ប្រទេសវៀតណាម បានបណ្តាក់ទុនចូលក្នុង ៣០ប្រទេសនិងតំបន់ដែនដី-Tiếng Khmer 02/08/2019

ព័ត៌មាននៅក្នុងប្រទេស

១.ប្រទេសវៀតណាម បានបណ្តាក់ទុនចូលក្នុង ៣០ប្រទេសនិងតំបន់ដែនដី

ក្រសួងផែនការ និងវិនិយោគបានឲ្យដឹងថា ក្នុងរយៈពេល ៧ខែឆ្នាំនេះ បណ្តាស្ថាប័នអាជីវកម្មវៀតណាម មានទាំងអស់ ៩០គម្រោងការបានទទួលលិខិតអនុញ្ញាតថ្មី អំពីការវិនិយោគរបស់ខ្លួន ចូលក្នុង ៣០ប្រទេស និងតំបន់ដែនដី ដែលមានដើមទុនសរុបចំនួន ១៨០លាន ១ សែនដុល្លារអាមេរិក។

ទន្ទឹមនឹងនោះ នៅមាន ២១ គម្រោងការបានកែប្រែបង្កើនដើមទុនឡើងបន្ថែមចំនួន ៩៧លាន ៣សែនដុល្លារអាមេរិក។ ហើយគិតជារួម សរុបដើមទុនវិនិយោគរបស់ប្រទេសវៀតណាមនៅបរទេសក្នុងរយៈពេល ៧ ខែឆ្នាំ​២០១៩ សម្រេចបាន ២៧៧លាន ៤សែនដុល្លារអាមេរិក។

២.មេដឹកនាំក្រុមហ៊ុនដ៏ធំ ២ បានដឹកនាំខ្សែរយៈផលិតឱសថក្លែងក្លាយធំសម្បើម

ថ្មីៗនេះ ការិយាល័យសេដ្ឋកិច្ច នៃនគរបាលទីក្រុងហូជីមិញ បានកំចាត់ដោយជោគជ័យ ខ្សែរយៈផលិតឱសថក្លែងក្លាយ ក្នុងទ្រង់ទ្រាយដ៏ធំមួយ ដែលទំនិញត្រូវឃាត់ទុក មានតម្លៃប៉ាន់ស្មាន រាប់សិបកោដិដុងឯណោះ។

ខ្សែរយៈនេះ ដឹកនាំដោយឈ្មោះ  Nguyễn Đình Lạc Thư ជានាយករង នៃក្រុមហ៊ុនឯកជន Asia Pharmacy និងឈ្មោះ Lê Văn Khôi ជានាយកក្រុមហ៊ុនឯកជនឱសថ Đông Dược Việt។ បានដឹងថា ខ្សែរយៈផលិតឱសថក្លែងក្លាយនេះ មានទ្រង់ទ្រាយធំសម្បើមណាស់ បានធ្វើសកម្មភាពក្នុងខណ្ឌស្រុកជាច្រើនក្នុងទីក្រុងហូជីមិញ និងបណ្តាខេត្តភាគខាងលិច។

៣.ក្រុមហ៊ុនទឹកដោះគោ Vinamilk  បន្តជាពាណិជ្ជសញ្ញាត្រូវបានប្រជាជនជ្រើសរើសទីញច្រើនជាងគេ ទាំងនៅទីក្រុង និងទីជនបទ

អង្គការមួយនាំមុខគេលើទូទាំងពិភពលោក ស្តីអំពីការស្រាវជ្រាវ និងផ្តល់ប្រឹក្សាបានប្រកាសថា ក្នុងផ្នែកផលិតទឹកដោះគោ គឺក្រុមហ៊ុន Vinamilk ជាពាណិជ្ជសញ្ញាត្រូវបានប្រជាជនក្នុងប្រទេស ជ្រើសរើសទិញច្រើនជាងគេ ទាំងនៅក្នុងទីប្រជំជន និងទីជនបទក្នុងរយៈពេល ៧ ឆ្នាំជាប់ឆ្នាំគ្នា។ ជាពិសេស ឆ្នាំនេះ ជាឆ្នាំទី ២ បន្តបន្ទាប់ ដែលក្រុមហ៊ុន Vinamilk​ជាពាណិជ្ជសញ្ញា ត្រូវបានអ្នកប្រើប្រាស់ជ្រើសរើសទិញច្រើនជាងគេ ក្នុងផ្នែកទំនិញប្រើប្រាស់រហ័ស។

៤.ព្រៃឈើត្រូវខូចខាតមានទំហំធំជាងពី ៥ ទៅ ៦ ដង បើធៀបនឹងរយៈពេលដូចគ្នាកាលពីឆ្នាំទៅ

យោងតាមការស្ថិតិក្នុងខែកក្កដាឆ្នាំ ២០១៩ គឺទំហំព្រៃឈើត្រូវរងការខូចខាតមកពីភ្លើងឆេះ ចំនួន  804,4 ha គឺច្រើនជាង ៤ ដង បើធៀបនឹងរយៈពេលដូចគ្នា កាលពីឆ្នាំទៅ។ ពិសេស​ ក្នុងនោះទំហំព្រៃឈើត្រូវភ្លើងឆេះឡើងដល់ 756,8 ha គឺច្រើនជាងពី ៥ ទៅ៦ដង និងទំហំព្រៃឈើត្រូវកាប់បំផ្លាញចំនួន47,6 ha គឺថយចុះ 28%។

ព័ត៌មានអន្តរជាតិ

៥.Afghanistan:ការវាយប្រហារមួយ ត្រូវស្លាប់មនុស្សច្រើន

សាព័ត៌មាន Guardian បានជូនដំណឹងថា យ៉ាងតិចណាស់ ក៏មានមនុស្សចំនួន ២០នាក់ ត្រូវស្លាប់បាត់បង់ជីវិត និងមនុស្សចំនួន ៥០នាក់ទៀត ត្រូវរងរបួស ក្នុងករណីផ្ទុះដ៏ធំមួយ​ បន្ទាប់ពីមានការផ្ទុះអាវុធដាក់គ្នាទៅវិញមក នៅក្នុងអាគារ មានការិយាល័យរបស់លោក Amrullah Saleh ជាបេក្ខជនឈរឈ្មោះបោះឆ្នោតជ្រើសរើសអនុប្រធានាធិបតី នៅក្នុងរដ្ឋធានី Kabul។

៦.Australia ជំរុញឲ្យខ្លាំងការប្រឆាំងនឹងអំពើកេងកម្លាំងកុមារ

សារព័ត៌មាន SBS News បានផ្សាយថា បណ្តាមន្ត្រីនៃបណ្តាញចារកម្ម Five Eyes (រួមមានសហរដ្ឋអាមេរិក ប្រទេសអង់គ្លេស ប្រទេសកាណាដា ប្រទេសNew Zealand និងAustralia) បានបើកអង្គប្រជុំមួយ នៅ London នៃប្រទេសអង់គ្លេង។ ក្នុងនោះ ខ្លឹមសារស្តីអំពីការកេងកម្លាំងកុមារ ជាខ្លឹមសារមួយត្រូវបានទទួលការអតិភាព បានពិភាក្សានៅក្នុងអង្គប្រជុំ។

លោក Peter Dutton ជារដ្ឋមន្ត្រី ក្រសួងមហាផ្ទៃនៃប្រទេសអូស្ត្រាលីបានអំពាវនាវ ចាំបាច់ត្រូវមានការចូលរួមកំរិតអន្តរជាតិមានកម្រិតធំជាងទៀត នៃការប្រឆាំងនឹងគ្រោះកេងកម្លាំងកុមារ ពិសេសគឺការត្រួតពិនិត្យបណ្តាខ្លឹមសារ ស្តីអំពីការកេងកម្លាំង និងជិះជាន់កុមារ លើបណ្តាញអ៊ីនធ័រណែត និងទូរទស្សត្រូវបង់លុយ។

៨. Brazil: កុបកម្មនៅក្នុងទីឃុំឃាំង បណ្តាលឲ្យអ្នកគុកយ៉ាងតិច ៥២នាក់ត្រូវស្លាប់

អ្នកយកព័ត៌មាននៃទីភ្នាក់ងារសារព័ត៌មានវៀតណាមប្រចាំនៅតំបន់អាមេរិកខាងត្បូងបានជូនដំណឹងថា ស្ថាប័នមានសមត្ថកិច្ចនៃប្រទេស  Brazil បានជូនដំណឹងថា មានករណីវាយតបគ្នា រវាងបក្សពួក ២នៅក្នុងពន្ធនាគារ Altamira ស្ថិតនៅរដ្ឋ Para ភាគខាងជើងនៃប្រទេសនេះ បណ្តាលឲ្យអ្នកគុកយ៉ាងតិចចំនួន ៥២នាក់ត្រូវស្លាប់បាត់បង់ជីវិត។

 

BÀI CHUYÊN ĐỀ ANH NINH PHÁP LUẬT THỨ SÁU 02/08/2019

BÌNH QUÂN MỖI NGÀY CÓ 21 NGƯỜI TỬ VONG

VÌ TAI NẠN GIAO THÔNG ​

គិតជាមធ្យម ក្នុងមួយថ្ងៃ ក្នុងទូទាំងប្រទេស មាន ២១ នាក់ត្រូវស្លាប់មកពីគ្រោះថ្នាក់ចរាចរណ៍

ក្នុងរយៈពេល ១ ខែកន្លងមក គិតជាមធ្យម ក្នុងទូទាំងប្រទេស កើតមាន 1.435 ករណីគ្រោះថ្នាក់ចរាចរណ៍ រួមមាន 806 ករណីគ្រោះថ្នាក់ចរាចរណ៍ពីស្រាលឡើងទៅ និង 629  ករណី ប៉ះទង្គិចគ្នា បណ្តាលឲ្យជនរងគ្រោះចំនួន 657 នាក់ត្រូវស្លាប់បាត់បង់ជីវិត និង  463 នាក់ត្រូវរងរបួសធ្ងន់  និង 640 នាក់ ត្រូវរបួសស្រាល។ ហើបើធៀបនឹងរយៈពេលដូចគ្នា កាលពីឆ្នាំទៅ គឺចំនួនគ្រោះថ្នាក់ចរាចរណ៍ក្នុងខែកក្កដា ឆ្នាំ ២០១៩ កើនឡើង 6,2%; ចំនួនមនុស្សស្លាប់កើន 7,2%; ចំនួនមនុស្សត្រូវរបួសធ្ងន់កើន 17,8% និងចំនួនអ្នករបួសស្រាលថយចុះ  6,7%។

ប្រការគួរឲ្យយកចិត្តទុកដាក់ថា ក្នុងខែកក្កដា កើតមានគ្រោះថ្នាក់ចរាចរណ៍ធ្ងន់ធ្ងរមួយចំនួនដូចជា៖ ករណីគ្រោះថ្នាក់រថយន្តដឹកអ្នកដំណើរ កើតឡើងកាលពីថ្ងៃទី 2-7 នៅស្រុក Tiên Yên ខេត្ត Quảng Ninh បណ្តាលឲ្យអ្នកដំណើរ ២ នាក់ត្រូវស្លាប់ និង ១៨ នាក់ត្រូវរងរបួស; ករណីគ្រោះថ្នាក់រថយន្តដឹកអ្នកដំណើរកើតឡើងកាលពីថ្ងៃទី 6-7  នៅស្រុក Diễn Châu ក្នុងខេត្ត Nghệ An បណ្តាលឲ្យមនុស្ស ១ នាក់ត្រូវស្លាប់ និង ១៤នាក់ត្រូវរងរបួស; ករណីគ្រោះថ្នាក់ រវាងរថយន្តមួយគ្រឿង និងទោចក្រយានយន្តអគ្គិសនីមួយកាលពីថ្ងៃទី 9-7 នៅខេត្ត Hà Tĩnh  បណ្តាលឲ្យមនុស្ស ៣ នាក់ត្រូវស្លាប់; ករណីគ្រោះថ្នាក់រវាង រថភ្លើង SE1 និងរថយន្តមួយគ្រឿងកាលពីថ្ងៃទី 9-7 នៅខេត្ត  Quảng Ngãi  បណ្តាលឲ្យមនុស្ស ២ នាក់ត្រូវស្លាប់ និង ៣ នាក់ត្រូវរងរបួស; ករណីគ្រោះថ្នាក់ចរាចរណ៍របស់រថយន្តដឹកអ្នកដំណើរកាលពីថ្ងៃទី 16-7 នៅខេត្ត Đắk Lắk  បណ្តាលឲ្យមនុស្ស 01 នាក់ត្រូវស្លាប់ និង 10 នាក់ត្រូវរងរបួស។

ហើយជាពិសេស គឺកាលពីថ្ងៃទី 23-7  នៅស្រុក Kim Thành ក្នុងខេត្ត  Hải Dương កើតមានគ្រោះថ្នាក់ចរាចរណ៍ ៣ ករណីជាបន្តបន្ទាប់ បណ្តាលឲ្យមនុស្ស ៧ នាក់ត្រូវស្លាប់ និង ២ នាក់ត្រូវរបួស។

គិតជារួម ក្នុងរយៈពេល ៧ ខែឆ្នាំ 2019 ក្នុងទូទាំងប្រទេសកើតមាន 9.820 ករណីគ្រោះថ្នាក់ ចរាចរណ៍ រួមមាន 5.210 ករណីពីមិនសូវធ្ងន់ធ្ងរឡើងទៅ​ និង 4.610 ករណីប៉ះទង្គិចគ្នា បណ្តាលឲ្យមនុស្សចំនួន 4.467  នាក់ ត្រូវស្លាប់  2.794​ នាក់ត្រូវរងរបួសធ្ងន់ និង 4.676 នាក់ ត្រូវរបួសស្រាល។

គិតជាមធ្យម ក្នុងមួយថ្ងៃ ក្នុងខែកក្កដា  ក្នុងទូទាំងប្រទេស មាន 46 ករណីគ្រោះថ្នាក់ចរាចរណ៍ រួមមាន 24 ករណីពីស្រាលឡើងទៅ និង 22 ករណីប៉ះទង្គិចគ្នា បណ្តាលឲ្យមនុស្សចំនួន  21 នាក់ត្រូវស្លាប់ 13 នាក់ត្រូវរងរបួស និង ២២ នាក់ត្រូវរបួសស្រាល៕

 

 

VOH

Bình luận

Cùng chuyên mục

Đọc Báo