ថវិការចំនួន ២៥០កោដិដុង សម្រាប់វិនិយោគគម្រោងការបញ្ជរយកប្រាក់រថយន្តចូលក្នុងកណ្តាលទីក្រុង -Tiếng Khmer 19/7/2019

ព័ត៌មាននៅក្នុងប្រទេស

១.ថវិការចំនួន ២៥០កោដិដុង​ សម្រាប់វិនិយោគគម្រោងការបញ្ជរយកប្រាក់រថយន្តចូលក្នុងកណ្តាលទីក្រុង

ថវិការចំនួន ២៥០កោដិដុង សម្រាប់វិនិយោគគម្រោងការសាងសង់បញ្ជរយកប្រាក់រថយន្ត ចូលក្នុងកណ្តាលទីក្រុង តំបន់ខ័ណ្ឌលេខ ១ លេខ ៣ និងតំបន់ជាប់ព្រំប្រទល់នឹងខ័ណ្ឌលេខ ៥និងលេខ ១០។

ហើយយោងតាមមន្ទីរគមនាគមន៍និងដឹកជញ្ជូន គោលដៅនេះ គឺសម្រាប់រួមចំណែកកាត់បន្ថយស្ថានភាព ស្ទះចរាចរណ៍ នៅបរិវេណកណ្តាលទីក្រុង  និងជំរុញប្រជាជន ឲ្យប្រើប្រាស់មធ្យោបាយដឹកអ្នកដំណើរសាធារណ បន្ថយបំពុលបរិស្ថាន និងបំពេញថវិការរដ្ឋ សម្រាប់ជួសជុល និងថែករក្សាផ្លូវគោក​ និងអភិវឌ្ឍន៍ផ្លូវគមនាគមន៍សាធារណរបស់ទីក្រុង។ បានដឹងថា តាមការប៉ាន់ស្មាន គម្រោងការនឹងចំណាយចំនួន ២៥០ដោដិដុង ពីប្រភពថវិការរបស់ទីក្រុង។

២.ឆ្នាំ ២០១៩៖ IMF  ប៉ាន់ស្មានកំណើនសេដ្ឋកិច្ចរបស់ប្រទេសវៀតណាមសម្រេចបាន 6,5%យោងសេចក្តីរាយការណ៍ថ្មីបំផុត របស់មូនិធិរូបិយប័ណ្ណអន្តរជាតិ (IMF) បានឲ្យដឹងថា កំណើនសេដ្ឋកិច្ចរបស់ប្រទេសវៀតណាម ប៉ាន់ស្មាននឹងថយចុះពីកម្រិតខ្ពស់ក្នុងរយៈពេល ១០ឆ្នាំចំនួន 7,1% កាលពីឆ្នាំ 2018ចុះនៅត្រឹម 6,5% ពេញឆ្នាំ 2019។

បានដឹងថា ក្នុងសេចក្តីរាយការណ៍របស់ខ្លួន IMFបានសន្មត់អំពីសេដ្ឋកិច្ចរបស់វៀតណាមគឺ៖ “សន្ទុះកំណើនសេដ្ឋកិច្ចខ្លាំងក្លា នឹងបន្លាយដល់ដាច់ឆ្នាំ ២០១៩ នេះគឺបានមកពីចំណាយនៃពលកម្ម មានការប្រកួតប្រជេង និងបណ្តាកត្តាផ្សេងៗ ដែលជាផែនគ្រឹះខ្លាំងផ្សេង រួមមាន រចនាពាណិជ្ជកម្មសម្បូរបែប ហើយថ្មីៗនេះ គឺមានបណ្តាសន្ធិសញ្ញាពាណិជ្ជកម្មសេរី”។

៣.យុវជនចំនួន ៦០នាក់ បានចូលរួមជុំរុំវិស្សមកាលយុវជន យុវជនជំទង់អនិកជន និងយុវជនទីក្រុងហូជីមិញ លើកទី​១៤

ថ្មីៗនេះ ជុំរុំយុវជន យុវជនជំទង់អនិកជន និងយុវវ័យទីក្រុងហូជីមិញ លើកទី ១៤ ឆ្នាំ ២០១៩ រៀបចំដោយគណៈកម្មាធិការ អំពីជនជាតិវៀតណាម នៅបរទេសទីក្រុងហូជីមិញ និងសម្ព័ន្ធយុវជនទីក្រុងហូជីមិញ បានបើកកម្មវិធី ដែលមានការចូលរួមពីសមាជិកចំនួន ៦០រូប។ បានដឹងថា នេះគឺជាស្ពានតភ្ជាប់មនោសញ្ចេតនាដ៏ពិសិដ្ឋ របស់យុវជនរស់នៅបទេស ចំពោះប្រទេសជាតិ។​

.នាវានេសាទត្រី ៣ គ្រឿងត្រូវឆេះខ្ទិចខ្ទីនៅខេត្ត  Kiên Giang

ប្រមានម៉ោង ២ ព្រឹកថ្ងៃទី ១៧ខែកក្កដា នាវានេសាទត្រីមួយ កំពុងចតនៅកំពង់ផែមួយ ស្ថិតនៅភូមិ Lình Hình ឃុំ  Lình Huỳnh ស្រុកHòn Đất នៃខេត្ត Kiên Giang ស្រាប់តែឆេះយ៉ាងសន្ធូសន្ធៅ។ បន្ទាប់មក នាវានេះត្រូវដាច់ពួរ រួចរសាត់ចូលមាត់សមុទ្រ បណ្តាលឲ្យឆេះរាលទៅនាវា ២ គ្រឿងទៀត។ ដល់ពេលដឹងថាមាននាវាត្រូវឆេះនោះ ប្រជាជនបានយកទឹកសមុទ្រខំពន្លត់អគ្គីភ័យ ព្រមទាំងបានទូរស័ព្ទប្តឹងកម្លាំងមានសមត្ថកិច្ច។ ក៏ប៉ុន្តែ មកពីនាវាទាំង ៣នេះ សុទ្ធតែចាក់ប្រេងពេញ ព្រមទាំងមានឧបករណ៍ជាច្រើន រៀបចំចេញទៅនេសាទត្រី បានជាក៏ត្រូវភ្លើងឆេះខ្លាំងតែម្តង។ ហើយកម្លាំងពន្លត់អគ្គីភ័យ បានតែជន្លៀសនាវាមួយចំនួន កំពុងចតនៅជិតនោះប៉ុណ្ណោះ ព្រមទាំងធ្វើការពន្លត់អគ្គីភ័យ។

 ហើយពេលនេះ នគរបាលស្រុក Hòn Đất  កំពុងសួរចំលើយពីសាក្សី កត់សម្គាល់ហេតុការនៅទីកើតហេតុ និងស៊ើបអង្កេតស្វែងរកមូលហេតុអគ្គីភ័យនេះ។

ព័ត៌មានអន្តរជាតិ

៥.ប្រជាជននៅទីក្រុង Tokyo  បានស្នើរឲ្យធ្វើការនៅផ្ទះសម្រាប់ជៀសវាងមិនឲ្យស្ទះចរាចរណ៍

រដ្ឋាភិបាលនៃប្រទេសជប៉ុន បានបំផុសយុទ្ធនាការ ធ្វើការនៅនឹងផ្ទហ សម្រាប់បន្ថយស្ថានភាពស្ទះចរាចរណ៍ ព្រមទាំង បង្កលក្ខណៈងាយស្រួលដល់កីឡាអូឡាំពិករដូវក្តៅឆ្នាំ ២០២០។

យោងតាមនោះ ប្រជាជន Tokyo ប្រមាណ 600.000 ត្រូវបានស្នើរឲ្យធ្វើការនៅនឹងផ្ទះ សម្រាប់ជៀសវាងស្ថានភាពស្ទះចរាចរណ៍យ៉ាងខ្លាំង ក្នុងរយៈពេលរៀបចំកីឡាOlympic 2020។ ក្នុងនោះ ប្រជាជនធ្វើការនៅ Tokyoប្រមាណ ២០% នឹងបានធ្វើការនៅនឹងផ្ទះ សម្រាប់បង្កភាពងាយស្រួលដល់ពិធីអូឡាំពិកនេះ។

៦.សហគមន៍  ASEAN ប្តេជ្ញាចិត្តកាត់បន្ថយ  10% សោហ៊ុយទំនាក់ទំនងពាណិជ្ជកម្ម

ក្រុមប្រឹក្សាផ្តល់ប្រឹក្សាធ្វើអាជីវកម្ម ASEAN (ASEAN-BAC) បានវាយតម្លៃយ៉ាងសកម្ម ចំពោះបណ្តាកិច្ចចរចា ស្តីអំពីរាល់បែបបទផ្តល់ភាពងាយស្រួលក្នុងពាណិជ្ជកម្ម ក្នុងនោះ សមាជិក ASEAN ទាំងអស់សុទ្ធតែបានឯកភាព ចំពោះការបង្កើត និងអនុវត្តបណ្តាគោលការណ៍ណែនាំ ចំណោះរាល់វិធានការណ៍មិនបាច់បង់ពន្ធគយ។

.លោកប្រធានាធិបតីអាមេរិក Trump និយាយថា អាមេរិកនឹងមិនលក់យន្តហោះវាយស្ទាក់ F-35 ឲ្យប្រទេសតួគីឡើយ

លោក Donald Trump ប្រធានាធិបតីអាមេរិកបានឲ្យដឹងថា រដ្ឋាភិបាលអាមេរិក នឹងមិនលក់យន្តហោះវាយស្ទាក់  F-35 ឲ្យប្រទេសតួគីទេ បន្ទាប់ពីប្រទេសនេះ បានប្រកាសថា បានសម្រេចចិត្តទិញប្រព័ន្ធការពារកាំជ្រួចផ្លោងពីប្រទេសរុស្ស៊ី។

 

PHẠT NẶNG ĐỂ CHẤN CHỈNH GIAO THÔNG

ផាកពិន័យឲ្យតឹងរឹង​ សម្រាប់កែលំអរគមនាគមន៍

យោងដំណឹងពីនាយកដ្ឋាននគរបាលគមនាគមន៍ (នៃក្រសួងនគរបាល) គឺចាប់ពីថ្ងៃទី ១៥​ខែកក្កដា ដល់ថ្ងៃទី ១៤ខែសីហា កម្លាំងនគរបាលគមនាគមន៍នៅគ្រប់ខេត្តក្រុងក្នុងទូទាំងប្រទេស បានចេញប្រតិបត្តិការព្រមៗគ្នា ធ្វើការត្រួតពិនិត្យបណ្តាមធ្យោបាយធ្វើដំណើរ។

ក្នុងនោះ បានផ្តោតទៅលើបណ្តាការល្មើស ដែលជាមូលហេតុបណ្តាលឲ្យកើតឡើងគ្រោះថ្នាក់ចរាចរណ៍ដូចជា៖ កម្រិតជាតិអាលកុល គ្រឿងញៀន បើកហួសល្បឿន ល្មើសចំណែកផ្លូវ ដឹកអ្នកដំណើរហួសទំងន់ មិនពាក់មួកសុវត្ថិភាព…។

កាលពីពីព្រឹកថ្ងៃទី ១៥ ខែកក្កដា​ ក្នុងភូមិសាស្ត្រទីក្រុងហូជីមិញ ១៦ក្រុម និងប៉ុសស្តិ៍យាម ចំណុះការិយាល័យនគរបាលគមនាគមន៍ផ្លូវគោក និងផ្លូវដែក បានចេញប្រតិបត្តិការ បំពេញការងារ ហើយគ្រាន់តែក្នុងមួយម៉ោង  ក៏បានត្រួតពិនិត្យ និងធ្វើកំណត់ហេតុជាង ១០ករណីល្មើសហើយ។

មធ្យោបាយដែលល្មើសរួមមាន៖ ទោចក្រយានយន្ត ឡានដឹកអ្នកដំណើរ និងឡានក្រុង។ ហើយកំហុសល្មើសរួមមាន៖ មិនពាក់មួកសុវត្ថិភាព ចតមិនត្រឹមត្រូវតាមកំណត់ ធ្វើចរាចរណ៍មិនត្រឹមត្រូវតាមចំណែកផ្លូវ និងបើកហួសល្បឿនកំណត់ជាដើម។

ហើយករណីល្មើសស្ទើរទាំងអស់ នៅពេលត្រូវនគរបាលធ្វើកំណត់ហេតុផាកពិន័យ សុទ្ធតែគោរពតាម។ ជាក់ស្តែងឃើញថា ឲ្យតែនគរបាលត្រួតពិនិត្យ គឺសុទ្ធតែរកឃើញករណីល្មើសទាំងអស់។

ក្នុងព្រឹកថ្ងៃទី ១៥ខែកក្កដា ប្រជាជនរស់នៅតាមខ្សែវិថី  Nguyễn Thị Minh Khai (ខណ្ឌលេខ៣) Trần Hưng Đạo, Nguyễn Du (ខណ្ឌលេខ ១) Nguyễn Hữu Cảnh (ខណ្ឌ Bình Thạnh) ជាដើម សុទ្ធតែពេញចិត្តទាំំងអស់ នៅពេលឃើញកម្លាំងនគរបាលគមនាគមន៍ បានបង្កើតប៉ុស្តិ៍ត្រួតពិនិត្យ យាមល្បាត និងផាកពិន័យតឹងរឹងចំពោះមធ្យោបាយដែលល្មើល។

លោក Trần Mạnh Hùng (អាយុ ៦៥ឆ្នាំ) មានលំនៅដ្ឋាននៅកាច់ជ្រុងផ្លូវ Nguyễn Văn Cừ - Trần Hưng Đạo បាននិយាយដោយរីរាយថា៖ “ឃើញកម្លាំងនគរបាល ចុះត្រួតពិនិត្យ និងផាកពិន័យអ្នកបើកបរល្មើសចរាចរណ៍នោះ គឺប្រជាជនពេញចិត្តណាស់។ សង្ឃឹមថា ការចេញប្រតិបត្តិការលើកនេះ នឹងអនុវត្តដោយតឹងរឹង អនុវត្តច្រើនលើក និងប្រសិទ្ធិភាព មិនដូចលើកមុន ឃើញខ្លាំងតែដំបូងទេ។ បានដូច្នេះ នឹងគ្មានមធ្យោបាយណាល្មើសទៀត។ ហើយតាមរយៈនេះ នឹងរាំងខ្ទប់បានស្ថានភាពស្ទះចរាចរណ៍ បន្ថយគ្រោះថ្នាក់ចរច​រណ៍​ ហើយប្រជាជនក៏បានបន្ថយលំបាកផងដែរ”។

បានដឹងថា តាមរយៈការយាមល្បាត និងត្រួតពិនិត្យ នគរបាលចរាចណ៍ទីក្រុង​បានធ្វើកំណត់ហេតុ 144.834 ករណីល្មើស និងបង់ថវិការដ្ឋជិត ៤៨កោដិដុង។ ក្នុងនោះ បានផាកពិន័យ 6.828 ករណីល្មើសកំរិតជាតិអាកុល (187 ករណីជាតៃកុងឡាន, 6.641 ករណីជាអ្នកបើកបរម៉ូតូ) ដោះស្រាយ  2.120 ករណីជារថយន្ត (ភាគច្រើនគឺឡានដឹកទំនិញ) ដែលបានល្មើសបើកបរចូលក្នុងផ្លូវហាមឃាត់ និងតំបន់ហាមឃាត់៕

 

 

VOH

Bình luận

Cùng chuyên mục

Đọc Báo