ចាប់បានកម្មាភិបាលផ្នែកធនាគារ២រូបបានឆបោករឹបយកលុយចំនួន ៥០កោដិដុង-Tiếng Khmer 07/06/2019

ព័ត៍មានក្នុងប្រទេស

១.បញ្ជាការដ្ឋានតំបន់តម្រូតសមុត្រ ៣ បានកំចាត់ដោយជោគជ័យ ២ ករណីលាក់ទុកគ្រឿងញៀនខុសច្បាប់

ក្នុង ២ ថ្ងៃ គឺថ្ងៃទី ២ និងទី ៥​ខែមិថុនា កម្លាំងមានសមត្ថកិច្ច នៃបញ្ជាការដ្ឋានតំបន់តម្រួតសមុត្រ ៣ បានសហការជាមួយនគរបាលសង្កាត់លេខ ៨, សង្កាត់ Thắng Nhì នៃទីក្រុង Vũng Tàu បានកំចាត់ដោយជោគជ័យជាបន្តបន្ទាប់ ២ ករណីលាក់ទុកគ្រឿងញៀនខុសច្បាប់ និងចាប់បានជនល្មើស ២ នាក់ ព្រមទាំងវត្ថុតាងពាក់ព័ន្ធច្រើនទៀត។

មុខសញ្ញាឈ្មោះ Nguyễn Văn Giàu(កើតឆ្នាំ ១៩៨៩) បានលាក់ទុកគ្រឿងញៀនក្នុងស្បោងនីឡុងចំនួន ៤។ ហើយឈ្មោះនេះក៏បានសារភាពថា នេះជាគ្រឿងញៀនម៉ាទឹកកក។ មុខសញ្ញាទី ២ គឺឈ្មោះ Nguyễn Thành Long (កើតនៅឆ្នាំ ១៩៩៣) វត្ថុតាងដែលដកហូតបាន គឺហេរ៉ូអ៊ីនចំនួន ០.២៦ក្រាម។ ហើយករណីទាំង ២នេះ កំពុងត្រូវបានស៊ើបការបន្ត និងដោះស្រាយតាមផ្លូវច្បាប់។

២.ចាប់បានកម្មាភិបាលផ្នែកធនាគារ២រូបបានឆបោករឹបយកលុយចំនួន ៥០កោដិដុង

ការិយាល័យនគរបាលសេដ្ឋកិច្ច នៃស្នងការនគរបាលខេត្ត Thanh Hóa បានឲ្យដឹងថា អង្គភាពនេះបានបញ្ជូនអាជ្ញាវិនិច្ឆ័យទោស និងវិនិច្ឆ័យទោសជនជាប់ចោទ និងចាប់ដាក់ឃុំបណ្តោះអាសន្ន ចំពោះឈ្មោះ Lý Quang Huy, Lê Hồng Cường។ ជនទាំងពីរនេះ សុទ្ធតែជាកម្មាភិបាលនៃធនាគារ BIDV- សាខា Bỉm Sơn ក្នុងខេត្ត Thanh Hóa ដែលបានធ្វើឯកសារទរទេ ឆបោករឹបយកលុយជាង ៥០កោដិដុង របស់ធនាគារ BIDV ។ ហើយករណីនេះ កំពុងត្រូវបាននគរបាលខេត្ត Thanh Hóaធ្វើការស៊ើបអង្កេតបន្ត។

៣.ចាប់បានពិរុទ្ធជនដែលបានយកកាំភ្លើងសម្រុកធនាគារ ប្លន់យកលុយជាង ៥០០លានដុង

ថ្មីៗនេះ នគរបាលព្រហ្មទ័ណ្ឌខេត្ត Phú Thọ បានសហការជាមួយនគរបាលបណ្តាស្រុក និងទីក្រុងក្នុងភូមិសាស្ត្រខេត្តនេះ ត្រូវប្រញាប់ចាប់ឲ្យបានជនដៃដល់ ដែលបានចូលដល់ធនាគារកសិកម្ម និងអភិវឌ្ឍន៍ជនបទ ប្លន់យកលុយចំនួន ៥២៧ លានដុង។ ហើយគ្រាន់តែក្រោយពីករណីប្លន់នេះបាន ៣៦ម៉ោង កម្លាំងមានសមត្ថកិច្ច ចាប់បានឈ្មោះNguyễn Thành Nam (កើតឆ្នាំ ១៩៨៥ ស្នាក់នៅក្នុងស្រុក Phù Ninh នៃខេត្ត  Phú Thọ)។

៤.ខេត្ត Nam Định៖ កំចាត់ដោយជោគជ័យខ្សែរយៈជួញដូរ និងដឹកជញ្ជូនគ្រឿងញៀនក្នុងចំនួនច្រើន

យោងដំណឹងពីស្នងការនគរបាលខេត្ត Nam Định បានដឹងថា ការិយាល័យនគរបាលស៊ើបអង្កេតខាងគ្រឿងញៀន, នគរបាលខេត្ត បានសហការជាមួយសមត្ថកិច្ចពាក់ព័ន្ធមួយចំនួន កំចាត់ដោយជោគជ័យខ្សែរយៈជួញដូរ និងដឹកជញ្ជូនគ្រឿងញៀនមួយ ក្នុងចំនូនដ៏ធំ ពីខេត្ត Hà Tĩnh ទៅហាណូយ និងតំបន់មួយចំនួនទៀត។ វត្ថុតាមដែលដកហូតបានរួមមានគ្រឿងញៀមម៉ាទឹកកកចំនួន ៧គីឡូក្រាម និងគ្រឿងញៀនយ៉ាម៉ាចំនួន ១៥.០០០គ្រាប់ ដឹកពីខេត្ត  Hà Tĩnhដល់តំបន់ផ្លូវលេខ ១០ ឃុំ Lộc Hòa ទីក្រុង Nam Định នៃខេត្ត Nam Định។

ហើយដើម្បីមិនឲ្យគេសង្ស័យ ជនល្មើសឈ្មោះ Nguyễn Thị Liên បានចែកថ្នាំញៀនជាថង់តូចៗ ដូចកញ្ចប់តែ លាក់ទុកក្នុងវ៉ាលី ដាក់លាយឡំនឹងសម្លៀកបំពាក់ ព្រមទាំងបានពកូនអាយុក្រោម ១៦ខែតាមជាមួយ។ ហើយករណីនេះ កំពុងធ្វើការស៊ើបអង្កេតបន្ត។

ព័ត៍មានអន្តរជាតិ

៥.កងទ័ពស៊ីរីបានបាញ់ទម្លាក់យន្តហោះគ្មានមនុស្សបើកច្រើនគ្រឿងរបស់ពួកឧទ្ទាម Takfiri

យោងដំណឹងពីកងទ័ពនៃប្រទេសអ៊ីស្ត្រាអែលបានដឹងថា កងឈ្លបការរបស់ប្រទេសនេះ បានរកឃើញយន្តហោះគ្មានមនុស្សបើកជាច្រើនគ្រឿង ដែលកំពុងព្យាយាមពិនិត្យព្រលានយន្តហោះសម្រាប់ឧទ្ធម្ភាគចក្រ ដែលមូលដ្ឋានយោធារបស់រដ្ឋាភិបាលនៃប្រទេសស៊ីរី ស្ថិតនៅភូមិ Jubb Ramlah ឆ្ងាយពីរដ្ឋធានី Damascus ប្រមាណ ១៨៩គីឡូម៉ែត្រ។​ហើយកម្លាំងប្រដាប់អាវុធស៊ីរី បានបាញ់ទម្លាក់អស់ច្រើនគ្រឿង។

៦.ប្រទេសអេហ្ស៉ីប៖ វាយប្រហារនៅខាងជើងតំបន់ Sinai បណ្តាលឲ្យភ្នាក់ងារសន្តិសុខច្រើនរូបត្រូវស្លាប់

ទូរទស្សន៍រដ្ឋនៃប្រទេសអេហ្ស៉ីបបានជូនដំណឹងថា ខ្មាន់កាំភ្លើងបានវាយប្រហារ សម្តៅទៅលើប៉ូស្តិ៍ត្រួតពិនិត្យសន្តិសុខជាច្រើន ស្ថិតនៅខាងជើងតំបន់ Sinai បណ្តាលឲ្យភ្នាក់ងារសន្តិសុខយ៉ាងតិច ៨រូប ត្រូវស្លាប់បាត់បង់ជីវិត។​ ហើយកម្លាំងយោធា និងប៉ូលីសនៃប្រទេសអេហ្ស៉ីប បានបាញ់គ្នាទៅវិញទៅមក។

៧.លិចកុប៉ាល់នូវភាគកណ្តាលនៃប្រទេស Indonesia បណ្តាលឲ្យ៩នាក់ត្រូវបាត់ខ្លូន

មន្ត្រីមួយរូប នៃស្ថាប័នស្វែងរក និងជួយសង្គ្រោះភាកកណ្តាលខេត្ត Sulawesi នៃប្រទេស Indonesia បានឲ្យដឹងថា មនុស្សចំនួន ១៩នាក់ ត្រូវបាត់ខ្លួន នៅករណីកុប៉ាល់ដឹកទំនិញមួយគ្រឿងត្រូវលិច  ស្ថិតនៅតំបន់Banggai Laut នៅលំហរសមុត្រភាគខាងកើតនៃខេត្តនេះ។

ហើយកម្លាំងជួយសង្គ្រោះបន្ទាន់ កំពុងខិតខំស្វែងអ្នកដែលបាត់ខ្លួន។ នៅពេលរងគ្រោះ កុប៉ាល់នេះ កំពុងមានមនុស្សចំនួន ២០នាក់ ហើយជួយសង្គ្រោះបានមនុស្សមួយនាក់។ មកដល់ពេលនេះ មិនទាន់កំណត់បានអំពីមូលហេតុនៃករណីនេះនៅឡើយ។

KHEN THƯỞNG CÁC ĐƠN VỊ TRIỆT PHÁ ĐƯỜNG DÂY MA TÚY

សរសើរនិងជូនរង្វាន់ដល់បណ្តាអង្គភាពដែលកំចាត់ដោយជោគជ័យខ្សែរយៈ

ជួញដូរគ្រឿងញៀន

ថ្មីៗនេះ លោក Trương Hòa Bình ជាឧបនាយករដ្ឋមន្ត្រីអចិន្រ្តៃ នៃសាធារណរដ្ឋសង្គមនិយមវៀតណាម បានលើកសរសើរនិងជូនរង្វាន់ ចំពោះស្នាដៃដ៏ឆ្នើមរបស់អង្គភាពមួយចំនួន ដែលបានចូលរួមកំចាត់ដោយជោគជ័យ នូវ​ខ្សែរយៈជួញដូរគ្រឿងញៀនខុសច្បាប់ឆ្លងព្រំដែននៅខេត្ត  Long An

លោក Trương Hòa Bình បានលើកសរសើរដល់ស្នាដៃឆ្នើម របស់បណ្តាអង្គភាព ដែលបានចូលរួមកំចាត់ខ្សែរយៈជួញដូរគ្រឿងញៀន ឆ្លងព្រំដែននៅខេត្ត Long Anដូចជា៖ នាយកដ្ឋានការពារទប់ស្កាត់គ្រឿងញៀន និងបទល្មើស (នៃបញ្ជាការដ្ឋានកងទ័ពការពារព្រំដែន), នាយកដ្ឋាននគរបាលស៊ើបអង្កេតបទល្មើសអំពីគ្រឿងញៀន (នៃក្រសួងនគរបាល), គណៈបញ្ជាការកងទ័ពការពារព្រំដែនខេត្ត  Long An បានសហការជាមួយគ្នា សម្រាប់កំចាត់ ដោយជោគជ័យខ្សែរយៈជួញដូរគ្រឿងញៀនខុសច្បាប់ឆ្លងព្រំដែននៅខេត្ត  Long An។

លោកឧបនាយករដ្ឋមន្ត្រី បានតម្រូវដល់ក្រសួងនគរបាល និងក្រសួងការពារជាតិ ត្រូវមានរូបភាពលើកសរសើរសមសម្រប ដល់អង្គភាព និងបុគ្គលដែលមានស្នាដៃឆ្នើម ក្នុងសំណុំរឿងពិសេសនេះ, ក្រសួងនគរបាលបានបង្គាប់ការដល់ស្នងការនគរបាលខេត្ត Long An ត្រូវសហការយ៉ាងស្អិតរមួតជាមួយ បណ្តាកម្លាំងមានសមត្ថកិច្ចវៀតណាម និងកម្ពុជា សម្រាប់បន្តប្រមូលផ្តុំកម្លាំងសើបអង្កេត និងបើកទូលាយរឿងក្តីនេះ សម្រាប់វិនិច្ឆ័យជនល្មើសឲ្យបានតឹងរឹង​ តាមការកំណត់របស់ច្បាប់។

បានដឹងថា មុននោះ ដើម្បីអនុវត្តនូវផែនប្រញឹកខ្លាំងនៃកាទប់ស្កាត់ ប្រឆាំងនឹងបទល្មើសលើខ្សែព្រំដែនវៀតណាម-កម្ពុជានោះ គឺកាលពីថ្ងៃត្រង់ថ្ងៃទី ១២ខែឧសភា នៅស្រុកព្រំដែន Vĩnh Hưng (ក្នុងខេត្ត​Long An) កម្លាំងមានសមត្ថកិច្ចនានា បានកំចាត់ដោយជោគជ័យ ខ្សែរយៈជួញដូរ និងដឹកជញ្ជូនគ្រឿងញៀនខុសច្បាប់ ពីប្រទេសកម្ពុជា ទៅលក់នៅវៀតណាម។ នៅពេលរថយន្តមួយគ្រឿង​ ពាក់ផ្លាកលេខ 51F-310.13 បើកដោយឈ្មោះ Trương Quốc Cường (ឆ្នាំកំណើត ១៩៧៨, ស្នាក់នៅឃុំ Khánh Hưng ស្រុក Vĩnh Hưng នៃខេត្ត Long An) បានបើកពីទិសប្រទេសកម្ពុជា ឆ្ពស់ទៅវៀតណាម។ លុះដល់ភូមិសាស្ត្រស្រុក Tuyên Bình ក៏ត្រូវកងស៊ើបការឃាត់។ បន្ទាប់ពីធ្វើការឆែកឆេរ កម្លាំងមានសមត្ថកិច្ចរកឃើញ ហេរ៉ូអ៊ីនប្រភេទម្សៅចំនួន ២០ដុំ និងគ្រឿងញៀនសំរូបចំនួន ៥៧គីឡូក្រាម ត្រូវបានលាក់បាំងយ៉ាងល្អិតល្អន់ក្នុងថង់តែ និងកញ្ចប់ម្សៅទឹកដោះគោ៕


 

 

 

 

VOH

Bình luận

Cùng chuyên mục

Đọc Báo