ព័ត៍មានក្នុងប្រទេស

១.ដល់ចុងឆ្នាំ ២០១៩ ការកែប្រែបែបបទរដ្ឋបាល ត្រូវមានការផ្លាស់ប្តូរយ៉ាងខ្លាំងក្លា

ថ្មីៗនេះ គណៈកម្មាធិការប្រជាជនទីក្រុងហូជីមិញ បានរៀបចំអង្គប្រជុំបូកសរុបការងារដំបូង និងវាយតម្លៃលទ្ធផល នៃការអនុវត្តប្រព័ន្ធវាយតម្លៃការពេញចិត្ត ចំពោះការដោះស្រាយបែបបទរដ្ឋបាល តាមសេចក្តីសម្រេចចិត្តលេខ 61/2018។

ថ្លែងសុន្ទរកថានៅក្នុងអង្គប្រជុំ លោក Nguyễn Thiện Nhân បានរំលឹកឡើងវិញ នូវភារកិច្ច “ការកែប្រែរបែបបទរដ្ឋបានមានភាពលោតថ្លោះ និងអនុវត្តសេចក្តីសម្រេចចិត្តលេខ ៥៤ របស់រដ្ឋសភា” ព្រមទាំងបានគូសបញ្ជាក់ថា ការវាយតម្លៃ នៃការពេញចិត្តរបស់ប្រជាជន នៅពេលដោះស្រាយបែបបទរដ្ឋបាលនោះ គឺជាបន្ទាត់វាស់វែងប្រសិទ្ធិភាព នៃដំណាក់កាលកែប្រែបែបបទ រដ្ឋបាលនៅក្នុងអង្គភាព និងស្ថាប័ននិមួយៗ។

លោក Nguyễn Thiện Nhân បានតម្រូវដល់កម្មាភិបាល និងនិយោជិតមួយរូបៗ ត្រូវស្តាប់មតិរបស់ប្រជាជ​ន ចាត់ទុការពេញចិត្តរបស់ប្រជាជន គឺជាបន្ទាត់វាស់វែងនៃការបំរើប្រជាជនរបស់ខ្លួន។ គោលដៅដល់ឆ្នាំ ២០២០ គឺប្រជាជនជាង ៨០% នឹងពេញចិត្ត នៅពេលបានមកបំពេញបែបបទរដ្ឋបាល។  ដល់ចុងឆ្នាំ ២០១៩ ការកែប្រែបែបបទរដ្ឋបាល នៅក្នុងទីក្រុងហូជីមិញ គឺត្រូវមានការប្រែប្រួលយ៉ាងខ្លាំងក្លា បង្កើតបានកាស្និតស្នាលជាមួយប្រជាជន នៅពេលបានមកបំពេញបែបបទនានា។ ​ហើយលោក Nguyễn Thiện Nhân ក៏បានចំណាំថា ប្រាក់ចំណាយនៃចំណូលកំណើន គឺឧបករណ៍ដ៏សំខាន់មួយ សម្រាប់បង្កើនគុណភាណបំរើប្រជាជន។ ទីក្រុងហូជីមិញ បានដាក់ចេញគោលដៅ គឺដល់ឆ្នាំ ២០២០ ប្រជាជនជាង ៨០% នឹងពេញចិត្ត នៅពេលបានទៅបំពេញបែបបទក្នុងស្ថាប័នរដ្ឋក្នុងទីក្រុងហូជីមិញ។

២.ស៊ើបអង្កេតបែបព្រហ្មទ័ណ្ឌក្រុមហ៊ុនមួយក្លែងក្លាយមួយ បាននាំចូលទំនិញពីប្រទេសចិន រួចដាក់ម៉ាក់ Asanzo

ការិយាល័យនគរបាលស៊ើបអង្កេតបទល្មើសខាងសេដ្ឋកិច្ច និងមុខងារ និងស្នងការនគរបាលទីក្រុងហូជីមិញ កំពុងស៊ើបអង្កេតរឿងព្រហ្មទ័ណ្ឌចំពោះក្រុមហ៊ុនមួយ បាននាំចូលទំនិញប្រទេសចិន ចូលលក់ក្នុងប្រទេស រួចដាក់ម៉ាក់សញ្ញាទំនិញ Asanzo។

ហើយបានដឹងថា មុននោះ ដោយមានសារព័ត៌មានមួយចំនួន បានចុះផ្សាយអំពីទំនិញម៉ាក់សញ្ញា Asanzo ជាទំនិញផលិតនៅប្រទេសចិន បានបិតបន្លំម៉ាក់ទំនិញវៀតណាម បានធ្វើឲ្យសាធាមតិជ្រួលច្របល់តែម្តង។ ហើយក្រោយពីសារព័ត៌មាននានាបានចុះផ្សាយនោះ គឺលោកនាយករដ្ឋមន្ត្រី បានបានតម្រូវឲ្យធ្វើការស៊ើបអង្កេត និងញ្ជាក់អំពីបណ្តុំសហគ្រាសអេឡិកត្រូនិក  Asanzo Việt Nam  បាននាំចូលទំនិញពីប្រទេសចិន រួចបន្លំទំនិញវៀតណាម លក់លើទីផ្សារ ព្រមទាំង ត្រូវបញ្ជាក់រាល់ការល្មើសនានា សម្រាប់វិនិច្ឆ័យឲ្យតឹងរឹងតាមការកំណត់របស់ច្បាប់។

៣.ខេត្ត Nghệ An៖ នាវាសង្គ្រោះ បានជួយសង្គ្រោះអ្នកនេសាទចំនួន ៧នាក់ក្នុងករណីលិចនាមួយ

ថ្មីៗនេះ មជ្ឈមណ្ឌលសហការស្វែងរកជនរងគ្រោះផ្លូវសមុទ្រវៀតណាម​ បានឲ្យដឹងថា នាវាជួយសង្គ្រោះ បានសង្គ្រោះអាយុជីវិតអ្នកនេសាទ ៧​នាក់ ក្នុងរណីលិចនាវាមួយ បានចូលកំពង់ផែ Cửa Lò ទីរួមខេត្ត Cửa Lò  នៃខេត្ត Nghệ Anដោយសុវត្ថិភាព។ ហើយបន្ទាប់ពីបានចូលចតកំពង់ផែភ្លាម​ សមាគមន៍អ្នកសេសាទឃុំ Tiến Thủy ស្រុក Quỳnh Lưu នៃខេត្តNghệ Anនិងសាច់ញាតិជនរងគ្រោះ ក៏បានជួលឡាន ដឹកជនរងគ្រោះ ៧នាក់នេះ ទៅស្រុកកំណើតវិញ។

៤.ចាប់មុខសញ្ញាដឹកនាំករណីយកកម្មសិទ្ធិផ្ទះក្លែងក្លាយ បោកបញ្ឆោតធនាគារ បាន ២២កោដិដុង

ស្នងការនគរបាលស៊ើបអង្គេតខេត្ត Lâm Đồng បានចេញសេចក្តីសម្រេច ឲ្យចាប់ដាក់ឃុំបណ្តោះអាសន្នឈ្មោះ Hoàng Thị Điệp សម្រាប់ស៊ើបអង្កេតអំពីបទ បោកបញ្ឆោតរឹបយកទ្រព្យសម្បត្តិអ្នកដទៃ និងប្រើត្រាក្លែងក្លាយ ឬ​ឯកសារក្លែងក្លាយរបស់ស្ថាប័នរដ្ឋ។

អំពើរបស់ក្រុមជនខិលខូចនេះ គឺបានយកលិខិតស្នាម បានបោះត្រាក្លែងក្លាយ សម្រាប់យកទៅបញ្ចាំ ខ្ចីលុយពីធនាគារ L.V នូវទឹកប្រាក់ជាង ២២កោដិ។ហើយករណីនេះ កំពុងត្រូវបានស្ថាប័នមានសមត្ថកិច្ចស៊ើបអង្កេតបន្ត សម្រាប់ស្វែងរកអង្គភាព ឬ​បុគ្គលណាបានជួយក្រុមនេះ អនុវត្តអំពើបោកបញ្ឆោត រឹបយកទ្រព្យសម្បតិ្តពីអ្នកដទៃ។

ព័ត៌មានអន្តរជាតិ

៥.Nigeria៖ ផ្ទុះឡានដឹងប្រេង យ៉ាងតិចមនុស្ស ៦០នាក់ត្រូវស្លាប់និងរបួស

បណ្តាស្ថាប័នជួយសង្គ្រោះនៃប្រទេស Nigeria  បានជូនដំណឹងថា  យ៉ាងហោចណាស់ មានមនុស្សចំនួន ១០នាក់ត្រូវស្លាប់បាត់បង់ជីវិត និងមនុស្សយ៉ាងតិច ៥០នាក់ត្រូវរងរបួស ក្នុងរកណីផ្ទុះឡានដឹងប្រេងមួយនៅភាគកណ្តាលនៃប្រទេសនេះ បន្ទាប់ពីផ្ទុះ ឡាននេះបានហោះចេញពីផ្លូវ រូចផ្ទុះតែម្តង ហើយប្រជាជននៅជុំវិញ ក៏បានសម្រុកចូលយកប្រេងតែម្តង។

អ្នកនាំពាក្យនៃក្រុមប្រឹក្សាមូលដ្ឋានបានឲ្យដឹងថា យ៉ាងតិចមានមនុស្សស្លាប់ចំនួន ៦៤នាក់ ប៉ុន្តែ ប៉ូលីស  Nigeria បានបដិសេដន៍មិនព្រមទទួលចំនួនមនុស្សត្រូវស្លាប់និងរបួស។ ហើយមានសាកសពមួយចំនួន ត្រូវភ្លើងឆេះខ្ទិចឡើងខ្មៅ មិនអាចសម្គាល់បាន និងមានមធ្យោបាយជាច្រើនក៏ត្រូវភ្លើងឆេះផងដែរ។

៦.អូស្ត្រាលីបានបង្កើនទប់ទល់នឹងភរវកម្មលើបណ្តាញសង្គម

សារព័ត៌មាន Guaridan បានផ្សាយថា មានភ្នាក់ងាពិសេសមួយក្រុម ស្តីអំពីបញ្ហាសន្តិសុខបញ្តាញសង្គម នៃប្រទេសអូស្ត្រាលី បានលើកមតិ អំពីព្រាងច្បាប់ការពារភារវកម្មបែបថ្មី ហើយយោងតាមនោះ នឹងប្រគល់បន្ថែមសិទ្ធិដល់រដ្ឋាភិបាល បានរាំងខ្ទប់ការចូលក្នុងបណ្តាទំព័រអ៊ីនធ័រណែត ក្នុងករណីចាំបាច់។

៧. ភ្លៀងនិងទឹកជំនន់នៅឥណ្ឌានិងរុស្ស៉ី៖ យ៉ាងតិច ៣៨នាក់ត្រូវស្លាប់

សារព័ត៌មាន The Indian Express បានជូនដំណឹងថា យ៉ាងតិចក៏មានមនុស្សចំនួន ២៤នាក់ ត្រូវស្លាប់ មកពីភ្លៀងខ្លាំងនៅទីក្រុង Mumbai ដែលជាមជ្ឈមណ្ឌលហិរញ្ញវត្ថុនៃប្រទេសឥណ្ឌា។ ជញ្ជាំងមួយ នៅតំបន់ទីប្រជុំជនក្រីក្រ ស្ថិតនៅតំបន់ Pimpripada ត្រូវរលំ បណ្តាល ឲ្យមនុស្សចំនួន ១៩នាក់ត្រូវស្លាប់។ ហើយចំនួនមនុស្សស្លាប់អាចកើនឡើង នៅពេលដែលនៅមានមនុស្សច្រើននាក់ទៀត នៅជាប់គាំងក្នុងគំនរបាក់បែកនេះ។

ហើយនៅតំបន់  Kalyan ជញ្ជាំងនៃសាលារៀនមួយ ក៏ត្រូវរលំ បណ្តាលឲ្យមនុស្ស ៣នាក់ត្រូវស្លាប់។

ហើយទីភ្នាក់ងារសារព័ត៌មាន TASS នៃប្រទេសរុស្ស៉ីបានក៏បានជូនដំណឹងថា ចំនួនមនុស្សត្រូវស្លាប់មកពីទឹកជំនន់នៅខេត្ត Irkutsk ភាគខាងកើតតំបន់ Siberia នៃប្រទេសរុស្ស៉ីបានកើនឡើង ១៤នាក់ហើយ។

TÁM NĂM TÙ CHO ĐỐI TƯỢNG THAM GIA

TỔ CHỨC PHẢN ĐỘNG

ជនចូលរួមអង្គការក្បត់ជាតិ ត្រូវជាប់ឃុំ ៨ ឆ្នាំ

កាលពីថ្ងៃទី ២៧ ខែមិថុនា​ តុលាការប្រជាជនទីក្រុងហូជីមិញ បានបើកសវនាការកាត់ក្តី និងវិនិច្ឆ័យទោសឈ្មោះ Trần Công Khải (កើតនៅឆ្នាំ ១៩៦៤ មុខរបរជាសការី) ត្រូវជាប់ឃុំ ៨ ឆ្នាំ អំពីបទ “ធ្វើសកម្មភាពសម្រាប់ផ្តួលរំលំរដ្ឋអំណាចប្រជាជន”។

យោងតាមសំណុំរឿង ឈ្មោះ Trần Công Khải បានចុះឈ្មោះចូលរួមអង្គការ “រដ្ឋាភិបាលជាតិវៀតណាមបណ្តោះអាសន្ន” ដឹកនាំដោយឈ្មោះĐào Minh Quân (កំពុងរស់នៅសហរដ្ឋអាមេរិក) ។ បានដឹងថា នេះជាអង្គការក្បត់ជាតិធ្វើនិរទេស បានឃោសនាសម្រាប់អូសទាញជនដែលមានគំនិតថ្នាំថ្នាក់ ស្អប់របប និងរដ្ឋនៃសាធារណរដ្ឋសង្គមនិយមវៀតណាម។ អង្គការនេះ​ បានឆ្លៀតយកផលពីបញ្តញសង្គម បណ្តាញអ៊ីនធ័រណែត និងកម្មវិធីផ្សេងៗកើបណ្តាញសង្គម សម្រាប់ឃោសនា និងមូលបង្កាច់គោលការណ៍ គោលនយោបាយរបស់ បក្ស និងរដ្ឋ។

នៅពេលជនណាបានចូលរួមអង្គការនេះ ត្រូវអនុវត្តបណ្តាសកម្មភាពបំផ្លាញស្ថិរភាព ការអភិវឌ្ឍន៍របស់ប្រទេសជាតិ បង្កអសន្តិសុខខាងនយោបាយ សណ្តាប់ធ្នាប់សង្គម ដោយគោលបំណងផ្តួលរំលំរដ្ឋអំណាចប្រជាជន។

ទោះបីជាបានដឹងច្បាស់បំណង និងគោលដៅរបស់ក្រុមប្រតិកិរិយានេះ ប៉ុន្តែ ឈ្មោះ Trần Công Khải នៅតែចូលរួម និងអូសទាញអ្នកដទៃឲ្យចូលរួម។

ហើយក្នុងរយៈពេលចូលរួមក្រុមនេះ ឈ្មោះ Trần Công Khải និងមុខសញ្ញាមួយចំនួនទៀត នៅបានអនុវត្តសកម្មភាពបំផ្លាញព្រឹត្តិតការណ៍មួយចំនួននៅក្នុងប្រទេស។

បានដឹងថា ឈ្មោះ Trần Công Khải  ជាអ្នកមានចំណេះ យល់ដឹងខាងច្បាប់ នយោបាយនិងសង្គម មានរយៈពេលច្រើនឆ្នាំ បំពេញការងារក្នុងវិស័យច្បាប់​ ហើយមុនពេលត្រូវចាប់ខ្លួន ឈ្មោះនេះធ្វើជាសការី នៅការិយាល័យសារការីនៅខណ្ឌលេខ ៧៕