ចំណាយថវិកាចំនួន ២ ពាន់លានដុល្លារដើម្បីដោះស្រាយបញ្ហាប្រែប្រួលអាកាសធាតុ - Tiếng Khmer 26/10/2019

ព័ត៌មាននៅក្នុងប្រទេស

១.ចំណាយថវិកាចំនួន ២ ពាន់លានដុល្លារដើម្បីដោះស្រាយបញ្ហាប្រែប្រួលអាកាសធាតុ

ក្រុមហ៊ុន  Syngenta បានឲ្យដឹងថា នឹងចំណាយថវិកាចំនួន ២ ពាន់លានដុល្លារ ក្នុងរយៈពេល ៥ ឆ្នាំខាងមុខដើម្បីឧបត្ថម្ភដល់ កសិករត្រៀម និងទប់ទល់បានកាន់តែប្រសើរជាង ចំពោះបញ្ហាធាតុអកាសកាន់តែអាក្រក់ឡើង។

ការវិនិយោគនេះ គឺសម្រាប់គាំទ្រគោលដៅនិរន្តរភាពថ្មីរបស់Syngenta គឺក្នុងមួយឆ្នាំ នឹង បង្កើតចេញ យ៉ាងតិច ២ ស្នាដៃខាងបច្ចេកវិទ្យាដល់ទីផ្សារ ។ សម្រាប់ជួយដល់សកម្មភាពខាងកសិកម្ម ប្រយោជន៍ ដើម្បីកាត់បន្ថយផលប៉ះពាល់មកពីអាកាសធាតុប្រែប្រួល កាត់បន្ថយលទ្ធភាព ដែលអាចបង្ករអន្តរាយនិងជួយដល់ប្រព័ន្ធស្បៀងអាហារ ដែលស្ថិតនៅក្នុងដែនកំណត់នៃភពផែនដី។

.ព្យាបាលដោយឥតគិតថ្លៃសម្រាប់កុមារចំនួន ១៦ នាក់ដែលមានជំងឺធ្ងន់ធ្ងរ

កុមារចំនួន ១៦ រូប ដែលមានជំងឺធ្ងន់ធ្ងរដូចជាជំងឺសរសៃប្រសាទ, ជម្ងឺខួរក្បាល, ជំងឺខូចទម្រង់សៃឈាម ដោយខ្លះគ្មានភ្នែកទៀតផង ... បាននិងកំពុងនិធិសប្បុរសធម៌ Nâng bước tuổi thơ រៀបចំការពិនិត្យសុខភាពជាមួយវេជ្ជបណ្ឌិតជា ជនជាតិអាមេរិក គឺលោ ម៉ាកឃិកម៉ាកខេនណុន ដែលោកបានបានវិលត្រឡប់មកប្រទេសវៀតណាមវិញចាប់ពីថ្ងៃទី ២១ ដល់ថ្ងៃទី ២៥ ខែតុលា។
បានដឹងថា វេជ្ជបណ្ឌិតម៉ាកខេនណុនបច្ចុប្បន្នជាសាស្រ្តាចារ្យនៅមន្ទីរពេទ្យ Saint Josepth ក្នុងទីក្រុងឈីកាហ្គោរដ្ឋអ៊ីលីណយនិងមន្ទីរពេទ្យចងចាំរបស់សាកលវិទ្យាល័យវេជ្ជសាស្ត្រឈីកាហ្គោ។ ក្នុងលើកវិលត្រឡប់មកប្រទេសវៀតណាមនេះ ក្រៅពីការព្យាបាលដោយឥតគិតថ្លៃចំពោះករណីដ៏កម្ររបស់កុមារនោះ គាត់ក៏បានធ្វើការវះកាត់ជូនអ្នកជំងឺពេញវ័យជាច្រើនទៀតផងដែរ ជាពិសេសអ្នកជំងឺដែលមានដុំសាច់យក្សនៅលើដងខ្លួន។

៣.ជាលើកដំបូងបានកត់សម្គាល់មានកុមារអាយុ ៣ ឆ្នាំមានជំងឺមហារីកក្រពេញទីរ៉ូអ៊ីត

យោងតាមមន្ទីរពេទ្យចក្ខុវិទ្យាពេទ្យមជ្ឈឹម គឺវេជ្ជបណ្ឌិតនៃមន្ទីរពេត្យនេះ បានទទួលជោគជ័យក្នុងការព្យាបាលជំងឺមហារីកក្រពេញទីរ៉ូអ៊ីត ជូនចំពោះអ្នកជំងឺអាយុតែ ៣ ឆ្នាំ។ នេះជាករណីពិសេសនិងជាករណីក្មេងជាងគេធ្លាប់បានព្យាបាលនៅមន្ទីរពេទ្យនេះ។

តាមសំដីរបស់លោកសាស្រ្តាចារ្យ Trần Ngọc Lương នេះជាករណីដែលអ្នកជំងឺមានវ័យតូចងជាងគេត្រូវបានអនុវត្តក្នុងន្ទីរពេទ្យ។ ក្នុងរយៈពេលវះកាត់ដុំសាច់កាចសាហាវ ហើយបានយកទៅវិភាគ លទ្ធផលគឺ កើតជំងឺមហារីកមហារីកក្រពេញទីរ៉ូអ៊ីត។ ករណីនេះត្រូវបានចាត់ទុកថា​ មិនសូវកើតមានឡើងចំពោះអ្នកជំងឺវ័យក្មេង ហើយមានប្រហែលតែ 5% ដែរកើតជំងឺនេះ។

៤. វិនិយោគជិត ២០ ពាន់លានដុងក្នុងការអភិរក្ស និងពិនិត្យយិនស៊ិនNgọc Linh

ការិយាល័យ នៃគណៈកម្មាធិការប្រជាជនខេត្តក្វាងណាមបានអោយដឹងថា លោកអនុប្រធានគណៈកម្មាធិការខេត្ត Lê Trí Thanh  បានចុះហត្ថលេខាលើសេចក្តីសំរេចចិត្តអនុម័តគំរោងវិនិយោគសាងសង់សំណង់អភិរក្ស និងត្រួតពិនិត្យយិនស៊ីន Ngọc Linh ។ គម្រោងនេះ វិនិយោគដោយមន្ទីរកសិកម្មនិងអភិវឌ្ឍន៍ជនបទខេត្តក្វាងណាមដោយមានដើមទុនសរុបជិត ២០ ពាន់លានដុង។

គម្រោងវិនិយោគនេះ ត្រូវបានអនុវត្តនៅឃុំTrà Linh (ស្រុក Nam Trà My) លើផ្ទៃដីប្រមាណ ១ ហិកតាចែកជាពីរផ្នែក និងត្រូវបានអនុវត្តចាប់ពីឆ្នាំ ២០១៩ ដល់ឆ្នាំ ២០២១ ដោយថវិការនិយោគជិត ២០ ពាន់លានដុងពីថវិកាខេត្ត។

ព័ត៌មានអន្តរជាតិ

៥.មានបន្ថែមគំរោងមនុស្សធម៌ជាច្រើនទៀតនៅក្នុងប្រទេសកូរ៉េខាងជើងត្រូវបានរួចផុតពីទណ្ឌកម្ម

ក្រុមប្រឹក្សាសន្តិសុខអង្គការសហប្រជាជាតិ  បានចេញសេចក្តីសម្រេចលើកលែងការដាក់ទណ្ឌកម្មលើគម្រោងកាកបាទក្រហមអន្តរជាតិដើម្បីផ្តល់ទឹកស្អាតនិងកែលម្អអនាម័យនៅប្រទេសកូរ៉េខាងជើង។

ជាក់ស្តែង ការសម្រេចចិត្តអនុវត្តលើសម្ភារៈចំនួន ១១ ប្រភេទដែលមានតម្លៃសរុប ៤.៨៨០ អឺរ៉ូ (ប្រមាណ ៥.៤៤២ ដុល្លារ) ។ ចំណាយលើដឹកជញ្ជូនវត្ថុធាតុដើមពីទីក្រុងដាន់ដុង (ភាគខាងកើតប្រទេសចិន) ទៅទីក្រុងSinuju (ប្រទេសកូរ៉េខាងជើង) គឺ ៤០០០ អឺរ៉ូ។ សេចក្តីសម្រេចចិត្តនេះ មានសុពលភាពរយៈពេល ៦ ខែចាប់ពីថ្ងៃទី ១១ខែតុលា ។

៦.រកឃើញសាកសពចំនួន ៣៩ នៅក្នុងរថយន្តកុងតឺន័រនៅចក្រភពអង់គ្លេស

បន្ទាប់ពីការរកឃើញសាកសពចំនួន ៣៩ នាក់នៅក្នុងរថយន្តកុងតឺន័រមួយនៅក្នុងតំបន់ Essex County ភាគអាគ្នេយ៍នៃប្រទេសអង់គ្លេសនោះ ប៉ូលីសបានបើកការស៊ើបអង្កេតករណីឃាតកម្មមួយ។ ក្នុងចំណោមជនរងគ្រោះមានម្នាក់ក្នុងវ័យជំទង់។

ប៉ូលីសបាននិយាយថាពួកគេបានទទួលការហៅរថយន្តសង្គ្រោះបន្ទាន់នៅម៉ោងជិត ១ និង ៤០ នាទីព្រឹកថ្ងៃទី ២៣ ខែតុលា។ ប៉ូលីសមួយរូប បានបញ្ជាក់ពីការចាប់ខ្លួនអ្នកបើកបររថយន្ត (អាយុ ២៥ ឆ្នាំ) នសង្ស័យជាឃាតករ។

៧.ការនាំចេញអង្កររបស់ប្រទេសថៃមិនបានសម្រេចតាមគោលដៅឆ្នាំ ២០១៩

ប្រធានកិត្តិយសនៃសមាគមអ្នកនាំចេញអង្ករថៃលោក Chookiat Ophaswongse បានមានប្រសាសន៍ថាការនាំចេញអង្កររបស់ប្រទេសនេះត្រូវបានគេប៉ាន់ស្មានថាមានចំនួនពី ៨ ទៅ ៨,១ លានតោននៅឆ្នាំ ២០១៩ ដែលទាបជាងគោលដៅនាំចេញ ៩ លានតោន។ ក្នុងរយៈពេល ៩ ខែដើមឆ្នាំនេះប្រទេសថៃបាននាំចេញអង្ករចំនួន ៥,៩ លានតោន។

HIỂM HỌA THUỐC ĐÁI THÁO ĐƯỜNG GIA TRUYỀN

ផលអាក្រក់នៅពេលបានប្រ់ប្រាស់ថ្នាំទឹកនោមផ្អែមតំណគ្រួសារ

ជំងឺទឹកនោមផ្អែម ត្រូវបានប្រៀបធៀបដូចជាមហាជំងឺរាតត្បាតនាសម័យទំនើប។ ទន្ទឹមនឹងវិធានការត្រួតពិនិត្យជាតិស្ករក្នុងឈាមដោយ  Insulin ជាវិធីរបស់ផ្នែកវេជ្ជសាស្ត្រលោកខាងលិចនោះ គឺអ្នកជំងឺជាច្រើន ក៏បានស្វែងរកវិធីព្យាបាលដោយថ្នាំពេទ្យបុរាណ ដោយបំណងថា នឹងសមស្របជាងនឹងជំងឺរបស់ខ្លួន។

ហើយមន្ទីរពេទ្យ Thống Nhất បានជូនដំណឹងថា នាពេលថ្មីៗនេះ មន្ទីរពេទ្យ បានទទួលព្យាបាលអ្នកជំងឺជាច្រើន ដែលត្រូវឆ្លងជាតិ lactic ក្នុងចំនួនដ៏ធ្ងន់ធ្ងរ មកពីផឹកថ្នាំព្យាបាលជំងឺទឹកនោមផ្អែម ដែលមានជាតិហាមឃាត់ phenformin។ មានករណីខ្លះ ត្រូវពុលជាតិនេះខ្លាំងពេក មិនអាចមើលជា បានជាក្រុមគ្រួសារត្រូវសុំយកទៅផ្ទះ សម្រាប់ធ្វើបុណ្យខ្មោច។

លោកវេជ្ជបណ្ឌិត Hoàng Ngọc Ánh ជាអនុប្រធានផ្នែកស្តារកម្លាំងឡើងវិញ និងការពារជាតិពុល​ នៃមន្ទីរពេទ្យ Thống Nhất បានឲ្យដឹងថា ចាប់ពីដើមឆ្នាំ ២០១៩ មកដល់ពេលនេះ អង្គភាពនេះ បានទទួលពី ៤-៥ករណី អ្នកជំងឺត្រូវប្លែងភាពជំងឺយ៉ាងធ្ងន់ធ្ងរ បន្ទាប់ពីបានផឹកថ្នាំមិនដឹងដើមប្រភព ដែលមានជាតិហាមឃាត់phenformin សម្រាប់ព្យាបាលជំងឺទឹកនោមផ្អែម។

យោងតាមអ្នកជំនាញខាងសុខាភិបាល គឺនាពេលថ្មីៗនេះ ការប្រើប្រាស់ជាតិ  phenformin សម្រាប់ផលិតថ្នាំព្យាបាលជំងឺទឹកនោមផ្អែម កាន់តែមានភាពស្មុគ្រស្មាញ និងពិបាកត្រួតពិនិត្យ។ បានដឹងថា ជាតិ  phenformin ត្រូវបានអ្នកវិជ្ជាសាស្ត្ររកឃើញកាលពីឆ្នាំ ១៩៥០ សម្រាប់ព្យាបាលជំងឺទឹកនោមផ្អែម។ ក៏ប៉ុន្តែ ក្នុងរយៈពេលតាមដាន អ្នកស្រាវជ្រាវសម្គាល់ឃើញថា ជាតិ  phenformin នេះ ​ទោះបីជាជួយត្រួតពិនិត្យជាតិស្ករក្នុងឈាមពិតមែន ប៉ុន្តែ បង្កើតប្រតិកម្មបន្ទាប់បន្សំយ៉ាងធ្ងន់ធ្ងរ អាចគំរាមកំហែងដល់អាយុជីវិត ហើយអាចធ្វើឲ្យអ្នកជំងឺត្រូវស្លាប់បាត់បង់ជីវិតទៀតផង  នោះគឺរាងកាយត្រូវឆ្លងជាតិ acid lactic។​ដោយហេតុនេះហើយ នៅប៉ុន្មានឆ្នាំ ១៩៧០ ជាតិ phenformin នេះ យូរទៅ ក៏ត្រូវហាមឃាត់មិនឲ្យប្រើប្រាស់នៅអាមេរិក និងនៅប្រទេសមួយចំនួន។

វេជ្ជបណ្ឌិត Hoàng Ngọc Ánh បានផ្តល់អនុសាសន៍ថា ៖ “ជំងឺទឹកនោមផ្អែម គឺជាប្រភេទជំងឺរ៉ាំរៃ និងកាន់តែមានមនុស្សកើតជំងឺច្រើន ហើយក៏បានធ្វើឲ្យជំងឺប្រែធ្ងន់ឡើង។ ប្រភេទជំងឺនេះ គឺអាចត្រួតពិនិត្យបាន ព្រមទាំងរាំងខ្ទប់ការហក់ជំងឺបាន​បើសិនជាអ្នកជំងឺគោរពតាមការព្យាបាលត្រឹមត្រូវ និងតាមដានជំងឺប្រចាំ។ម៉្យាងវិញទៀត​​ អ្នកជំងឺមិនត្រូវស្តាប់តាមពាក្យណែនាំពីអ្នកគ្មានឯទេស ឬជឿតាមពាក្យឃោសនាលើបណ្តាញអ៊ីនធ័រណែត ប្រើប្រាស់ថ្នាំដឹងដើមប្រភព  មិនព្រមព្យាបាលបន្ត នឹងធ្វើឲ្យហក់ជំងឺកាន់តែធ្ងន់ធ្ងរឡើង អាចឈានដល់ត្រូវស្លាប់បាត់បង់ជីវិតទៀតផង។ ទន្ទឹមនឹងនោះ របបអាហារត្រឹមត្រូវ​  ព្រមទាំងបានហាត់ប្រាណសមស្រប គួបផ្សំនឹងការប្រើប្រាស់្ថនាំ និងតាមដានជំងឺប្រចាំនៅក្នុងមន្ទីរពេទ្យ នឹងជួយឲ្យអ្នកជំងឺត្រួតពិនិត្យជំងឺរបស់ខ្លួនបានល្អជាង”៕

 

 

 

VOH

Bình luận

Đọc Báo