វៀតណាមបានបន្តលើកកម្ពស់តួនាទីរបស់តំបន់អាស៊ាន នៅអង្គការសហប្រជាជាតិ-Tiếng Khmer 14/06/2019

ព័ត៍មាននៅក្នុងប្រទេស

១.វៀតណាមបានបន្តលើកកម្ពស់តួនាទីរបស់តំបន់អាស៊ាន នៅអង្គការសហប្រជាជាតិ

ថ្មីៗនេះ សារព័ត៍មាន Bangkok Post របស់ប្រទេសថៃបានមានអត្ថបទមួយ ហើយបានកត់សម្គាល់ថា៖ “ជាមួយការជាលើកទីពីរ ដែលបានជ្រើសតាំងធ្វើជាសមាជិកមិនអចិន្ត្រៃ នៃក្រុមប្រឹក្សាសន្តិសុខ​ អង្គការសហប្រជាជាតិនោះ ប្រទេសវៀតណាម នឹងបន្តលើកកម្ពស់តួនាទីនៃតំបន់អាស៊ី នៅក្នុងអង្គការពហុភាគីធំបំផុតលើទូទាំងពិភពលោកនេះ”។

អត្ថបទបានសរសេរទៀតថា ប្រទេសវៀតណាមបានរក្សានូវខឿននយោបាយប្រកបដោយស្ថិរភាព និងសេដ្ឋកិច្ចកាន់តែរីកចំរើន។ កាលដែលធនាគារអភិវឌ្ឍន៍អាស៊ី (ADB) បានប៉ាន់ស្មានថា ក្នុងឆ្នាំនេះ ប្រទេសវៀតណាមនឹងសម្រេចបានកំរិតកំណើននៃផលិតផលរួមក្នុងស្រុក (GDP) ប្រមាន  6,8% បានបញ្ជាក់នូវជោគជ័យរបស់ប្រទេសវៀតណាម។

ក្រៅពីនេះ តួនាទីរបស់ប្រទេសវៀតណាម លើឆាកអន្តរជាតិក៏បានលើកកម្ពស់ផងដែរ បន្ទាប់ពីបានបំពេញល្អតួនាទីជាម្ចាស់ផ្ទះ នៃសន្និសិទកំពូលអាមេរិក-កូរ៉េខាងត្បូង កាលពីខែកុម្ភះកន្លងទៅ។ ហើយអត្ថបទនេះក៏បានសន្មត់ថា នៅពេលដែលប្រទេសថៃបានដើតួជាប្រធានតំបន់អាស៊ានបានពាក់កណ្តាលផ្លូវហើយនោះ គឺប្រទេសវៀតណាមបានសម្រេចហើយស្រេច ផែនការជាប្រធានរបស់ខ្លួននៅឆ្នាំក្រោយ។

យោងតាមនោះ ប្រទេសវៀតណាម នឹងផ្តោតទៅលើការកសាងនូវសហគមន៍អាស៊ានមួយ សម្រាប់បង្កើនការផ្សារភ្ជាប់ជាមួយគ្នា និងបន្តបង្រួញគម្លាតរវាងសមាជិកថ្មី និងសមាជិកចាស់។ ប្រទេសវៀតណាបានបានគ្រោងទុកថា អាស៊ាននឹងមានតួនាទីយ៉ាងសកម្មជាង ចំពោះបណ្តាបញ្ហាការពារជាតិ និងសន្តិសុខ ពិសេសគឺយោងតាមយន្តការដែលអាស៊ានដឹកនាំ ដូចជា សន្និសិទបណ្តារដ្ឋមន្ត្រីការពារជាតិតំបន់អាស៊ាន (ADMM+)។

២.ប្រកាសភាពអាសន្នកើតជំងឺនានាលើកុមារ

ថ្មីៗនេះ ក្រសួងសុខាភិបាល បានបើកអង្គប្រជុំតាមបណ្តញអ៊ីនធ័រណែតលើទូទាំងប្រទេស ស្តីអំពីការការពារទប់ស្កាត់ជំងឺរាតត្បាត និងហ្វឹកហាត់សុវត្ថិភាពនៃការចាក់វ៉ាក់សាំងការពារជំងឺ។

នៅក្នុងសន្និសិទ លោកស្រីរដ្ឋមន្ត្រី បានឲ្យដឹងបន្ថែមថា​ នៅប្រទេសមួយចំនួន ជំងឺរាតត្បាតនានា បានកើនឡើងដល់ទៅ ៣០០% មកពីមិនចាក់វ៉ាក់សាំងការពារជំងឺ។ ដោយហេតុនេះហើយ យើងចាំបាច់ត្រូវតាមដានឲ្យបានស្អិតរមួតជំងឺរាតត្បាតក្នុងប្រទេស រកឃើញសំបុកជំងឺទាន់ពេលវេលា ដោះស្រាយឲ្យដាច់ស្រឡះ អនុវត្តឲ្យប្រសិទ្ធិភាពនៃការម្ចាស់ការចាក់វ៉ាក់សាំងការពារជំងឺ និងអនុវត្តយុទ្ធនាការចាក់វ៉ាក់សាំងការពារជំងឺនៅបណ្តាតំបន់ដែលហានិភ័យត្រូវឆ្លងជំងឺខ្ពស់…។

៣.ជំងឺគ្រុនឈាមកើនឡើងជាង ៣ ដង បើប្រៀបធៀបនឹងឆ្នាំទៅ

យោងតាមការស្ថិតិពីមជ្ឈមណ្ឌលត្រួតពិនិត្យជំងឺនៅខេត្ត Đồng Nai បានដឹងថា គិតដល់ថ្ងៃទី ៣០ខែឧសភា ក្នុងខេត្តទាំងមូល មាន 3.486 ករណីកើតជំងឺគ្រុនឈាមហើយ គឺកើន ៣ដង បើប្រៀបធៀបនឹងរយៈពេលដូចគ្នាកាលពីឆ្នាំទៅ។

៤.នាំចូលក្រណាត់ពីប្រទេសចិនកើនឡើងខ្លាំង

យោងតាមក្រសួងពាណិជ្ជកម្ម និងឧស្សាហកម្មបានដឹងថា ក្នុងខែឧសភាកន្លងទៅ មាន ២១មុខទំនិញនាំចូល ដែលមានតម្លៃជាង ១ពាន់លានដុល្លារអាមេរិក ដែលមានសមាមាត្រចំនួន 80,3%  នៃសរុបទឹកប្រាក់ទំនិញនាំចូល; ក្នុងនោះ មានទំនិញមួយចំនួនត្រូវកើនឡើង បើប្រៀបធៀបនឹងរយៈពេលដូចគ្នាកាលពីឆ្នាំទៅ ដូចជាគ្រឿងបរិក្ខាអេឡិកត្រូនិក ម៉ាស៊ីន ឧបករណ៍ ក្រណាត់ ដែកថែប ជាតិជ័រ ។ល។ ហើយប្រការគួរឲ្យចំណាំថា ក្រណាត់ដែមានប្រភពពីប្រទេសចិន បាននាំចូលវៀតណាមច្រើនបំផុត គឺស្មើរនឹង57,3%  នៃសរុបទឹកប្រាក់ទំនិញនាំចូលក្នុងទូទាំងប្រទេស។

ព័ត៍មានអន្តរជាតិ

៥.ប្រទេសកាណាដាបានហាមឃាត់នេសាទ​ និងចិញ្ចឹមត្រីបាឡែន និងត្រីដូនភីន សម្រាប់បំរើការទស្សនា

កាលពីថ្ងៃទី ១០ខែមិថុនា រដ្ឋសភានៃប្រទេសកាណាដា បានអនុម័តទៅលើពង្រាងច្បាប់មួយ ស្តីអំពីការហាមឃាត់នេសាទ និងចិញ្ចឹមសត្វចិញ្ចឹមកូនដោយដោះ ដូចជាត្រីបាឡែន និងត្រីដូនភីន សម្រាប់ការទស្សនា និងកម្សាននានា។

បានឹងថា ជាលើកដំបូង ពង្រាងច្បាប់នេះ បានលើកឡើងកាលពីឆ្នាំ ២០១៥ ហើយកំពុងមានរងចាំការអនុម័តយល់ព្រម ដែលមានលក្ខណៈនិមិត្តរូនៃរាជវង្សានុវង្ស។

ពង្រាងច្បាប់នេះ នឹងមិនអនុវត្តចំពោះសត្វដែលត្រូវបានចាប់ និងចិញ្ចឹមមុនពេលពង្រាងច្បាប់នេះចូលជាសុពលភាព។

៦.ព្រលានយន្តហោះមួយនៅ Dubai ហាមឃាត់មិនឲ្យប្រើគ្រឿងជ័រប្រើម្តង

ដើម្បីបង្កើនអនុវត្តការបណ្តាខសន្យាស្តីអំពីការការពារបរិស្ថាននោះ ព្រលានយន្តហោះ Dubai ដែលជាព្រលានយន្តហោះមួយ បានរក្សាកិត្តិនាមមានមនុស្សចេញចូលច្រើនបំផុតក្នុងរយៈពេល ៥ ឆ្នាំកន្លងមក ហើយកាលពីថ្ងៃទី ១០ខែមិថុនាកន្លងទៅ ព្រលានយន្តហោះនេះ បានជូនដំណឹងថា នឹងហាមឃាត់ប្រើប្រាស់ផលិតផលជ័រប្រើម្តងក្នុងបរិវេណអ្នកដំណើរ ចាប់ពីថ្ងៃទី ១ខែមករាឆ្នាំ ២០២០។

៧.ប្រទេសចិន៖ ប្រជាជនចំនួន ១លាន ៤សែននាក់ ត្រូវរងផលប៉ះពាល់មកពីទឹកភ្លៀងនាំទឹកជំនន់

ទីភ្នាក់ងារសារព័ត៍មាន Reuters បានជូនដំណឹងថា យ៉ាងហោចណាស់ក៏មានមនុស្សចំនួន ៥ នាក់ត្រូវស្លាប់ និងមនុស្សរាប់ពាន់នាក់ទៀតត្រូវជាប់គាំងមកពីភ្លៀងខ្លាំង ក្នុងពេលដែល ភ្លៀងខ្លាំងបានធ្លាក់ចុះបណ្តាតំបន់នៅភាគកណ្តាល និងខាងត្បូងនៃប្រទេសចិន។ យោងតាមនោះ នៅខេត្តយ៉ាងស៊ី ដំណាំអាហារចំនួន ១ម៉ឺន ៨០០ហិកតា ត្រូវទឹកជំនន់កួចទៅ ផ្ទះប្រជាជនរាប់រយខ្នង ត្រូវបំផ្លាញ និងប្រជាជនជាង ១ លាន ៤សែននាក់ត្រូវរងផលប៉ះពាល់។ ប៉ាន់ស្មាននៃការខូចខាតខាងសេដ្ឋកិច្ចប្រមាណ ៣៨២លានដុល្លារអាមេរិក។

BẮT QUẢ TANG DOANH NGHIỆP GIẾT MỔ, CẤP ĐÔNG HÀNG TẤN LỢN NHIỄM BỆNH

ចាប់បានទាំងវត្ថុតាងសិប្បកម្មមួយ បានកាប់សម្លាប់​ និងបង្កក

សាច់ជ្រូកឆ្លងមេរោគរាប់តោន

ថ្មីៗនេះ ការិយាល័យនគរបាលការពារទប់ស្កាត់បទល្មើស ស្តីអំពីបរិស្ថាន នៃនគរបាលខេត្ត  Đồng Nai ចាប់បាន ២ ករណីកាប់សម្លាប់ និងបង្កកសាច់សត្វជ្រូកមានរោគប៉ែសជ្រូកអាហ្វ្រិករាប់តោន។

លោកវរសេនីយ៍នាយក Nguyễn Văn Hạnh ជាអនុប្រធានការិយាល័យនគរបាលការពារទប់ស្កាត់អំពើល្មើស ស្តីអំពីបរិស្ថាន (នៃនគរបាលខេត្ត Đồng Nai) បានឲ្យដឹងថា តាមរយៈការស៊ើបការណ៍ កម្លាំងនគរបាលការពារទប់ស្កាត់បទល្មើស ស្តីអំពីបរិស្ថាន បានចាប់បានសិប្បកម្មមួយ បានកាប់សម្លាប់សត្វជ្រូកមានជំងឺជាង ១តោន ៤០០គីឡូក្រាម ស្ថិតនៅស្រុក Trảng Bom។ ហើយបន្ទាប់ពីពិនិត្យគំរូសាច់ជ្រូក ឃើញថា មាន ៨២គីឡូក្រាមត្រូវមានជំងឺប៉ែសជ្រូកអាហ្វ្រិក។

ករណីមួយផ្សេងទៀត គឺនៅក្នុងក្រុមហ៊ុនឯកជនអាហារ Linh Trang (ស្ថិតក្នុងឃុំ Tân Bình, ស្រុក Trảng Bom)។ ហើយក្រុមហ៊ុននេះ បានបង្កក់សាច់ជ្រូកមានជំងឺប៉ែសជ្រូកអាហ្វ្រិកជាង ៤ តោន នៅក្នុងទូបង្កក់ជាច្រើន។

លោកវរសេនីយ៍នាយក បានឲ្យដឹងបន្តថា ការិយាល័យនគរបាលការពារ ទប់ស្កាត់បទល្មើស ស្តីអំពីបរិស្ថាន​ បានបញ្ជូនឯកសារករណី ២នេះ ទៅការិយាល័យនគរបាលសេដ្ឋកិច្ច (នៃខេត្ត  Đồng Nai) សម្រាប់បន្តធើ្វការស៊ើបអង្កេតតាមសមត្ថកិច្ច។

លោក Võ Văn Chánh ជាអនុប្រធានគណៈកម្មាធិការប្រជាជនខេត្ត  Đồng Nai បានមានសំណើដល់នគរបាលខេត្ត ត្រូវបង្គាប់ការដល់កម្លាំងជំនាញនានា សម្រាប់បន្តធ្វើការស៊ើបអង្កេត និងបញ្ជាក់ឲ្យច្បាស់ ចំពោះ ២ ករណីកាប់សម្លាប់និងបង្កកសាច់ជ្រូកមានជំងឺប៉ែសជ្រូកអាហ្វ្រិកនេះ។ ហើយត្រូវ វិនិច្ឆ័យឲ្យតឹងរឹងចំពោះបុគ្គលណា ដែលឆ្លៀតការរាតត្បាតនៃជំងឺ សម្រាប់ធ្វើខុសនឹងបទកំណត់នានា។

បានដឹងថា ខេត្ត Đồng Nai ជាតំបន់មានហ្វូងសត្វជ្រូកធំជាងគេក្នុងទូទាំងប្រទេស ដែលមានជ្រូកជាង ២ លាន ៥សែនក្បាល។ ហើយមកដល់ពេលនេះ ជំងឺប៉ែសជ្រូកអាហ្វ្រិក បានរីករាលដល់ ១៣ឃុំ ស្ថិតក្នុង ៤ ស្រុកក្នុងខេត្ត  Đồng Nai ហើយ ដែលមានជ្រូកកើតជំងឺ និងត្រូវសម្លាប់ចោលជាង ៧.៣០០ក្បាលឯណោះ។

គណៈណែនាំការពារទប់ស្កាត់បន្ទាន់ជំងឺប៉ែសជ្រូកអាហ្រ្វិក  Đồng Nai បានឲ្យដឹងថា រយៈពេលកន្លងមក នៅពេលជំងឺប៉ែសជ្រូកអាហ្វ្រិកបានរាតត្បាតនៅក្នុងតំបន់ជាច្រើន គឺប្រជាជន និងប្រព័ន្ធនយោបាយទាំងមូលក៏បានចូលរួមយ៉ាងសកម្ម សម្រាប់ទប់ស្កាត់ និងរាំងខ្ទប់មិនឲ្យជំងឺរាតត្បាតរីករាលដាល ហើយក្នុងពេលនោះ បែរជាមានបុគ្គលមួយចំនួន បានឆ្លៀតឱកាសនេះ សម្រាប់ប្រមូលផ្តុំជ្រូកកើតជំងឺយកទៅលក់ទៅវិញ៕

 

 

 

VOH

Bình luận

Đọc Báo