ចាប់បានករណីបំផ្លាញព្រៃយ៉ាងធ្ងន់ធ្ងរនៅ Bắc Cạn-Tiếng Khmer 15/06/2019

ព័ត៍មានក្នុងប្រទេស

១.កម្មាភិបាល និងបុគ្គលិករដ្ឋ បានឡើងប្រាក់ខែចាប់ពីថ្ងៃទី ១ខែកក្កដា

យោងតាមអនុក្រឹត្យលេខ 38/2019 របស់រដ្ឋាភិបាល ស្តីអំពីការកំណត់កំរិតប្រាក់ខែ ចំពោះកម្មាភិបាល បុគ្គលិករដ្ឋ  និងកម្លាំងប្រដាប់អាវុធ គឺចាប់ពីថ្ងៃទី ១ខែកក្កដាតទៅ ប្រាក់បៀវត្សជាគោល នឹងកើតពី 1.390.000 ដុង ឡើង 1.490.000 ដុងក្នុងមួយខែ។

ហើយក្រៅពីនេះ កម្មាភិបាល​និងបុគ្គលិករដ្ឋ នៅបានទទួលប្រាក់ឧបត្ថម្ភបន្ថែម អាស្រ័យតាមនាទី និងវិស័យដែលខ្លួនបំពេញ។

២.ផ្លែគូលេន Lục Ngạn  មានលក្ខណៈគ្រប់គ្រាន់សម្រាប់នាំចូលទីផ្សារនៃសហរដ្ឋអាមេរិក និងចិន

ចាប់ពីថ្ងៃទី ១០ខែមិថុនាមកដល់ពេលនេះ ថ្លៃលក់ផ្លែគូលេន Lục Ngạn (នៅខេត្ត Bắc Giang) នៅទីផ្សារនៃទីក្រុងហូជីមិញ បន្តមានតម្លៃខ្ពស់។

បានដឹងថា ឆ្នាំ ២០១៩នេះ ក្រៅពីលេខកូដប្រចាំតំបន់ចំនួន ១៨ ដែលផ្តល់ដោយក្រសួងកសិកម្មអាមេរិក ដល់ប្រជាជនចំនួន ៣៩៤ក្រុមគ្រួសារ ដែលដាំដុះដំណាំគូលេន ស្ថិតនៅ ៧ឃុំ នៃស្រុក Lục Ngạn លើផ្ទៃដីចំនួន  217,89 ហិកតា ដែលគ្រប់លក្ខណៈនាំចូលទីផ្សារសហរដ្ឋអាមេរិកនោះ។ គឺថ្មីៗនេះ ប្រទេសចិន ក៏បានផ្តល់លេខកូដចំនួន ៣៦ គ្រប់លក្ខណៈសម្រាប់នាំចូលប្រទេសចិនផងដែរ។

៣.ចាប់បានករណីបំផ្លាញព្រៃយ៉ាងធ្ងន់ធ្ងរនៅ Bắc Cạn

លោក Dương Văn Kiều ជាអនុប្រធានស្នងការនគរបាលស្រុក Bạch Thông (Bắc Cạn) បានឲ្យដឹងថា អង្គភាពនេះ ទើបរកឃើញមួយករណីបំផ្លាញព្រៃយ៉ាងធ្ងន់ធ្ងរក្នុងភូមិសាស្ត្រខេត្តនេះ។

បានដឹងថា តាមរយៈការស៊ើបការ កម្លាំងនគរបាលបានបង្កប់ខ្លួន ក៏ចាប់បានទាំងវត្ថុតាង ឡានដឹកទំនិញមួយគ្រឿងពាក់ស្លាកលេខ 97C-01565 បើកដោយឈ្មោះ Dương Văn Tuệ (កើតនៅឆ្នាំ ១៩៨០, ស្នាក់នៅភូមិ Tân Lập, ឃុំ Vũ Muộn) បានដឹកជញ្ជូមឈើប្រភេទបន្ទះជាច្រើន។ ឈ្មោះនេះ បានឲ្យចម្លើយថា ខ្លួនបានទិញឈើទាំងនេះពីជនមួយចំនួន ជាប្រជាជនរស់នៅក្នុងភូមិ Đâng Bun,ឃុំ Vũ Muộn។ហើយ តាមរយៈការស៊ើបអង្កេត នគរបាលស្រុក Bạch Thông​បានកោះហៅជន ២០នាក់ទៀត មកសួរចម្លើយ ហើយក៏បានដឹងនូវករណីបំផ្លាញព្រៃឈើយ៉ាងធ្ងន់ធ្ងរមួយ។ ហើយកម្លាំងមានសមត្ថកិច្ចកំពុងស៊ើបការបន្ត។

ព័ត៍មានអន្តរជាតិ

៤.ប្រទេសជប៉ុនកំពុងមានមនុស្សចាស់ច្រើន

ជាលើកដំបូងក្នុងប្រវត្តិសាស្ត្រ បណ្តា ប្រទេសសមាជិក G20 និងសម្ព័ន្ធអឺរ៉ុប បានទទួលស្គាល់ថា មនុស្សចាស់ ច្រើនជាងមនុស្សក្មេង កំពុងជាហានិភ័យបានគំរៀមកំហែងពិភពលោកទាំងមូល។

ហើយជាមួយប្រៀបខ្លាំងជាប្រទេសម្ចាស់ផ្ទះ នៃបណ្តាប្រទេសជាសមាជិក G 20 នោះ ប្រទេសជប៉ុន បានល្បីឈ្មោះថា ជាប្រទេសមួយ មានអត្រាមនុស្សចាស់ជរាច្រើនខ្លាំង នាំមុខគេលើទូទាំងពិភពលោក ហើយប្រទេសជប៉ុន បានលើកឡើងបណ្តាបញ្ហាសំខាន់ ខាងសេដ្ឋកិច្ច​ពាក់ព័ន្ធដល់បញ្ហាចំនួនមនុស្សចាស់ច្រើនហួស និងអត្រាកំណើតត្រូវថយចុះ សម្រាប់ប្រជុំពិភាក្សា នៅក្នុងអង្គប្រជុំ  G20 កន្លងទៅ។

៥.ប្រទេសឥណ្ឌាជាមួយបំណងជាប្រទេសសេដ្ឋកិច្ច ៥.០០០កោដិUSD

លោក Narendra Modi ជាប្រធានាធិបតីនៃប្រទេសឥណ្ឌា បានស្នើរដល់បណ្តផ្នែកនានា នៃរដ្ឋាភិបាល​ ឲ្យបង្កើតផែនការ កសាងនិតិវិធី និងមានគោនយោបាយខ្លាំងៗ សម្រាប់ធ្វើឲ្យប្រទេសឥណ្ឌា ក្លាយជាប្រទេសមានសេដ្ឋកិច្ច ៥.០០០កោដិដុល្លារអាមេរិក ហើយអតិភាពខ្ពស់បំផុត ចំពោះការលើកកម្ពស់ជីវភាពរស់នៅរបស់ប្រជាជន។

៦.ប្រទេសថៃ បានរឹតបន្តឹងសកម្មភាពនេសាទត្រីខុសច្បាប់

ក្រសួងពាណិជ្ជកម្មថៃ កំពុងឡើងប្រតិទិនសម្រាប់រៀបចំអង្គប្រជុំមួយ ជាមួយនាយកដ្ឋានជលផលនៃប្រទេសនេះ សម្រាប់ វាយតម្លៃចំពោះផលប៉ះពាល់ របស់បណ្តាសកម្មភាពនេសាទត្រីខុសច្បាប់ នេសាទត្រីមិនរាយការណ៍ និងមិនត្រួតពិនិត្យ ចំពោះបណ្តាស្ថាប័នអាជីវកម្មក្នុងប្រទេស បន្ទាប់ពីទទួលបានពាក្យបណ្តឹង ស្តីអំពីលំហូរនាំចូលគ្រឿងជលផលពីបណ្តាប្រទេសជិតខាង។

BÁC SĨ DÙNG BIA CỨU NGƯỜI ĐƯỢC NHẬN

BẰNG KHEN CỦA THỦ TƯỚNG

លោកនាយករដ្ឋមន្ត្រី បានជូនប័ណ្ណសរសើរដល់វេជ្ជបណ្ឌិតយប៊ីយ៉ែរសង្គ្រោះមនុស្ស

ថ្មីៗនេះ លោកនាយករដ្ឋមន្ត្រី  Nguyễn Xuân Phúc បានសម្រេចចិត្តជូនប័ណ្ណសរសើរ ដល់លោកវេជ្ជបណ្ឌិត Lê Văn Lâm ដែលជាអ្នកបានជួយសង្គ្រោះអាយុជីវិតអ្នកជំងឺម្នាក់ រួចផុតពីក្តីស្លាប់ដោយបញ្ជូលប៊ីយ៉ែរ។

យោងដំណឹងពីគណៈកម្មាធិការប្រជាជនខេត្ត Quảng Trị បានដឹងថា លោកវេជ្ជបណ្ឌិត Lê Văn Lâm ជាប្រធានផ្នែកស្តារកម្លាំងឡើងិវិញនិងការពារពុល នៃមន្ទីរពេទ្យពហុព្យាបាលខេត្ត  Quảng Trị ទើបានទទួលប័ណ្ណសរសើរពីលោកនាយករដ្ឋមន្ត្រី។

បានដឹងថា លោកវេជ្ជបណ្ឌិត  Lâm  ជាអ្នកបានយកប៊ីយ៉ែរសម្រាប់ជួយសង្គ្រោះអ្នកជំងឺមួយរូប​ ដែលត្រូវពុលសុរាកាលពីពីចុងខែធ្នូឆ្នាំ ២០១៨។

ហើយបើយោងតាមដំណឹងនោះ គឺកាលពីព្រឹកថ្ងៃទី ២៥ខែធ្នូ ឆ្នាំ ២០១៨ មន្ទីរពេទ្យពហុព្យាបាលខេត្ត Quảng Trị  បានទទួលជួយសង្គ្រោះបន្ទាន់អ្នកជំងឺឈ្មោះ​Nguyễn Văn Nhật (ស្នាក់នៅក្នុងស្រុក Triệu Phong, នៃខេត្ត Quảng Trị) កំពុងសន្លប់បាត់ស្មារតី និងស្ថិតក្នុងស្ថានភាពគ្រោះថ្នាក់យ៉ាងខ្លាំង អាចផុតដង្ហើមគ្រប់ពេលវេលា។

ហើយវេជ្ជបណ្ឌិតបានធ្វើការវិភាគ និងវិនិច្ឆ័យរោគថា អ្នកជំងឺត្រូវពុលដោយជាតិ methanol មាននៅក្នុងសុរា។ លទ្ធផលបន្ទាប់ពីធ្វើតេស្តឃើញថា ចំនួនជាតិ methanol នៅក្នុងឈា្មគឺ 2.100 mg ក្នុងមួយលីត្រ គឺច្រើនជាង ១០ដង នៃកំរិតត្រូវពុល។

ភ្លាមនោះ ដើម្បីជួយសង្គ្រោះបន្ទាន់អាយុជីវិតអ្នកជំងឺ ដែលកំពុងស្ថិតក្នុងស្ថានភាពគ្រោះថ្នាក់ខ្លាំងនោះ លោកវេជ្ជបណ្ឌិត  Lâm  បានសម្រេចយកប៊ីយ៉ែរចំនួន ៣​កំប៉ុង (សរុបទាំងអស់ ៩៩០ម.ល) សម្រាប់បញ្ជូលក្នុងក្នុងបំពង់រំលាយអាហាររបស់អ្នកជំងឺ។ បន្ទាប់មក ក្នុងមួយម៉ោង ត្រូវបញ្ជូលប៊ីយ៉ែរមួយកំប៉ុង។

បន្ទាប់ពីបញ្ជូលបបាន ១៥កំប៉ុង (គឺជិត ៥លីត្រ) គួបផ្សំនឹងការចម្រោះឈាម និងព្យាបាលយ៉ាងសកម្មនោះ អ្នកជំងឺនេះ ក៏បានរួចផុតពីស្ថានភាពគ្រោះថ្នាក់ សុខភាពបានស្តារឡើងវិញជាបណ្តើរៗ និងបានចេញពីមន្ទីរពេទ្យ។

បានដឹងថា កាលនោះ វិធីព្យាបាលនេះត្រូវទទួលការប្រកែកគ្នាយ៉ាងខ្លាំង។ ប៉ុន្តែ លោកវេជ្ជបណ្ឌិត Lâm ក៏បានអនុវត្តដោយជោគជ័យ និងបានជួយសង្គ្រោះបន្ទាន់អាយុជីវិតអ្នកជំងឺ៕

 

 

VOH

Bình luận

Đọc Báo