ព័ត៌មាននៅក្នុងប្រទេស

១.​បើកការដ្ឋានសាងសង់រោងចក្រដុតសំរាមផលិតភ្លើងអគ្គិសនីដំបូងក្នុងទីក្រុង

កាលពីព្រឹកថ្ងៃទី ២៨ខែសីហា ទីក្រុងហូជីមិញ បានបើកការដ្ឋានសាងសង់រោងចក្រដុតសំរាមផលិតភ្លើងអគ្គិសនីដំបូង ក្នុងភូមិសាស្ត្រទីក្រុងហូជីមិញ។ ​បានដឹងថា រោងចក្របានសាងសង់ឡើង ក្នុងបរិវេណរោងចក្រមានស្រាប់ នៅក្នុងបណ្តុំរោងចក្រប្រព្រឹត្តិកម្មសំរាមរឹង ស្ថិតនៅខាលិចឈៀងខាងជើងស្រុក Củ Chi ទំហម ៣០ហិកតា។

ដំណាក់កាលទី ១ រោងចក្រមានពលានុភាពប្រព្រឹត្តិកម្មសំរាមបានចំនួន ២.០០០តោនក្នុងមួយថ្ងៃ, ដល់ចុងឆ្នាំ ២០២០ នឹងដំណើរការ។ដំណាក់កាលទី ២ នឹងបង្កើនពលានុភាពឡើងបន្ថែម ២.០០០តោនក្នុងមួយថ្ងៃនៅឆ្នាំ ២០២១។

២.ប៉ាន់ស្មានទឹកប្រាក់ទំនិញនាំចេញគ្រឿងជលផលរបស់វៀតណាមក្នុងឆ្នាំ ២០១៩ សម្រេចបាន ៨កោដិ ៩​០០លានដុល្លារអាមេរិក

ថ្មីៗនេះ នៅទីក្រុងហូជីមិញ សម្ព័ន្ធសមាគមន៍កែច្នៃ និងនាំចេញគ្រឿងជលផលវៀតណាម បានរៀបចំសន្និសិទស្តីអំពីផែនការធ្វើសកម្មភាពឆ្នាំ ២០១៩។ ហើយបានដឹងថា គិតដល់ខែសីហាឆ្នាំ ២០១៩ ទឹកប្រាក់នាំចេញគ្រឿងជលផលវៀណាម សម្រេចបាន​ ៤កោដិ ៧០០លានដុល្លារអាមេរិក គឺជិតស្មើរនឹងរយៈពេលដូចគ្នាកាលពីឆ្នាំ ២០១៨ហើយ។  ហើយប៉ាន់ស្មាន ការនាំចេញគ្រឿងជលផលក្នុងឆ្នាំ ២០១៩ នឹងសម្រេចបានប្រមាណ ៩កោដិ ៩០០លានដុល្លារអាមេរិក គឺកើន ១,៤% បើប្រៀបធៀបនឹងឆ្នាំ ២០១៨ ដែលសម្រេចបានជិត ៩កោដិដុល្លារអាមេរិក។

៣.បង្កើនការគ្រប់គ្រប ការពារ និងធានាសន្តិសុខតំបន់ព្រំដែន

កាលពីថ្ងៃទី២៧ ខែសីហា ឆ្នាំ២០១៩ ពិធីទទួលគណះប្រតិភូជាន់ខ្ពស់ នៃក្រសួងការពារជាតិនៃព្រះរាជាណាចក្រកម្ពុជា ដឹកនាំដោយ ឯកឧត្តម នាយឧត្តមសេនីយ៍ នាង ផាត រដ្ឋលេខាធិការប្រចាំការ ក្រសួងការពារជាតិ អមដំណើរមានឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក និង នាយឧត្តមសនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស អញ្ជើញទៅចូលរួមក្នុងពិធីជួបប្រជុំប្រាស្រ័យព្រំដែន មិត្តភាព កម្ពុជា-វៀតណាម ឆ្នាំ២០១៩ នៅខេត្ត អានយ៉ាងនៃសាធារណរដ្ឋសង្គមនិយមវៀតណាម។
ឯឧត្តម ឧត្តមសេនីយ៍ទោ ហ្វាង សួនចៀន មេបពា្ជការបពា្ជការដ្ឋានកងទ័ពការពារព្រំដែនវៀណាមអពើាញជាអធិបតីពិធីទទួលគណះប្រតិភូជាន់ខ្ពស់ក្រសួងការពារជាតិ នៃព្រះរាជាណាចក្រកម្ពុជា។

៤.ពិធីប្រណាំងទូកលើទន្លេ Kiến Giang  ក្លាយជាបេតិកភណ្ឌអរូបបីលំដាប់ជាតិ

មន្ទីរវប្បធម៌​​និងកីឡាខេត្ត​ Quảng Bình បានជូនដំណឹងថា លោករដ្ឋមន្ត្រីក្រសួងវប្បធម៌​​និងកីឡា បានចុះហត្ថលេខា លើសេចក្តីសម្រេចចិត្ត ប្រកាសនូវបញ្ជីរាយនាមបេតិកភណ្ឌវប្បធម៌អរូបបីលំដាប់ថ្នាក់ជាតិ ដល់ពិធីបុណ្យប្រណាំងទូងលើទន្លេ Kiến Giang ស្រុក  Lệ Thủy ក្នុងខេត្ត Quảng Bình ។ ហើយតាមមជ្ឈមណ្ឌលវប្បធម៌ និងកីឡាស្រុក Lệ Thủy បានដឹងថា ពិធីបុណ្យប្រណាំទូកលើទន្លេ Kiến Giang ពីដើម​គឺជាពិធីបុណ្យថ្វាយមួយ បានក្លាយជាកីឡាប្រណាំងទូកមួយ ដែលបានផ្សារភ្ជាប់នឹងជីវភាពរស់នៅ និងការបង្កបង្កើនផលរបស់ប្រជាជន នៅតំបន់ទន្លេ Lệ Thủy ក្នុងខេត្ត Quảng Bình ។

ព័ត៌មានអន្តរជាតិ

៥.ក្រុមហ៊ុនJohnson & Johnson ត្រូវចេញសំណងជាង ៥០០ពាន់ដុល្លារអាមេរិក មកពីថ្នាំបន្ថយការឈឺចាប់ធ្វើឲ្យញៀន

ក្នុងសវនាការកាត់ក្តីកាលពីថ្ងៃទី ២៦ខែសីហា លោកចៅក្រម Thad Balkman បានឲ្យដឹងថា សមាជិកអយ្យការនានា បានបញ្ជាក់បានថា បណ្តុំក្រុមហ៊ុន Johnson & Johnson បានរួមចំណែកក្នុងការបង្ករអន្តរាយដល់សុខភាពសហគមន៍ មកពីបានផ្សព្វផ្សាយភូតកុហក ចំពោះបណ្តាប្រភេទថ្នាំបន្ថយការឈឺចាប់ ដែលហានិភ័យធ្វើឲ្យញៀនខ្ពស់។

ហើយគិតតែនៅរដ្ឋ Oklahoma គឺចាប់ពីឆ្នាំ ២០០០មកដល់ពេលនេះ មានមនុស្សុដល់ទៅ ៦.០០០នាក់ ត្រូវស្លាប់ មកពីបានប្រើប្រាស់ថ្នាំមានផ្ទុកជាតិ opioid ច្រើនហួស។ ហើយរដ្ឋ  Oklahoma ស្ថិតក្នុងចំណោម ១០រដ្ឋក្នុងសហរដ្ឋអាមេរិក បានប្តឹងបណ្តាក្រុមហ៊ុនផលិតថ្នាំមានជាតិ opioid។

៦.សន្និសីទបណ្តាញទីក្រុងឆ្លាតវៃអាស៊ានឆ្នាំ២០១៩ ទើបនឹងធ្វើឡើងនៅទីក្រុងបាងកក នៃប្រទេសថៃ ចាប់ពីថ្ងៃទី ២២ ដល់ថ្ងៃទី ២៤ ខែសីហា។

សន្និសីទនេះត្រូវបានរៀបចំឡើងក្នុងបំណងជម្រុញផែនការអភិវឌ្ឍ និងកំណត់ស្តង់ដារសម្រាប់ការសាងសង់ទីក្រុងឆ្លាតវៃ។ សកម្មភាពនៅក្នុងក្របខ័ណ្ឌនៃសន្និសីទរួមមាន កិច្ចប្រជុំសំងាត់របស់ទីក្រុងឆ្លាតវៃចំនួន ២៦ ដើម្បីបូកសរុបផែនការសាងសង់ទីក្រុងទាំងនេះសម្រាប់ដាក់ជូនកិច្ចប្រជុំកំពូលអាស៊ានលើកទី ៣៥ ក្នុងខែវិច្ឆិកាខាងមុខ។

ក្នុងចំណោមទីក្រុងចំនួន ២៦ ដែលស្ថិតក្នុងបណ្តាញទីក្រុងឆ្លាតវៃអាស៊ានមានទីក្រុងចំនួន ៣ របស់វៀតណាមគឺទីក្រុងដាណាង ទីក្រុងហូជីមិញ និងទីក្រុងហាណូយ។ ទីក្រុងទាំង ២៦ ដែលត្រូវបានជ្រើសរើសនេះសុទ្ធតែមានសក្តានុពលខ្លាំងក្នុងការអភិវឌ្ឍហេដ្ឋារចនាសម្ព័ន្ធ ការតភ្ជាប់ទិន្នន័យ ប្រព័ន្ធបច្ចេកវិទ្យាឌីជីថល និងវប្បធម៌៕

7.ប៉ាឡេស្ទីនប្រឆាំងជំទាស់អាមេរិកដោយសារការដកប៉ាឡេស្ទីនចេញពីបញ្ជីជាតិរបស់អាមេរិក

នៅថ្ងៃទី ២៥ ខែសីហា ប្រទេសប៉ាឡេស្ទីនបានសម្តែងការជំទាស់នឹងក្រសួងការបរទេសអាមេរិក ដោយសារការដករដ្ឋអំណាចប៉ាឡេស្ទីន  ចេញពីបញ្ជីជាតិរបស់អាមេរិកនៅលើគេហទំព័រផ្លូវការរបស់ស្ថានប័ននេះ។

អ្នកនាំពាក្យរបស់ប្រធានាធិបតីប៉ាឡេស្ទីន លោក Nabil Abu Rudaineh បានឲ្យដឹងថា ការលុបចោលប៉ាឡេស្ទីន ចេញពីបញ្ជីនេះ គឺធ្វើតាមការបញ្ជារបស់គណបក្សស្តាំនិយមរបស់អ៊ីស្រាអែល ព្រមទាំងការធ្លាក់ចុះដែលមិនធ្លាប់កើតមានឡើងពីមុនមកក្នុងគោលនយោបាយកិច្ចការបរទេសរបស់អាមេរិកផងដែរ។ ប្រការនេះបានបង្ហាញថា អាមេរិកកំពុងចាត់វិធានការដើម្បីគាំទ្រដល់ការកាន់កាប់របស់ប្រទេសអុីស្រាអែល៕

XỬ LÝ GẦN 15.000 TRƯỜNG HỢP VI PHẠM NỒNG ĐỘ CỒN

SAU MỘT THÁNG

ក្រោយមួយខែ ដោះស្រាយជិត ១៥.០០០ករណីល្មើសកំរិតជាតិអាកុលក្នុងឈាម

តាមរយៈការត្រួតពិនិត្យបាន ១ ខែ កម្លាំងនគរបាលចរាចរណ៍ក្នុងទូទាំងប្រទេស ដោះស្រាយចំនួន 14.756 ករណីល្មើកម្រិតជាតិអាកុលក្នុងឈាម និងរកឃើញ 160 ករណីតៃកុងឡានបានប្រើប្រាស់គ្រឿងញៀន។

ស្នងការដ្ឋាននគរបាល (នៃក្រសួងនគរបាល) បានឲ្យដឹងថា ក្រោយរយៈពេល ១ ខែអនុវត្តកម្មវិធី ត្រួតពិនិត្យជាទូទៅ ចំពោះរថយន្តដឹកអ្នកដំណើរ រថយន្តដឹកទំនិញ និងទោចក្រយានយន្តនោះ គឺកម្លាំងនគរបាលចរាចរណ៍ក្នុងទូទាំងប្រទេស បានរកឃើញ និងធ្វើកំណត់ហេតុចំពោះមធ្យោបាយល្មើសសណ្តាប់ធ្នាប់គមនាគមន៍ ចំនួន 314.917ករណី។

ក្នុងនោះ រថយន្តដឹកអ្នកដំណើរចំនួន 27.649 គ្រឿង, ឡានកុងតឺន័រចំនួន 22.642 គ្រឿង និងទោចក្រយានយន្តចំនួន  264.626 គ្រឿង ត្រូវផាកពិន័យ នូវទឹកប្រាក់ជិត ១៦០កោដិដុង ព្រមទាំង បានដកហូតប័ណ្ណបើកបរចំនួន 47.649, ឃាត់ទុកបណ្តោះអាសន្នមធ្យោបាយគ្រប់ប្រភែតចំនួន 21.076គ្រឿង។

ជាពិសេស តាមរយៈការត្រួតពិនិត្យនោះ កម្លាំងនគរបាលចរាចរណ៍ក្នុងទូទាំងប្រទេស​បានផាកពិន័យ 14.756 ករណីល្មើសកម្រិតជាតិអាកុលក្នុងឈាម និង 160ករណី តៃកុងឡានបានប្រើគ្រឿងញៀន។

មូលដ្ឋានដែលសម្រេចលទ្ធផលល្អក្នុងការផាកពិន័យល្មើសគ្រឿងកម្រិតជាតិអាកុលក្នុងឈាមមានដូចជា៖ ខេត្ត Tây Ninh ចំនួន 1.705 , ទីក្រុងហូជីមិញចំនួន 1.589 , ខេត្ត Phú Thọ ចំនួន 915 ករណី, ខេត្ត Đắk Lắk  ចំនួន 594 ករណី និងខេត្ត Bến Tre ចំនួន  436 ករណី…។

ហើយដើម្បីបន្តអនុវត្តនូវបង្គាប់ការរបស់លោកនាយករដ្ឋមន្ត្រី និងរបស់ក្រសួងនគរបាល គឺចាប់ពីពេលនេះ រហូតដល់បញ្ជប់ឆ្នាំ នគបាលចរាចរណ៍ក្នុងទូទាំងប្រទេស នឹងបន្តប្រមូលផ្តុំកម្លាំង, ម​ធ្យោបាយ, ប្រដាប់ប្រដាបច្ចេកទេស​ និងឧបករណ៍ជំនួយ សម្រាប់បន្តសហការណ៍គ្នា ក្នុងការផាកពិន័យឲ្យតឹងរឹង ចំពោះបណ្តាករណីណា ដែលបានបង្ករគ្រោះថ្នាក់ផ្ទាល់ មិនបណ្តោយឲ្យកើតមានឡើងគ្រោះថ្នាក់ចរាចរណ៍ណាធ្ងន់ធ្ងរឡើយ។

ហើយភារកិច្ចសំខាន់ចំពោះមុខគឺ ត្រូវធានាសណ្តាប់ធ្នាប់ សុវត្ថិភាពគមនាគមន៍ ជាដើម នាឱកាសអបអរសាទបុណ្យឯករាជជាតិ ២កញ្ញា និងអនុវត្តកម្មវិធី “ខែមមាញឹកខ្លាំង នៃការសុវត្ថិភាពចរាចរណ៍ដល់សិស្សានុសសិ្សទៅរៀន -ខែកញ្ញា”​សម្រាប់មនុស្សគ្រប់រូប សុទ្ធតែមានរយៈពេលឈប់សម្រាកដោយសុវត្ថិភាព, សប្បាយរីករាយ និងល្អប្រសើរជាមួយសាច់ញាតិនិងក្រុមគ្រួសារ៕