ថ្មីៗនេះ នៅឯទីស្នាក់ការក្រសួងការពារប្រទេស នៅរដ្ឋធានីហាណូយ បានប្រារព្ធអង្គប្រជុំលើកដំបូង របស់ក្រុមអន្តរក្រសួងរបស់ប្រទេសវៀតណាម ស្តីអំពីកិច្ចការចូលរួមសកម្មភាពរក្សាសន្តិភាពនៃអង្គការសហប្រជាជាតិ។ជាប្រធាននិងដឹកនាំអង្គប្រជុំ លោក Nguyen Chi Vinh ជាអនុរដ្ឋមន្ត្រីក្រសួងការពារជាតិនិងជាប្រធានក្រុមអន្តរក្រសួង ចូលរួមក្នុងសម្មភាពរក្សាសន្តិសុខ បានអះអាងថា៖ នេះជាពេលវេលាដ៏សំខាន់មួយ ដោយសារនេះជាលើកដំបូង ដែលប្រទេសវៀតណាម បានបញ្ជូនមន្ទីរពេទ្យចល័តកំរិតទីពីរ ចូលរួមក្នុងសកម្មភាពសន្តិភាពនៅឯបរទេស។ មកដល់ពេលនេះ រាល់ស្តង់ដារដែលកំណត់ដោយអង្គការសហប្រជាជាតិ ត្រូវភាគីវៀតណាម សម្រេចយ៉ាងគ្រប់គ្រាន់ យ មន្ទីរពេទ្យចល័តនេះ​អាចចេញដំណើរគ្រប់ពេវេលា ដើម្បីជួយប្រជាជននៅតាមប្រទេសនានា តាមការបញ្ជារបស់អង្គការសហប្រជាជាតិ។ ទន្ទឹមនឹងដំណើរការមន្ទីរពេទ្យចល័តដំបូងនេះ គឺមន្ទីរពេទ្យចល័តកំរិតទីពីរ លើកទីពីរ ក៏ត្រូវបានរៀបចំ ដើម្បីបញ្ជូនធ្វើបេសកម្មនៅឯបរទេស។ តាមផែនការដែលបានកំណត់ជាមុន ពិធីចេញដំណើរ បញ្ជូនមន្ទីរពេទ្យចល័ត ដើម្បីបំពេញបេសកម្មនៅឯប្រទេសស៊ុយដង់ខាងត្បូង នឹងត្រូវបានរៀបចំឡើងនៅឯព្រលានយន្តហោះអន្តរជាតិ Tan Son Nhat នៃទីក្រុងហូជីមិញ នៅថ្ងៃទី ១ ខែតុលា៕