ព័ត៌មាននៅក្នុងប្រទេស
១.ទីក្រុងហូជីមិញ៖ ស្ថាប័នរដ្ឋមិនត្រូវប្រើកែវ និងបំពង់បឺតជ័រប្រើម្តង
ថ្មីៗនេះ គណៈកម្មាធិការប្រជាជនទីក្រុងហូជីមិញ បានចេញផែនការមួយ សម្រាប់គាំទ្រចលនា"ប្រឆាំងសំរ៉ាមជ័រ” ក្នុងភូមិសាស្ត្រទីក្រុងហូជីមិញ ដំណាក់កាលពីឆ្នាំ 2019-2021។
បានដឹងថាចាប់ពីថ្ងៃទី ១ខែសីហា ស្ថាប័នរដ្ឋក្នុងទីក្រុង ត្រូវមានផែនការកាត់បន្ថយការប្រើប្រាស់ផលិតផលធ្វើពីជ័រប្រើម្តងនៅក្នុងអង្គប្រជុំ សន្និសីទ សិក្ខាសាលា និងសកម្មភាពផ្សេងរបស់អង្គភាព។
ក្រៅពីនេះ គណៈកម្មាធិការប្រជាជនទីក្រុងហូជីមិញ ក៏បានតម្រូវឲ្យដាក់ខ្លឹមសារស្តីអំពីការអប់រំផលអាក្រក់របស់កាកសំណល់ជ័រ ស្បោងនីឡុងដែលងាយរំលាយក្នុងបរិស្ថាន, ណែនាំឲ្យចេះបែងចែកសំរ៉ាមតាំងពីដំបូង ចូលក្នុងកម្មវិធីសិក្សាក្នុងសាលារៀនក្នុងភូមិសាស្ត្រទីក្រុងហូជីមិញ។
២.ក្រសួងសុខាភិបាល បានបង្កើត ៨ក្រុមត្រួតពិនិត្យ និងតាមដានការការពារជំងឺគ្រុនឈាម
ថ្មីៗនេះ ក្រសួងសុខាភិបាល បានចេញសេចក្តីសម្រេចឲ្យបង្កើត ៨ក្រុមការងារ សម្រាប់ត្រួតពិនិត្យ តាមដាន និងណែនាំការការពារ ទប់ស្កាត់ជំងឺគ្រុនឈាម នៅតាមបណ្តាខេត្តក្រុងដែលជាចំណុចសំខាន់ៗក្នុងខែសីហានេះ។
ហើយយោងតាមការស្ថិតិពីក្រសួងសុខាភិបាល គឺចាប់ពីដើមឆ្នាំមកដល់ដើមខែសីហា គឺមានទាំងអស់ 105.000 ករណីត្រូវកើតជំងឺគ្រុនឈាម ក្នុងនោះ មាន១០ករណីត្រូវស្លាប់បាត់បង់ជីវិត គឺកើន ៣ ដងបើធៀបនឹងរយៈពេលដូចគ្នាកាលពីឆ្នាំទៅ។
៣.បើកចេញនូវឱកាសបានធ្វើការស្រាវជ្រាវ និងព្យាបាលជំងឺមហារីកនៅក្នុងប្រទេសវៀតណាម
ចាប់ពីថ្ងៃទី 29-7 ដល់បញ្ចប់ថ្ងៃទី 3-8 នៅក្នុងមជ្ឈមណ្ឌលអន្តរជាតិវិទ្យាសាស្ត្រ និងអប់រំអន្តរផ្នែក អង្គភាពមួយចំនួន បានរៀបចំសន្និសីទរូបវិទ្យាវេជ្ជសាស្ត្រអាស៊ីអាគ្នេយ៍លើកទី ១ នៅក្នុងប្រទេសវៀតណាម ដែលមានការចូលរួមពីអ្នកជំនាញ និងអ្នកវិទ្យាសាស្ត្រចំនួន ៥០រូប មកពី ១២ប្រទេសលើទូទាំងពិភពលោក។
៤.និរទេសគ្រូពេទ្យជនជាតិចិនច្រើនរូប ដែលបានចូលធ្វើការលួចលាក់ក្នុងប្រទេស
យោងដំណឹងពីសារព័ត៌មាននានា បានដឹងថា ការិយាល័យអន្តោប្រវេស៍ នៃស្នងការនគរបាលខេត្តĐồng Nai បានបំពេញបែបបទនានា និងតម្រូវឲ្យចាកចេញពីប្រទេសវៀតណាម ចំណោះជន ៦នាក់មានសញ្ជាតិចិនចេញពីប្រទេសវៀតណាម មកពីបានចូលប្រទេសវៀណាមដោយខុសច្បាប់ និងធ្វើការគ្មានលិខិតអនុញ្ញាតិឲ្យធ្វើពលកម្ម។
បានដឹងថា មុននោះ នៅពេលបានមកត្រួតពិនិត្យបែបរដ្ឋបាល នៅក្នុងគ្លីនិកពិនិត្យជំងឹពហុព្យាបាល Thái Dương ក្នុងខេត្ត Đồng Nai ការិយាល័យអន្តោប្រវេស៍ បានឃើញជនជាតិចិត ៦នាក់នេះ កំពុងធ្វើការគ្មានច្បាប់នៅទីនេះ។
ព័ត៌មានអន្តរជាតិ
៥ខ្យល់ព្យុះនិងទឹកជំនន់ បានផ្តល់អន្តររាយយ៉ាងធ្ងន់ធ្ងរនៅប្រទេសItaly
យោងតាមទីភ្នាក់ងារសាព័ត៌មាន Reuters និងស៊ីនហួបានដឹងថា ខ្យល់ព្យុះ និងទឹកជំនន់ច្រើនលើក កាលពីចុងសប្តាហ៍មុន ក្រោយពីថ្ងៃក្តៅខ្លាំងនៅប្រទេស Italy បានបណ្តាលឲ្យមនុស្សយ៉ាងតិច ៣នាក់ត្រូវស្លាប់បាត់បង់ជីវិត។ មិនតែប៉ុណ្ណោះ ខ្យល់ព្យុះខ្លាំង បានបណ្តាលឲ្យរលំដើមឈើលើផ្លូវជាច្រើន បានរាំងស្ទះដល់ចរាចរណ៍នៅក្នុងប្រទេសនេះ។
៦. អគ្គនាយកដ្ឋានរុក្ខាប្រមាញនៃប្រទេស Algeria បានប្រកាស់នូវរបាយការណ៍មួយបានឲ្យដឹងថា ក្នុងរយៈពេល ៦ខែដើមឆ្នាំនេះ ប្រទេស Algeria មានទាំងអស់ ៩២៣ ករណីឆេះព្រៃ បានដុងកំទេចព្រៃឈើជាង ៦.០០០ហិកតា។ ហើយខេត្ត Tissemsilt ជាតំបន់ត្រូវរងប៉ះពាល់ធ្ងន់ជាងគេ ដែលមានព្រៃឈើជាង ១.០០០ហិកតាត្រូវបំផ្លាញ។ មូលហេតុសំខាន់ដែលបណ្តាលឲ្យឆេះព្រៃគឺមនុស្ស។
៧. ថ្មីៗនេះ នៅប្រទេសគ្រិច រញ្ជួយដីមួយ មានកម្លាំង ៤,២ រិច្ឆទ័រ បានធ្វើឲ្យរង្គើររដ្ឋធានី Athens របស់ប្រទេសគ្រិច។ ហើយយោងតាមវិជ្ជាស្ថានរូបវិទ្យារញ្ជួយដីនៃប្រទេសនេះ គឺករណីរញ្ជួយដីនេះ មានជម្រៅ ២៣គីឡូម៉ែត្រ ស្ថិតនៅភាគខាងលិចឈៀងខាងជើងនៃរដ្ឋធានី Athens។
THẾ GIỚI CẦN NỖ LỰC ĐỂ XÓA BỎ ĐẠI DỊCH THUỐC LÁ
ពិភពលោកត្រូវខិតខំលុបបំបាត់ចោលមហាគ្រោះនៃបារី
រដ្ឋាភិបាលនៃប្រទេសជាច្រើន សម្រេចបានលទ្ធផលមួយចំនួន នៃការប្រឆាំងនឹងថ្នាំជក់ ក៏ប៉ុន្តែ យោងតាមសេចក្តីរាយការណ៍ទី ៧ ស្តីអំពីមហាគ្រោះរបស់បារី ដែលប្រកាសដោយអង្គការសុខាភិបាលពិភពលោកនាពេលថ្មីៗនេះ បានបន្តដាស់តឿនដល់ប្រទេសនានា ចាំបាច់ត្រូវខិតខំជាងទៀត សម្រាប់ជួយឲ្យមនុស្សជាច្រើន រួចផុតពីជាតិធ្វើឲ្យញៀននេះ។
លោក Tedros Adhanom Ghebreyesus ជានាយកនៃអង្គការសុខាភិបាលពិភពលោក (WHO) បានមានប្រសាសន៍ថា ៖ “បោះបង់ចោលទម្លាប់ជក់បារី គឺជាប្រការមួយល្អបំផុត ដែលអ្នកណាក៏អាចធ្វើបានសម្រាប់សុខភាពរបស់ខ្លួន”។
យោងតាមសេចក្តីរាយការណ៍ពីអង្គការ WHO ស្តីអំពីមហាគ្រោះនៃថ្នាំជក់លើទូទាំងពិភពលោកក្នុងឆ្នាំ ២០១៩ គឺ មានមនុស្សប្រមាន ៥ កោដិនាក់ សើ្មរនឹង ៦៥% នៃចំនួនប្រជាជនលើទូទាំងពិភពលោក កំពុងត្រូវបានទទួលការការពារដោយវិធានការណ៍មួយ ក្នុងចំណោមបណ្តាវិធានការណ៍នានា ស្តីអំពីការប្រឆាំងនឹងបារី ដែលត្រូវបានអង្គការនេះ លើកឡើងកាលពីឆ្នាំ ២០០៧។
ហើយតួលេខនេះបានកើនឡើង ៤ដង ចាប់ពីឆ្នាំ ២០០៧មក គឺនៅពេលមានមនុស្សប្រមាណ ១កោដិនាក់ គឺស្មើរនឹងប្រជាជនចំនួន ១៥% នៃចំនួនមនុស្សទាំងមូលលើពិភពលោក ត្រូវបានការពារដោយវិធានការណ៍មួយ ក្នុងចំណោមវិធានការណ៍ទាំងអស់។
វិធានការណ៍ទាំងអស់សម្រាប់ត្រួតត្រាបារី ដែលមានឈ្មោះថា MPOWER រួមមាន ៦ យុត្តិសាស្ត្រសំខាន់ៗជាក់ស្តែងគឺ តាមដានបណ្តាគោលនយោបាយការពារ និងទប់ស្កាត់បារី ការពារប្រជាជនរួចផុតពីផ្សែងបារី ស្នើឲ្យផ្តាច់បារី ជូនអនុសាសន៍អំពីផលអាក្រក់របស់បារី អនុវត្តអាជ្ញាហាមឃាត់មិនឲ្យផ្សព្វផ្សាយបារី ការលើកទឹកចិត្តនិងឧបត្ថម្ភបារី និងបង្កើនប្រាក់ពន្ធចំពោះបារី។
បណ្តាវិធានការណ៍នេះ បានផ្គត់ផ្គង់ “ឧបករណ៍ជាក់ស្តែងនានា សម្រាប់ជួយឲ្យអ្នកញៀនបោះបង់ចោលបារី សម្រាប់អាយុវែង” ។
ទោះបីសម្រេចបានលទ្ធផលល្អមួយចំនួន ប៉ុន្តែ សេចក្តីរាយការណ៍ថ្មីៗនេះ បានប្រាប់ថា មានប្រទេសជាច្រើន មិនទាន់អនុវត្តឲ្យបណ្តាគោលនយោបាយ MPOWER ឲ្យបានសមស្រប សម្រាប់ជួយឲ្យអ្នកញៀនបារី បោះបង់ចោលបារីដោយប្រសិទ្ធិភាព សម្រាប់ការពារអាយុជីវិត។
ចាប់ពីសេចក្តីរាយការណ៍ចុងក្រោយកាលពីឆ្នាំ ២០១៧នោះ គឺមានតែ ២ ប្រទេសលើទូទាំងពិភពលោក គឺប្រទេស Brazil និងប្រទេសតួគីប៉ុណ្ណោះ បានអនុម័តយល់ព្រម ចំពោះបណ្តាគោលនយោយបាយរបស់MPOWER ក្នុងកម្រិតខ្ពស់បំផុត។
យោងតាមតួលេខថ្មីបំផុត របស់អង្គការ WHO បានដឹងថា មហាគ្រោះរបស់បារី កំពុងបានគំរៀមកំហែងដល់សុខភាពសហគមន៍ធំជាងគេ ដែលពិភពលោកត្រូវប្រឈមមុខ បានផ្តាច់ជីវិតមនុស្សជាង ៨លាននាក់លើទូទាំងពិភពលោករៀងរាល់ឆ្នាំ។
ដោយក្នុងនោះ មនុស្សជាង ៧លាននាក់ត្រូវស្លាប់ មកពីជក់បារីដោយផ្ទាល់ និងមនុស្សប្រមាណ ១លាន ២សែននាក់ បានស្លាប់មកពីហឺតត្រូវផ្សែងបារី៕