្លាំង ស្វាមីគាត់ត្រូវចែកឋានតាំងពីយូរ គាត់បានចិញ្ចឹមកូន ៤នាក់តែម្នាក់ឯង ដោយរបររើសអេតចាយ។

ក៏ប៉ុន្តែ ទោះបីជាមានស្ថានភាពគ្រួសារលំបាកខ្លាំងក៏ពិតមែន គាត់ក៏មិនលលោភលន់យកទ្រព្យសម្បតិ្តរបស់អ្នកដទៃឡើយ។

ទង្វើរបស់អ្នកស្រី  Hương គួរឲ្យគោរពខ្លាំងណាស់ និងចាំបាច់ត្រូវលើកជាគំរូ សម្រាប់សង្គម ពិសេសគឺយុវវ័យបានរៀនសូត្រ និងអនុវត្តតាម។