ព័ត៌មាននៅក្នុងប្រទេស
១.ទីក្រុងហូជីមិញនឹងប្រកាសឈ្មោះកម្មាភិបាលដែលល្មើស ក្នុងទំព័រវែបសៃ
លោក Ngô Minh Châu ជាអនុប្រធានគណៈកម្មាធិការប្រជាជនទីក្រុងហូជីមិញ បានចុះហត្ថលេខា លើផែនការអនុវត្តនូវសេចក្តីសម្រេចចិត្ត របស់លោកនាយករដ្ឋមន្ត្រី ស្តីអំពីការបង្កើនការផាកពិន័យ និងរាំងខ្ទប់ឲ្យមានប្រសិទ្ធិភាព ចំពោះស្ថានភាពរំខានដល់ប្រជាជន និងស្ថាប័នអាជីវកម្ម នៅពេលពួកគាត់បានមកបំពេញបែបបទនានា។
ផែនការនេះ បានលើកឡើងច្បាស់ថា ទីក្រុងហូជីមិញ នឹងប្រកាសឈ្មោះកម្មាភិបាលដែលល្មើស លើទំព័រវែបសៃ ព្រមទាំងដោះស្រាយឲ្យតឹងរឹង ចំពោះកម្មាភិបាល និងនិយោជិត ដែលមានទង្វើរារាំង ដល់ប្រជាជន និងស្ថាប័នអាជីវកម្ម។
ជាពិសេស នឹងដោះស្រាយតាមបែបរឿងព្រហ្មទណ្ឌ ចំពោះករណីល្មើសច្បាស់យ៉ាងធ្ងន់ ដល់កម្រិតត្រូវពិនិត្យរកភារៈទទួលខុសត្រូវព្រហ្មទណ្ឌតាមការកំណត់។
២.ទីក្រុងហូជីមិញ នឹងហាមមិនឲ្យរថយន្តនិងទោចក្រយានយន្តចូលផ្លូវមួយចំនួនក្នុងកណ្តាលទីក្រុង -សម្រាប់បម្រើកម្មវិធីបាញ់កាំជ្រួចភ្ញីផ្កាអបអរសាទរបុណ្យឯករាជជាតិ ២ កញ្ញា
ដើម្បីបង្ករលក្ខណៈងាយស្រួលដល់ការរៀបចំកម្មវិធី បាញ់កាំជ្រួចភ្ញីផ្កាកម្រិតខ្ពស់ ដើម្បីអបអរសាទរខួបលើកទី ៧៤ឆ្នាំ ថ្ងៃបដិវត្តខែសីហា (19/8/1945 – 19/8/2019) និងពិធីបុណ្យឯករាជជាតិ នៃសាធារណរដ្ឋសង្គមនិយមវៀតណាម (2/9/1945 – 2/9/2019)នោះ គឺនៅបរិវេណផ្លូវចូលក្នុងផ្លូវក្រោមទន្លេ Sài Gòn (ស្ថិតក្នុងសង្កាត់ Thủ Thiêm, ខណ្ឌលេខ ២) និងនៅអាគារ Landmark ស្ថិតក្នុងតំបន់ទីប្រជំជន Vinhomes Center Park គឺមន្ទីរគមនាគមន៍និងដឹកជញ្ជូន នឹងចេញអាជ្ញាហាមផ្លូវ ចាបតាំងពីម៉ោង ៨យប់ ដល់ម៉ោង ១០យប់ ថ្ងៃទី ២ ខែកញ្ញា។
៣.ទីក្រុងដាណាំង បានចំណាយថវិការជាង 8.500កោដិដុង សម្រាប់ដោះស្រាយសំរ៉ាមក្នុងទីក្រុង
ថ្មីៗនេះ ទីក្រុងដាណាំងបានចេញផែនការមួយ ស្តីអំពីការអនុវត្តការគ្រប់គ្រងសំណល់រឹងពីការប្រជុំជីវភាពក្នុងភូមិសាស្ត្រទីក្រុង។ ហើយផែនការនេះ គឺស្ថិតក្នុងការអនុវត្តសេចក្តីសម្រេចចិត្តលេខ 204/NQ-HĐND ចុះថ្ងៃទី 19/12/2018 របស់ទីក្រុងដាណាំងដែលបានប្រកាសឲ្យប្រើប្រាស់មុននោះ។ ហើយតាមការគ្រោងទុក ចំណាយសម្រាប់អនុវត្តគម្រោងការនេះ មានប្រមាណ 8.546 ក្នុងនោះ ថវិការរបស់ទីក្រុងចំនួន 1.936 កោដិដុង និងថវិការរបស់ស្ថាប័នអាជីវកម្មចំនួន 6.610 កោដិដុង។
៤.ចម្រោះឈាមបានទាន់ពេលវេលា ជួយសង្គ្រោះអ្នកជំងឺត្រូវពុលថ្នាំ Phenobarbital
មន្ទីរពេទ្យប្រជាជន 115 បានជូនដំណឹងថា អង្គភាពនេះទើបអនុវត្តវិធីចម្រោះឈាមក្រៅកោសិកា បានជួយសង្គ្រោះបន្ទាន់អ្នកជំងឺម្នាក់ ត្រូវពុលថ្នាំ Phenobarbital ជាប្រភេតថ្នាំការពារកន្ត្រាក់។
លទ្ធផលពីការពិនិត្យជំងឺឃើញថា អ្នកជំងឺត្រូវពុលថ្នាំ Phenobarbital ហើយភ្លាមនោះអ្នកជំងឺត្រូវបានចម្រោះឈាមក្រៅកោសិកា។ ក្រោយ ៨ម៉ោងបានចម្រោះឈាម អ្នកជំងឺនេះដឹងខ្លួនវិញ និងបានចេញពីមន្ទីរពេទ្យ។
ព័ត៍មានអន្តរជាតិ
៥.ប្រទេសជប៉ុនបានជួយឧបត្ថម្ភប្រទេសវៀតណាមការពារជំងឺមកពីជាតិពុលឌីយ៉ុកស៊ីន
ស្ថានីយ NHK នៃប្រទេសជប៉ុនបានផ្សាយថា ថ្មីៗនេះ អ្នកស្រាវជ្រាវមួយរូបនៃប្រទេសនេះ បានប្រកាសនូវគម្រោងការបណ្តុះបណ្តាលបុគ្គលិកសុខាភិបាលនៅប្រទេសវៀតណាម ប្រយោជន៍ដើម្បីការពារបណ្តាបញ្ហាកើតឡើងចំពោះសុខភាព ដែលត្រូវបានចាត់ទុកថា មកពីជាតិពុលឌីយ៉ុកស៊ីនដែលកងទ័ពអាមេរិកបានប្រើប្រាស់ក្នុងសង្គ្រាមជាមួយប្រទេសវៀតណាម។ បានដឹងថា គម្រោងការនវេះ នឹងអនុវត្តក្នុងរយៈពេល ៣ ឆ្នាំ នៅក្នុងស្រុក Phù Cát ភាគកណ្តាលវៀតណាម។
៦.មានបន្ថែមរាប់រយបរិវេណឆេះព្រៃថ្មីនៅព្រៃអាម៉ាហ្យូន
មានបន្ថែមដល់ទៅរាប់រយបរិវេណភ្លើងឆេះព្រៃថ្មី នៅក្នុងព្រៃអាម៉ាហ្យូន នៃប្រទេស Brazil កាលពីថ្ងៃទី ២៧ខែសីហាកន្លងទៅ ដោយប្រទេសនេះ បានបញ្ជូនយន្តហោះយោធាច្រើនគ្រឿង សម្រាប់ពន្លត់អគ្គីភ័យ ព្រមទាំងមានការសន្យាពីបណ្តាប្រទេស G7 ថា នឹងជួយទប់ទល់ភ្លើងឆេះព្រៃក៏ដោយ។
បានដឹងថា យន្តហោះ C-130 Hercules ចំនួន ២ គ្រឿង បានដឹកតាមទឹករាប់ពាន់លីត្រ បានចាប់ផ្តើមពន្លត់អគ្គីភ័យ។ អ្នកជំនាញនានាបានសន្មត់ថា ការសម្អាតព្រៃក្នុងរដូវប្រាំងបន្លាយក្នុងរយៈពេលរាប់ខែ សម្រាប់យកដីដាំដំណាម ឬ សម្រាប់ចិញ្ចឹមសត្វ បានធ្វើឲ្យភ្លើងឆេះព្រៃកាន់តែធំឡើង។ ហើយសហរដ្ឋអាមេរិកបានយល់ព្រម ចំណាយថវិការចំនួន ២០លានដុល្លារអាមេរិក សម្រាប់ជួយប្រទេស Brazil ពន្លត់អគ្គីភ័យក្នុងព្រៃអាម៉ាហ្យូន ហើយភាគច្រើនគឺយកយន្តហោះមកជួយពន្លត់ភ្លើង។ រីឯG7 ក៏បានយល់ព្រម នឹងជំនួយប្រទេសBrazilដាំព្រៃសាជាថ្មីឡើងវិញ។
៧.ប្រទេស Iran បានវិនិច្ឆ័យទោសឲ្យជាប់ឃុំ ៣ នាក់ដែលត្រូវចដោទប្រកាន់ថា ធ្វើចារកម្មឲ្យIsrael
ប្រទេស Iran បានកាត់ទោសជន ៣ នាក់ រួមមាន នារី ២រូប និងបុរស ១ រូប ត្រូវជាប់ឃុំពី ១០ ដល់ ១២ឆ្នាំ អំពីបទ ល្មើសសន្តិសុខ និងធ្វើចារកម្ម ផ្តល់ព័ត៌មាននានា ដល់ស្ថាប័នចារកម្ម Mossad របស់ប្រទេស Israel ៕
BỆNH NHÂN UNG THƯ XƯƠNG KHÔNG CÒN LO
BỊ CẮT CỤT HAY THÁO KHỚP CHÂN
ពេលនេះ អ្នកជំងឺមហារីកមិនភ័យត្រូវកាត់ជើងទៀតឡើយ
ថ្មីៗនេះ លោកអនុសាស្ត្រាចារ្យ-បណ្ឌិត Trần Trung Dũng និងសហការរី បានវៈកាត់ដោយជោគជ័យ ចំពោះការផ្លាស់ប្តូរសន្លាក់ក្បាលជង្គង់ពីឆ្អឹងមនុស្ស ជូនអ្នកជំងឺភេទបុរសមួយរូប អាយុ ១៧ឆ្នាំ ត្រូវកើតជំងឺមហារីកឆ្អឹងក្រោមឆ្អឹងក្បាលជង្គង់ខាងស្តាំ។
បានដឹងថា អ្នកជំងឺនេះ ត្រូវបានបញ្ជូលថ្នាំគីមីរួចហើយ។ ហើយបន្ទាប់ពីតាមដាន និងវាយតម្លៃ បន្ទាប់ពីបញ្ជូលថ្នាំគីមីបាន ៦លើក ឃើញថា ទំហំដំគិះរួញតូចទៅៗ និងមិនឃើញឆ្លងរាលដាលទៅបរិវេណសាច់នៅជំវិញ ហើយសុខភាពរបស់អ្នកជំងឺនេះ អាចធ្វើការវៈកាត់បាន។
បានដឹងថា នេះជាការវៈកាត់ ផ្លាស់ប្តូរឆ្អឹងក្បាលជង្គង់ដំបូង បានផ្លាស់ប្តូរដោយឆ្អឹងមនុស្ស ត្រូវបានអនុវត្តនៅមន្ទីរពេទ្យ Xanh Pôn។ បានដឹងថា មុននោះ វេជ្ជបណ្ឌិតនៅមន្ទីរពេទ្យXanh Pôn ក៏បានធ្វើការវៈកាត់ផ្លាស់ប្តូរឆ្អឹងក្បាលជង្គងហើយ នៅមន្ទីរពេទ្យមហារីក Tân Triều។
ហើយជោគជ័យន័យការវៈកាតើបែបនេះ បានបើកចេញនូវក្តីសង្ឃឹម សម្រាប់អ្នកជំងឺដែលកើតបណ្តាជំងឺមហារីកក្នុងឆ្អឹង។ អ្នកជំងឺនឹងបានទទួលការថែរក្សាអវយវៈ ជៀសវាងមិនវៈកាត់សន្លាក់ឆ្អឹង ។
លោកវេជ្ជបណ្ឌិត បានឲ្យដឹងថា ជំងឺមហារីកឆ្អឹង គឺជាដុំគិះកាចសាហាវ មានដើមកំណើតពីកោសិកានានាក្នុងឆ្អឹង ហើយភាគច្រើន គឺមហារីកផ្តុំផ្ជាប់កំណកំណើតឆ្អឹង និងកំណកំណើតឆ្អឹងខ្ចី។ ហើយជំងឺនេះ ច្រើនតែកើតឡើងចំពោះកុមារជំទង់ និងយុវជន។ កុមារាកើតច្រើនជាងកុមារី។ ហើយមនុស្សវ័យផ្សេងៗមិនសូវឃើញកើតជំងឺនេះទេ។
អ្នកជំងឺមហារីកឆ្អឹង ច្រើនតែត្រូវវិនិច្ឆ័យឲ្យកាត់អវយវៈចេញ សម្រាប់កំចាត់ឲ្យអស់ដុំគិះ ដើម្បីធ្វើឲ្យអ្នកជំងឺមានអាយុកាន់តែច្រើនជាង។ ក៏ប៉ុន្តែ នៅពេលដុំគិះមានទំហំតូច (គឺរកឃើញនៅដំណាក់កាលដំបូង) ឬ មិនទាន់រកឃើញដុំគិះបានរីករាលដាលទៅតំបន់ផ្សេង ដែលអាចធន់ល្អនឹងការព្យាបាលដោយថ្នាំគីមីការ និងព្យាបាលដោយវិទ្យុះសកម្ម ហើយការបញ្ជាឲ្យកាត់អវយវៈចេញ គឺវាសមស្របដែរឬទេ។ ដោយហេតុនេះហើយ វិធីណាដែលកំចាត់ចោលដុំគិះនោះ ដែលនៅធានាបានភាររបស់អវយវៈនោះ ពិសេសគឺដុំគិះនៅជិតសន្លាក់ ដូចជាសន្លាក់ស្មា សន្លាក់កៀនភ្លៅ និងសន្លាក់ក្បាលជង្គង់នោះ គឺជាសំណួរគួរឲ្យពិបាកសម្រាប់វេជ្ជបណ្ឌិតព្យាបាលជំងឺផ្ទាល់។
សព្វថ្ងៃនេះ អវយវៈសិប្បនិម្មិតជាច្រើន ត្រូវបានផលិត និងបានប្រើប្រាស់ច្រើន ក្នុងការផ្លាស់ប្តូរសន្លាក់ស្មា សន្លាក់កៀនភ្លៅ សន្លាក់ក្បាលជង្គង់ …ហើយមានទាំងកញ្ជុំសន្លាក់ ដែលត្រូវបានផលិតចេញ សម្រាប់ពេលអ្នកជំងឺត្រូវកាត់ឆ្អឹងច្រើន ដែលកើតជំងឺមហារីកឆ្អឹង។ ជាពិសេស ការប្រើប្រាស់ឆ្អឹងមនុស្ស សម្រាប់ផ្លាស់ប្តូរកំណាត់ឆ្អឹងណាមួយដែលត្រូវកាត់ចោលនោះ ក៏ជាជោគជ័យមួយ នៃផ្នែកវិទ្យាសាស្ត្របច្ចេកទេស ដែលបានអនុវត្តក្នុងការព្យាបាលជំងឺ។ ហើយឆ្អឹងមនុស្ស កាន់តែត្រូវបានប្រើប្រាស់ច្រើនជាង ក្នុងផ្នែកសុខាភិបាល មកពីគុណសម្បត្តិល្អ ដែលវាបាននាំមកដូចជា ការផ្ជាប់ឆ្អឹងល្អជាង បើប្រៀបធៀបនឹងវត្ថុធាតុខនិជផ្សេងៗ, មានតម្លៃថោកជាង និងមានទម្រង់ល្អជាង…៕