ព័ត៌មានក្នុងប្រទេស

១.ពិធីចុះកិច្ចព្រមព្រៀង និងប្រគល់ ៨ សំណុំឯកសារអំពីកិច្ចសហប្រតិបត្តិការវៀតណាម-ឡាវ

ថ្មីៗនេះ នៅក្នុងទីស្នាក់ការមជ្ឈឹមបក្ស លោក Nguyen Phu Trong ជាអគ្គលេខាបក្ស និងជាប្រធានរដ្ឋនៃសាធារណរដ្ឋសង្គមនិយមវៀតណាម បានទទួលជួចគណៈប្រតិភូជាន់ខ្ពស់រដ្ឋាភិបាលនៃប្រទេសឡាវ ដឹកនាំដោយលោក Thongloun Sisoulith ជានាយករដ្ឋមន្ត្រីនៃប្រទេសឡាវ បានអញ្ចើញមកទស្សនកិច្ចជាផ្លូវការប្រទេសវៀតណាម។ ហើយក្រោយពីកិច្ចសន្ទនា ថ្នាក់ដឹកនាំទាំងពីរ បានទទួលដឹងឮកិច្ចចុះហត្ថលេខា និងប្រគល់សំណុំឯកសារ ៨ លើបណ្តាវិស័យដូចជា៖ សេដ្ឋកិច្ច, វិនិយោគ, អប់រំ, ហិរញ្ញវត្ថុ, ធនាគារ, ថាមពល និងអាកាសចរណ៍។

២.មេដឹកនាំខ្សែរយៈគ្រឿងញៀនឆ្លងប្រទេស និង ជនផ្សំគំនិត ៨នាក់ត្រូវកាត់ក្តី

ថ្មីៗនេះ តុលាការប្រជាជនទីក្រុងហូជីមិញ បានបើកសវនាការកាត់ក្តីជនជាប់ចោទឈ្មោះ Phan Hữu Hiệu (កើតឆ្នាំ ១៩៧០ ស្រុកកំណើតនៅខេត្ត Nghệ An)និងជនផ្សំគំនិត ៨ នាក់ទៀត អំពីបទ ជួញដូរគ្រឿងញៀនខុសច្បាប់។ បានដឹងថា​ នេះជាក្រុមជនពាលបានជួញដូរគ្រឿងញៀនក្នុងចំនួនច្រើនបំផុតតាំងពីមុនមក គឺហេរ៉ូអ៊ីនចំនួន ៣៧៩ដុំ ស្មើរនឹងទំងន់ ១៣២ គីឡូក្រាម និងគ្រឿងញៀនសម្រូបចំនួន ៥៥គីឡូក្រាម។ ជនចាប់ចោទ ៩នាក់នេះ ត្រូវអយ្យការកំពូលចោទប្រកាន់អំពីបទ “ជួញដូរគ្រឿងញៀនខុសច្បាប់” ដោយយោងតាមចំណុចទី ៤ ប្រការលេខ ២៥១ នៃច្បាប់ព្រហ្មទ័ណ្ឌ ដែលមានកម្រិតវិនិច្ឆ័យខ្ពស់បំផុតគឺប្រហារជីវិត។

៣.ដកហូតគ្រឿងក្នុងជ្រូកឆ្លងជំងឺចំនួន ៦តោន

នគរបាលទីក្រុង Hải Phòng បានឲ្យដឹងថា  អង្គភាពនេះ បានសហការជាមួយកម្លាំងគ្រប់គ្រងទីផ្សារចាប់បាន​ និងកំទេចចោលគ្រឿងក្នុងសត្វជ្រូកត្រូវឆ្លងរោគប៉ែសជ្រូកអាហ្វ្រិកចំនួន ៦តោន ដែលជនខិលខូចកំពុងដឹកយកទៅលក់។ ហើយផ្នែកមានសមត្ថកិច្ចក៏បានផាកពិន័យជនល្មើសនេះ។

៤.កំចាត់ដោយជោគជ័យខ្សែរយៈជួញដូរគ្រឿងញៀនក្នុងចំនួនដ៏ច្រើន ដែលលក់តាមបារនិងរង្គសាលនៅទីក្រុងហូជីមិញ

បន្ទាប់ពីធ្វើការតាមដានច្រើនថ្ងៃ នគរបាលទីក្រុងហូជីមិញ បានរកឃើញខ្សែរយៈដឹកជញ្ជូនគ្រឿងញៀនដ៏ធំ សម្រាប់លក់ឲ្យអ្នកញៀន នៅតាមបារ និងរង្គសាលនៅទីក្រុងហូជីមិញ និងបណ្តាខេត្តភាគខាងត្បូង។ ដោយនគរបាលចាប់បានមុខសញ្ញា ៤ នាក់ ឃាត់ទុកគ្រឿងញៀនសម្រូបចំនួន ១៥គីឡូក្រាម និងថ្នាំគ្រវីចំនួន ៥០.០០០គ្រាប់។

ព័ត៌មានអន្តរជាតិ

៥.ទឹកជំនន់នៅឥណ្ឌាបណ្តាឲ្យមនុស្សចំនួន ១៤៨នាក់ត្រូវស្លាប់បាត់បង់ជីវិត

យោងតាមសារព័ត៌មាន India Today គឺគិតដល់ថ្ងៃទី ១ខែតុលា ចំនួនមនុស្សស្លាប់មកពីភ្លៀងធំ និងបន្លាយយូរថ្ងៃ នៅភាគខាងត្បូងនៃប្រទេសនេះ បានបង្កើនអ្នកស្លាប់ឡើងដល់ចំនួន ១៤៨នាក់ហើយ។ បានដឹងថា រដូវភ្លៀងនៅប្រទេសឥណ្ឌាច្រើនតែកើតឡើងពីខែមិថុនា ដល់ដល់បញ្ជប់ខែកញ្ញា។ ស្ថានភាពភ្លៀងដ៏ធំកើតឡើងនៅចុងរដូវភ្លៀង ត្រូវបានចាត់ទុកថាជាបាតុភូតមិនប្រក្រតី។

៦.អង្គការសហប្រជាជាតិអំពាវនាវប្រទេសក្រិចត្រូវរួសរាន់បញ្ជូនជនសុំសិទ្ធិជ្រោកកោន ៥.០០០នាក់ បានចូលដីគោក

UNHCR បានអំពាវនាវដល់ប្រទេសក្រិច ត្រូវរួសរាន់បញ្ជូនជនសុំសិទ្ធិជ្រោកកោណរាប់ពាន់នាក់ ចេញពីណ្ឌលទទួលនានា ដែលកំពុងផ្ទុកហួសចំនួនមនុស្ស ស្ថិតនៅលើប្រជុំកោះAegeaរបស់ប្រទេសនេះ។ ហើយបានដឹងថា ស្ថានភាពនៅលើប្រជុំកោះដែលមានជំរុំភាសខ្លួនលើកោះLesvos, Samos និងKos គឺគ្រោះថ្នាក់ខ្លាំងណាស់។ ហើយបើយោងតាមការស្ថិតិពី UNHCR បានដឹងថា ក្នុងឆ្នាំ ២០១៩ ប្រទេសក្រិចបានទទួលជនភាសខ្លួនជាច្រើន មកពីតំបន់សមុទ្រមេឌីទេរ៉ាណេ ចំនួន 45.600 នាក់ ហើយភាគច្រើន មកពីប្រទេសអេស្បាញ, អ៊ីតាលី, Malta និងCyprus។

៧.ប្រាក់ពន្ធលើការចំណាយនៅប្រទេសជប៉ុនត្រូវបានដំឡើងពី ៨% ឡើងដល់ ១០%។​ហើយបានដឹងថា នេះជាលើកទី ១ ដែលប្រទេសជប៉ុនបានដំឡើងប្រាក់ពន្ធលើការចំណាយ បន្ទាប់ពីពន្យាបាន ៤​ឆ្នាំ។

៨. រដ្ឋាភិបាលនៃប្រទេស In-đô-nê-xi-a បានសម្រេចបិទទ្វារកោះCô-mô-đô ដែលជាចំណុចធ្វើទេសចរណ៍ដ៏ល្បីនៅប្រទេសនេះ មកពីលើកោះនេះមានចំនួនសត្វនាគCô-mô-đô ច្រើន និងមិនត្រូវរងការគំរៀមកំហែងពីខាងក្រៅ។

ប្រទេសវៀតណាម​ ខិតខំត្រួតពិនិត្យការឆ្លងរោគក្នុងមន្ទីរពេទ្យ

កសាងបន្ថែមការណែនាំ តាមដានបទដ្ឋានវិនិច្ឆ័យឆ្លងមេរោគក្នុងសួត និងឆ្លងមេរោគក្នុងស្នាមវះកាត់, បញ្ជូលប្រូក្រាមរាយការណ៍អំពីការឆ្លងមេរោគក្នុងមន្ទីរពេទ្យកម្រិតថ្នាក់ជាតិ ចូលក្នុងសកម្មភាពជាផ្លូវការ, ជំរុញការអនុវត្តប្រព័ន្ធតាមដានការឆ្លងមេរោគ…គឺជាភារកិច្ចសំខាន់របស់ផ្នែកសុខាភិបាលនារយៈខាងមុខ។

ថ្មីៗនេះ ក្រសួងសុខាភិបាល បានរៀបចំសន្និសិទ ស្តីអំពីការបង្កើនកិច្ចការត្រួតពិនិត្យការឆ្លងមេរោគក្នុងផ្នែកដាក់ថ្នាំសណ្តំ និងស្តារកម្លាំងឡើងវិញយ៉ាងសកម្មនៅតាមមណ្ឌលសុខភាពនានា ដែលមានការចូលរួមពីអ្នកតំណាងជាង ៤០០នាក់ មកពីមណ្ឌលសុខាភិបាលនានាក្នុងទូទំាងប្រទេស។

ហើយនៅក្នុងសន្និសិទនេះ លោកជំទាវរដ្ឋមន្ត្រីក្រសួងសុខាភិបាល Nguyễn Thị Kim Tiến បានឲ្យដឹងថា​ មកដល់ពេលនេះ ប្រទេសវៀតណាម​សម្រេចបាននូវលទ្ធផលមួយចំនួន ក្នុងកិច្ចការត្រួតពិនិត្យការឆ្លងមេរោគក្នុងមន្ទីរពេទ្យ, ជំហានដំបូង អនុវត្តការតាមដានករណីត្រូវឆ្លងមេរោគក្នុងមន្ទីរពេទ្យ, តាមដានការគោរពតាមការធ្វើអនាម័យដៃ, តាមដានការគោរពបណ្តាទម្រង់ការត្រួតពិនិត្យការឆ្លងមេរោគ, ត្រួតពិនិត្យមេរោគដែលបង្ករឲ្យឆ្លងមេរោគក្នុងមន្ទីរពេទ្យ និងស៊ាំនឹងថ្នាំអង់ទីប៊ីយូទិក។ ហើយជាជំហានៗ​ ផ្នែកសុខាភិបាលក៏បានដាក់ចេញនូវបទដ្ឋាន ចំពោះកិច្ចការម្ងាប់មេរោគ បង្កើនអនាម័យមន្ទីរពេទ្យ ម្ចាស់ការការពារ ទប់ស្កាត់នឹងការរាតត្បាតនៃជំងឺ…។

ក៏ប៉ុន្តែ អត្រាឆ្លងមេរោគក្នុងមន្ទីរពេទ្យនៅមានកម្រិតខ្ពស់នៅឡើយ ហើយជួនកាលការក្លាយរោគនៃការឆ្លងមេរោគក្នុងមន្ទីរពេទ្យ បែរជាធ្ងន់ជាងជំងឺដែលអ្នកជំងឺត្រូវកើតនោះទៅទៀត។អង្គការសុខាភិបាលពិភពលោកបានវាយតម្លៃ ចំពោះអត្រានៃការឆ្លងមេរោគនៅក្នុងបណ្តាមន្ទីរពេទ្យក្នុងប្រទេសនៅទ្វីបអឺរ៉ុបមានប្រមាណ ៥% ហើយនៅបណ្តាប្រទេសមានប្រាក់ចំណូលទាប និងមធ្យមប្រមាណពី ៥,៧% - ១៩,១%។

ប្រឈមនឹងការគំរៀមកំហែងនៃការឆ្លងមេរោគនៅក្នុងបណ្តាមន្ទីរពេទ្យ ដែលប៉ះពាល់ដល់សុខភាពរបស់ប្រជាជនោះ លោកជំទាវរដ្ឋមន្ទីក្រសួងសុខាភិបាល ក៏បានតម្រូវដល់ថ្នាក់ដឹកនាំនៅមណ្ឌលសុខាភិបាលនានា ត្រូវធានានឹងអនុវត្តឲ្យបានត្រឹមត្រូវ និងគ្រប់គ្រាន់ រាល់ខ្លឹមសារដែលបានកំណត់ក្នុងច្បាប់នានា ប្រកាសដោយក្រសួងសុខាភិបាល។ ក្រៅពីការមានកម្លាំងជំនាញគ្រប់គ្រាន់នោះ លោកជំទាវរដ្ឋមន្ត្រីក៏បានតម្រូវដល់អង្គភាពនានា ត្រូវរចនា និងកែលំអរសំណង់ហេដ្ឋរចនាសម្ព័ន្ធនានា បំពាក់ប្រដាប់ប្រដារ មធ្យោបាយនាន មានលក្ខណៈគ្រប់គ្រាន់ សម្រាប់ដាក់អ្នកជំងឺដាច់ដោយឡែក អនាម័យដៃ អនាម័យបរិស្ថាន និងសម្លាប់មេរោគ។ ព្រមទាំង ត្រូវជំរុញតួនាទីត្រួតពិនិត្យ តាមដានការឆ្លងមេរោគក្នុងមន្ទីរពេទ្យ តាមការគោរពតាមការពារមិនឲ្យឆ្លងមេរោគក្នុងមន្ទីរពេទ្យ ដល់បុគ្គលសុខាភិបាល និស្សិត សិស្សានុសិស្ស អ្នកជំងឺ និងសាច់ញាតិអ្នកជំងឺ។

លោកបរិញ្ញាទោ Nguyễn Trọng Khoa ជាអនុប្រធាននាយកដ្ឋានគ្រប់គ្រងការពិនិត្យ និងព្យាបាលជំងឺបានឲ្យដឹងថា មកដល់ពេលនេះ ប្រទេសវៀតណាម មិនទាន់បានកសាងនូវប្រព័ន្ធតាមដានការឆ្លងមេរោគក្នុង ៦ មន្ទីរពេទ្យ។ ហើយរយៈពេលខាងមុខ ក្រសួងនឹងជំរុញអនុវត្តកម្មវិធីសាកល្បងនៅ ១២មន្ទីរពេទ្យ ហើយតទៅមុខ នឹងប្រគល់បច្ចេកទេសតាមដានការឆ្លងមេរោគក្នុងមន្ទីរពេទ្យ ដល់ ៣០មន្ទីរពេទ្យបន្ទាប់៕