ព័ត៍មាននៅក្នុងប្រទេស

១.ជាង ៣.០០០នាក់ត្រូវស្លាប់មកពីគ្រោះថ្នាក់ចរាចរណ៍ក្នុងរយៈពេល ៥ខែឆ្នាំ ២០១៩

យោងតាមការស្ថិតិឃើញថា គិតជារួមក្នុង ៥ ខែឆ្នាំ ២០១៩ ក្នុងទូទាំងប្រទេស កើតមាន 6.779 ករណីគ្រោះថ្នាក់ចរាចរណ៍​ បណ្តាលឲ្យមនុស្សចំនួន 3.128ត្រូវស្លាប់ មនុស្សចំនួន  2.024 នាក់ត្រូវរងរបួសធ្ងន់ និង 3.230 រងរបួសស្រាល។

ដូច្នេះ គិតជាមធ្យម ក្នុងមួយថ្ងៃក្នុង ៥ខែដើមឆ្នា ក្នុងទូទាំងប្រទេស កើតមាន ៤៥ករណីគ្រោះថ្នាក់ចរាចរណ៍, រួមមាន ២៤ករណីគ្រោះថ្នាក់ចរាចរណ៍ពីស្រាលទៅធ្ងន់ និង ២១ ករណីប៉ះទង្គិចគ្នា បណ្តាលឲ្យមនុស្ស ២១ នាក់ត្រូស្លាប់  ១៣នាក់របួសធ្ងន់ និង ២១នាក់របួសស្រាល។

២.បន្តរកឃើញតៃកុងឡានវិជ្ជមានជាមួយគ្រឿងញៀន

កម្លាំងនគរបាលចរាចរណ៍ខណ្ឌលេខ ៩ នៃទីក្រុងហូជីមិញ បានសហការជាមួយបណ្តាអង្គភាពពាក់ព័ន្ធ ធ្វើការត្រួតពិនិត្យតៃកុងឡានកុងតៃន័រទាំងអស់ ដែលបើកកចេញចូលកំពង់ផែ Long Bình ស្ថិតក្នុងមណ្ឌលសង្កាត់ Thái Bình សង្កាត់ Long Bình ខណ្ឌលេខ ៩។

តាមរយៈការត្រួតពិនិត្យតៃកុងឡាន ៤៥នាក់ គឺកម្លាំងមានសមត្ថកិច្ចបានរកឃើញ និងធ្វើកំណត់ហេតុចំពោះតៃកុងឡាន ២ នាក់ ដែលវិជ្ជមានជាមួយគ្រឿងញៀន ព្រមទាំងបានបំពេញឯកសារសម្រាប់ដោះស្រាយតាមការកំណត់របស់ច្បាប់។

៣.ឃាត់ទុកបានថ្នាំផុតកំណត់ប្រើប្រាស់ជាង ២៣០.០០០ដប់ រៀបចំយកទៅលក់នៅទីក្រុងហូជីមិញ

ថ្មីៗនេះ នគរបាលស្រុក Bến Cầu បានសហការជាមួយអង្គភាពពាក់ព័ន្ធមួយចំនួនទៀត នៃTây Ninh ខេត្ត សម្រាប់ធ្វើការស៊ើបអង្កេត បញ្ជាក់អំពីប្រភពដើមនៃឡូត៍ទំនិញផុតរយៈពេលប្រើប្រាស់ ហើយបានលុបចោលថ្ងៃខែផុតកំណត់ រួចបិតផ្លាកថ្មី រៀបចំយកទៅលក់នៅទីក្រុងហូជីមិញ។ យោងតាមនោះ បន្ទាប់ពីឃើញឡានមួយគ្រឿង មានសញ្ញាគួរឲ្យសង្ស័យ កម្លាំងមានសមត្ថកិច្ចបានឃាត់ និងធ្វើការត្រួតពិនិត្យ ហើយក៏ឃើញឡាននេះ កំពុងដឹកថថ្នាំគ្មានវិក័យប័ត្រចំនួន ២.២០០ដប។ ហើយផ្តើមពីពាក្យសារភាពរបស់តៃកុងឡាន នគរបាលក៏បានធ្វើការឆែកឆេរផ្ទះរបស់ជននេះ ហើយក៏រកឃើញថ្នាំផុតកំណត់ប្រើប្រាស់បន្ថែម ២៣០.០០០ដបទៀត។ បានដឹងថា តៃកុងឡាននេះ បានទទួលស្គាល់ថា បានទិញថ្នាំផុតរយៈពេលប្រើប្រាស់ លើបណ្តាញសង្គម ក្នុងតម្លៃប្រមាណ ៥០០លានដុង។ បន្ទាប់មក ក៏យកទៅផ្ទះលុបចោលបរិច្ឆេទប្រើប្រាស់ ហើយ រួចបិតផ្លាកថ្មីពីលើ ដោយលក់ថ្នាំក្នុងតម្លៃពី ១៧០.០០០ដុង ៤០០.០០០ដុង។ ករណីកំពុងត្រូវបានស៊ើបអង្កេតបន្ត។

៤.វិនិច្ឆ័យទោស និងចាប់ឃុំបណ្តោះអាសន្នជន ៣ នាក់ បានកាប់ព្រៃក្នុងទ្រង់ទ្រាយធំនៅ  Lâm Đồng  

នគរបាលខេត្ត Lâm Đồng  បានឲ្យដឹងថា ស្នងការនគរបាលស៊ើបអង្កេត បានសម្រេចវិនិច្ឆ័យរឿងក្កី និងចាប់ដាក់ឃុំជន ៣​នាក់ ដែលពាក់ព័ន្ធដល់ករណីបំផ្លាញព្រៃក្នុងទ្រង់ទ្រាយធំ នៅក្នុងអនុតំបន់លេខ ២៩២ ស្ថិតនៅឃុំ Tân Thanh ស្រុក Lâm Hà នៃខេត្ត Lâm Đồng។

លោក Võ Danh Tuyên នាយករង នៃមន្ទីរកសិកម្ម និងអភិវឌ្ឍន៍ខេត្ត  Lâm Đồng បានឲ្យដឹងថា ជនខិលខូច បានបំផ្លាញព្រៃស្រល់ ស្ថិតនៅអនុតំបន់ ២៩២  អស់ចំនួន  10,05 ហិកតា  ហើយករណីនេះកំពុងត្រូវបានស៊ើបការបន្ត។

ព័ត៍មានអន្តរជាតិ

៥.ប្រទេសចិនពេញដោយសំរាមជ័រ ប​ង្កឡើងដោយសេវ៉ាកំមង់អហារលើបណ្តាញអ៊ីនធ័រណែត

សារព័ត៍មាន New York Times បានផ្សាយថា បណ្តាអ្នកវិទ្យាសាស្ត្រ​បានប៉ាន់ស្មានថា ក្នុងឆ្នាំ ២០១៧ សេវ៉ាកំម៉ង់អាហារ Online នៅប្រទេសចិន បានបញ្ចេញសំរាមជ័រដល់ទៅ ១ លាន ៦សែនតោន។ ហើយតួលេខនេះ កើនឡើង ៩ដង បើប្រៀបធៀបនឹង ២ឆ្នាំមុននោះ។

៦. EUអាចផាកពិន័យប្រទេស Italy ៣ពាន់លាន EUR

លោក Matteo Salvini ជាឧបនាយករដ្ឋមន្ត្រី នៃប្រទេស Italy បានឲ្យដឹងថា គណៈកម្មាធិការអឺរ៉ុប អាចផាកពិន័យប្រទេសអ៊ីតាលីដល់ទៅ ៣ពាន់លានអឺរ៉ូ មកពីប្រទេសនេះ បានល្មើសបណ្តាបទកំណត់ ស្តីអំពីហិរញ្ញវត្ថុ របស់សហភាពអឺរ៉ុប ជាក់ស្តែងគឺមកពីបំណុលរដ្ឋ និងៃឱនភាពថវិការកើនឡើង។

៧.ប្រទេសBrazil  បានបារម្ភចំពោះកាកសំណល់រាប់លានម៉ែត្រគីបអាចហូរចូលទីប្រជំជន

ប្រទេស Brazil កំពុងខិតខំទប់ទល់នឹងគ្រោះថ្នាក់ត្រូវបាក់ទំនប់ Sul Superior ដែលជាទំនប់ ទប់ស្កាត់កាកសំណល់ របស់អណ្តូងរ៉ែ Gongo Soco ​ហើយបើសិនជាទំនប់នេះត្រូវបាក់នោះ គឺភក់ពុលរាប់លានម៉ែត្រគីប​ នឹងហូរចូលបណ្តាទីប្រជុំជន ទន្លេ និងព្រៃ។

ហើយបើយោងតាមសេចក្តីរាយការណ៍ពីស្ថាប័នបន្ទាន់នៃប្រទេស Brazil គឺមួយកំណាត់នៃអណ្តូងរ៉ែនេះ ត្រូវបិតទ្វារតាំងពីឆ្នាំ ២០១៦ កំពុងមានគ្រោះថ្នាក់អាចបាក់ស្រុតគ្រប់ពេលវេលា ហើយប្រជាជនជាង ៤០០នាក់ ដែលរស់នៅជំវិញទំនប់នេះ ត្រូវបានជន្លៀសេចេញពីតំបន់នេះ​កាលពីដើមខែឧសភា។

THANH HÓA: TRIỆT PHÁ ĐƯỜNG DÂY ĐÁNH BẠC

 ONLINE GẦN 4.000 TỶ ĐỒNG

ខេត្ត Thanh Hóa កំចាត់បានខ្សែរយៈលេងល្បែងស៊ីសង Online ជិត ៤.០០០ពាន់លានដុង

កាលពីល្ងាចថ្ងៃទី ២៨ខែឧសភា ការិយាល័យនគរបាលព្រហ្មទ័ណ្ឌ នៃស្នងការនគរបាលខេត្ត Thanh Hóa បានកំចាត់ដោយជោគជ័យ ខ្សែរយៈរៀបចំលេងល្បែងស៊ីសង និងលេងល្បែងស៊ីសងលើបញ្តាញអ៊ីនអ័ណែត ដែលមានប្រាក់លេងល្បែងដល់ទៅជាង ៤.០០០ពាន់លានដុង។

យោងតាមការស៊ើបនៃនគរបាលខេត្ត Thanh Hóa បានដឹងថា ជនដឹកនាំខ្សែរយៈលេងល្បែងស៊ីសងឈ្មោះ Trần Quang Trường (អាយុ ៣០ឆ្នាំ) ស្នាក់នៅសង្កាត់ Quảng Thắng ទីក្រុង Thanh Hóa.

បានដឹងថា ជនខិលខូចបានឆ្លៀតយកផលពីបណ្តាញអ៊ីនធ័រណែត សម្រាប់រៀបចំការ លេងបៀ Online តាមរយកម្មវិធីលេងហ្គែមបៀ និងបានរៀបចំនូវប្រព័ន្ធដេប៉ូកំរិតថ្នាក់ទី ១​​និងថ្នាក់ទី ២ សម្រាប់អ្នកលេងល្បែង អាចទូទាត់លុយផ្ទាល់លើបណ្តាញអ៊ីនធ័រណែត ឬ ផ្ទេរថវិការតាមរយៈធនាគារ។

បានដឹងថា នេះជាក្រុមលេងល្បែងស៊ីសងធំបំផុតមួយតាំងពីមុនមកបេះក្នុងខេត្ត Thanh Hóa ។

ហើយគិតដល់ថ្ងៃទី ២៨ខែឧសភា ការិយាល័យនគរបាលព្រហ្មទ័ណ្ឌខេត្ត Thanh Hóa បានវិនិច្ឆ័យទោស និងចាប់ដាក់គុកបណ្តោះអាសន្នជនពាក់ព័ន្ធ ៩នាក់។

ចំណែកឯមេដឹកនាំក្រុមនេះឈ្មោះ Trần Quang Trường បានរត់គេចខ្លួនបាត់។ ហើយការិយាល័យនគរបាលព្រហ្មទ័ណ្ឌខេត្ត Thanh Hóa បានចេញអាជ្ញាប្រកាសចាប់ខ្លួនក្នុងទូទាំងប្រទេសចំពោះឈ្មោះនេះ។

នៅពេលកម្លាំងមានសមត្ថិកិច្ចបានធ្វើការឆែកឆេរ ៥ដេប៉ូហ្គែមក្នុងភូមិសាស្ត្រទីក្រុង Thanh Hóa, ទីក្រុង Sầm Sơn និងទីក្រុងហាណូយ ក៏ដកហូតបានកំព្រួទ័រចំនួន ៧គ្រឿង, ឡាបតូបចំនួន ៧គ្រឿង, ទូរស័ព្ទចល័តចំនួន ៣៤គ្រឿង, កាតសម្រាប់លេងហ្គែមចំនួន ៩ដុំ, កម្មសិទ្ធផ្ទះ ២ច្បាប់, ឡានមួយគ្រឿង និងលុយជិត ៥០០លានដុង។ ក្រៅពីនេះ នៅមានឯកសារស្ថិតិលុយលងបៀរ និងរៀបចំលេងបៀឡើងដល់ជិត ៤.០០០ពាន់លានដុង។

ក្រៅពីនេះ នគរបាលខេត្ត Thanh Hoa បានឃាត់ទុកគណនីនៅធនាគារ ដែលមានប្រាក់ជាង ៦ពាន់លានដុង ហើយនេះក៏ជាវត្ថុតាងដែលក្រុមជននេះបានប្រើសម្រាប់លេងល្បែងស៊ីសង

ហើយករណីនេះ កំពុងត្រូវបានស្ថាប័នមានសមត្ថកិច្ចស៊ើបការបន្ត៕