ចិនចាប់បានភ្លុកដំរីច្រើនបំផុតនិងបង្ក្រាបក្រុមជួញដូរ-Tiếng Khmer 19/04/2019

ព័ត៍មាននៅក្នុងប្រទេស

.នាយកដ្ឋានគយទីក្រុងហូជីមិញ បានផាកពិន័យ និងទាពន្ធក្រុយបាន ៦៧០ពាន់លានដុង

ក្នុងត្រីមាសទី ១​ឆ្នាំ ២០១៩ នាយកដ្ឋានគយទីក្រុងហូជីមិញ បានធ្វើអធិការកិច្ច និងត្រួតពិនិត្យ 4.138 ស្ថាប័នអាជីវកម្មក្នុងតំបន់ ហើយក៏រកឃើញទង្វើរល្មើសជាច្រើន ព្រមទាំងបានចេញសេចក្តីសម្រេចផាកពិន័យ និងទាយកពន្ធក្រោយបានចំនួន ៦៧០ពាន់លានដុង; បន្ថយការកាត់រំលស់ទឹកបា្រក់លើពន្ធតម្លៃបន្ថែមជិត ១០០ពានលានដុង, កាត់បង់ខាតជាង ៣.១០០ពាន់លានដុង។ ក្រៅពីនេះ ស្ថាប័នអាជីវកម្មណា ដែលមានតួលេខលើតម្លៃបន្ថែមច្រើន និងស្ថាប័នមានសញ្ញាបានប្រើប្រាស់វិក័យបត្រ័ខុសច្បាប់ ក៏ត្រូវបានបញ្ជូលក្នុងបញ្ជីត្រូវត្រួតពិនិត្យនារយៈពេលខាងមុខ។

២.រើសបានលុយក្នុងបង្គោល ATM រួចសូមនគរបាលសងអ្នកបាត់វិញ

ថ្មីៗនេះ នគរបាលសង្កាត់ Phú Nhuận (ទីក្រុង Huế ខេត្ត Thừa Thiên- Huế)បានឲ្យដឹងថា អង្គភាពនេះ ទើបបានទទួលលុយចំនួនច្រើន ដែលសន្លឹកនិមួយមានតម្លៃ ៥០០.០០០ដុង នាំមកដោយលោក Nguyễn Viết Huy (កើតនៅឆ្នាំ 1991 ស្នាក់នៅសង្កាត់ Vĩnh Ninh ទីក្រុង Huế) ដែលពឹងឲ្យសងអ្នកត្រូវបាត់វិញ។ ហើយនគរបាលសង្កាត់ Phú Nhuận ក៏បានជូនដំណឹងស្វែងរកអ្នកត្រូវបាត់លុយ សម្រាប់សងមកវិញ។

៣.ដកហូតគ្រឿងញៀន ៦០០គីឡូក្រាម លាក់ទុកក្នុងធុងប៉ាស់ចំនួន ៣០នៅ Nghệ An

កម្លាំងមានសមត្ថកិច្ចបានសម្រុកចូលផ្ទះលេខ ៧ ច្រកលេខ ១៦១​ផ្លូវ Phùng Chí Kiên សង្កាត់ Hà Huy Tập ទីក្រុង Vinh នៃខេត្ត Nghệ An ចាប់បានមុខសញ្ញាជាច្រើន កំពុងរៀបចំដឹកជញ្ជូនគ្រឿងញៀនចេញពីទីកន្លែងលាក់ទុក។ ហើយនៅទីកើតហេតុ នគរបាលចាប់បានគ្រឿញៀនម៉ាទឹកកកចំនួសន ៦០០គីឡូក្រាម បានលាក់ទុកក្នុងធុងបាស់ចំនួន ៣០ធុង ដាក់ក្នុងឡានដឹកជញ្ជូនទំនិញមួយ។ ហើយករណីនេះ កំពុងត្រូវបានស៊ើបការបន្ត។

៤.ជូន ១០.០០០ មួកសុវត្ថិភាពដល់សិស្ស និងនិស្សិត

គណៈកម្មាធិការប្រជាជនទីក្រុងហាណូយ និងក្រុមហ៊ុន Việt Nam Grand Prix (VGPC)​ បានរៀបចំកម្មវិធីក្រោមប្រធានបទ “កំពូលនៃបច្ចេកវិជ្ជា-សុវត្ថិភាពអតិបរមា” សម្រាប់ជូនមួកសុវត្ថិភាពត្រឹមត្រូវតាមស្តង់ដារ ចំនួន ១០.០០០មួក ដល់សិស្ស និងនិស្សិតរស់នៅក្នុងរដ្ឋធានីហាណូយ។ តាមប្រសាសន៍របស់លោក Nguyễn Đức Chung ប្រធានគណៈកម្មាធិការប្រជាជនទីក្រុងហាណូយគឺ យុទ្ធនាការនេះ ប្រយោជន៍ដើម្បីដាស់តឿនឲ្យអ្នកទាំងអស់គ្នា ត្រូវពាក់មួកសុវត្ថិភាពពេលចូលរួមធ្វើចរាចរណ៍។ហើយលោក Chung ក៏មានបំណងថា សិស្សនិងនិស្សិតនឹងក្លាយជាឯកអគ្គដ៏ស្និតស្នាល សម្រាប់ឃោសនានូវសារលិខិត ព្រមទាំងរំលឹកអ្នកនៅជំវិញខ្លួនឲ្យអនុវត្តធ្វើតាម ហើយផ្តើមពីនេះ នឹងជួយបន្ថយគ្រោះថ្នាក់ចរាចរណ៍។

ព័ត៍មានអន្តរជាតិ

៥.ចិន​ចាប់បាន​ភ្លុក​ដំ​រីច្រើន​បំផុត​និង​បង្ក្រាប​ក្រុម​ជួញដូរ​

​សមត្ថកិច្ចនៃប្រទេសចិន​​ចាប់​បាន​ភ្លុក​ដំរីដល់ទៅ ​៧ តោន ៤៨គីឡូក្រាម ​កាលពី​ខែ​មុន ដែល​ជា​ការ​ចាប់​បាន​ច្រើន​បំផុត​បើ​ធៀប​នឹង​រយៈពេល​ប៉ុន្មាន​ឆ្នាំ​ថ្មីៗ​នេះ ខណៈដែលប្រទេសនេះ កំពុង​បង្កើន​យុទ្ធនាការ​ប្រឆាំង​នឹង​ការជួញដូរ​សត្វព្រៃ​ខុសច្បាប់​។​

៦.ករណីបាញ់រះនៅប្រទេសកាណាដា៖ប៉ូលិសកំពុងស៊ើបការអំពីបំណងរបស់ជនដៃដល់

ពាក់ព័ន្ធដល់ករណីបាញ់រះនៅទីក្រុង Penticton ក្នុងខេត្ត British Columbia នៃប្រទេសកាណាដា ដែលបណ្តាលឲ្យមនុស្ស ៤ នាក់ត្រូវស្លាប់នោះ រដ្ឋអំណាចមូលដ្ឋានកំពុងស្វែងយល់បំណងនៃអំពើហឹង្សានេះ។ ហើយអ្នកយកព័ត៍មានវៀតណាមនៅប្រទេសនេះបានឲ្យដឹងថា ជនដៃដល់ឈ្មោះ John Brittain អាយុ ៦៨ឆ្នាំ ត្រូវចោទថា ជាអ្នកអនុវត្តការបាញ់រះកាលពីថ្ងៃទី ១៥ខែមេសាកន្លងទៅ។

៧.រដ្ឋអំណាចសហរដ្ឋអាមេរិកអនុញ្ញាតបណ្តឹងក្រុមហ៊ុនបរទេសក្នុងប្រទេសគុយបា

រដ្ឋអំណាចសហរដ្ឋអាមេរិក នឹងអនុញ្ញាតឲ្យបណ្តឹងបណ្តាក្រុមហ៊ុនបរទេស ដែលកំពុងធ្វើអាជីវកម្មទ្រព្យសម្បត្តិត្រូវដកហូររបស់ជនជាតិអាមេរិកនៅក្នុងប្រទេសគុយបា ក្រោយបដិវត្តឆ្នាំ ១៩៥៩។ យោងដំណឹងពីទីភ្នាក់ងារសារព័ត៍មាន AP គឺ នេះជាទង្វើរមួយ នៃការផ្លាស់ប្តូរគោលនយោបាយដ៏ធំរបស់រដ្ឋអំណាចអាមេរិក ចំពោះប្រទេសគុយបាក្នុងរយៈពេល ២០ឆ្នាំកន្លងមក ដែលបានអនុញ្ញាតឲ្យដាក់ពាក្យបណ្តឹងបណ្តាក្រុមហ៊ុន កំពុងធ្វើអាជីវកម្មទ្រព្យសមប្បត្តិរបស់ជនជាតិអាមេរិក មាននៅប្រទេសគុយបាក្រោយបដិវត្តឆ្នាំ ១៩៥៩។

3 NGÀY NGHỈ GIỖ TỔ HÙNG VƯƠNG: 97 VỤ TAI NẠN GIAO THÔNG LÀM 66 NGƯỜI CHẾT

ឈប់សម្រាក ៣ ថ្ងៃអបអរសាទបុណ្យខួបសម្តេចហ៊ុង៖ ៩៧ ករណីគ្រោះថ្នាក់ចរាចរណ៍ និងស្លាប់ ៦៦នាក់

នាកាសឈប់សម្រាក ៣ ថ្ងៃពិធីបុណ្យខួបសម្តេចហ៊ុង ក្នុងទូទាំងប្រទេសកើតមាន ៩៧ករណីគ្រោះថ្នាក់ចរាចរណ៍ បណ្តាលឲ្យមនុស្សចំនួន ៦០នាក់ត្រូវស្លាប់បាត់បង់ជីវិត និង ៦០នាក់ទៀតត្រូវរងរបួស។

យោងដំណឹងពីនាយកដ្ឋាននគរបាលគមនាគមន៍ (នៃក្រសួងនគរបាល)បានដឹងថា ក្នុងរយៈពេល ៣ ថ្ងៃឈប់សម្រាកពិធីបុណ្យខួបសម្តេចហ៊ុង (១៣-១៥/៤) ក្នុងទូទាំងប្រទេស កើតមាន ៩៧ករណីគ្រោះថ្នាក់ចរាចរណ៍ បណ្តាលឲ្យមនុស្ស ៦៦នាក់ត្រូវស្លាប់បាត់បង់ជីវិត និងមនុស្ស ៦៥នាក់ទៀតត្រូវរងរបួស។

មាន ២ករណីគ្រោះថ្នាក់ផ្លូវដែក បណ្តាលឲ្យ ១ នាក់ត្រូវស្លាប់ ហើយផ្លូវទឹកមិនកើតមានករណីណា។

យោងតាមស្ថិតិ នៅថ្ងៃទី ១៣ខែមេសា កើតមាន ២៧ករណីគ្រោះថ្នាក់ចរាចរណ៍ បណ្តាលឲ្យមនុស្ស ១៨នាក់ត្រូវស្លាប់បាត់បង់ជីវិត និងរបួស ១៤នាក់។ ចំណែកឯថ្ងៃទី ១៤ខែមេសា ដែលជាថ្ងៃឈប់សម្រាកបុណ្យទី ២ ត្រូវមានអ្នកស្លាប់មកពីគ្រោះថ្នាក់ចរាចរណ៍កើនឡើងខ្ពស់ គឺក្នុងទូទាំងប្រទេសកើតមាន ៣៧ករណីគ្រោះថ្នាក់ចរាចរណ៍ បណ្តាលឲ្យ ២៣នាក់ត្រូវស្លាប់ និង ២៨នាក់ត្រូវរងរបួស។ ករណីទាំងនេះ សុទ្ធតែកើតឡើងលើផ្លូវគោក រីឯផ្លូវដែកនិងផ្លូវទឹកគ្មានបញ្ហា។

ចំណែកឯថ្ងៃឈប់សម្រាកចុងក្រោយ កើតមាន ៣៣ករណីគ្រោះថ្នាក់ចរាចរណ៍ បណ្តាលឲ្យ ២៥នាក់ត្រូវស្លាប់ និង ១៨នាក់ត្រូវរងរបួស ហើយផ្លូវដែកនិងផ្លូវទឹកក៏គ្មានបញ្ហាដែរ។

ខេត្ត Thanh Hóa ជាតំបនកើតមានគ្រោះថ្នាក់ចរាចរណ៍ផ្លូវគោកធ្ងន់ធ្ងរជាងគេ បណ្តាលឲ្យមនុស្ស ៦នាក់ត្រូវស្លាប់បាត់បង់ជីវិត។ ហើយប្រការគួរឲ្យចាប់អារម្មណ៍ត្រង់ថា ជនរងគ្រោះសុទ្ធតែជាកូនសិស្ស។

ក៏យោងតាមនាយកដ្ឋាននគរបាលគមនាគមន៍ផងដែរ គឺក្នុងរយៈពេលឈប់សម្រាក ៣ ថ្ងៃ កម្លាំងនគរបាលគមនាគមន៍ផ្លូវគោក បានផាកពិន័យ ១៣.៧២៩ករណីល្មើស ផាកជាទឹកលុយជាង ១២ ពាន់ ៦លានដុង ឃាត់ទុកបណ្តោះអាសន្នឡានចំនួន ១០៥គ្រឿង, ដកហូតប័ណ្ណបើកបរគ្រប់ប្រភេទចំនួន ១៨.៣៤៦សន្លឹក។ ចំពោះផ្លូវទឹកវិញ មាន ៩៤៧ករណីល្មើស ត្រូវកម្លាំងមានសមត្ថកិច្ចផាលពិន័យនូវទឹកប្រាក់ចំនួន ៩៣៦លានដុង៕

 

 

VOH

Bình luận

Cùng chuyên mục

Đọc Báo