ព័ត៌មាននៅក្នុងប្រទេស

១.ចរចារអំពីគោលនយោបាយការពារជាតិ ថ្នាក់អនុរដ្ឋមន្ត្រីរវាងប្រទេសវៀតណាមនិងកូរ៉េខាងត្បូងលើកទី ៧

ថ្មីៗនេះ លោក Nguyễn Chí Vịnh ជាអនុរដ្ឋមន្ត្រីក្រសួងការពារជាតិ នៃសាធារណរដ្ឋសង្គមនិយមវៀតណាម និងលោក Suh Choo Suk ជាអនុរដ្ឋមន្ត្រីក្រសួងការពារជាតិ នៃប្រទេសកូរ៉េខាងត្បូង អមជាមួយនូវគណៈប្រតិភូនៃប្រទេសទាំងពីរ បានមានកិច្ចចរចារ អំពីគោលនយោបាយការពារជាតិវៀតណាម-កូរ៉េខាងត្បូងលើកទី ៧។

នៅក្នុងកិច្ចប្រជុំ ភាគីទាំងពីរបានឯកភាពគ្នាថា​ រយៈពេលខាងមុខ នឹងបន្តរក្សា និងពង្រឹងបណ្តាលទ្ធផលដែលភាគីទាងពីរសម្រេចបាន​,  ក្នុងនោះ ផ្តោតទៅលើការបង្កើនកិច្ចសហប្រតិបត្តិការ ទៅលើផ្នែកឧស្សាហកម្មការពារជាតិ, កិច្ចការនានាដែលពាក់ព័ន្ធដល់ការរក្សាសន្តិសុខរបស់អង្គការសហប្រជាជាតិ, បណ្តាវេទិការពហុភាគី Shangrila និងកិច្ចចរចារ Seoul។

២.ជូនទឹកផឹកឥតយកថ្លៃ ចំពោះកម្មករបានចូលរួមទស្សនាបាលទាត់ផ្ទាល់នៅក្នុងអាគារវប្បធម៌ពលកម្ម

នៅវេលាម៉ោង ៧ ថ្ងៃទី ១៥ខែធ្នូ សហព័ន្ធពលកម្មទីក្រុង នឹងរៀបចំឲ្យកម្មករ និងនិយោជិតនៅក្នុងទីក្រុងហូជីមិញ បានទស្សនាផ្ទាល់បាលទាត់វគ្គផ្តាច់ព្រ័ត្ត រវាងក្រុមជំរើសជាតិវៀតណាម និងក្រុមជំរើសជាតិនៃប្រទេសម៉ាឡេស៊ី។

តាមការប៉ាន់ស្មាន នឹងមានកម្មករ និងនិយោជិតរបស់ទីក្រុងប្រមាណ ១.០០០នាក់  បានអញ្ចើញមកទីលានប្រកួតពហមុខងារ នៅក្នុងអាគារវប្បធម៌ពលកម្មទីក្រុង អាស័យដ្ឋានលេខ 55B ផ្លូវ Nguyễn Thị Minh Khai ខណ្ឌលេខ ១ ។

៣.ឥណទានគោលនយោបាយសង្គម បានជំនួយដល់ ១៤៩.០០០ក្រុមគ្រួសារក្រីក្រ និងស្ថិតនៅបន្ទាត់ក្រីក្រ

គណៈកម្មាធិការប្រជាជនទីក្រុងហូជីមិញ បានមានសេចក្តីរាយការណ៌​ អំពីលទ្ធផលនៃការអនុវត្តឥណទានគោលនយោបាយសង្គម តាមសារាចរណែនាំលេខ 40-CT/TW ចុះឆ្នាំ ២០១៤ របស់គណៈលេខា និងសេចក្តីសម្រេចលេខ 410 ចុះឆ្នាំ 2016 របស់លោកនាយករដ្ឋមន្ត្រី។

យោងតាមនោះ ក្នុងប៉ុន្មានឆ្នាំកន្លងមកនេះ ព្រមជាមួយការអនុវត្តបណ្តាគោលនយោបាយសុខុមាលភាពសង្គមរបស់ទីក្រុងនោះ គឺប្រភពដើមទុនអតិភាព ពីធនាគារគោលនយបាយសង្គម បានជួយឲ្យប្រជាជនក្រីក្រ ប្រជាជនស្ថិតនៅបន្ទាត់ក្រីក្រ និងអ្នកស្ថតិក្នុងរបបគោនយោបាយជិត ១៤៩.០០០ក្រុមគ្រួសារនៅក្នុងទីក្រុងហូជីមិញ បានបណ្តាក់ទុន និងប្រកបរបរ។ ប្រការនេះ បានរួមចំណែកជួយបង្កើនប្រាក់ចំណូលជូនដល់ប្រជាជនចំនួន ៣៥.០០០ក្រុមគ្រួសារ បានរួចផុតពីភាពក្រីក្រដំណាក់កាលពីឆ្នាំ 2016-2020;ជូនការងារធ្វើដល់ពលករជិត 65.000 ; ឧបត្ថម្ភដល់ប្រជាជនត្រូវដកហូតផ្ទៃដីឡើងវិញជាង ២.០០០ក្រុមគ្រួសារ បានមានដើមទុនរកស៊ី…។

៤.ផលិតផលសម្រកទំងន់ច្រើនប្រភេទត្រូវគេធ្វើក្លែងក្លាយ

នាយកដ្ឋានសុវត្ថិភាពអាហារទីក្រុងបានរកឃើញទំព័រវែបសៃលើបណ្តាញសង្គមជាច្រើន បានផ្សព្វផ្សាយ និងលក់ផលិតផលការពារសុខភាព មានការបញ្ចាក់ត្រឹមត្រូវ និងសុវត្ថិភាព។ក៏ប៉ុន្តែ បន្ទាប់ពីធ្វើការពិនិត្យ នាយកដ្ឋាននេះបានអំណះអំណាងថា មិនបានផ្តល់លិខិតទទួលស្គាល់ដល់ផលិតផលទាំងនេះ។

ហើយដើម្បីសុវត្ថិភាពដល់សុខភាពអ្នកប្រើប្រាស់ នាយកដ្ឋានសុត្ថិភាពអាហារទីក្រុង បានផ្តល់អនុសាសន៌ដល់អ្នកប្រើប្រាស់ថា មិនត្រូវទិញផលិតផលបានផ្សាយដូច្នេះ។ ករណីបើសិនជារកឃើញអង្គភាព ឬ​បុគ្គលណា បានលក់ដូរផលិតផលដែលមានបានរៀបរាប់នេះ សូមជូនដំណឹងដល់ស្ថាប័នមានសមត្ថកិច្ចភ្លាម។

ព័ត៌មានអន្តរជាតិ

៥.សេដ្ឋកិច្ចនៃប្រទេសជប៉ុនត្រូវធ្លាក់ចុះខ្លាំង

ក្នុងត្រីមាសទី ៣ ​នេះ សេដ្ឋកិច្ចនៃប្រទេសជប៉ុនត្រូវធ្លាក់ចុះច្រើនបំផុតបើប្រៀបធៀបនឹងរយៈពេលជាង ៤​ឆ្នាំកន្លងទៅ នៅពេលបណ្តាក្រុមហ៊ុនក្នុងប្រទេសនេះ បានកាត់បន្ថយការចាយវាយ។

ប្រការនេះ បានកុំរៀមកំហែងអាចប៉ះពាល់ដល់ការវិនិយោគក្នុងឆ្នាំ ២០១៩ នៅពេលដែលប្រទេសនេះ កំពុងជួបលំបាកខ្លាំង ចំពោះកំណើនលើទូទាំងពិភពលោក និងយឺតយ៉ាវក្នុងខាងទំនាក់ទំនងពាណិជ្ជកម្ម។

៦.ក្រោយគ្រោះថ្នាក់ធ្លាក់យន្តហោះក្នុងខែវិច្ឆិកា ក្រុមហ៊ុនអាកាសចរណ៌ Lion Air ត្រូវថយថយចំនួនអ្នកជិះចំនួន ៥%

ក្រុមហ៊ុអាកាសចរណ៌តម្លៃថោក Lion Air នៃប្រទេសឥណ្ឌូណេស៊ី បានឲ្យដឹងថា ចំនួនអតិថិជនរបស់ក្រុមហ៊ុននេះក្នុងខែវិច្ឆិកាត្រូវថយចំនួនចុះជាង ៥% បើប្រៀបធៀបនឹងរយៈពេលដូចគ្នាកាលពីឆ្នាំទៅ មូលហេតុគឺមកពីគ្រោះថ្នាក់ធ្លាក់យន្តហោះកាលពីខែតុលា បណ្តាលឲ្យមនុស្សចំនមួន ១៨៩នាក់ត្រូវស្លាប់បាត់បង់ជីវិត។

៧.អ្នកនេសាទស្ទូចបានថង់ថ្នាំញៀនកូកាអ៊ីន

អ្នកនេសាទមួយរូបនៅតំបន់កោះ Marshall ដែលជាកោះមួយស្ថិតនៅកណ្តាលប្រទេស Philippines និងកោះ Hawaii នៅពេលកំពុងស្ទូចត្រី ស្រាប់តែស្ទូចបានថង់ធំមួយ ខាងក្នុងមានម្សៅព័ណ៌ស។ បន្ទាប់មកអ្នកនេសាទនេះក៏ទូរស័ព្ទមកប្រាប់ប៉ូលីស ហើយក្រោយពេលពិនិត្យ គឺម្សៅព័ណ៌សនេះគឺជាគ្រឿងញៀនកូកាអ៊ីនចំនួន ៤៨គីឡូក្រាម មានតម្លៃដល់ទៅជាង ៤លានដុល្លារអាមេរិកឯណោះ។