ព័ត៍មាននៅក្នុងប្រទេស

១.ផាកពិន័យតឹងរឹងចំពោះអំពើកាប់ព្រៃខុសច្បាប់

ថ្មីៗនេះ រដ្ឋាភិបាលបានចេញសារាចរណ៍ណែនាំលេខ​ 35/2019/NĐ-CP បានកំណត់អំពីកំរិតផាកពិន័យបែបរដ្ឋបាល ក្នុងវិស័យរុក្ខាប្រមាញ។ យោងតាមនោះ កំរិតផាកពិន័យជាសាច់ប្រាក់ចំពោះអំពើល្មើសបែបរដ្ឋបាល ត្រូវបានកំណតើក្នុងសារាចរណ៍នេះ ​បានអនុវត្តចំពោះអ្នកល្មើសជាបុគ្គល ហើយកំរិតធ្ងន់ជាងគេ ចំពោះបុគ្គលចំនួន ៥០០លានដុង។ ចំពោះអង្គភាពវិញ ត្រូវគុណជាពីរ និងបូកបន្ថែមអំពើ និងកំរិតល្មើស។ ហើយកំរិតផាកពិន័យធ្ងន់ជាងគេចំពោះអង្គភាពផ្នែករុក្ខាប្រមាញចំនួន ១ពាន់លានដុង។

២.ឈប់សម្រាកបុណ្យ ៥ ថ្ងៃ មានមនុស្សជិត ១០០នាក់ត្រូវស្លាប់មកពីគ្រោះថ្នាក់ចរាចរណ៍

យោងតាមការស្ថិតិពីគណៈកម្មាធិការសុវត្ថិភាពគមនាគមន៍កជាតិ គឺក្រោយ ៥ ថ្ងៃឈប់សម្រាកបុណ្យ ក្នុងទូទាំងប្រទេសកើងមាន ១៣៧ករណីគ្រោះថ្នាក់ចរាចរណ៍ បណ្តាលឲ្យ ៩៦នាក់ត្រូវស្លាប់ និងរបួស ៩៦នាក់។ ផ្លូវគោកកើតកើតមាន ១៣៥ករណី ស្លាប់ ៩៤នាក់ និងរបួស ៩៦នាក់។ ផ្លូវដែក ២ករណី​ស្លាប់ ២នាក់។ ចំណែកវិស័យផ្លូវទឹក បានដោះស្រាយជាង ២.៣០០ករណីល្មើសណ្តាប់ធ្នាប់សុវត្ថិភាពចរាចរណ៍ និងផាកពិន័យនូវទឹកប្រាក់ចំនួន ៩៨៤ពាន់លានដុង។

៣.ក្នុងខែមេសាឆ្នាំ ២០១៩ កើតមានជាង ៣០០ករណីអគ្គីភ័យ

គិតរួមក្នុង ៤​ខែដើមឆ្នាំនេះ ក្នុងទូទាំងប្រទេសកើតមាន  1.277 ផ្ទុះនិងឆេះ បណ្តាលឲ្យ ៤៤ នាក់ត្រូវស្លាប់ និង ៧៤នាក់ត្រូវរបួស ប៉ាន់ស្មានខូចខាតស្មើរនឹងជាង ២៦៤ពាន់លានដុង។ ហើយគិតរួមក្នុង ៤ ខែដើមឆ្នាំ ក្នុងទូទាំងប្រទេសរកឃើញ 3.019ករណីល្មើសខាងបរិស្ថាន ក្នុងនោះ ដោះស្រាយបាន  2.662 ករណី នូវប្រាក់ផាកចំនួន ៣១ពាន់ ២រយលានដុង។

ព័ត៍មានអន្តរជាតិ

៤.ជួយសង្គ្រោះដោយជោគជ័យកម្មករអណ្តូងរ៉េជាង ១.៥០០នាក់ ត្រូវជាប់គាំងក្រោមដី

កម្លាំងជួយសង្គ្រោះបន្ទាន់នៃប្រទេសអាហ្វ្រិកខាងត្បូង បានជួយសង្គ្រោះដោយជោគជ័យ កម្មករអណ្តូងរ៉ែជាង ១.៥០០នាក់ ត្រូវជាប់គាំងក្នុងអណ្តូងរ៉ែក្រោមដី។ បានដឹងថា មុននោះ កម្មករអណ្តូងរ៉ែប្រមាណ ១.៨០០នាក់ត្រូវជាប់ក្នុងអណ្តូងរ៉ែក្រោមដី បន្ទាប់ពីពួកគេបានបញ្ជប់ម៉ោងធ្វើការកាលពីថ្ងៃត្រង់ថ្ងៃទី ៣០ខែមេសា។ ហើយមូលហេតុចាប់ផ្តើមពីខូចម៉ាស៊ីនជណ្តើយន្ត រវាងតំបន់អណ្តូងរ៉ែ និងលើដី។

៥.ទាហាន Venezuelaច ២៥នាក់ សុំជ្រោកកោននៅស្ថានទូត  Brazil

មន្ត្រីជាន់ខ្ពស់មួយរូបនៃប្រទេសBrazil បានឲ្យដឹងថា ទាហាននៃប្រទេស Venezuelaយ៉ាងតិច ២៥នាក់ បានសុំសិទ្ធិជ្រោកកោន នៅស្ថានទូតនៃប្រទេស Brazil ស្ថិតនៅក្រុង  Caracasដំណឹងនេះត្រូវបានជូនភ្លាម បន្ទាប់ពីពេលលោកប្រធានាធិបតីតែងតាំងដោយខ្លួនឯងនៃប្រទេស Venezuela លោក Juan Guaido បានប្រកាសថា​ កងទ័ពបានគាំទ្រលោកហើយ។ ហើយបានដឹងថា ក្នុងចំណោមទាហានសុំជ្រោកកោន មានទាំងមន្ត្រីជាន់ខ្ពស់ទៀត។

៦.ប្រទេសឥណ្ឌូណេស៊ីនឹងប្តូររដ្ឋធានីអស់រយៈពេល ១០ឆ្នាំ និងចំណាយលុយ ៣៣ពាន់លានដុល្លារអាមេរិក

ផ្នែកព័ត៍មាននៃប្រទេសឥណ្ឌូណេស៊ីបានជូនដំណឹងថា លោកប្រធានាធិបតីនៃប្រទេសនេះ គឺលោក Joko Widodoបានសម្រេចចិត្តប្តូររដ្ឋធានីពី  Jakartaទៅទីក្រុងផ្សេង។ ហើយក៏មានដំណឹងផ្សេងទៀតបានឲ្យដឹងថា កិច្ចការនេះ ត្រូវចំណាយរយៈពេល ១០ឆ្នាំ និងចំណាយលុយប្រមាណ ៣៣ពាន់លានដុល្លារអាមេរិកឯណោះ។

THÁNG 4, TAI NẠN GIAO THÔNG TĂNG, NHIỀU VỤ

NGHIÊM TRỌNG

គ្រោះថ្នាក់ចរាចរណ៍៤ខែដើមឆ្នាំកើនឡើង ករណីខ្លះធ្ងន់ធ្ងរខ្លាំង

គិតរួមក្នុង ៤ ខែដើមឆ្នាំ ២០១៩ ក្នុងទូទាំងប្រទេសកើតឡើង 5.453គ្រោះថ្នាក់ចរាចរណ៍ ពីស្រាលទៅធ្ងន់ធ្ងរ និង2.534 ករណីប៉ះទង្គិចគ្នាបន្តិច បណ្តាលឲ្យ 2.570 នាក់ត្រូវស្លាប់បាត់បង់ជីវិត និង  1.615 ត្រូវរងរបួស និង 2.564នាក់ត្រូវរបួសស្រាល។

យោងតាមការស្ថិតិក្នុងខែមេសា(គឺចាប់ពីថ្ងៃទី 16-3ដល់ថ្ងៃទី 15-4) ក្នុងទូទាំងប្រទេស កើតឡើង  1.423គ្រោះថ្នាក់ចរាចរណ៍ រួមទាំង 771 ករណីគ្រោះថ្នាក់ចរាចរណ៍មិនសូវធ្ងន់ធ្ងរឡើងទៅ និង 652ករណីប៉ះទង្គិចគ្នាស្រាល បណ្តាលឲ្យមនុស្សចំនួន  665 នាក់ត្រូវស្លាប់​  406នាក់ត្រូវរងរបួស និង  632នាក់ត្រូវរបួសស្រាល។

បើប្រៀបធៀបនឹងរយៈពេលដូចគ្នាកាលពីឆ្នាំទី ចំនួនគ្រោះថ្នាក់ចរាចរណ៍ក្នុងខែមេសាកើនឡើង  5,7% (គឺចំនួនករណីគ្រោះថ្នាក់ចរាចរណ៍ពីស្រាលឡើងទៅកើន 8,9% និងចំនួនករណីប៉ះទង្គិចគ្នាកើន  2,2%)។​ចំនួនមនុស្សស្លាប់មកពីគ្រោះថ្នាក់ចរាចរណ៍កើន 4,1%;ចំនួនជនរងរបួសកើន 14% និងចំនួនអ្នកត្រូវរបួសស្រាលថយចុះ3,2%)។

ប្រការគួរឲ្យចាប់អារម្មណ៍ត្រង់ថា ក្នុងខែមិនា កើតឡើងករណីគ្រោះថ្នាក់ចរាចណ៍ធ្ងន់ធ្ងរមួយចំនួន ដូចជានៅថ្ងៃទី ១៣ ខែមិនា នៅក្នុងខេត្ត​ដHải Dương គ្រោះថ្នាក់បានកើតឡើងរវាងរថភ្លើង និងទោចក្រយានយន្តមួយគ្រឿង បណ្តាលឲ្យមនុស្ស ២ នាក់ត្រូវស្លាប់ និង ៣ ​នាក់ទៀតត្រូវរងរបួស, នៅថ្ងៃទី ១៧ខែមិនា នៅខេត្ត  Nam Định គ្រោះថ្នាក់បានកើតឡើងរវាងរថភ្លើងជាមួយម៉ូតូ បណ្តាលឲ្យមនុស្ស ២​នាក់ត្រូវស្លាប់, គ្រោះថ្នាក់រវាងឡានដឹកជញ្ជូនអ្នកដំណើរនៅថ្ងៃទី​22-3នៅក្នុងខេត្ត  Hải Dương បណ្តាលឲ្យមនុស្ស ១១ នាក់ត្រូវរងរបួស, នៅថ្ងៃទី 27-3នៅខេត្ត  Vĩnh Phúc បណ្តាលឲ្យមនុស្ស ៧នាក់ត្រូវស្លាប់, ថ្ងៃទី 5-4 នៅផ្លូវចូលរូងក្នុងដី  Hải Vân រវាងឡាន ២គ្រឿង បណ្តាលឲ្យ ២ នាក់ត្រូវស្លាប់ និង ៣​នាក់ត្រូវរងរបួស, ថ្ងៃទី​11-4នៅខេត្ត  Bình Định បណ្តាលឲ្យ ៣នាក់ត្រូវស្លាប់ និង ៩នាក់ត្រូវរងរបួស…។

គិតរួមក្នុង ៤​ខែដើមឆ្នាំ ២០១៩ ក្នុងទូទាំងប្រទេសកើតមាន 5.453​គ្រោះថ្នាក់ចរាចណ៍ បណ្តាលឲ្យមនុស្សចំនួន  2.570 នាក់ត្រូវស្លាប់ មនុស្សចំនួន  1.615 នាក់ត្រូវរងរបួស និង 2.564 នាក់ត្រូវរបួសស្រាល។

ក៏ប៉ុន្តែ គិតរួមក្នុង ៤ខែដើមឆ្នាំ ចំនួនគ្រោះថ្នាក់ចរាចណ៍ថយចុះ 9,4% បើធៀបនឹងរយៈពេលដូចគ្នាកាលពីឆ្នាំទៅ។ គិតជាមធ្យម ក្នុងមួយថ្ងៃក្នុង ៤ខែដើមឆ្នាំ ក្នុងទូទាំងប្រទេសកើតឡើង ៤៥ករណីគ្រោះថ្នាក់ចរាចណ៍ រួមមាន ២៤ករណីពីស្រាលឡើងទៅ និង ២១ករណីប៉ះទង្គិចគ្នា បណ្តាលឲ្យ ២១នាក់ត្រូវស្លាប់ ១៣នាក់រងរបួស និង ២១នាក់របួសស្រាល៕