ទីក្រុងហូជីមិញ៖ បានវ៉ាក់សាំង ComBE Five ជាង 40.000 ម្ជុលដល់កុមារ-Tiếng Khmer 13/07/2019

ព័ត៌មាននៅក្នុងប្រទេស

.ទីក្រុងហូជីមិញ៖ បានវ៉ាក់សាំង ComBE Five  ជាង 40.000 ម្ជុលដល់កុមារ

គិតរួមក្នុងឆ្នាំ ២០១៨ និង ៦ខែដើមឆ្នាំ ២០១៩ ទីក្រុងហូជីមិញបានអនុវត្តការចាក់វ៉ាក់សាំង ComBE Fiveជាង ៤០.០០០ម្ជុលជូនកុមារ។ នេះគឺជាដំណឹង ត្រូវបានជូនដោយលោកវេជ្ជបណ្ឌិត Nguyễn Trí Dũng  ជាចាងហ្វាងមជ្ឈមណ្ឌលត្រួតពិនិត្យជំងឺនៅទីក្រុង នៅក្នុងសន្និសិទប្រជុំការងារសុខាភិបាលបម្រុងការងារខណ្ឌស្រុក។

ហើយបានដឹងថា ក្នុងខែមករាឆ្នាំ ២០១៩ ដោយអនុវត្តតាមបង្គាប់ការពីមន្ទីរសុខាភិបាលនោះ ផ្នែកសុខាភិបាលបម្រុងការពារ បានសហការជាមួយមន្ទីរពេទ្យកុមារទី ១​ រៀបចំ ១០វគ្គហ្វឹកហ្វឺនស្តីអំពី​ “ពិនិត្យជំងឺ សម្រាំងនិងតាមដានក្រោយចាក់វ៉ាក់សាំង” ដល់បុគ្គលពេទ្យចំនួន ៨០០នាក់ សម្រាប់អនុវត្តការចាក់វ៉ាក់សាំងបើកទូលាយ នៅតាមគ្រប់មណ្ឌលសុខាភិបាលភូមិសង្កាត់ និងមជ្ឈមណ្ឌលសុខាភិបាលខណ្ឌស្រុក។

.ក្នុងទូទាំងប្រទេសមានអ្នកកើតជំងឺគ្រុនឈាមជាង 70.800នាក់

ក្រសួងសុខាភិបាលបានជូនដំណឹងថា គិតដល់បំណាច់ខែមិថុនា ក្នុងទូទាំងប្រទេសបានកត់សម្គល់មានអ្នកកើតជំងឺគ្រុនឈាមជាង 70.800នាក់។

ចំនួនអ្នកកើតជំងឺគ្រុនឈាម ភាគច្រើននៅភាគខាងត្បូង ប៉ុន្តែនៅហាណូយ ចំនួនអ្នកកើតជំងឺគ្រុនឈាមក៏មាននិន្នាការកើនឡើង។ មកដល់ពេលនេះ មាន ៨២០ករណីត្រូវកើតជំងឺគ្រុនឈាមហើយ។

ហើយយោងតាមដំណឹងពីមជ្ឈមណ្ឌលសុខាភិបាលបម្រុងការពារទីក្រុងហូជីមិញបានឲ្យដឹងថា ក្នុងរយៈពេល ៦ខែដើមឆ្នាំ ទីក្រុងមាន 24.768  នាក់កើតជំងឺគ្រុនឈាម គឺកើន 176%  បើធៀបនឹងរយៈពេលដូចគ្នាកាលពីឆ្នាំ 2018  (ចំនួន8.959នាក់) ក្នុងនោះ មាន៥នាក់ត្រូវស្លាប់បាត់បង់ជីវិត គឺមនុស្សធំ ៣នាក់ និងយុវជន ២ នាក់។

៣.សុនខលំអចិញ្ចឹមក្នុងផ្ទះ ខាំមនុស្ស ៥​នាក់ ១ នាក់ត្រូវស្លាប់

សុនខលំអមួយក្បាល ត្រូវបានក្រុមគ្រួសារលោក Nguyễn Đức Hưng (អាយុ ២៩ឆ្នាំ ស្នាក់នៅខេត្ត Kon Tum)បានខាំមនុស្ស ៥ នាក់ បណ្តាលឲ្យមនុស្សម្នាក់ត្រូវស្លាប់មកពីកើតជំងឺឆ្កួតសត្វ។ បន្ទាប់ពីកើតហេតុភ្លាម គណៈកម្មាធិការប្រជាជនស្រុក Đăk Hà​ បានតម្រូវដល់កម្លាំងមានសមត្ថកិច្ចនានា ត្រូវដោះសា្រយសំបុកជំងឺឆ្កួតសត្វនៅភូមិ ៥នេះ ត្រូវតាមដាន សម្រាប់រកឃើញជំងឺបានឆាប់ ជួយឲ្យប្រជាជនចេះលើកកម្ពស់ការយល់ដឹងក្នុងការការពារជំងឺឆ្កួតសត្វ។

អំពីព័ត៌មានអន្តរជាតិ

៥.ពិធីបុណ្យបណ្តេញសត្វគោនៅ San Fermin នៃប្រទេសអេស្បាញ បណ្តាលឲ្យភ្ញៀវទេសចរច្រើននាក់ត្រូវរងរបួស

ក្រោយ ៥ ថ្ងៃរៀបចំនោះ គឺពិធីបុណ្យបណ្តេញសត្វគោនៅ ដSan Fermin ក្នុងប្រទេសអេស្បាញ បានមានបន្ថម ២ នាក់ទៀតត្រូវរងរបួស គឺជនជាតិអង់គ្លេសមួយនាក់ និងជនជាតិអាមេរិកមួយនាក់។ ហើយបានដឹងថា មុននោះ នៅថ្ងៃបុណ្យទី ៣ ក៏មានភ្ញៀវទេសចរ ៣ នាក់ត្រូវរងរបួសផងដែរ ហើយ ៣នាក់នេះ កំពុងសម្រាកព្យាបាលក្នុងមន្ទីរពេទ្យនៅឡើយ។

.ទ្វិបអឺរ៉ុបបានយល់ព្រមចំពោះផែនការចូលរួម Eurozone របស់ប្រទេស Croatia

លោក Andrej Plenkovic ជាប្រធានាធិបតីនៃប្រទេស Croatia បានសម្តែងការពេញចិត្ត ចំពោះសេចក្តីសម្រេចចិត្តរបស់ក្រុមបណ្តាលោករដ្ឋមន្ត្រីហិរញ្ញវត្ថុប្រាក់អឺរ៉ូ ដែលបានយល់ព្រម ចំពោះលិខិតស្នើរ បានចូលរួមក្នុងក្រុមប្រើប្រាក់អឺរ៉ូ (Eurozone)នៃប្រទេសនេះ។

៧. Afghanistan:បើកការចរចាឡើងវិញជាមួយ Taliban

ទីភ្នាក់ងារសារព័ត៌មាន Reuters បានផ្សាយថា បណ្តាអង្គការនយោបាយដែលមានឥទ្ធិពលនៅប្រទេស Afghanistan  បានបើកការចរចាឡើងវិញជាមួយ Taliban នៅ  Qatar សម្រាប់ឈ្វែងរកនូវកិច្ចព្រមព្រមព្រៀងឈប់បាញ់មួយ និងពិភាក្សាបញ្ហាផ្សេងៗជាច្រើនទៀត។

.ម្ចាស់ម៉ាក់សញ្ញា Hello Kitty ត្រូវ EU ផាក ៦,៩លាន USD មកពីអំពើភាពផ្តាច់មុខ

ស្ថានប្រឆាំងនឹងភាពផ្តាច់មុខនាំមុខគេរបស់ EU  បានសម្រេចចិត្តផាកពិន័យលោក Sanrio ដែលជាម្ចាស់ម៉ាក់សញ្ញា Hello Kitty នូវទឹកប្រាក់ចំនួន ៦លាន ៩សែនដុល្លារអាមេរិក មកពីទង្វើរាំងខ្ទប់ដោយខុសច្បាប់ បណ្តាក្រុមហ៊ុនលក់រាយក្នុងតំបន់នេះទាំងមូល។

HƠN 300 GIÁO SƯ, BÁC SĨ NƯỚC NGOÀI TỚI VIỆT NAM HỌC HỎI NỘI SOI TUYẾN GIÁP

សាស្ត្រាចារ្យ និងវេជ្ជបណ្ឌិតបរទេស ចំនួន ៣០០រូប បានមកវៀតណាម

សិក្សាអំពីការឆ្លុះក្រពេញខាន់ស្លាក់

មកដល់ពេលនេះ លោកអនុសាស្ត្រាចារ្យ បណ្តិត Trần Ngọc Lương និងសហការី បានអនុវត្តវិធីឆ្លុះក្រពេញខាន់ស្លាក់បាន5.381 ។ ពិសេស មានសាស្ត្រាចារ្យ​និងវេជ្ជបណ្ឌិតមកពីបណ្តាប្រទេស បានមកហ្វឹកហាត់បច្ចេកទេសវៈកាត់ដោយឆ្លុះនេះ។

ថ្មីៗនេះ អង្គការឯតទគកម្មវៀតណាម (Vietkings) បានសម្រេចចិត្តប្រគល់លិខិតទទួលស្គាល់សម្រេចបានឯតទគកម្មវៀតណាម ដល់លោកអនុសាស្ត្រាចារ្យ បណ្តិត Trần Ngọc Lương ជាចាងហ្វាងមន្ទីរពេទ្យជាតិបញ្ចេញក្នុងមជ្ឈឹម តាមលក្ខណៈវិនិច្ឆ័យ “អ្នកមានសំណង់ស្រាវជ្រាវវិទ្យាសាស្ត្រ ស្តីអំពីបច្ចេកទេសវៈកាត់ដោយវិធីឆ្លុះក្រពេញខានស្លាក់ ត្រូវបានអនុវត្ត ផ្ទេរប្រគល់ និងបណ្តុះបណ្តាលក្នុងនិងក្រៅប្រទេសច្រើនបំផុត”។

បានដឹងថា លោកលោកអនុសាស្ត្រាចារ្យ បណ្តិត Trần Ngọc Lương ជាអ្នកជំនាញនាំមុខគេ ក្នុងវិស័យវៈកាត់ដោយឆ្លុះ ក្នុងការព្យាបាលជំងឺក្រពេញខាន់ស្លាក។ ហើយភាពលោតផ្លោះនៃសំណង់ស្រាវជ្រាវនេះគឺ បានចោះប្រហោងតូចសម្រាប់ឆ្លុះនៅក្លៀក ឬនៅសុដន់។ ហើយប្រហោងទាំងនេះ មានទំហំកន្លះសង់ទីម៉ែត្រ ដល់មួយសង់ទីម៉ែត្រ និងបានបាត់គ្មានឃើញក្រោយប៉ុន្មានខែ នៅពេលពាក់អាវគឺនឹងបានបិតបាំងស្នាម។     

វិធីនេះ ត្រូវបានអនុវត្តសម្រាប់ឆ្លុះជំងឺទាំងអស់ក្នុងក្រពេញខាន់ស្លាក់ដូចជា៖ កើតដុំពកមានបណ្តូល, basedow និងមហារីកក្រពេញខាន់ស្លាក់។  ហើយភាពប្រសើរនៃបច្ចេកទេសនេះ គឺវៈបានទាំងដុំពកទំហំ ដោយមិនបាច់កាត់សាច់ដុំណាមួយនៅករ។ ជាមួយបច្ចេកទេសវៈកាត់ដោយឆ្លុះនេះ នឹងធានាសម្រស់ជូនអ្នកជំងឺ។ ហើយអ្នកជំងឺក្រោយពីបានវៈកាត់ នឹងបានធ្វើការធម្មាតា និងមិនបាច់បិតបាំងបរិវេណកទេដូចពីមុនទៀតទេ។

ហើយបើនិយាយអំពីផ្នែកសេដ្ឋកិច្ចវិញ គឺនេះជាបច្ចេកទេសវៈកាត់សន្សំសំចៃពេលវេលា និងចំណាយច្រើនណាស់​ ព្រមទាំងផ្ទេរប្រគល់ក៏ងាយស្រួលផងដែរ។ បានដឹងថា ការវៈកាត់កំពកពយក្នុងក្រពេញខាន់ស្លាក់នៅប្រទេសកូរ៉េខាងត្បូង ឬនៅសឹង្ហបុរី ត្រូវចំណាយការវៈកាត់ ២ម៉ោង និងថវិការប្រមាណណី 8.000 - 10.000 USD ហើយរីឯនៅក្នុងមន្ទីរពេទ្យនេះវិញ គឺគ្រាន់តែចំណាយពេលវេលា ២០នាទី និងថវិការពី 300 - 400 USD ប៉ុណ្ណោះ។

ហើយមកដល់ពេលនេះ លោកអនុសាស្ត្រាចារ្យ បណ្តិត Trần Ngọc Lương និងសហការី បានអនុវត្តវៈកាត់ដោយឆ្លុះក្រពេញខាន់ស្លាក់ បានចំនួន  5.381 ករណី។ ពិសេស មានលោកសាស្ត្រាចារ្យ និងវេជ្ជបណ្ឌិតបរទេសចំនួន ៣២៧រូប បានមកហ្វឹកហាត់បច្ចេកទេសនេះ៕

VOH

Bình luận

Cùng chuyên mục

Đọc Báo