យុទ្ធនាការដាំរុក្ខជាតិសាគូរ៉ាចំនួន ១.០០០ដើម នៅតំបន់ខ្ពស់រាប-Tiếng Khmer 12/07/2019

ព័ត៌មាននៅក្នុងប្រទេស

១.បង្កើនកិច្ចសហប្រតិបត្តិការរវាងកម្លាំងប៉ូលិសវៀតណាម និងឡាវ

ថ្មីៗនេះ នៅក្នុងសន្និសិទសហប្រតិបត្តិការណ៍ ការពារទប់ស្កាត់បទល្មើស និងរក្សាសណ្តាប់ធ្នាប់សង្គម រវាងក្រសួងនគរបាលវៀតណាម និងក្រសួងសន្តិសុខនៃប្រទេសឡាវ លើកទី ១០ បានបើកសម្ពោធនៅរដ្ឋធានី Vientiane នៃប្រទេសឡាវជាមិត្ត។ ចូលរួមមានអ្នកតំណាងជាថ្នាក់ដឹកនាំច្រើនរូប មកពីបណ្តានាយកដ្ឋានជំនាញ ថ្នាក់ដឹកនាំស្នងការនគរបាល នៅតាមបណ្តាខេត្តនៃប្រទេសវៀតណាម និងឡាវ។ លោក ឧត្តមសេនីយ៍ត្រីHoàng Quang Hướng ជាប្រធានស្ថានតំណាងនៃក្រសួងនគរបាលវៀតណាម ប្រចាំនៅប្រទេសឡាវ បានចូលរួមសន្និសិទ។ បញ្ចប់សន្និសិទ ភាគីទាំងពីរបានចុះហត្ថលេខាលើសេចក្តីកំណត់ហេតុ ស្តីអំពីកិច្ចសហប្រតិបត្តិការណ៍ រវាងកម្លាំងប៉ូលិសនៃក្រសួងនគរបាលវៀតណាម និងក្រសួងសន្តិសុខនៃប្រទេសឡាវ។

២.Trà Vinh ៖បានវិនិច្ឆ័យទោសអ្នកគូកជេរដី ក្នុងករណីកេងយកប្រយោជន៍ពីគោលនយោបាយ នូវទឹកប្រាក់ជាង ១២០កោដិដុង

ស្នងការនគរបាលស៊ើបអង្កេត នៃនគរបាលខេត្ត Trà Vinh បានសម្រេចចិត្តវិនិច្ឆ័យទោស និងចាប់ឃុំបណ្តោះអាសន្ន ចំពោះឈ្មោះ Trần Thanh Vũ  (អាយុ ៤៣ឆ្នាំ ស្នាក់នៅឃុំ Long Đức ទីក្រុង Trà Vinh) សម្រាប់បំរើការស៊ើបអង្កេតករណី “ល្មើសចំពោះបទកំណត់គ្រប់គ្រង និងប្រើប្រាស់ទ្រព្យសម្បត្តិរដ្ឋ បណ្តាលឲ្យខាតបង់ និងខ្ជះខ្ជាយ”។

បានដឹងថា ជនជាប់ចោទគឺជាថ្នាក់ដឹកនាំ និងអ្នកឯកទេស នៃការិយាល័យធនធាននិងបរិស្ថាន ហើយក្នុងរយៈពេល​វាយតម្លៃឯកសារមិនបាច់បង់ពន្ធ និងបន្ថយបង់ពន្ធ ផ្លាស់ប្តូរគោលដៅប្រើប្រាស់ដីធ្លី បានមានចេតនាមិនអនុវត្តការត្រួតពិនិត្យតាមការកំណត់ បណ្តោយឲ្យអ្នកគូកជេរដី ឆ្លៀតឱកាសគោលនយោបាយរបស់រដ្ឋ ហើយបានធ្វើឲ្យរដ្ឋត្រូវខាតបង់ជាង ១២០កោដិដុង។

៣.ការនាំចេញគ្រឿងជលផល ៦ខែចុងឆ្នាំអាចសម្រចបាន ៥ កោដិ USD

យោងដំណឹងពីសមាគមន៍កែច្នៃ និងនាំចេញគ្រឿងជលផលវៀតណាម គឺក្នុង ៦ ខែចុងឆ្នាំ ការនាំចេញគ្រឿងជលផល ទៅទីផ្សារ  EU អាមេរិក និងជប៉ុន អាចល្អជាង បន្ទាប់ពីសន្ធិសញ្ញា  EVFTA ចូលជាសុពលភាព ពិសេស គឺចំពោះមុខទំនិញបង្គាតែម្តង។ ហើយទីផ្សារនៃប្រទេសចិន នឹងគ្មានសញ្ញាល្អជាង យ៉ាងតិចគឺ ៦ ខែចុងឆ្នាំ ដោយហេតុនេះហើយ ការនាំចេញគ្រឿងជលផល ទៅទីផ្សារនេះ នឹងថយចុះ បើធៀបនឹងឆ្នាំ ២០១៨។

៤.យុទ្ធនាការដាំរុក្ខជាតិសាគូរ៉ាចំនួន ១.០០០ដើម នៅតំបន់ខ្ពស់រាប

ថ្មីៗនេះ នៅស្រុក Lạc Dương (នៃខេត្ត Lâm Đồng) បានរៀបចំពិធីបំផុសយុទ្ធនាការដាំរុក្ខជាតិសាគូរ៉ាចំនួន ១.០០០ដើម នៅលើតំបន់ខ្ពង់រាប Langbiang ។​បានដឹងថា នេះព្រឹត្តិការណ៍មួយក្នុងចំណោមបណ្តាព្រឹតិ្តការណ៍តភ្ជាប់អង្គភាព ស្ថាប័នអាជីវកម្ម និងបុគ្គល ឲ្យរួមគ្នា ខិតខំកែលំអរបរិស្ថានបៃតង។ ហើយចំណាយនៃការដាំរុក្ខជាតិនេះ​ អស់ប្រមាណ ៧០០លានដុងដុង។

ព័ត៌មានអន្តរជាតិ

៥.ប្រទេសថៃចង់ក្លាយជាមជ្ឈមណ្ឌលផ្លូវដែកឆ្លងអាស៊ាន

រដ្ឋាភិបាលនៃប្រទេសថៃ កំពុងអនុវត្តគម្រោងការសាងសង់បណ្តាញផ្លូវដែកល្បឿនលឿន តភ្ជាប់ប្រទេសនេះ ជាមួយបណ្តាប្រទេសផ្សេងៗក្នុងតំបន់ រួចទៅដល់ប្រទេសសិង្ហបុរី និងប្រទេសចិន។

លោកPailin Chuchottaworn ជារដ្ឋមន្ត្រីក្រសួងគមនាគមន៍ថៃបានឲ្យដឹងថា ប្រជាជនថៃ អាចឡើងជិះរថភ្លើងល្បឿនលឿន ក្នុងស្ថានីយ៍រថភ្លើងមួយ​ ស្ថិតនៅខណ្ឌ Bang Sue ក្នុងរដ្ឋធានី Bangkok  សម្រាប់ជិះទៅប្រទេសសិង្ហបុរី និងចិន។ នេះជាប្រការមួយអាចអនុវត្តបាន បើសិនជាបានសាងសង់ ៤​ខ្សែរថភ្លើងល្បឿនលឿន ហើយស្ថានីយ៍រថភ្លើងស្ថិតក្នុងខណ្ឌ  Bang Sue នឹងក្លាយជាមជ្ឈមណ្ឌលនៃប្រព័ន្ធផ្លូវដែកឆ្លងអាស៊ាននេះ។

៦.ប្រទេសរុស្ស៉ី បានបញ្ឈប់សកម្មភាពគន្លងហោះហើរដល់Gruzia

លោកប្រធានាធិបតីនៃប្រទេសរុស្ស៉ី Vladimir Putin បានចុះហត្ថលេខាលើក្រិត្យ ហាមឃាត់មិនអនុញ្ញាតក្រុមហ៊ុនអាកាសចរណ៍នានា បញ្ឈប់សកម្មភាពហោះហើរដល់ប្រទេស Gruzia ។ បានដឹងថា អាជ្ញាហាឃាត់នេះ ត្រូវបានប្រកាសឲ្យប្រើ បន្ទាប់ពីនៅប្រទេសGruzia បានផ្ទុះបាតុកម្មជាច្រើនកាលពីថ្ងៃទី ២០ខែមិថុនា នៅខាងក្រៅអាគារដ្ឋសភានៃប្រទេសនេះ។ ហើយប្រទេសរុស្ស៉ីបានបង្កើតអង្គភាពមួយ សម្រាប់តាមដានមុខសញ្ញានានាជាជនជាតិរុស្ស៉ី ដែលត្រឡបមកពីប្រទេសGruzia។ ហើយបណ្តាក្រុមហ៊ុនអាកាសចរណ៍នៃប្រទេសរុស្ស៉ី ក៏បានផ្តល់អនុសាសន៍ ឲ្យបញ្ឈប់លក់ធួរទេសចរណ៍ទៅ Gruzia លុះដល់ពេលស្ថានភាពនេះត្រឡបមកធម្មតាវិញ។

៧.ក្រុមហ៊ុនអាកាសចរណ៍មួយ​អាចត្រូវផាកពិន័យនូវទឹកប្រាក់ជាង ២០០លាន USD មកពីធ្វើឲ្យបែកធ្លាយព័ត៌មានរបស់អតិថិជន

ក្រុមហ៊ុនអាកាសចរណ៍ British Airways កំពុងប្រឈមមុខអាចត្រូវផាកពិន័យនូវទឹកប្រាក់ចំនួន ​២២៩លាន ៨សែនដុល្លារអាមេរិក ពីក្រុមប្រឹក្សាព័ត៌មាននៃប្រទេសអង់គ្លេស មកពីព័ត៌មានរបស់អតិជនខ្លួនត្រូវគេលួចយកកាលពីឆ្នាំ ២០១៨។

ហើយបានដឹងថា កាលពីខែកញ្ញាឆ្នាំ ២០១៨ ក្រុមហ៊ុននេះ ត្រូវគេវាយប្រហារចូលក្នុងទំព័រវែបសៃ និងកម្មវិធីក្នុងទូរស័ព្ទរបស់ក្រុមហ៊ុននេះ ហើយបានលួចព័ត៌មានរបស់អតិថិជនប្រមាណ ៣៨០.០០០នាក់។

TPHCM: THƯỞNG TỐI ĐA 1 TỶ ĐỒNG CHO NGƯỜI CÓ TÀI NĂNG ĐẶC BIỆT

ទីក្រុងហូជីមិញជូនរង្វាន់ច្រើនបំផុត ១ កោដិ ចំពោះអ្នកមានទេពកោសល្យពិសេស

គណៈកម្មាធិការប្រជាជនទីក្រុងហូជីមិញ បានប្រកាសឲ្យប្រើជាផ្លូវការ ចំពោះគោលនយោបាយទាក់ទាញ និងអភិវឌ្ឍន៍អ្នកជំនាញ អ្នកវិទ្យាសាស្ត្រ និងអ្នកមានទេពកោសល្យពិសេសចំពោះសិវ័យដែលទីក្រុងត្រូវការដំណាក់កាលពីឆ្នាំ 2019-2022។

សេចក្តីសម្រេចមានសុពលភាពចាប់ពីថ្ងៃទី ១៥ ខែកក្កដា បានចុះហត្ថលេខាដោយលោកLê Thanh Liêm ជាអនុប្រធានអចិន្ត្រៃ នៃគណៈកម្មាធិការប្រជាជនទីក្រុងហូជីមិញ

ហើយយោងតាមសេចក្តីសម្រេចចិត្តនេះ គឺអ្នកវិទ្យាសាស្ត្រ និងអ្នកមានទេពកោសល្យពិសេស នឹងបានទទួលកម្រិតឧបត្ថម្ភជំហានដំបូង (បានអនុវត្តតែមួយលើកគត់ និងអនុវត្តសម្រាប់ការចុះហត្ថលេខាដំបូង) ចំនួន ១០០លានដុង។ ចំនួនថវិការនេះ គឺសម្រាប់លើកទឹកចិត្ត និងបង្ករលក្ខណៈងាយស្រួលក្នុងការស្ថិរភាពការងារ។

អ្នកដែលមានទេពកោសល្យពិសេស នឹងបានទទួលការឧបត្ថម្ភចំណាយប្រចាំថ្ងៃ ដោយយោងតាមសមត្ថភាព និងមានស្នាដៃលក្ខណៈបុគ្គល ពី ៣០-៥០លានដុងក្នុងមនុស្សម្នាក់ក្នុងមួយខែ។ កម្រិតឧបត្ថម្ភនេះ រួមានប្រាក់បៀវត្សរ៍ ប្រាក់ឧបត្ថម្ភអមនឹងប្រាក់បៀវត្សន៍បើសិនជាមាន ប្រសិនជាអ្នកមានទេពកោសល្យពិសេសត្រូវបានទទួលតាមកំណត់របស់ច្បាប់។

ចំណែកអ្នកវិទ្យាសាស្ត្រ និងអ្នកជំនាញ នឹងបានបានទទួលប្រាក់បៀវត្សន៍ប្រចាំខែ ក្នុងស្មើនឹងកម្រិតប្រាក់បៀវត្សន៍ គុណនឹងកម្រិតប្រាក់បៀវត្សន៍របស់អ្នកជំនាញកម្រិតខ្ពស់។ សាស្ត្រាចារ្យ និងអនុសាស្ត្រាចារ្យ បានទទួកកាំប្រាក់បៀវត្សន៍ទី ២ ក្រៅពីនេះ នឹងបានទទូលកាំប្រាក់បៀវត្សន៍ទី ១។

ក្រៅពីនេះ អ្នកជំនាញ អ្នកវិទ្យាសាស្ត្រ និងអ្នកមានទេពកោសល្យពិសេស នៅបានស្នាក់នៅក្នុងផ្ទះជាកម្មសិទ្ធរបស់រដ្ឋ។ បើសិនជាមិនបានរស់នៅក្នុងផ្ទះជាកម្មសិទ្ធិរបស់រដ្ឋនោះ នឹងបានឧបត្ថម្ភចំណាយច្រើនបំផុត ៥០% នៃចំណាយជួលផ្ទះ (មិនច្រើនជាង ៧លានដុងក្នុងមនុស្សម្នាក់ក្នុងមួយខែ)។

ក្រៅពីបានទទួលការឧបត្ថម្ភខាងប្រាក់បៀវត្សន៍នេះ គឺអ្នកជំនាញ អ្នកវិទ្យាសាស្ត្រ និងអ្នកមានទេពកោសល្យពិសេស នៅបានទទួលជំនួយលើកទឹកចិត្តនៃការស្រាវជ្រាវវិទ្យាសាស្ត្រ ពង្រឹងសមត្ថភាពខាងបញ្ញា និងអភិវឌ្ឍន៍បច្ចេកវិជ្ជា។

សំណង់ គម្រោងព្រាង ប្រធានបទស្រាវជ្រាវ ដំណោះស្រាយ គំនិតផ្តួចផ្តើមផ្លាស់ប្តូរបច្ចេកទេស ឬវណ្ណកម្មសិល្បៈនិមួយៗជាដើម  កម្រិតទីក្រុងឡើងទៅ ដែលត្រូវបានទទួលស្គាល់ពីស្ថាប័នរដ្ឋមានសមត្ថកិច្ច និងបានទទួលប្រាក់ឧបត្ថម្ភលើកទឹកចិត្តស្មើនឹង ១% នៃសរុបថវិការរដ្ឋ ដែលទីក្រុងនឹងទូទាត់ជូនសំណង់នោះ។សរុបថវិការលើកទឹកចិត្ត មិនត្រូវតិចជាង ៥០លានដុងសម្រាប់មនុស្សម្នាក់និងសំណង់មួយ។

ករណី សរុបថវិការរដ្ឋដែលទីក្រុងនឹងចំណាយសម្រាប់សំណង់នោះ មិនច្រើនជាង ១០០កោដិដុងនោះ គឺកម្រិតលើកទឹកចិត្តច្រើនបំផុតគឺ ១កោដិដុងក្នុងមនុស្សម្នាក់ក្នុងសំណង់មួយ។

បើសិនជាមានអ្នកជំនាញ អ្នកវិទ្យាសាស្ត្រ និងអ្នកមានទេពកោសល្យពិសេសចូលរួមជាមួយគ្នា ក្នុងសំណង់មួយនោះ គឺសរុបទឹកប្រាក់ឧបត្ថម្ភចំពោះក្រុមនោះ ច្រើនបំផុតគឺ ១កោដិ ៥០០លានដុង។

          ហើយអ្នកដែលមានទេពកោសល្យពិសេស ត្រូវជាជនជាតិវៀតណាម ឬជនជាតិវៀតណាមរស់នៅបរទេស ឬ​ជាជនបរទេសប៉ុន្តែជាជនជាតិវៀតណាម។

          ហើយអាស្រ័យតាមតួនាទីជាក់ស្តែង និងតាមតម្រូវការនៃវិស័យនិមួយៗ គណៈកម្មាធិការប្រជាជនទីក្រុងហូជីមិញ នឹងបង្កើតបណ្តាក្រុមប្រឹក្សាទាក់ទាញ​និងជ្រើសរើស។ ដំណាក់កាលជ្រើសរើស ត្រូវធានាមានតម្លាភាព ចំហរ ប្រសិទ្ធិភាព បន្ថយរយៈពេលរងចាំ …ជាដើម៕

 

 

 

VOH

Bình luận

Cùng chuyên mục

Đọc Báo