ប្រទេស Congo: ផ្ទុះជំងឺជំងឺ Ebola មនុស្ស ៨០៣នាក់ត្រូវស្លាប់-Tiếng Khmer 20/04/2019

ព័ត៍មានក្នុងប្រទេស

១.អភិវឌ្ឍន៍ផ្នែកសុខាភិបាលនៅតំបន់ឆ្ងាយសម្រាប់ការពារបណ្តាជំងឺមិនឆ្លង

ថ្មីៗនេះ នៅក្នុងទីក្រុងហូជីមិញ ក្រសួងសុខាភិបាលបានរៀបចំសន្និសិទបូបសរុបលទ្ធផលការងារ ៣ឆ្នាំអនុវត្ត និងគោលដៅ២ឆ្នាំ នៃកម្មវិធីគោលដៅសុខភិបាល-និងចំនួនប្រជាជនដំណក់កាលពីឆ្នាំ 2016-2020 ក្រោមការដឹកនាំរបស់លោកស្រីរដ្ឋមន្ត្រីក្រសួងសុខាភិបាល។ ថ្លែងសុន្ទករថានៅអង្គប្រជុំ លោកស្រីរដ្ឋមន្ត្រីបានឲ្យដឹងថា អស់រយៈពេលអនុវត្តបាន ៣ ឆ្នាំ មកដល់ពេលនេះ កម្មវិធីសម្រេចបានលទ្ធផលសកម្មមួយចំនួនដូចជា៖ បណ្តាញសុខាភិបាលបានគ្របដណ្តប់គ្រប់ច្រកល្ហក់ក្នុងទូទាំងប្រទេស; ត្រួតពិនិត្យបានជំងឺនានា, ជំងឺរាតត្បាតថ្មី, គ្មានជំងឺរាតត្បាតណាកំរិតធំឡើយ,​ចំនួនអ្នកកើតជំងឺនិងស្លាប់មកពីជំងឺរាតត្បាតថយចំនួនចុះ។ ហើយចំពោះរយៈពេលខាងមុខ ចាំបាច់ត្រូវកសាង និងផ្លាស់ប្តូរថ្មីនៃសកម្មភាពរបស់បណ្តាញសុខាភិបាលនៅតាមមូលដ្ឋានក្នុងទូទាំងប្រទេស មកពីតំបន់ទាំងនេះមានតួនាទីយ៉ាងសំខាន់ ក្នុងការកាពារ និងទប់ទល់នឹងជំងឺនានាក្នុងសហគមន៍។

២.ផ្ទុះខ្លាំងជំងឺប៉ែសជ្រូកអាហ្វ្រិកនៅខេត្ត Hà Nam

យោងតាមសាខានាយកដ្ឋានបសុកម្ម-ពេទ្យសត្វ នៃមន្ទីរកសិកម្មនិងអភិវឌ្ឍន៍ខេត្ត Hà Nam ប៉ុន្មានថ្ងៃកន្លងទៅថ្មីៗនេះ ជំងឺប៉ែសជ្រូកអាហ្វ្រុកមានសញ្ញាផ្ទុះយ៉ាងខ្លាំងនៅក្នុងខេត្តនេះតែម្តង។ គិតដល់ថ្ងៃទី ១៦​ខែមេសា ៦ស្រុកទាំងអស់ក្នុងតំបន់នេះ សុទ្ធតែមានសំបុកជំងឺប៉េសជ្រូកអាហ្វ្រិកទាំងអស់។ ហើយប្រការគួរឲ្យចំណាំថា ក្នុងថ្ងៃទី ១៦ខែមេសា ស្ថាប័នមានសមត្ថកិច្ច បានកំទេចចោលជ្រូកកើតជំងឺចំនួន ១៣៣ក្បាលឯណោះ។

៣.មនុស្សជិត ១១៥.០០០នាក់ត្រូវស្លាប់មកពីជំងឺមហារីកក្នុងមួយឆ្នាំៗ

យោងដំណឹងពីសន្និសិទ្ធស្តីអំពីឱកាសបានសហការ ធ្វើការស្រាវជ្រាវវិទ្យាសាស្ត្រ និងបណ្តុះបណ្តាលរវាងមន្ទីរពេទ្យមហារីក និងបណ្តាដៃគូរមកពីប្រទេសអង់គ្លេសបានដឹងថា៖ ជារៀងរាល់ឆ្នាំ ក្នុងប្រទេសវៀតណាម មានអ្នកកើតជំងឺមហារីកថ្មីជិត ១៦៥.០០០នាក់ និងអ្នកជំងឺមហារីកជិត ១១៥.០០០នាក់ត្រូវស្លាប់ និងមនុស្សជាង ៣០០.០០០​កំពុងទប់ទល់នឹងជំងឺនេះ។ ហើយមន្ទីរពេទ្យមហារីក បានស្ថាបនានូវទំនាក់ទំនងសហប្រតិបត្តិការទ្វេរភាគី ជាមួយបណ្តាបណ្តុំក្រុមហ៊ុន មន្ទីរពេទ្យ និងមហាវិទ្យាល័យនានា មកពីបណ្តាប្រទេសអភិវឌ្ឍន៍ដូចជា៖ អង់គ្លេស, បារាំង, អាមេរិក, ជប៉ុន, អូស្ត្រាលី និងកូរ៉េខាងត្បូង។ល។ សម្រាប់បានលើកកម្ពស់គុណភាពឥតឈប់ នៃការបម្រុងការពារ ពិនិត្យឆាប់ និងព្យាបាលជំងឺមហារីក។

៤.ឈើចាក់ធ្មេញតូច តែគ្រោះថ្នាក់ធំ

រយៈពេលថ្មីៗនេះ ម​ណ្ឌលសុខភាពជាច្រើន បានទទួលព្យាបាលករណីអ្នកជំងឺត្រូវចូលពេទ្យ មកពីលេបត្រូវឈើចាក់ធ្មេង ហើយអ្នកជំងឺខ្លះបានស្ថិតក្នុងស្ថានភាបធ្ងន់ធ្ងរ ខ្លះទៀតបានគំរាមកំហែងដល់អាយុជីវិតតែម្តង។

ហើយថ្មីៗនេះ មន្ទីរពេទ្យខណ្ឌ Thủ Đức បានជួយសង្គ្រោះបន្ទាន់អ្នកជំងឺនារីមួយរូប ត្រូវធ្លុះគល់ពោះវៀន មកពីលេបត្រូវឈើចាក់ធ្មេញ ហើយបានចូលមន្ទីរពេទ្យក្នុងស្ថានភាពឈឺពោះវៀនយ៉ាងខ្លាំង ដោយមិនដឹងមូលហេតុ។ ហើយលទ្ធផលពីការថត CT ឃើញថា មានឈើចាក់ធ្មេញមួយវេងប្រមាណ ៣សង់ទីម៉ែត្រ និងមានទឹកនៅជំវិញ។ ភ្លាមនោះ អ្នកជំងឺនេះ ត្រូវបានឆ្លុះយកឈើចាក់ធ្មេញចេញ ហើយមកដល់ពេលនេះ សុខភាពរបស់អ្នកជំងឺនេះស្រួលវិញហើយ។

ព័ត៍មានអន្តរជាតិ

.អនុវត្តបច្ចេកវិជ្ជាព្រីន 3D សម្រាប់បង្កើតបេះដូង ផ្សាំក្នុងខ្លួនមនុស្ស

ជាលើកដំបូងក្នុងទូទាំងពិភពលោក អ្នកវិទ្យាសាស្ត្រមួយក្រុមរបស់ប្រទេសអ៊ីស្រ្តាអែល បានអនុវត្តដោយជោគជ័យ នូវបច្ចេកទេសព្រីន 3D សម្រាប់បង្កើតចេញនូវបេះដូងមួយ មានជាលិកានិងសរសៃរឈាម អាចផ្សាំក្នុងខ្លួនមនុស្សបាន។

ប្រធានក្រុមស្រាវជ្រាវ លោក Tal Dvir បានឲ្យដឹងថា បេះដូងសិប្បនិម្មិតនេះ មានទំហំប៉ុនបេះដូងពិតរបស់សត្វទន្សាយ ឬប៉ុនផ្លែសាគូរ៉ា មានកោសិកា មានសរសៃរឈាម និងមានចន្លោះថង់បេះដូងក្រោយ។

៦.ប្រកាសភាពអាសន្នទៀតមកពីសំរាមប្លាស្ទិក

ក្នុងសំណង់ស្រាវជ្រាវ ដែលបានប្រកាសក្នុងទស្សនាវដ្តី Nature Geoscience បានដឹងថា បណ្តាអ្នកវិទ្យាសាស្ត្រ នៃមហាវិទ្យាល័យ Strathclyde (Scotland)​និងមន្ទីរពិសោធន៍ Ecolab ស្ថិតនៅទីក្រុង Toulouse (នៃប្រទេសបារាំង)​បានឲ្យដឹងថា ក្នុងរយៈពេលប្រមាណ ៥ខែ នៃដំណាក់កាលពីឆ្នាំ 2017-2018 គិតជាមធ្យម ក្នុងមួយថ្ងៃមានគ្រាប់ជ័យល្អិតប្រមាណ ៣៦៥គ្រាប់ បានប្រព្រឹត្តិកម្មក្នុងផ្ទៃដីមួយម៉ែត្រការ៉េ ក្នុងតំបន់ភ្នំ Pyrenees គ្មានមនុស្សរស់នៅ  ស្ថិតនៅភាគខាងលិចឈៀងខាងត្បូងនៃទ្វីបអឺរ៉ុប។

៧.ប្រទេស Congo: ផ្ទុះជំងឺជំងឺ Ebola មនុស្ស ៨០៣នាក់ត្រូវស្លាប់

ទីភ្នាក់ងារសាព័ត៍មាន Sputnik បានឲ្យដឹងថា គិតដល់ថ្ងៃទិ ១៤ខែមេសា មានទាំងអស់ 1.251ករណីត្រូវឆ្លង និងសង្ស័យថា ត្រូវកើតវីរ៉ូស Ebola នៅក្នុងសាធារណរដ្ឋ Congo ក្នុងនោះ ៨០៣នាក់ត្រូវស្លាប់។ បនដឹងថា វីរ៉ូស Ebola គឺជាជំងឺមួយប្រភេទ អាចផ្តាច់ជីវិតយ៉ាងងាយៗ បានឆ្លងតាមផ្លូវឈាម និងរសចេញពីរាងកាយមនុស្ស។​ អការៈនៃជំងឺនេះ រួមមានគ្រុន ឈឺក្បាល ឈឺសន្លាក់ឆ្អឹង ឈឺបំពង់ករ និងរាគរូស។

THU HÚT CÁN BỘ Y TẾ GIỎI CHO ĐỊA BÀN XA TRUNG TÂM

ទាក់ទាញកម្មាភិបាលសុខាភិបាលពូកែ សម្រាប់ចុះធ្វើការនៅតំបន់ឆ្ងាយពី

កណ្តាលទីក្រុង

ថ្មីៗនេះ គណៈកម្មាធិការប្រជាជនទីក្រុងហូជីមិញ បានមានសេចក្តីសម្រេច ស្តីអំពីការអនុម័ត្តយល់ព្រមទៅលើផែនកាអនុវត្តកម្មវធីបណ្តុះបណ្តាលប្រភពធនធានមនុស្ស សម្រាប់វិស័យសុខាភិបាលរបស់ទីក្រុងហូជីមិញឆ្នាំ ២០១៩។

យោងតាមផែនការ ទីក្រុងហូជីមិញនឹងកសាងនូវយន្តការ អភិវឌ្ឍន៍វិស័យសុខាភិបាល;កសាងបណ្តារូបភាពគំរូបណ្តុះបណ្តាលថ្មី និងលើកម្ពស់គុណភាពបណ្តុះបណ្តាល; ជំរុញការរៀបចំបណ្តុះបណ្តាល, បំប៉នសម្រាប់លើកកម្ពស់ធនធានមនុស្សនៃផ្នែកសុខាភិបាល។ ក្នុងនោះ ត្រូវបណ្តុះបណ្តាលដំនៅទិសជំនាញផ្នែកមួយសម្រាប់អ្នកបញ្ចប់សិក្សាមហាវិទ្យាល័យ, រយៈពេលសិក្សាគឺ១០ខែ និងបណ្តុះបណ្តាលជំនាញកំរិតទី​១ រយៈពេលសិក្សាគឺ ២ឆ្នំាំ សម្រាប់វេជ្ជបណ្ឌិតទើបបញ្ចប់ការសិក្សា ដែលបានទទួលការបែងចែកឲ្យចុះបំពេញការងារនៅសុខាភិបាលនៅស្រុក។

ក្រៅពីនេះ ទីក្រុងហូជីមិញ ក៏បានបណ្តុះបណ្តាលបណ្តាផ្នែកជំនាញដូចជា៖ វិជ្ជាពេទ្យភាគខាងក្នុង, ខាងក្រៅ, ជំងឺឆ្លង, ផ្នែកសម្ភព, ច្រមុះត្រចៀកបំពង់ក,​ ផ្នែកសណ្តំ, គ្រូពេទ្យគ្រួសារ, វះកាត់, ស្តារនីតិសម្បទា, ជំងឺមហារីក… ។

ឆ្នាំ ២០១៩នេះ ទីក្រុងហូជីមិញ បន្តចាត់កម្មាភិបាលថ្នាក់ដឹកនាំ​ និងថ្នាក់គ្រប់គ្រងផ្នែកសុខាភិបាល​ ឲ្យចូលរួមបណ្តាវគ្គបណ្តុះបណ្តាល និងបំប៉នសមត្ថភាពដឹកនាំ​និងគ្រប់គ្រងមន្ទីរពេទ្យ; គ្រប់គ្រងនិងថែទាំសុខាភពនៅប្រទេសអូស្ត្រាលី, ជប៉ុន និងកូរ៉េ។ល។

ទន្ទឹមនឹងនោះ គណៈកម្មាធិការប្រជាជនទីក្រុងហូជីមិញ ក៏បានកសាងនូវបទកំណត់ស្តីអំពីការជ្រើសរើស និងបែងចែកនិស្សិតដែលបញ្ចប់ការសិក្សាមហាវិទ្យាល័យពេទ្យ និងកម្មាភិបាលសុខាភិបាល ឲ្យទទួលភារកិច្ចចុះទៅបំពេញការងារនៅតាមមន្ទីរពេទ្យស្រុក; អនុវត្តគោលនយោបាយទាក់ទាញ, ជំនួយកម្មាភិបាលផ្នែកសុខាភិបាលមានចំណេះខ្ពស់ ឲ្យចុះទៅធ្វើការនៅតំបន់ឆ្ងាយពីកណ្តាលទីក្រុងដូចជា ស្រុក Củ Chi, Cần Giờ, Hóc Môn, Nhà Bè, Bình Chánh ពិសេសគឺបណ្តាមណ្ឌលពិនិត្យ និងព្យាបាលជំងឺពិសេសដូចជា៖ មន្ទីរពេទ្យមនោសញ្ចេតនា, មណ្ឌលព្យាបាលជំងឺឃ្លង់ Bến Sắn ជាដើម សម្រាប់រួមចំណែកជួយបន្ថយអំរែកដល់បណ្តាមន្ទីរពេទ្យក្នុងកណ្តាលទីក្រុង៕

 

 

 

VOH

Bình luận

Đọc Báo